ສະຫາຍ ສີສະ​ຫວາດ ວົງ​ສະ​ຜ່າຍ  ເລຂາ​ໜ່ວຍ​ພັກນາຍ ບ້ານ​ນາ​ຄໍາ ເມືອງ​ສີ​ໂຄດ​ຕະ ບອງ ນະຄອນຫຼວງ​ວຽງ​ຈັນ ໄດ້​ໃຫ້​ສໍາ​ພາດ ຕໍ່​ນັກ​ຂ່າວ​ໜັງສືພິມ​ປະຊາຊົນ​ເມື່ອ​ວັນ​ທີ 13 ມີນາ​ຜ່ານ​ມາ ທີ່​ຫ້ອງການ​ບ້ານ​ນາ​ຄໍາ ຊຶ່ງ​ສະຫາຍ ໄດ້​ສະແດງ​ຄວາມ​ຮູ້​ສຶກວ່າ: ພາຍ​ໃຕ້​ການນໍາ​ພາ ທີ່​ສະຫຼາດສ່ອງ​ໃສ​ຂອງ​ພັກ; ໜ່ວຍ​ພັກ​ບ້ານ​ນາ​ຄໍາ​ເປັນ​ໜ່ວຍ​ພັກ​ຮາກ​ຖານ ຂຶ້ນ​ກັບອົງຄະ​ນະ​ພັກ ເມືອງ​ສີ​ໂຄດ​ຕະ​ບອງ. ພາຍ​ໃນ​ບ້ານ​ແມ່ນ​ໄດ້​ເຕົ້າໂຮມ​ຄວາມ​ສາ​ມັກຄີ​ເປັນ​ປຶກ​ແຜ່ນ​ຢ່າງ​ແໜ້ນ​ແຟ້ນເຂົ້າ​ໃນ​ການ​ສ້າງເສດຖະກິດ​ກຸ້ມ​ຕົນ​ເອງ, ເພິ່ງ​ຕົນ​ເອງ ແລະ ສ້າງ​ຄວາມ​ເຂັ້ມແຂງ ໄປ​ຄຽງ​ຄູ່​ກັບ​ການ​ຮັກສາ​ຄວາມສະຫງົບ, ຄວາມ​ເປັນ​ລະບຽບ​ຮຽບຮ້ອຍ​ໃນ​ທົ່ວ ສັງຄົມ​ອັນ​ເຮັດ ໃຫ້​ປະຊາຊົນ​ໄດ້​ທໍາ​ມາ​ຫາ​ກິນ, ຍົກ​ລະດັບ​ຊີວິດ​ການ​ເປັນ​ຢູ່​ຂອງ​ປະຊາຊົນ ໂດຍ​ສະເພາະ ໃຫ້​ມີ​ວຽກ​ເຮັດ​ງານ​ທໍາ​ມີ​ລາຍ​ໄດ້​ທີ່​ໝັ້ນ​ຄົງສ້າງ​ລາຍ​ຮັບ​ເຂົ້າ​ຄອບ​ຄົວ ຊຶ່ງ​ສະແດງ​ອອກ​ບ້ານ​ໄດ້ຮັບ​ນາມມະຍົດ ເປັນ ບ້ານ​ແບບຢ່າງ ດ້ານ​ສາທາ  ລະນະ​ສຸກ​ຂັ້ນ​ຕົ້ນ, ບ້ານ​ວັດ​ທະ​ນະ​ທໍາ, ບ້ານ​ປ້ອງ​ກັນ​ຄວາມ​ສະ ຫງົບ, ບ້ານ​ປອດ​ຄະດີ ແລະ ບ້ານ ພັດທະນາ ນັບ​ແຕ່​ປີ 2010 ເປັນຕົ້ນ​ມາ.
    ສະເພາະ​ໜ່ວຍ​ພັກ​ບ້ານ​ໄດ້​ຮັບ​ນາມມະຍົດ​ເປັນ​ໜ່ວຍ​ພັກ​ແຂງ​ຮູ້​ນໍາ​ພາ​ຮອບດ້ານ​ໃນ​ປີ 2008 ແລະ ໃນ​ສົກ​ປີ 2018-2019ໄດ້​ເປັນ​ໜ່ວຍ​ພັກ​ປອດ​ໃສ, ເຂັ້ມແຂງ ແລະ ໜັກ​ແໜ້ນ; ປັດຈຸ​ບັນ​ມີ​ສະມາຊິກພັກ​ທັງ​ໝົດ 18 ສະຫາຍ, ຍິງ 10 ສະ​ຫາຍ; ມີ​ຄະນະ​ພັກ 3 ສະຫາຍ, ຍິງ 1 ສະ​ຫາຍ; ບ້ານ​ນາ​ຄໍາ​ມີ​ເນື້ອທີ່​ທັງ​ໝົດ 285.339 ຕາ​ແມັດ, ປະກອບ​ມີ 23 ໜ່ວຍ, ມີ 473 ຫຼັງຄາ​ເຮືອນ, ມີ 272 ຄອບຄົວ, ມີ​ພົນລະເມືອງ 1.350 ຄົນ, ຍິງ 672 ຄົນ, ອາ ຊີບ​ຂອງ​ປະຊາຊົນສ່ວນ​ໃຫ​ຍ່ ​ແມ່ນ​ຢຶດ​ຖື​ເອົາ​ການ​ຄ້າຂາຍ ແລະ ບໍລິການ, ເປັນພະນັກ​ງານ​-​ລັດຖະກອນ, ລັດ​ວິ​ສາ​ຫະ​ກິດ​ສ່ວນ​ບຸກ​ຄົນ. ພາຍ​ໃນ​ບ້ານ​ມີ​ຫົວໜ່ວຍ​ທຸລະ​ກິດ ການ​ຄ້າຂາຍ ແລະ ບໍລິການ​ມີ 24 ຫົວໜ່ວຍ​ພື້ນຖານ, ມີ​ເຮືອນ​ພັກ 2 ແຫ່ງ, ໂຮງແຮມ 5 ແຫ່ງ, ອາພາດ​ເມັ້ນ 6 ແຫ່ງ ແລະ ຮ້ານ​ອາຫານ 6 ແຫ່ງ. ລາຍ​ຮັບ (GDP) ຂອງ​ປະຊາຊົນ​ເທົ່າ​ກັບ 3.000 ໂດ​ລາ​ຕໍ່​ຄົນ/ປີ, ທຽບໃສ່ 3 ປີຜ່ານມາ​ເພີ່ມ​ຂຶ້ນ 50 ໂດ​ລາ​ຕໍ່​ຄົນ/ປີ.  ອັນ​ພົ້ນ​ເດັ່ນ​ຂອງ​ໜ່ວຍ​ພັກ ບ້ານ​ດັ່ງກ່າວ​ແມ່ນ​ວຽກ​ງານ​ການ​ສຶກສາ​ປຸກລະ ດົມຊຸກຍູ້​ໃຫ້​ເດັກນ້ອຍ​ໃນເກນ​ອາຍຸ​ທີ່​ຄົບ​ເງື່ອນໄຂ​ເຂົ້າ​ຮຽນ​ຊັ້ນປະຖົມ​ໄດ້ 100% ທຽບໃສ່​ແນວທາງ​ທີ່​ກະຊວງ​ສຶກສາໄດ້​ວາງ​ອອກ​ແມ່ນ​ປະຕິບັດ​ໄດ້ 100% ສາມາດ​ລຶບ​ລ້າງການ​ກືກ​ໜັງສື​ໄດ້​, ໃນ​ປີ 2010 ສາ ມາດ​ລຶບ​ລ້າງ​ການ​ກືກ​ໜັງສືຂັ້ນ​ ປະຖົມ, ປີ 2013 ສາມາດລຶບ ​ລ້າງ​ການ​ກືກ​ໜັງສື​ໄດ້​ຂັ້ນ​ມັດ ທະຍົມ​ຕົ້ນ. ພ້ອມ​ກັນ​ນັ້ນ, ໄດ້​ຊຸກຍູ້​ກ່ຽວ​ກັບ​ການ​ຮຽນ​-​ການ​ສອນ, ຕິດຕາມ ແລະ ແກ້​ໄຂບັນ ຫາ​ການ​ປະລະ​ການ​ຮຽນໄດ້​ເປັນ​ຢ່າງ​ດີ.
   ເນື່ອງ​ໃນ​ໂອກາດ​ວັນ​ສ້າງຕັ້ງ ພັກ​ປະຊາຊົນ ປະຕິວັດ​ລາວ ຄົບຮອບ 65 ປີ ໃນ​ວັນ​ທີ 22 ມີນາ ໃນ​ນາມ​ສ່ວນ​ຕົວ​ກໍ​ຄື​ຕາງໜ້າ​ປະຊາຊົນ​ບ້ານ​ນາ​ຄໍາ ທຸກ​ຖ້ວນ​ໜ້າ ຂໍ​ອວຍພອນ​ໄຊ​ອັນປະເສີດ​ມາ​ຍັງ​ບັນດາ​ທ່ານ​ຜູ້​ນໍາ​ພັກ​-​ລັດ ຈົ່ງ​ໝັ້ນຍືນມີ​ສຸ ຂະພາບ​ເຂັ້ມແຂງ ມີ​ຄວາມ​ຜາ​ສຸກໃນ​ຊີວິດ​ສ່ວນ​ຕົວ ແລະ ຄອບຄົວ; ສືບຕໍ່​ຊີ້​ນໍາ-ນໍາ​ພາ​ ປວງ​ຊົນ​ລາວ​ບັນດາເຜົ່າສ້າງ ສາ​ພັດທະນາ​ປະເທດຊາດ​ກ້າວ​ຂຶ້ນ​ຢ່າງ​ບໍ່​ຢຸດ​ຢັ້ງ ແລະ ນໍາພາ​ ປະເທດ​ຊາດ​ຫຼຸດ​ພົ້ນອອກ ​ຈາກ​ສະຖານະ​ຄວາມ​ດ້ອຍພັດທະ ນາ, ພັກ​ປະຊາຊົນ​ປະຕິວັດ​ລາວ ທີ່​ມີ​ກຽດ​ສະຫງ່າ ຈົ່ງ​ໝັ້ນ​ຍືນ.