Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ເປີດແຜນງານບີຄວາ ໄລຍະທີ 2 ເພື່ອປັບປຸງຄຸນນະພາບການສຶກສາ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 18/11/2022 09:44:37 ຈຳ​ນວນ​​ຢ້ຽມ​ຊົມ 3084 ຄັ້ງ

ລັດຖະບານອົສຕຣາລີ ແລະ ກະຊວງສຶກສາທິການ ແລະ ກິລາ (ສສກ) ໄດ້ຈັດພິທີເປີດແຜນງານ ການປັບປຸງຄຸນນະພາບ ແລະ ຂະຫຍາຍໂອກາດເຂົ້າຮຽນ ສຳລັບນັກສຶກສາຂັ້ນພື້ນຖານ ໃນ ສປປ ລາວ (ແຜນງານບີຄວາ) ໄລຍະທີ 2 (2022-2026) ຂຶ້ນໃນວັນທີ 16 ພະຈິກ ຜ່ານມາ ທີ່ ໂຮງຮຽນປະຖົມສົມບູນ ນາໄຮ່ດຽວ ເມືອງຈັນທະບູລີ ນະຄອນຫຼວງວຽງຈັນ ໂດຍການເປັນປະທານກ່າວເປີດຂອງທ່ານ ນາງ ສີສຸກ ວົງວິຈິດ ຮອງລັດຖະມົນຕີ ກະຊວງ (ສສກ), ທ່ານ ໂພລ ແຄລີ ເອກອັກຄະລັດຖະທູດວິສາມັນຜູ້ມີອຳນາດເຕັມອົສຕຣາລີ ປະຈຳ ສປປ ລາວ, ມີພະແນກສຶກສາທິການ ແລະ ກິລາ ຈາກ 7 ແຂວງ ເປົ້າໝາຍ, ບັນດາຄູ່ຮ່ວມພັດທະນາ ແລະ ພາກສ່ວນກ່ຽວຂ້ອງເຂົ້າຮ່ວມ.

ທ່ານ ນາງ ສີສຸກ ວົງວິຈິດ ໄດ້ກ່າວວ່າ: ລັດຖະບານລາວ ແລະ ລັດຖະບານອົສຕຣາລີ ມີອຸດົມການອັນ ດຽວກັນກໍຄືການຮັບປະກັນໃຫ້ເດັກນ້ອຍທຸກຄົນ ໂດຍສະເພາະແມ່ນຜູ້ທີ່ດ້ອຍໂອກາດ ໄດ້ຮັບການສຶກສາຂັ້ນພື້ນຖານ ທີ່ມີຄຸນນະພາບ. ນັບແຕ່ປີ 2015 ເປັນຕົ້ນມາ, ລັດຖະບານອົສຕຣາລີ ໄດ້ໃຫ້ການຊ່ວຍເຫຼືອກະຊວງສຶກສາທິການ ແລະ ກິລາ ໂດຍຜ່ານແຜນງານບີຄວາ ໄລຍະທີ 1, ໄດ້ມີການພັດທະນາ ແລະ ຈັດຕັ້ງປະຕິບັດຫຼັກສູດຊັ້ນປະ ຖົມສຶກສາສະບັບປັບປຸງໃໝ່ ພ້ອມທັງມີການອອກແບບ ແລະ ຈັດຕັ້ງປະຕິບັດວຽກງານການຝຶກອົບຮົມຄູ ແລະ ກິດຈະກໍາຕ່າງໆສຳລັບການພັດທະນາວິຊາຊີບຄູ ແລະ ຄຸນນະພາບການສອນ ແມ່ນສ່ວນທີ່ສຳຄັນທີ່ສຸດອັນໜຶ່ງ ສຳລັບການປັບປຸງຜົນການຮຽນຂອງເດັກທຸກຄົນໃນ ສປປ ລາວ ແລະ ຢາກຊຸກຍູ້ໃຫ້ຄູທຸກຄົນມີສ່ວນຮ່ວມໃນ ກິດຈະກໍາການພັດທະນາວິຊາຊີບຄູແບບຕໍ່ເນື່ອງ ຕະຫຼອດໄລຍະສົກຮຽນ ເພື່ອສ້າງຄວາມໝັ້ນໃຈ ແລະ ເຕັກນິກການ ສອນເພື່ອນໍາໃຊ້ໃນການປະຕິບັດຫຼັກສູດໃໝ່ໃຫ້ມີປະສິດທິພາບ. ຄູທຸກຄົນແມ່ນຕ້ອງການ ການຊ່ວຍເຫຼືອຢ່າງຕໍ່ເນື່ອງ ຈາກຜູ້ອໍານວຍການໂຮງຮຽນ ແລະ ພະນັກງານຫ້ອງການສຶກສາທິການ ແລະ ກິລາເມືອງ, ພະແນກສຶກສາທິການ ແລະ ກິລາແຂວງ ແລະ ວິທະຍາໄລຄູ ຕະຫຼອດໄລຍະສົກຮຽນເພື່ອໃຫ້ສາມາດນຳໃຊ້ຫຼັກສູດໃໝ່ ແລະ ແກ້ໄຂ ບັນດາສິ່ງທ້າທາຍຕ່າງໆໃນການສອນ.

ທ່ານ ໂພລ ແຄລີ ໄດ້ກ່າວວ່າ: ການສຶກສາປ່ຽນຊີວິດຄົນໄດ້, ການສຶກສາປະກອບສ່ວນເຮັດໃຫ້ຊຸມຊົນ ເຂັ້ມແຂງ ແລະ ຈະເລີນຮຸ່ງເຮືອງກວ່າເກົ່າ. ນັ້ນແມ່ນເຫດຜົນທີ່ມີຄວາມມຸ່ງໝັ້ນໃນການສົ່ງເສີມການສຶກສາຊັ້ນປະຖົມ ທີ່ມີຄຸນນະພາບໃຫ້ແກ່ເດັກນ້ອຍລາວທຸກຄົນ, ບໍ່ວ່າເຂົາເຈົ້າຈະມີພື້ນຖານແບບໃດ? ແລະ ບໍ່ວ່າເຂົາເຈົ້າຈະເປັນ ເພດໃດ? ກໍຕາມ ແລະ ