ຫວ່າງບໍ່ດົນມານີ້, ຄະນະຊາວໜຸ່ມເມືອງບາຈຽງຈະເລີນສຸກ ແຂວງຈຳປາສັກ ໄດ້ສືບຕໍ່ລົງປັບປຸງການຈັດ ຕັ້ງຊາວໜຸ່ມ ໂດຍມີ ສະຫາຍ ຄຳຫຼ້າ ເທບໄກສອນ ແລະ ສະຫາຍ ນາງ ສຸກສະໝອນ ອິນທີລາດ ຮອງເລຂາຄະນະບໍລິຫານງານຊາວໜຸ່ມເມືອງ, ພ້ອມດ້ວຍພະນັກງານວິຊາການໄດ້ສືບຕໍ່ລົງປັບປຸງການຈັດຕັ້ງຊາວໜຸ່ມໂຮງຮຽນ ມ.ສ ສຸກສຳພັນ ແລະ ມ.ສ ໄຊສຳພັນ ເພື່ອເຮັດໃຫ້ການຈັດຕັ້ງຊາວໜຸ່ມຂັ້ນຮາກຖານມີຄວາມເຂັ້ມແຂງ, ໜັກແໜ້ນກວ່າເກົ່າໃນການຈັດຕັ້ງປະຕິບັດໜ້າທີ່ການເມືອງຂອງພັກ ຊຶ່ງມີ ສະຫາຍ ຟອງສະໝຸດ ໄໝແສງຄຳ ຜູ້ອຳນວຍການໂຮງຮຽນ ມ.ສ ສຸກສຳພັນ ແລະ ສະຫາຍ ພູທອນ ສຸດທະບົວລີ ຜູ້ອຳນວຍການໂຮງຮຽນ ມ.ສ ໄຊສຳພັນ ພ້ອມສະມາຊິກຊາວໜຸ່ມເຂົ້າຮ່ວມ.

      ໃນພິທີໄດ້ຜ່ານໃບອະນຸມັດຮັບສະມາຊິກຊາວໜຸ່ມເມືອງ, ພ້ອມນັ້ນ ສະຫາຍ ຄຳຫຼ້າ ເທບໄກສອນ  ແລະ ສະຫາຍ ນາງ ສຸກສະໝອນ ອິນທີລາດ ໄດ້ມອບໃບຢັ້ງຢືນ 4 ບຸກປີ 2021 ໃຫ້ແກ່ສອງໜ່ວຍດັ່ງກ່າວ, ພ້ອມນັ້ນທ່ານຮອງເລຂາຊາວໜຸ່ມເມືອງໄດ້ຮຽກຮ້ອງໃຫ້ຄະນະໜ່ວຍຊາວໜຸ່ມເອົາໃຈໃສ່ວຽກງານການເມືອງແນວຄິດ, ກົດລະບຽບຕິດພັນກັບເນື້ອໃນຂໍ້ແຂ່ງຂັນ 4 ບຸກ, ຕິດພັນກັບການຮຽນ-ການສອນໃນການສຶກສາອົບຮົມໃຫ້ໄວໜຸ່ມ,ສະມາຊິກຊາວໜຸ່ມໃນຂອບເຂດຄວາມຮັບຜິດຊອບຂອງຕົນໃຫ້ຮັບຮູ້-ເຂົ້າໃຈຢ່າງເລິກເຊິ່ງ ແນໃສ່ຫຼີກລ່ຽງປະກົດການຫຍໍ້ທໍ້ຕ່າງໆຂອງໄວໜຸ່ມເທື່ອລະກ້າວ.

ຂ່າວ-ພາບ: ທອງວັນ ແກ້ວຂະຫຍອງວົງ