Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ໜຶ່ງປີຜ່ານມາ ໂຮງຮຽນ ມ.ປ ມິດຕະພາບນະຄອນຫຼວງວຽງຈັນ - ນະຄອນໂຮ່ຈິມິນສອບເສັ່ງນັກຮຽນເກັ່ງຮອບດ້ານ 79 ຄົນ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 24/10/2022 11:13:33 ຈຳ​ນວນ​​ຢ້ຽມ​ຊົມ 6289 ຄັ້ງ

ໂດຍ: ວັນເພັງ

ໂຮງຮຽນ ມ.ປ ມິດຕະພາບນະຄອນຫຼວງວຽງຈັນ - ນະຄອນໂຮ່ຈິມິນ ເປັນໂຮງຮຽນລັດ ຕັ້ງຢູ່ ເມືອງສີໂຄດຕະບອງ ນະຄອນຫຼວງວຽງຈັນ ໂດຍປະຕິບັດດຳເນີນການຮຽນ-ການສອນ ຕາມກະຊວງສຶກສາທິການ ແລະ ກິລາວາງອອກ, ຊຶ່ງເຮັດໃຫ້ໂຮງຮຽນແຫ່ງນີ້ ໃນສົກຮຽນ 2021-2022 ຜ່ານມາມີວຽກງານຫຼາຍດ້ານພົ່ນເດັ່ນ ແລະ ໄດ້ຮັບການພັດທະນາຢ່າງຕໍ່ເນື່ອງ.

