ໂດຍ: ສຳນານ ພົມພັກດີ

ການປ່ອນບັດເລືອກຕັ້ງເອົາສະມາຊິກສະພາແຫ່ງຊາດ (ສ​ສ​ຊ) ຊຸດທີ IX, ສະມາຊິສະພາ ປະຊາຊົນແຂວງ (ສ​ສ​ຂ) ແລະ ນະຄອນຫຼວງວຽງຈັນ ຊຸດທີ II ຈະມີຂຶ້ນໃນວັນທີ 21 ກຸມມາ ທີ່ຈະມາເຖິງນີ້ ເຫັນວ່າມາຮອດປັດຈຸບັນ ແມ່ນກຳລັງຢູໃນການກະກຽມຄວາມພ້ອມຢ່າງເປັນເຈົ້າການ ຂອງໜ່ວຍງານຂັ້ນຕ່າງໆເພື່ອໃຫ້ທ່ວງທັນໃນມື້ເລືອກຕັ້ງ ແນໃສ່ໃຫ້ມີຄວາມເປັນລະບຽບຮຽບຮ້ອຍ ແລະ ມີຜົນສຳເລັດຕາມລະດັບຄາດໝາຍທີ່ໄດ້ກຳນົດໄວ້.

      ມາຮອດປັດຈຸບັນ ໃນຂອບເຂດທົ່ວປະເທດແມ່ນກຳລັງຢູ່ໃນການຫ້າງຫາກະກຽມຄວາມພ້ອມ ໃຫ້ແກ່ບັ້ນເລືອກຕັ້ງເອົາ ສ​ສ​ຊ ຊຸດທີ IX, ​ສ​ສ​ຂ ແລະ ນະຄອນຫຼວງວຽງຈັນ ຊຸດທີ II ທີ່ສໍ​າຄັນບັນດາ ຄະນະກຳມະການເລືອກຕັ້ງລະດັບຊາດໄດ້ເອົາໃຈໃສ່ຢ່າງຕັ້ງໜ້າ ລົງຕິດຕາມຄວາມພ້ອມໃນການເລືອກ ຕັ້ງຢູ່ຂັ້ນບ້ານ ແລະ ເມືອງຂອງບັນດາແຂວງຕ່າງໆ ແນໃສ່ເພື່ອໃຫ້ມີຄວາມຮັບປະກັນໃນການເລືອກ ຕັ້ງຄັ້ງນີ້ໃຫ້ໄປຕາມແຜນການທີ່ໄດ້ກຳນົດໄວ້ເພາະການ ເລືອກຕັ້ງສະມາຊິກສະພາຊຸດນີ້ ເປັນການສືບ ຕໍ່ປັບປຸງບູລະນະລະບອບປະຊາທິປະໄຕປະຊາຊົນ, ຈາກປະຊາຊົນໂດຍປະຊາຊົນ ແລະ ເພື່ອຜົນປະ ໂຫຍດຂອງປະຊາຊົນ, ການເລືອກຕັ້ງເປັນພາກສ່ວນໜຶ່ງ ໃນການປັບປຸງບູລະນະການຈັດຕັ້ງ ແລະ ບຸກຄະລາກອນຂອງລະບົບການເມືອງຢູ່ສູນກາງ ແລະ ທ້ອງ ຖິ່ນເປັນການເລືອກເຟັ້ນ ແລະ ສັບຊ້ອນ ພະນັກງານຮັບຜິດຊອບໃນວຽກງານຕ່າງໆ. ການເລືອກຕັ້ງຊຸດນີ້ຍັງເປັນຄວາມຮັບຜິດຊອບຂອງຄະນະ ພັກທຸກຂັ້ນ ແລະ ຂອງທົ່ວປວງຊົນທັງເລືອກໄດ້ຜູ້ທີ່ມີ ມາດຖານ, ເງື່ອນໄຂ ຄົບຖ້ວນທັງສູນກາງ ແລະ ທ້ອງຖິ່ນ, ເພດເຜົ່າ, ຜູ້ເກົ່າ ແລະ ຜູ້ໃໝ່ ສະນັ້ນເພື່ອເຮັດໃຫ້ໄດ້ຕາມແຜນການ ແລະ ບັນລຸເປົ້າໝາຍທີ່ ໄດ້ກຳນົດໄວ້ເມື່ອຮອດມື້ເລືອກ ຕັ້ງຈົ່ງພ້ອມໃຈກັນໄປໃຊ້ສິດ ແລະ ປະຕິບັດພັນທະພົນລະເມືອງລາວ ໂດຍສະເພາະແມ່ນຜູ້ທີ່ມີ ອາຍຸ 18 ປີຂຶ້ນໄປຈົ່ງມີຄວາມຕື່ນຕົວຂອງຕົນ ໄປຮ່ວມປ່ອນບັດເລືອກຕັ້ງ ເອົາສະມາຊິກສະພາຜູ້ທີ່ມີຄວາມຮູ້ຄວາມ ສາມາດເຂົ້າໄປນັ່ງໃນສະພາ ຊຶ່ງຈະເປັນກະບອກສຽງແຫ່ງສິດ ຜົນປະໂຫຍດອັນຊອບທຳໃຫ້ແກ່ປະຊາຊົນ ລາວບັນດາເຜົ່າ ແນໃສ່ເຮັດໃຫ້ປະຊາຊົນມີ ຄວາມຢູ່ດີກິນດີ ເຮັດໃຫ້ປະຊາຊົນໄດ້ປະກອບສ່ວນໃນ ການສ້າງສາ ແລະ ພັດທະນາປະເທດຊາດໃຫ້ມີ ຄວາມຈະເລີນ ຮຸ່ງເຮືອງເຫຼືອງເຫຼື້ອມຂຶ້ນເລື້ອຍໆ, ທີ່ສຳຄັນໃນມື້ປ່ອນບັດເລືອກຕັ້ງຜູ້ທີ່ມີສິດປ່ອນບັດເລືອກຕັ້ງຈົ່ງ ພ້ອມກັນເປັນເຈົ້າການ ແລະ ໃຫ້ການຮ່ວມມືກັບຄະນະຮັບຜິດຊອບ ໂດຍສະເພາະຕ້ອງປະຕິບັດ ຕາມຂັ້ນຕອນທຸກດ້ານຂອງຄະນະກຳ ມະການທີ່ຮັບຜິດຊອບໃນໜ່ວຍປ່ອນບັດເລືອກຕັ້ງທຸກຂັ້ນ ແນໃສ່ ບໍ່ໃຫ້ມີບັດຕາຍ (ບັດບໍ່ຖືກຕ້ອງ), ຖ້າມີບັນຫາໃດຫາກບໍ່ເຂົ້າໃຈຕ້ອງຖາມຄະນະກຳມະການທີ່ ຮັບຜິດ ຊອບ, ໃນນັ້ນຕ້ອງເປັນເຈົ້າການ ແລະ ໃຫ້ຄວາມຮ່ວມມືເຂົ້າຮ່ວມໃນວຽກງານປ້ອງກັນຄວາມສະຫງົບກັບ ທາງເຈົ້າໜ້າທີ່ເພື່ອຫຼີກລ່ຽງບໍ່ໃຫ້ ມີປະກົດການຫຍໍ້ທໍ້ບໍ່ດີເກີດຂຶ້ນໃນມື້ເລືອກຕັ້ງ.

      ເຊື່ອແນວ່າດ້ວຍການຮ່ວມໄມ້ຮ່ວມມືກັນຂອງທຸກອົງການຈັດຕັ້ງທຸກຂັ້ນ ແລະ ການຮ່ວມມືທີ່ເປັນ ເຈົ້າການຂອງປະຊາຊົນລາວບັນດາເຜົ່າ ເຂົ້າໃນບັ້ນເລືອກຕັ້ງເອົາ ສ​ສ​ຊ ຊຸດທີ IX, ​ສ​ສ​ຂ ແລະ ນະຄອນ ຫຼວງວຽງຈັນ ຊຸດທີ II ຈະຜ່ານພົ້ນໄປດ້ວຍດີ ແລະ ໄດ້ຮັບຜົນສຳເລັດຕາມລະດັບຄາດ ໝາຍທີ່ໄດ້ກຳ ນົດໄວ້.