ໜັງສືພິມ ປະຊາຊົນ

ເຊີດຊູບົດບາດ ແລະ ຄວາມສາມາດນຳພາຂອງພັກ

ເຜີຍແຜ່ໂດຍ: ທ່ານ ວິໄລສັກ ສໍພາບມີໄຊ ເວລາ: 14/05/2020 09:44:17 ຈຳນວນຢ້ຽມຊົມ 6194 ຄັ້ງ

(ຄັດຈາກເອກະສານຄົ້ນຄວ້າຮ່ຳຮຽນໃນໂອກາດ ຄົບຮອບ 50 ປີ
ສ້າງຕັ້ງພັກປະຊາຊົນ ປະຕິວັດລາວ 22/3/1955-22/3/2005)

ກ. ຄວາມຈຳເປັນທີ່ຕ້ອງເຊີດຊູບົດບາດ ແລະ ຄວາມສາມາດນຳພາຂອງພັກ:
- ຍ້ອນພັກເຮົາ ມີຄວາມຮັບຜິດຊອບຕໍ່ຊາຕາກຳຂອງປະເທດຊາດ ກໍຄືພາລະກຳປະ ຫວັດສາດທີ່ປະຊາຊົນບັນດາ ເຜົ່າມອບໝາຍໃຫ້, ປະທານ ຄໍາໄຕ ສີພັນດອນ ໄດ້ເນັ້ນໜັກກ່ຽວກັບບັນຫາດັ່ງກ່າວວ່າ: “ພັກປະຊາຊົນປະຕິວັດລາວ ແມ່ນພັກການເມືອງຂອງຊົນຊັ້ນກາໍມະກອນ ແລະ ຊາວຜູ້ອອກແຮງງານລາວ .... ພັກເປັນຜູ້ນໍາພາທົ່ວສັງຄົມ, ດັ່ງນັ້ນ ພັກຕ້ອງຍົກສູງຄວາມຮູ້ຄວາມສາມາດຂອງຕົນໃຫ້ສູງຂຶ້ນຢ່າງບໍ່ຢຸດຢັ້ງ” .
- ການເຊີດຊູບົດບາດ ແລະ ຄວາມສາມາດນໍາພາຂອງພັກ ແມ່ນເພື່ອຮັບປະກັນທິດກ້າວຂຶ້ນສູ່ສັງຄົມນິຍົມ, ບົນພື້ນຖານການພັດທະນາປະເທດໃຫ້ຂະຫຍາຍຕົວດ້ວຍຈັງຫວະໄວ ແລະ ຕໍ່ເນື່ອງຢ່າງໝັ້ນທ່ຽງ ພາປະເທດຊາດຫຼຸດພົ້ນຈາກຄວາມດ້ອຍພັດທະນາ ນໍາເອົາຜົນປະໂຫຍດ ແລະ ຄວາມສົມບູນພູນສຸກມາໃຫ້ແກ່ປະຊາຊົນ, ຮັບປະກັນຄວາມໝັ້ນຄົງຂອງຊາດ ແລະ ການຂະຫຍາຍຕົວກ້າວຂຶ້ນຢ່າງ ໜັກແໜ້ນພາຍໃຕ້ກະແສໂລ ກາພິວັດ.
ຂ. ປັບປຸງ ແລະ ເພີ່ມທະວີການນໍາພາຂອງພັກ: ຈະຕ້ອງສຸມໃສ່:
1. ຕ້ອງເພີ່ມທະວີຍົກລະດັບຄວາມຮູ້ຂອງຕົນກ່ຽວກັບແນວທາງລວມຂອງພັກ, ກ່ຽວກັບສະພາບຈຸດພິເສດຂອງຂະແໜງການ ແລະ ທ້ອງຖິ່ນຂອງຕົນກ່ຽວກັບເຕັກນິກວິຊາການຕ່າງໆໃຫ້ດີ ແລະ ມີຄວາມສາມາດຫັນເອົາແນວທາງຂອງພັກເປັນແຜນການວຽກງານລະອຽດ ເພື່ອຈັດຕັ້ງປະຕິບັດໃຫ້ເກີດໝາກເກີດຜົນ.
2. ຕ້ອງເຄື່ອນໄຫວເຮັດວຽກງານການເມືອງ-ແນວຄິດ ຕັ້ງໜ້າຕື່ມອີກດ້ວຍເນື້ອໃນ, ຮູບການ, ວິທີການອັນແຫຼມຄົມ, ແທດເໝາະກັບແຕ່ລະເປົ້າໝາຍ, ແຕ່ລະຂົງເຂດ ແລະ ຂະແໜງການ, ປະກອບສ່ວນເຮັດໃຫ້ວຽກງານເຫຼົ່ານັ້ນສໍາເລັດຜົນ. ໝາຍຄວາມວ່າ ເຮັດໃຫ້ການໂຄສະນາສຶກສາອົບຮົມຕິດພັນສະໜິດແໜ້ນ ກັບການເຄື່ອນໄຫວປະຕິບັດ ຕົວຈິງ.
3. ຄະນະພັກທຸກຂັ້ນ ຕ້ອງເອົາໃຈໃສ່ກາໍແໜ້ນ, ປັບປຸງລະບົບການຈັດຕັ້ງໃຫ້ສອດຄ່ອງ, ກະທັດຮັດ, ມີຄຸນນະພາບ ແລະ ຄຸ້ມຄອງນາໍໃຊ້ພະນັກງານໃນກົງຈັກຢ່າງມີປະສິດທິຜົນ.
4. ຕ້ອງເອົາໃຈໃສ່ຕິດ ຕາມຊີ້ນໍາ-ນໍາພາ ແລະ ກວດ ກາການເຄື່ອນໄຫວຂອງອົງ ການລັດ, ອົງການຈັດຕັ້ງມະ ຫາຊົນ ແລະ ທົ່ວສັງຄົມກ່ຽວກັບການປະຕິບັດແນວທາງແຜນນະໂຍບາຍຂອງພັກ, ລະບຽບກົດໝາຍຂອງລັດຢ່າງເປັນປະຈຳ; ຊອກໃຫ້ເຫັນປັດໄຈ, ໜໍ່ແໜງໃໝ່ ເພື່ອເສີມຂະຫຍາຍ ກໍຄືຂໍ້ຫຍຸ້ງຍາກ, ສິ່ງກົດໜ່ວງໃນການຈັດຕັ້ງປະຕິບັດເພື່ອຜ່ານຜ່າແກ້ໄຂ.
5. ສະມາຊິກພັກແຕ່ລະ ຄົນ ຕ້ອງເປັນແບບຢ່າງທີ່ດີໃນການປະຕິບັດກົດລະບຽບຂອງພັກກົດໝາຍຂອງລັດ, ປະຕິບັດໜ້າທີ່ວິຊາສະເພາະຂອງໃຜລາວ ແລະ ການດໍາລົງຊີວິດໃຫ້ປອດໄສຂາວສະອາດ ເປັນທີ່ນັບຖື, ເຊື່ອໝັ້ນ ແລະ ໄວ້ວາງໃຈຂອງມະຫາຊົນ, ອຸດົມການ ແລະ ແນວທາງຂອງພັກ ຈະຖືກຕ້ອງປານໃດກໍຕາມ; ຖ້າສະມາຊິກພັກ ບໍ່ເປັນແບບຢ່າງ ໃນພາກປະຕິບັດການກະທາໍແລ້ວ ຜົນສໍາເລັດຈະບໍ່ເກີດຂຶ້ນໄດ້, ອິດທິພົນບົດບາດຂອງພັກຈະບໍ່ໄດ້ຮັບການເຊີດຊູ.