ທ່ານ ບຸນຈັນ ສີສຸກ ຜູ້ອຳນວຍການໂຮງຮຽນ ມ.ປ ມິດຕະພາບນະຄອນຫຼວງວຽງຈັນ-ນະຄອນໂຮ່ຈິມິນໄດ້ໃຫ້ສຳພາດຕໍ່ນັກຂ່າວໜັງສືພິມ ປະຊາຊົນ ຜ່ານມາວ່າ: ໃນສົກຮຽນ 2021-2022 ຜ່ານມາ ແມ່ນໄດ້ເລີ່ມເຂົ້າສູ່ການສິດສອນໄປຕາມໂຄງການຫຼັກສູດ, ການຮຽນ ບັນລຸຕາມກໍານົດເວລາ ທີ່ພະແນກສຶກສາທິການ ແລະ ກິລາວາງໄວ້, ປະຕິບັດຕາມຕາຕະລາງແຜນການ ແຕ່ລະໄລຍະໄດ້ຮັບຜົນສຳເລັດດີຂຶ້ນ, ສຳລັບໄລຍະຜ່ານມາໄດ້ເກີດມີການລະບາດຂອງພະຍາດCOVID -19, ທາງການນຳ, ຂັ້ນເທິງ ໄດ້ເອົາໂຮງຮຽນແຫ່ງນີ້ເປັນສູນກັກກັນ ແລະ ກວດຫາເຊື້ອພະຍາດໂຄວິດ-19 ແລະ ສ່ວນໂຮງຮຽນຍັງໄດ້ຈັດຕັ້ງປະຕິບັດການຮຽນ - ການສອນແບບອອນລາຍ ໃຫ້ນັກຮຽນທຸກຂັ້ນ-ຊັ້ນຮຽນ, ມາຮອດ 1 ກຸມພາ 2022 ຈຶ່ງໄດ້ເປີດການຮຽນ-ການສອນແບບປົກກະຕິ, ແຕ່ທາງໂຮງຮຽນກໍຍັງປະຕິບັດມາດຕະການຕ້ານ ແລະ ສະກັດກັນການລະບາດພະຍາດດັ່ງກ່າວ ທີ່ ກະຊວງສາທາລະນະສຸກວາງອອກຢ່າງເຂັ້ມງວດ. ໄດ້ຈັດຕັ້ງສອບເສັງບໍາລຸງໃຫ້ນັກຮຽນຂັ້ນ ມ.7 ເລີ່ມແຕ່ ທ້າຍເດືອນ ກຸມພາ 2021. ຕໍ່ກັບວຽກງານດັ່ງກ່າວ ຄູ-ອາຈານ ແມ່ນໄດ້ເອົາໃຈໃສ່ສິດສອນ, ຕັ້ງໃຈຄົ້ນຄວ້າ ແລະ ແນະນໍານ້ອງນັກຮຽນ ດ້ວຍຄວາມຫ້າວຫັນ. ນັກຮຽນສ່ວນຫຼາຍແມ່ນເອົາໃຈໃສ່ ຄົ້ນຄວ້າຮໍ່າຮຽນ, ກາຍເປັນນັກຮຽນດີ, ຮຽນເກັ່ງ ຊຶ່ງສະແດງອອກຢູ່ຜົນການສອບເສັງເລື່ອນຂັ້ນ ແລະ ຈົບຊັ້ນຄື: ນັກຮຽນ ມ.5 ຈໍານວນ 368 ຄົນ ຍິງ 206 ຄົນ ສອບເສັງເລື່ອນຂັ້ນໄດ້ 99,72%, ສົມບູນໄດ້ 73,91 %, ນັກຮຽນ ມ.6 ຈຳນວນ 388 ຄົນ ຍິງ 209 ຄົນ ສອບເສັງເລື່ອນຂັ້ນໄດ້ 99,22 %, ສົມບູນ 73,45%, ນັກຮຽນ ມ.7 ຈຳນວນ 379 ຄົນ ຍິງ 222 ຄົນ ສອບເສັງຈົບຊັ້ນ ໄດ້ 100%, ສົມບູນ 100 %, ສອບເສັງໄດ້ຄະແນນເກັ່ງຮອບດ້ານ 79 ຄົນ ຍິງ 48 ຄົນ ເທົ່າກັບ 20,84 % ເພີ່ມຂຶ້ນ 34 ຄົນ, ພ້ອມນີ້ຍັງໄດ້ຈັດຕັ້ງການສອນບຳລຸງນັກຮຽນເກັ່ງ ແລະ ສົ່ງນັກຮຽນເຂົ້າຮ່ວມບັ້ນສອບເສັງຂັ້ນເມືອງ, ຂັ້ນນະຄອນຫຼວງ. ຊຶ່ງສາມາດຍາດໄດ້ຄື: ວິຊາ ພາສາລາວ-ວັນນະດີ ໄດ້ທີ 1 ແລະ ທີ 2 ຂັ້ນເມືອງ ແລະ ໄດ້ລາງວັນຊົມເຊີຍຂັ້ນນະຄອນຫຼວງວຽງຈັນ 1 ຄົນ, ວິຊາ ເຄມີສາດ ສາມາດຍາດໄດ້ທີ 1 ແລະ ທີ 3, ທີ 4 ຂັ້ນເມືອງ, ວິຊາພີກສາດ ສາມາດຍາດໄດ້ທີ 1 ຂັ້ນເມືອງ, ນອກນັ້ນກ່ອນການສອບເສັງ ທາງໂຮງຮຽນໄດ້ຈັດຕັ້ງບຳລຸງນັກຮຽນ ມ.5, ມ.6, ມ.7 ເພື່ອກຽມຄວາມພ້ອມເຂົ້າບັ້ນສອບເສັງ, ກ່ອນຈະເຂົ້າຮຽນທຸກປີ ຍັງໄດ້ມີການຝຶກອົບຮົມດ້ານວິຊາສະເພາະໃຫ້ແກ່ຄູອາຈານທຸກສາຍວິຊາ ແລະ ໄດ້ຝຶກ ICT ຢູ່ພາຍໃນ ແລະ ຕ່າງປະເທດຈຳນວນໜຶ່ງ.

ທ່ານກ່າວອີກວ່າ: ແຕ່ລະປີຍັງໄດ້ຮັບການຊ່ວຍເຫຼືອ ທືນການສຶກສາຈາກ ສສ ຫວຽດນາມ ໃຫ້ນັກຮຽນຊັ້ນ ມ.7 ຜູ້ທີ່ຮຽນດີ-ຮຽນເກັ່ງ ເພື່ອໄປສຶກສາຕໍ່ທີ ສສ ຫວຽດນາມ ແລະ ສສ ຫວຽດນາມຍັງໄດ້ໃຫ້ການຊ່ວຍເຫຼືອໃນວຽກງານຕ່າງໆຢູ່ໃນໂຮງຮຽນເຊັ່ນ: ດ້ານການກໍ່ສ້າງອາຄານ, ອຸປະກອນຮັບໃຊ້ການສິດສອນ ແລະ ອື່ນໆ. ຊຶ່ງເປັນການປະກອບສ່ວນສຳຄັນ, ການຮ່ວມມືທີ່ດີຂອງສອງປະເທດລາວ-ສສ ຫວຽດນາມ ກໍຄືການພັດທະນາວຽກງານຕ່າງໆໃນດ້ານການສຶກສາໃຫ້ດີຂຶ້ນເລື້ອຍໆໄປ.

