Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ມາຮູ້ຈັກກັບຜູ້ສ້າງຕັ້ງສະຫະພັນກິລາເປຕັງຄົນທໍາອິດຂອງລາວ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 15/11/2022 08:32:33 ຈຳ​ນວນ​​ຢ້ຽມ​ຊົມ 1140 ຄັ້ງ

ໂດຍ: ແສງຈັນ

ກິລາເປຕັງ ແມ່ນໜຶ່ງປະເພດກິລາທີ່ມີຄວາມສໍາຄັນໃນວົງການກິລາລາວ ແລະ ເປັນທີ່ຮູ້ຈັກກັນດີວ່າແມ່ນກິລາລູກເຫຼັກ ຫຼື ກິລາໂຍນໝາກບຸ່ນ (ເປຕັງ) ຖືກບັນຈຸເຂົ້າໃນງານມະຫະກຳກິລາແຫ່ງຊາດລາວ.

ຫຼາຍຄົນຄົງຈະຮູ້ຈັກກັນດີແລ້ວວ່າ ຜູ້ສ້າງຕັ້ງສະຫະພັນກິລາເປຕັງແຫ່ງຊາດຄົນທໍາອິດນັ້ນ ແມ່ນທ່ານ ສົມພຽນ ໄຊຍະເດດ, ປັດຈຸບັນແມ່ນເປັນທີ່ປຶກສາປະທານສະຫະພັນກິລາເປຕັງແຫ່ງຊາດລາວ, ໄດ້ໃຫ້ສໍາພາດ ເມື່ອວັນທີ 11 ພະຈິກ ຜ່ານມາ ໃນໂອກາດເຂົ້າຮ່ວມພິທີປິດການແຂ່ງຂັນກິລາເປຕັງທົ່ວປະເທດ ຄັ້ງທີ X ທີ່ເດີ່ນກິລາເປຕັງມະຫາວິທະຍາໄລແຫ່ງຊາດ ວ່າ: ຂ້າພະເຈົ້າຮູ້ສຶກເປັນກຽດ ແລະ ມີຄວາມພາກພູມໃຈເປັນຢ່າງຍິ່ງ ທີ່ພັກ-ລັດຖະບານ ໄວ້ເນື້ອເຊື່ອໃຈ ໃນການເຄື່ອນໄຫວວຽກງານ ແລະ ປະຕິບັດໜ້າທີ່ປະກອບສ່ວນເຂົ້າໃນວຽກງານຂອງສະຫະພັນກິລາເປຕັງແຫ່ງຊາດໃນສະໄໝທີ່ສ້າງຕັ້ງສະຫະພັນໃໝ່ໆ ໃນປີ 1995, ການເຄື່ອນໄຫວເວລານັ້ນ ແມ່ນໄດ້ຮັບການອຸປະຖໍາ, ອຸ້ມຊູ ຈາກ 4 ຄອບຄົວ ຄື: ຄອບຄົວ ທ່ານ ສົມພຽນ ໄຊຍະເດດ, ຄອບຄົວ ທ່ານ ຄໍາມຸ່ຍ ແກ້ວມະນີ, ຄອບຄົວ ທ່ານ ລິນທອງ ພານຸວົງ ແລະ ຄອບຄົວ ທ່ານ ອຸ່ນ ຮຸ່ງອາລຸນ ແຂວງຫຼວງພະບາງ. ການເຄື່ອນໄຫວວຽກງານໃນໄລຍະນັ້ນ ແມ່ນມີທັງຂໍ້ສະດວກ ແລະ ຂໍ້ຫຍຸ້ງຍາກ ຄື:, ເວລາແຂ່ງຂັນຢູ່ພາຍໃນປະເທດ ການຈັດການແຂ່ງຂັນ ແລະ ເງິນລາງວັນ ກໍແມ່ນເງິນຂອງແຕ່ລະທີມ ທີ່ສະໝັກລົງແຂ່ງຂັນ; ສ່ວນຂໍ້ຫຍຸ້ງຍາກ ໃນເວລາເດີນທາງໄປແຂ່ງຂັນລະດັບຊີເກມຢູ່ຕ່າງປະເທດນັ້ນແມ່ນຂາດດ້ານທຶນຮອນ ຈຶ່ງໄດ້ນຳໃຊ້ເງິນຂອງຕົນເອງ ແລະ ເງິນຂອງສະຫະພັນ, ແຕ່ກໍມີຄວາມພາກພູມໃຈທີ່ໄດ້ທຸ່ມເທເຫື່ອແຮງ ແລະ ສະຕິປັນຍາຂອງຕົນເອງ ສະໜັບສະໜູນກິລາເປຕັງຈົນສໍາເລັດຜົນ ແລະ ມີຜົນງານເປັນທີ່ພໍໃຈ ເພື່ອເຮັດໃຫ້ສັງຄົມທັງພາຍໃນ ແລະ ຕ່າງປະເທດ ໄດ້ຮັບຮູ້ ແລະ ເປັນທີ່ຮູ້ຈັກປະເພດກິລາເປຕັງຂອງລາວຢ່າງກວ້າງຂວາງ.

ໃນໄລຍະດໍາເນີນວຽກງານເປັນເວລາ 2 ສະໄໝທີ່ຮັບຜິດຊອບເປັນປະທານສະຫະພັນກິລາເປຕັງ, ພາຍຫຼັງສິ້ນສຸດໃນການເປັນປະທານແລ້ວ ຕັ້ງແຕ່ມື້ນັ້ນຈົນເຖິງປັດຈຸບັນນີ້ ແມ່ນເພິ່ນເຊີນໃຫ້ຂ້າພະເຈົ້າເປັນທີ່ປຶກສາຂອງສະຫະພັນກິລາເປຕັງແຫ່ງຊາດ. ຜ່ານການເຄື່ອນໄຫວຂອງສະຫະພັນກິລາເປຕັງແຫ່ງຊາດໃນໄລຍະນັ້ນ ໄດ້ມີຜົນງານທີ່ພົ້ນເດັ່ນ ຄື: ໄດ້ຮ່ວມກັນກໍ່ຕັ້ງສະຫະພັນກິລາເປຕັງເເຫ່ງຊາດ ໂດຍຄະນະກຳມະການກິລາແຫ່ງຊາດຮັບຮອງເອົາຢ່າງເປັນທາງການ ແລະ ໄດ້ຮັບກຽດເປັນປະທານຄົນທໍາອິດຂອງສະຫະພັນ ຊຶ່ງດຳລົງຕຳແໜ່ງເປັນປະທານສະຫະພັນເປຕັງຜູ້ທຳອິດ 2 ສະໄໝ ແຕ່ປີ 1995 – 2003. ໄດ້ສ້າງ ແລະ ຮັບຮອງເອົາກົດລະບຽບຂອງສະຫະພັນເປຕັງເເຫ່ງຊາດ ສະບັບທໍາອິດໂດຍມີເນື້ອໃນສອດຄ່ອງກັບກົດລະບຽບຂອງສະຫະພັນເປຕັງໂລກ, ໄດ້ສ້າງ ແລະ ຮັບຮອງເອົາເຄື່ອງໝາຍ (ໂລໂກ້)ຂອງສະຫະພັນເປຕັງເເຫ່ງຊາດລາວ, ໄດ້ເຕົ້າໂຮມສະໂມສອນ ແລະ ນັກກິລາເປຕັງທົ່ວປະເທດໃຫ້ເປັນສະມາຊິກຂອງສະຫະພັນເປຕັງເເຫ່ງຊາດ ແລະ ພ້ອມກັນປະຕິບັດກົດລະບຽບສະບັບດຽວກັນ, ໄດ້ດຳເນີນການແຂ່ງຂັນກິລາເປຕັງທົ່ວປະເທດທຸກໆປີ ໂດຍແຕ່ລະແຂວງຜັດປ່ຽນກັນເປັນເຈົ້າພາບ ຖ້າຫາກວ່າ ການແຂ່ງຂັນຢູ່ນະຄອນຫຼວງວຽງຈັນແມ່ນຊີງຂັນທ່ານເຈົ້າຄອງ ຫຼື ຊິງຂັນທ່ານນາຍົກລັດຖະມົນຕີ, ໄດ້ນຳພານັກກິລາເປຕັງລາວໄປແຂ່ງຂັນກັບນັກກິລາຕ່າງປະເທດມີ: ໄທ, ມາເລເຊຍ, ສິງກະໂປ, ກຳປູເຈຍ ແລະ ຫວຽດນາມ ໃນທຸກໆປີໄດ້ນຳພານັກກິລາເປຕັງລາວເຂົ້າຮ່ວມການຊີງແຊັມກິລາເປຕັງເອເຊຍທຸກໆຄັ້ງ ແລະ ນັກກິລາເປຕັງລາວກໍໄດ້ຄອງແຊັມເປຕັງເອເຊຍ 2 ສະໄໝ (ລາວ-ໄທ ເປັນເຈົ້າພາບ), ເຂົ້າຮ່ວມແຂ່ງຂັນຊີງແຊັມກິລາເປຕັງໂລກ 2 ຄັ້ງ. ປະເທດແອັດສະປາຍ ແລະ ຝຣັ່ງ ເປັນເຈົ້າພາບ, ປີ 