ຄ ເພີ່ມທະວີການນໍາພາຂອງພັກຕໍ່ລັດ, ເພີ່ມຄວາມສັກສິດຂອງການຄຸ້ມຄອງລັດ:
- ໃນເງື່ອນໄຂທີ່ພັກເຮົາເປັນພັກກຳອໍານາດ ແລະ ມີຄວາມຮັບຜິດຊອບຕໍ່ທ່ົວສັງຄົມ ການ ເພີ່ມທະວີການນຳພາຂອງພັກຕ້ອງສະແດງອອກ ກ່ອນອື່ນໝົດໃນການເພີ່ມທະວີການນໍາພາຕໍ່ອົງການລັດ ຄື:
+ ພັກຜ່ານລັດ ເພື່ອນຳພາໃນທຸກຂົງເຂດຊີວິດສັງຄົມ. ນາໍພາລັດ ເພື່ອໃຫ້ລັດຫັນແນວ ທາງຂອງພັກເປັນແຜນການ, ເປັນໂຄງການດຳເນີນງານ ແລະ ເປັນນະໂຍບາຍລະອຽດຂອງ ລັດ ເພື່ອໃຫ້ປະຊາຊົນພົນລະ ເມືອງປະຕິບັດ.
+ ພັກຕ້ອງນາໍພາລັດໃຫ້ປະຕິບັດສິດອາໍນາດຂອງຕົນຢ່າງຖືກຕ້ອງ.
+ ພັກນາໍພາລັດ ເພື່ອຮັບ ປະກັນໃຫ້ແນວທາງພື້ນຖານ ແລະ ອຸດົມຄະຕິຂອງພັກຖືກ ຫັນເປັນລັດຖະທໍາມະນູນ ແລະ ກົດໝາຍຂອງລັດຢ່າງຖືກ ຕ້ອງ, ສອດຄ່ອງ ຊຶ່ງສະມາຊິກພັກ ກໍຄືພັກຕ້ອງໄດ້ເຄົາລົບ ແລະ ເຄື່ອນໄຫວພາຍໃຕ້ຂອບເຂດຂອງລັດຖະທໍາມະນູນ ແລະ ກົດໝາຍ.
ງ. ພັກນຳພາການເສີມຂະຫຍາຍສິດເປັນເຈົ້າຂອງປະຊາຊົນ:
- ການເສີມຂະຫຍາຍສິດເປັນເຈົ້າຂອງປະຊາຊົນ ເປັນບັນຫາພື້ນຖານຂອງພາລະກິດ ປະຕິວັດຢູ່ປະເທດເຮົາ, ທັງແມ່ນໜ້າທີ່ສໍາຄັນຂອງພັກເຮົາກໍຄືຂອງຄະນະພັກທຸກຂັ້ນ ແລະ ສະມາຊິກພັກແຕ່ລະຄົນ ໄດ້ລະບຸໄວ້ຢ່າງຄົບຖ້ວນໃນລັດຖະທໍາມະນູນ ແຫ່ງ ສປປ ລາວ.
- ເສີມຂະຫຍາຍສິດເປັນເຈົ້າຂອງປະຊາຊົນໃນຕໍ່ໜ້ານີ້ຕ້ອງສຸມໃສ່ບາງດ້ານດັ່ງນີ້ :
1. ສຶກສາອົບຮົມປຸກລະ ດົມໃຫ້ປະຊາຊົນເປັນເຈົ້າ, ເຂົ້າຮ່ວມໃນວຽກງານປ້ອງກັນຊາດປ້ອງກັນຄວາມສະຫງົບ, ກ່ອນອື່ນໝົດ ແມ່ນການຮັກສາຄວາມສະຫງົບ, ຄວາມເປັນລະບຽບຮຽບຮ້ອຍພາຍໃນບ້ານຊ່ອງຂອງຕົນບໍ່ໃຫ້ມີພວກຄົນບໍ່ດີເຄື່ອນໄຫວ, ສະກັດກັ້ນ ແລະ ກ ໍາຈັດ ການລັກຂະໂມຍ, ການຄ້າຂາຍຢາເສບຕິດ ແລະ ຂອງເຖື່ອນ, ບໍ່ໃຫ້ມີການຫຼິ້ນພະນັນ ແລະ ອື່ນໆ.
