Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ອັດຕະປື ຈັດຂະບວນຄາລະວານສູ່ຖານທີ່ໝັ້ນເຂດປະຕິວັດເຂດໃຕ້

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 24/03/2021 11:00:57 ຈຳ​ນວນ​​ຢ້ຽມ​ຊົມ 1565 ຄັ້ງ

ເພື່ອເປັນການຫວນຄືນມູນເຊື້ອປະຫວັດຄວາມເປັນມາການສ້າງຕັ້ງຖານທີ່ໝັ້ນການປະຕິວັດເຂດໃຕ້ລາວ, ເພື່ອເປັນການສະຫຼອງວັນສ້າງຕັ້ງພັກປະຊາຊົນປະຕິວັດລາວຄົບຮອບ 66 ປີ ແລະ ວັນຄຽດແຄ້ນຂອງປະຊາຊົນລາວ ວັນເສຍອົງຄະ ແລະ ເສຍສະຫຼະຊີວິດເພື່ອປະເທດຊາດຄົບຮອບ 75 ປີ, ມາຮອດວັນທີ 22 ມີນາ 2021 ແຂວງອັດຕະປືໄດ້ຈັດຂະບວນຄາລະວານ ພ້ອມປາຖະກະຖາຫວນຄືນມູນເຊື້ອປະຫວັດຄວາມເປັນມາການສ້າງຕັ້ງຖານທີ່ໝັ້ນການປະຕິວັດເຂດໃຕ້ລາວ ໂດຍການເຂົ້າຮ່ວມຂອງທ່ານ ບຸນຮຽນ ແກ້ວບົວພາດ ຄະນະປະຈໍາພັກ, ຮອງເລຂາພັກແຂວງ, ມີຄະນະປະຈໍາພັກ, ກໍາມະການພັກ, ຫົວໜ້າພະແນກການ ອ້ອມຂ້າງແຂວງ, ເມືອງ, ພ້ອມດ້ວຍພະນັກງານ, ທະຫານ, ຕໍາຫຼວດຕະຫຼອດຮອດພໍ່ແມ່ປະຊາຊົນເຂົ້າຮ່ວມ. ພິທີດັ່ງກ່າວໄດ້ຈັດຂຶ້ນທີ່ຖານທີ່ໝັ້ນການປະຕິວັດເຂດໃຕ້ລາວ.

ໃນພິທີທ່ານ ນາງ ບຸນນານ ບຸນນະແສງ ຄະນະປະຈໍາພັກແຂວງ ຫົວໜ້າຄະນະໂຄສະນາອົບຮົມແຂວງໄດ້ຂຶ້ນກ່າວປາໄສກ່ຽວກັບວັນສ້າງຕັ້ງພັກ ປະຊາຊົນປະຕິວັດລາວ ຄົບຮອບ 66 ປີ(22 ມີນາ 1955-22 ມີນາ 2021) ແລະ ວັນຄຽດແຄ້ນຂອງປະຊາຊົນລາວ, ວັນເສຍອົງຄະ ແລະ ວັນເສຍສະຫຼະຊີວິດເພື່ອປະເທດຊາດຄົບຮອບ 75 ປີ(21/3/1946-21/3/2021) ຊຶ່ງໃຫ້ຮູ້ວ່າ: ໃນປີ 1930 ປະທານໂຮ່ຈີ່ມິນໄດ້ນໍາພາ ສ້າງຕັ້ງພັກກອມມູນິດອິນດູຈີນ (ປະກອບມີ: ລາວ, ຫວຽດນາມ, ກຳປູເຈຍ) ໃນປີ 1934 ອົົງຄະນະພັກແຄ້ວລາວໄດ້ຮັບການສ້າງຕັ້ງຂຶ້ນ ເພື່ອນໍາພາຕໍ່ສູ້ຕ້ານຈັກກະພັດຝຣັ່ງ ຈົນມາຮອດວັນທີ 12 ຕຸລາ 1945 ສາມາດຍຶດອໍານາດທົ່ວປະເທດ ແລະ ປະກາດຕໍ່ໂລກວ່າ ລາວມີອໍານາດອະທິປະໄຕ ແລະຜືນແຜ່ນດິນເປັນຂອງຕົນເອງ, ປີ 1946 ຝຣັ່ງກໍໄດ້ກັບຄືນມາຮຸກຮານລາວເປັນຄັ້ງທີ 2 ອີກ, ປີ 1955 ພາຍຫຼັງຈັກກະພັດຝຣັ່ງປະລາໄຊ ຖອນທະຫານອອກຈາກລາວ, ຈັກກະພັດອາເມຣິກາກໍໄດ້ໂດດເຂົ້າມາແທນທີ່ດ້ວຍລະບອບລ່າເມືອງຂຶ້ນແບບໃໝ່ທີ່ຮ້າຍແຮງທະວີຄູນ, ພັກປະຊາຊົນປະຕີວັດລາວໄດ້ສ້າງຕັ້ງຂຶ້ນໂດຍໄດ້ແຍກອອກຈາກພັກກອມມູນິດອິນດູຈີນໃນວັນທີ 22 ມີນາ 1955 ນັບແຕ່ໄດ້ຮັບການສ້າງຕັ້ງ ພັກໄດ້ແບກຫາບພາລະກຳອັນໜັກໜ່ວງ ເພື່ອນໍາພາປວງຊົນລາວທັງຊາດ ຕໍ່ສູ້ຕ້ານການຮຸກຮານຂອງຈັກກະ ພັດຢ່າງດຸເດືອດຂ້ຽວຂາດ ກ້າວໄປເຖິງການປົດປ່ອຍປະເທດຊາດຢ່າງສົມບູນ, ຕະຫຼອດໄລຍະແຫ່ງການຊີ້ນໍາໆພາ ພັກເຮົາໄດ້ຮັບຄວາມເຊື່ອໝັ້ນຈາກປະຊາຊົນ ແລະ ໄດ້ມີຫຼາຍຜົນສໍາເລັດທີ່ຈາລຶກໄວ້ໃນປະ ຫວັດສາດແຕ່ລະໄລຍະຄື: ປີ 1955-1962 ປະຕິບັດສັນຍາເຊີແນວ ປີ 1954 ປົກປັກຮັກສາ 2 ແຂວງເຕົ້າໂຮມຫົວພັນ, ຜົ້ງສາລີ ທັງນໍາພາການຕໍ່ສູ້ການເມືອງຢູ່ 10 ແຂວງ, ປີ 1957 ໄດ້ສ້າງຕັ້ງລັດຖະບານປະສົມແຫ່ງຊາດຄັ້ງທີ 1, ປີ 1959-1962 ໄດ້ນໍາພາກອງພັນທີ 2 ຂອງຝ່າຍປະເທດລາວຜ່າວົງປິດລ້ອມຂອງສັດຕູຢ່າງປອດໄພ ແລະ ນໍາເອົາຜູ້ນໍາແຫກຄຸກຢ່າງມະຫັດສະຈັນ ສາມາດປົດປ່ອຍດິນແດນໄດ້ 2/3ຂອງປະເທດ, ປີ1972 ກອງປະຊຸມໃຫຍ່ຄັ້ງທີ 2 ໄດ້ເປີດຂຶ້ນ ໄດ້ວາງແນວທາງຕໍ່ສູ້ເພື່ອສໍາເລັດໄລຍະການປະຕິວັດຊາດປະຊາທິປະໄຕໃນທົ່ວປະເທດ, ປີ 1973-1975 ເປັນໄລຍະສຸດທ້າຍສາມາດຍາດເອົາໄຊຊະນະສໍາເລັດພາລະກິດການປະຕິວັດຊາດ ປະຊາທິປະໄຕ ຢ່າງສົມບູນ ໂດຍກຳແໜ້ນກາລະໂອກາດປະຫວັດສາດພັນປີມີເທື່ອໜຶ່ງ ຈາກການນໍາໃຊ້ສະໜາມທັງສາມດ້ານ ດ້ວຍສາມບາດຄ້ອນຍຸດທະສາດ: ການລຸກຮືຂຶ້ນຂອງປະຊາຊົນ, ການໜູນໜີບຂອງກຳລັງປະກອບອາວຸດ ແລະ ການລຸກຂຶ້ນແຍກຕົວຂອງທະຫານສັດຕູເອງ, ວັນທີ 22 ທັນວາ 1975 ໄດ້ປະກາດສ້າງຕັ້ງ ສປປ ລາວ ຢ່າງເປັນທາງການທີ່ກ້າວເຂົ້າສູ່ໄລຍະໃໝ່ຂອງການປະຕິວັດ, ກາຍເປັນພັກກຳອໍານາດມີຄວາມຮັບຜິດຊອບຕໍ່ໂຊກສະຕາກຳຂອງປະເທດຊາດຢ່າງຮອບດ້ານ ແລະ ອີກເຫດການໜຶ່ງທີ່ປະຊາຊົນລາວບໍ່ອາດຫຼົງລືມໄດ້ນັ້ນແມ່ນວັນທີ 21 ມີນາ 1946 ຊຶ່ງເປັນວັນທີ່ຝຣັ່ງໄດ້ກໍ່ເຫດການໂຫດຮ້າຍປ່າເຖື່ອນທີ່ສຸດ ໂທດກຳທີ່ບໍ່ມີວັນຫຼົງລືມໄດ້ ພວກເຂົາໄດ້ເຂັ່ນຂ້າຄົນລາວ ແລະ ຊາວຫວຽດນາມຜູ້ບໍລິສຸດຢູ່ເມືອງທ່າແຂກ ແຂວງຄໍາມ່ວນດ້ວຍວິທີໂຫດ ຫ້ຽມ: ເອົາກະບີ່ແທງທ້ອງແມ່ມານ, ຈັບເດັກນ້ອຍຍັດໃສ່ກະເປົ່າແລ້ວຖິ້ມລົງນໍ້າຂອງ,  ໃສ່ຄົກມອງຕໍາຈົນຕາຍ, ເອົາປືນຍິງກວາດໃສ່ຄົນແລ້ວໂຍນລົງນໍ້າເຮັດໃຫ້ນໍ້າຂອງໃນຍາມນັ້ນເຕັມໄປດ້ວຍເລືອດ ແລະ ຊາກຄົນ, ແມ່ຍິງ, ເດັກນ້ອຍຈໍານວນ 3.000 ຄົນຖືກຂ້າຕາຍ ເຮືອນຊານບ້ານຊ່ອງຖືກທໍາລາຍຢ່າງຫຼວງ ຫຼາຍ ຜົວ, ເມຍ, ພໍ່, ແມ່, ລູກ ຖືກພັດພາກຈາກກັນ ກາຍເປັນກໍາພ້າ, ກຳພອຍ ຈາກເຫດການດັ່ງກ່າວ.

ດ້ວຍເຫດນີ້ການນໍາຂອງພວກເຮົາຈຶ່ງເຫັນໄດ້ຄວາມສໍາຄັນ ຈຶ່ງໄດ້ຈັດຂະບວນຄາລະວານພາຍໃຕ້ຫົວຂໍ້ ສູ່ຖານທີ່ໝັນປະຕິວັດລາວໃຕ້ ເພື່ອເອົາສະຖານທີ່ແຫ່ງນີ້ໃຫ້ຄະນະພັກ, ສະມາຊິກພັກ, ພະນັກງານລັດຖະກອນ ປະຊາຊົນຊາວແຂວງອັດຕະປື ໄດ້ຮູ້ເຖິງສະຖານທີ່ການປະຕິວັດລາວເວົ້າລວມ, ພາກໃຕ້ຂອງລາວເວົ້າສະເພາະ ຊຶ່ງເປັນເຂດການເຄື່ອນໄຫວກໍ່ສ້າງຮາກຖານການເມືອງເພື່ອນໍາພາການປະຕິວັດປົດປ່ອຍຊາດໃນຊຸມປີ 1954 ຂອງປະທານຄໍາໄຕ ສີພັນດອນ ພ້ອມໝູ່ຄະນະ. (ຂ່າວ: ນ ມະນີວອນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com