Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ແຫ່ຜາສາດເຜິ້ງ ໃນ​ງາ​ນບຸນນະ​ມັດ​ສະ​ການພະທາດຫຼວງວຽງຈັນ 2022

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 08/11/2022 08:29:10 ຈຳ​ນວນ​​ຢ້ຽມ​ຊົມ 5116 ຄັ້ງ

ພິທີແຫ່ຜາສາດເຜິ້ງ ໃນງານບຸນນະມັດສະການພະທາດຫຼວງວຽງຈັນ ໄດ້ດຳເນີນແຕ່ເວລາ 13:30 ໂມງ ມື້ຂຶ້ນ 14 ຄໍ່າ ເດືອນ 12 ລາວ, ກົງກັບວັນທີ 7 ພະຈິກ 2022 ໂດຍໄດ້ເຕົ້າໂຮມກັນທີ່ວັດໜອງບອນ ແລ້ວແຫ່ເຂົ້າມາກົມມະລຽນທາດຫຼວງ 3 ຮອບ ເພື່ອເປັນການບູຊາ, ຄຸນພະພູມ, ພະທັມ ແລະ ພະສົງ ໂດຍມີຂະບວນພະສົງອອກໜ້າ ແລະ ການນຳພັກ-ລັດ ໂດຍການນຳພາຂອງທ່ານ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ ພ້ອມດ້ວຍຂະບວນມວນຊົນ ຈາກຫຼາຍພາກສ່ວນ ເຂົ້າຮ່ວມແຫ່ຢ່າງຟົດຟື້ນມ່ວນຊື່ນ ເຕັມໄປດ້ວຍຄວາມຮັກແພງສາມັກຄີ ຂອງປວງຊົນລາວທັງຊາດ ພ້ອມທັງ ຮັກສາໄດ້ດ້ານວັດທະນະທຳ ແລະ ຮີດຄອງປະເພນີຂອງຊາດ.

ປະເພນີແຫ່ຜາສາດເຜິ້ງເປັນອີກໜຶ່ງກິດຈະກຳທີ່ໄດ້ສືບທອດ ແລະ ປະຕິບັດໃນງານບຸນນະມັດສະການພະທາດຫຼວງວຽງຈັນມາເປັນເວລາຫຼາຍກວ່າ 4 ສະຕະວັດຜ່ານມາ.

ຜາສາດເຜິ້ງທີ່ນຳມາແຫ່ນັ້ນແມ່ນເຮັດມາຈາກຕົ້ນກ້ວຍ ແລະ ອື່ນໆ ພ້ອມປະດັບປະດາດ້ວຍດອກເຜິ້ງ (ຂີ້ເຜິ້ງ), ເຄື່ອງໃຊ້ເຊັ່ນ: ສໍດຳ, ປາກກາ (ບິກຂຽນ), ປຶ້ມຂຽນ ແລະ ເຄື່ອງໃຊ້ທີ່ຈໍາເປັນລວມທັງເງິນທີ່ຖືກຈັດວາງເປັນລະບຽບ ແລະ ດັດແປງເປັນຮູບແບບຕ່າງໆ ຊຶ່ງການຕົບແຕ່ງຜາສາດເຜິ້ງນັ້ນຈະມີຄວາມໝາຍ ຊຶ່ງສະແດງເຖິງຄວາມອຸດົມຮັ່ງມີຂອງປະຊາຊົນລາວໃນແຕ່ລະໄລຍະ ແລະ ປະເພນີ ແຫ່ຜາສາດເຜິ້ງທີ່ຈະຈັດຂຶ້ນໃນທຸກໆປີແນໃສ່ເພື່ອສືບທອດເອກະລັກ ແລະ ປົກປັກຮັກສາຮີດຄອງປະເພນີອັນດີງາມຂອງລາວໄວ້ໃຫ້ເຖິງເສັ່ນລູກ-ຫຼານ, ໃນການແຫ່ຜາສາດເຜິ້ງຈະມີມວນຊົນຊາວລາວບັນດາເຜົ່າບໍ່ວ່າຈະເປັນຜູ້ເຖົ້າ, ຜູ້ແກ່, ຊາວໜຸ່ມຍິງ-ຊາຍ, ເດັກນ້ອຍກໍໄດ້ເຂົ້າຮ່ວມຢ່າງຟົດຟື້ນມ່ວນຊື່ນ, ຜູ້ຊາຍນຸ່ງຖືສຸພາບ, ສ່ວນແມ່ຍິງເອງກໍນຸ່ງຖືຕາມເອກະລັກຂອງແມ່ຍິງລາວເຊັ່ນ: ນຸ່ງສິ້ນໄໝ, ເສື້ອໄໝ ບ່ຽງແພ ໂດຍຖືຜາສາດເຜິ້ງແຫ່ໄປຕາມຂະບວນ, ການແຫ່ຜາສາດເຜິ້ງແມ່ນປະສົມປະສານດ້ວຍສຽງຄັບ, ສຽງລໍາຈາກທ້ອງຖິ່ນຕ່າງໆທີ່ຟັງແລ້ວເປັນຕາສະອອນໃຈ ພ້ອມຍັງມີຂະບວນແຫ່ຜາສາດເຜິ້ງຈາກພາກສ່ວນຕ່າງໆທີ່ນຸ່ງຖືຂອງຊົນເຜົ່າຕ່າງໆ ສະແດງໃຫ້ເຫັນເຖິງການເຕົ້າໂຮມຄວາມສາມັກຄີຂອງປວງຊົນລາວບັນດາເຜົ່ານັ້ນເອງ.

ການແຫ່ຜາສາດເຜິ້ງນັ້ນຈະແຫ່ອ້ອມຮອບນອກກົມມະລຽນພະທາດຫຼວງ 3 ຮອບກ່ອນຂະບວນຈະແຫ່ຜ່ານປະຕູເບື້ອງຕາເວັນອອກ ເພື່ອແຫ່ອ້ອມພະທາດຫຼວງຢູ່ດ້ານໃນກົມມະລຽນ ຊຶ່ງ​ມວນ​ຊົນໄດ້ນຳເອົາຜາສາດເຜິ້ງ ແລະ ດອກໄມ້ທູບທຽນຂອງຕົນນຳໄປວາງໄວ້ອ້ອມຮອບຕີນພະທາດຫຼວງເພື່ອເປັນການບູຊາ, ອະທິຖານຕໍ່ໜ້າພະທາດຫຼວງ ແລະ ຂໍພອນຕາມຄວາມເຊື່ອຖືຂອງຊາວລາວເຮົາ. ເຮັດໃຫ້ຂະບວນການແຫ່ຜາສາດເຜິ້ງໄດ້ຮັບຄວາມສົນໃຈຈາກບັນດານັກທ່ອງທ່ຽວທັງພາຍໃນ ແລະ ຕ່າງປະເທດ ໃນແຕ່ລະປີມີນັກທ່ອງທ່ຽວເຂົ້າມາຮ່ວມ ແລະ ທ່ຽວຊົມຂະບວນການດັ່ງກ່າວເປັນຈຳນວນຫຼາຍ.

ພາຍຫຼັງທີ່ຂະບວນອ້ອມຄົບ 3 ຮອບແລ້​ວ, ໃນໂອກາດນີ້ທ່ານ ກິແກ້ວ ໄຂຄຳພິທູນ ໄດ້ຂຶ້ນໄຕ້ທຽນບູຊາພະຣັດຕະນະໄຕ ກ່ອນຈະສູດປະລິຕະມຸງຄຸນເຮັດພິທີຕາມທາງສາສະໜາ.

ທ່ານ ນາງ ພິດສະໄໝ ປະຊາຊົນບ້ານທາດຫຼວງເໜືອ ໄດ້ໃຫ້ສຳພາດວ່າ: ເຄີຍມາແຫ່ຜາສາດເຜິ້ງຄັ້ງນີ້ເປັນຄັ້ງທີ 2 ຊຶ່ງຮູ້​ສຶກດີໃຈທີ່ໄດ້ເປັນສ່ວນໜຶ່ງໃນການຮ່ວມເຮັດບຸນຄັ້ງນີ້, ເຖິງວ່າອາກາດຈະຮ້ອນແ​ດ່ ແຕ່ກໍດີໃຈທີ່ໄດ້ມາຮ່ວມ​ແຫ່​ໃນ​ຄັ້ງ​ນີ້.

ຂ່າວ: ບຸນຕອມ,​ ພາບ: ບຸນອຸ້ມ


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com