ໜັງສືພິມ ປະຊາຊົນ

ຜັກແວ່ນ, ແວ່ນ (ຜັກ)

ເຜີຍແຜ່ໂດຍ: ທ່ານ ສິດທິພອນ ຣາຊະພົນ ເວລາ: 20/12/2020 20:38:27 ຈຳນວນຢ້ຽມຊົມ 89295 ຄັ້ງ

ຊື່ວິທະຍາສາດ: Marsilea quadrifolia L.

ຕະກຸນ: PTERVDOPHYTA-MARSILEACEAE

ຄຸນລັກສະນະ: ເປັນພືດທີ່ນອນໃນຈໍາພວກຜັກກູດ, ຂະຫຍາຍພັນ ດ້ວຍສະປໍ, ອາໃສ່ຢູ່ໃນນ້ຳ ແລະ ເທີງບົກ, ມີລໍາເຫງົ້າຢູ່ໃຕ້ດິນ ຫຼື ຢູ່ໃນນໍ້າ, ເລືອຕາມຫນ້າດິນ ຫຼື ເລືອຕາມໜ້ານ້ຳ, ລໍາມີສີຂຽວ ຫຼື ສີນ້ຳຕານອ່ອນ, ມີຂົນສີຂາວ, ໃບເປັນໃບປະສົມມີໃບຍ່ອຍ 4 ໃບປົ່ງອອກຈາກຈຸດໃຈກາງດຽວກັນ ສີຂຽວກ້ຽງ ແລະ ໃບແກ່ມີສະປໍຈັບຢູ່ຂອບໃບ.

ຖິ່ນກໍາເນີດ ແລະ ວິທີປູກ: ພົບທົ່ວໄປໃນປະເທດເຮົາ, ໂດຍສະເພາະຕາມທົ່ງນາ, ຮົ້ວສວນ ແລະ ຫ້ວຍ, ຮ່ອງ, ຄອງ, ຫນອງ ແລະ ບຶງຕ່າງໆ, ຂະຫຍາຍພັນ ດ້ວຍສະປໍ ຫຼື ເອົາເຫງົ້າໄປປູກຂະຫຍາຍ.

ສ່ວນໃຊ້ເປັນຢາ: ຫມົດຕົ້ນ

ຄຸນປະໂຫຍດ ແລະ ວິທີໃຊ້: ໃຊ້ຫມົດຕົ້ນ ຕົ້ມນໍ້າດື່ມ ແກ້ອາການເຈັບຄໍ, ລະງັບຄວາມຮ້ອນ ໃຊ້ປົວໄຂ້ຮ້ອນ.

ແຫ່ງ: ສະຖາບັນການແພດ ແລະ ຢາພື້ນເມືອງ, ກະຊວງ ສາທາລະນະສຸກ

ຂ່າວທີ່ໄດ້ຮັບຄວາມນິຍົມ