2001 ເຂົ້າຮ່ວມການແຂ່ງຂັນກິລາຊີເກມຫຼັງຈາກກິລາເປຕັງໄດ້ຮັບການບັນຈຸເຂົ້າກິລາຊີເກມຄອງຫຼຽນຄຳ ຫຼຽນທຳອິດຂອງສະຫະພັນ ແລະ ເປັນຫຼຽນຄຳຫຼຽນທີ 2 ທີ່ລາວໄດ້ຮັບຈາກກິລາຊີເກມ ຈາກນັ້ນແຕ່ລະຄັ້ງທີ່ມີການແຂ່ງຂັນກິລາຊີເກມ ກິລາເປຕັງກໍໄດ້ເຂົ້າຮ່ວມການແຂ່ງຂັນທຸກໆຄັ້ງ ແລະ ໄດ້ຮັບຫຼຽນຄຳ, ຫຼຽນເງິນ ແລະ ຫຼຽນທອງທຸກໆຄັ້ງ, ຫຼັງຈາກມີສະຫະພັນເປຕັງແຫ່ງຊາດ ໂດຍແມ່ນຄະນະກຳມະການກິລາແຫ່ງຊາດຮັບຮອງເອົາແລ້ວ, ວົງການກິລາເປຕັງທົ່ວປະເທດແມ່ນມີຊີວິດຊີວາ ແລະ ມີບັນຍາກາດຟົດຟື້ນມ່ວນຊື່ນ ແລະ ເປັນທີ່ຮູ້ຈັກຂອງສັງຄົມຢ່າງກວ້າງຂວາງ ຫຼາຍບ້ານ, ຫຼາຍສຳນັກງານ, ອົງການ ໄດ້ສ້າງໃຫ້ມີບ່ອນຝຶກຊ້ອມໂຍນເປຕັງ ຊຶ່ງການຫຼິ້ນ ຫຼື ການແຂ່ງຂັນແມ່ນມີຄວາມເບີກບານມ່ວນຊື່ນ ແລະ ຟົດຟື້ນ ໂດຍຈຸດມຸ່ງໝາຍກໍເພື່ອຄວາມສາມັກຄີ, ເພື່ອເສີມສ້າງສຸຂະພາບ ເເລະ ເພື່ອການບັນເທີງ, ການເຄື່ອນໄຫວແຂ່ງຂັນກິລາເປຕັງໄລຍະນັ້ນ ໂດຍສະເພາະແມ່ນການເຄື່ອນໄຫວແຂ່ງຂັນກັບຕ່າງປະເທດ ຫຼື ແຂ່ງຂັນຢູ່ຕ່າງປະເທດ ແມ່ນໄດ້ນຳໃຊ້ເງິນຂອງຕົວເອງໃຊ້ຈ່າຍ ຍ້ອນວ່າງົບປະມານຂອງສະຫະພັນບໍ່ພຽງພໍ. ເເຕ່ເຖິງຢ່າງໃດກໍຕາມຂ້າພະເຈົ້າແມ່ນມີຄວາມຮູ້ສຶກພາກພູມໃຈທີ່ເຫັນກິລາເປຕັງຍັງດຳເນີນການເຄື່ອນໄຫວໄປໄດ້ດີ ແລະ ເປັນທີ່ນິຍົມຊົມຊອບຂອງມວນຊົນ ຈົນເຖິງທຸກວັນນີ້.

ທ່ານ ສົມພຽນ ໄຊຍະເດດ ກ່າວຕື່ມອີກວ່າ: ຈາກການປະຕິບັດໜ້າທີ່ວຽກງານຈົນສໍາເລັດເປັນແຕ່ລະໄລຍະ ແລະ ບວກກັບຄວາມໄວ້ເນື້ອເຊື່ອໃຈຈາກການນໍາພັກ-ລັດ ຈຶ່ງໄດ້ຮັບການຍ້ອງຍໍຂັ້ນຕ່າງໆ ຄື: ໄດ້ຮັບຫຼຽນໄຊພັດທະນາ, ຫຼຽນໄຊແຮງງານ, ຫຼຽນກາແຮງງານ ແລະ ໃບຍ້ອງຍໍຂັ້ນຕ່າງໆ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com