2. ສຶກສາອົບຮົມ ແລະ ປຸກລະດົມ ຈັດຕັ້ງປະຊາຊົນທໍາການຜະລິດເປັນສິນຄ້າ,ຍຸດ ຕິການຖາງປ່າເຮັດໄຮ່ ແລະ ລຶບລ້າງການຜະລິດແບບຕາມ ທຳມະຊາດເປັນກ້າວໆ. ອັນພື້ນຖານແມ່ນສຸມໃສ່ຜະລິດເຂົ້າໃຫ້ພໍກິນ, ມີສ່ວນແຮໄວ້ ແລະ ຂາຍອອກ ດ້ວຍການເຮັດກະເສດສຸມ ຍົກສະມັດຖະພາບຜົນຜະລິດໃຫ້ສູງຂຶ້ນ; ພ້ອມກັນນັ້ນກໍປູກພືດອັນອື່ນ, ລ້ຽງສັດເປັນສິນຄ້າ ສ້າງລາຍໄດ້ເຂົ້າຄອບຄົວ ແລະ ປັບປຸງຊີວິດການເປັນຢູ່ໃຫ້ດີຂຶ້ນເລື້ອຍໆ.
3. ສຶກສາອົບຮົມ, ປຸກລະ ດົມບັນດາຊັ້ນຄົນ ແລະ ພາກ ສ່ວນເສດຖະກິດຕ່າງໆ ປະ ກອບສ່ວນຊຸກຍູ້ສົ່ງເສີມການຜະລິດ ແລະ ການບໍລິການຢູ່ພາຍໃນໃຫ້ຂະຫຍາຍຕົວ ແລະ ເປັນສິນຄ້າຂາຍອອກ ສະນັ້ນຕ້ອງມີນະໂຍບາຍ, ມີມາດຕະການສົ່ງເສີມການຜະລິດພາຍໃນໃຫ້ຂະຫຍາຍຕົວຢ່າງແຂງແຮງ ດ້ວຍການສົ່ງເສີມບົດບາດຂອງທຸກພາກສ່ວນເສດຖະກິດ ແລະ ຄອບຄົວ.
4. ສຶກສາອົບຮົມ, ປຸກລະ ດົມປະຊາຊົນບັນດາຊັ້ນຄົນ ປະ ກອບສ່ວນເຂົ້າໃນການກໍ່ສ້າງ, ປົກປັກຮັກສາບູລະນະຖະໜົນຫົນທາງ, ໂຮງຮຽນ, ໂຮງໝໍ, ສຸກສາລາ, ວັດວາອາຮາມ, ລະບົບຊົນລະປະທານ (ເໝືອງຝາຍ, ຈັກສູບນ້ໍາ, ອ່າງໂຕ່ງນາໍ້, ໜອງ, ຄູກັນນ້ຳ...), ນ້ຳສ້າງ, ນາໍ້ ບາດານ... ພ້ອມກັນນັ້ນ ກໍຮັກ ສາຄວາມສະອາດ ແລະ ເຮັດອະນາໄມພາຍໃນບ້ານ ຢູ່ກິນ ໃຫ້ຖືກຫຼັກສຸຂາພິບານ; ຮັກສາປ່າໄມ້, ສັດປ່າ ແລະ ສະພາບແວດລ້ອມທາໍມະຊາດອື່ນໆ.
5. ສຶກສາອົບຮົມປະຊາ ຊົນ ໃຫ້ມີຄວາມຖືກຕ້ອງປອງ ດອງກັນຢູ່ຮ່ວມກັນດ້ວຍຄວາມສາມັກຄີ ຮັກແພງ ແລະ ເອື້ອເຜື້ອຊ່ວຍເຫຼືອກັນ ພ້ອມພຽງກັນ ສ້າງສາພັດທະນາບ້ານຊ່ອງ, ລຶບລ້າງຄວາມອຶດຢາກຂາດ ເຂີນເປັນກ້າວໆ; ຮັກສາ ແລະ ເສີມຂະຫຍາຍມູນເຊື້ອວັດທະນະທໍາຂອງທ້ອງຖິ່ນ; ສ້າງບ້ານວັດທະນະທຳ ແລະ ຄອບຄົວວັດທະນະທໍາ, ແກ້ໄຂປະເພນີ ແລະ ແບບດໍາລົງຊີວິດທີ່ຫຼ້າຫຼັງງົມງວາຍ.