ທ່ານໃຫ້ຮູ້ອີກວ່າ: ສຳລັບແຜນພັດທະນາໃນສົກຮຽນ 2022-2023 ຈະສູ້ຊົນເຮັດສຳເລັດຕາມຄາດ ໝາຍວາງໄວ້, ຄູ-ອາຈານຕ້ອງແຂ່ງຂັນກັນສອນດີ-ຮຽນເກັ່ງ, ສອນໃຫ້ຈົບໂຄງການຫຼັກສູດທັນເວລາ ແລະ ຮັບປະກັນຄຸນະພາບ, ສ້າງເປັນຄູປະເພດດີເດັ່ນໃຫ້ໄດ້ 95%; ສືບຕໍ່ສູ້ຊົນສ້າງນັກຮຽນເກັ່ງໃນສາຍວິຊາ: ຄະນິດສາດ, ຟີຊິກ, ເຄມີ ແລະ ພາສາລາວວັນນະຄະດີ ໃຫ້ໄດ້ຫຼາຍນ້ອງຂຶ້ນ, ສູ້ຊົນສ້າງໃຫ້ໄດ້ຕໍາແໜ່ງຄູປະສົບການໃນວິຊາໃດໜຶ່ງ, ຈັດບຳລຸງນັກຮຽເກັ່ງຂັ້ນ ມ.7 ໃຫ້ທັນເວລາ ແລະ ຈັດຕັ້ງ ບໍາລຸງນັກຮຽນຂັ້ນ ມ.7 ທຸກໆວິຊາ ກ່ອນຈະສອບເສັງຈົບຊັ້ນ ປະມານ 3 ເດືອນ ໂດຍຂໍທືນຊຸກຍູ້ຈາກຜູ້ປົກຄອງນັກຮຽນ, ທັງຮັບປະກັນ ໂຕເລກຄາດໝາຍສອບການເສັງເລື່ອນຂັ້ນ ແລະ ຈົບຊັ້ນໃຫ້ໄດ້ 95% ຂຶ້ນໄປ; ເປີດສອນຄອມພີວເຕີໃຫ້ນັກຮຽນ ມ.5, ມ.6, ມ.7 ຢ່າງທົ່ວເຖິງ; ສືບຕໍ່ຈັດຕັ້ງການແຂ່ງຂັນຂັ້ນໂຮງຮຽນ, ແຂ່ງຂັນຂັ້ນເມືອງ, ຂັ້ນນະຄອນຫຼວງວຽງຈັນໃຫ້ໄດ້ດີ ແລະ ໄດ້ຫຼາຍຂຶ້ນເປັນກ້າວໆ; ສືບຕໍ່ຮ່ວມມືໃນວຽກງານດ້ານຕ່າງໆຂອງໂຮງຮຽນ ກັບ ສສ ຫວຽດນາມ ແລະ ຂໍນະໂຍບາຍທືນການສຶກສາຈາກໂຮງຮຽນ, ມະຫາວິໄລຈາກ ສສ ຫວຽດນາມ, ສືບຕໍ່ຊຸກຍູ້ໃຫ້ການຊ່ວຍເຫຼືອດ້ານທືນຮອນ, ຊຸກຍູ້ດ້ານວິຊາການຄູ, ຂໍນະໂຍບາຍຄູສອນ ພາສາ ຫວຽດນາມ ຈາກ ສສ ຫວຽດນາມໃຫ້ໄດ້. ສຳລັບສົກຮຽນ 2022-2023 ມີນັກຮຽນທັງໝົດ 1.163 ຄົນ, ຍິງ 639 ຄົນ, ມີ 30 ຫ້ອງຮຽນ, ມີ 5 ອາຄານ (ລວມທັງສະໂມສອນ).

ທ່ານຍັງຕາງໜ້າໃຫ້ພະນັກງານຄູ-ອາຈານ ໃນໂອກາດວັນສຳຄັນ ສອງຊາດລາວ-ຫວຽດນາມຄື: ວັນສ້າງຕັ້ງສາຍພົວພັນການທູດລາວ - ຫວຽດນາມຄົບຮອບ 60 ປີ, ວັນເຊັນສົນທິສັນຍາມິດຕະພາບ ແລະ ການຮ່ວມມືລາວ - ຫວຽດນາຄົບຮອບ 45 ປີ ຂໍໃຫ້ສອງພັກ-ສອງລັດກໍຄືປະຊາຊົນສອງຊາດລາວ-ຫວຽດນາມມີການພົວພັນສາມັກຄີແບບພິເສດຕະຫຼອດໄປ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com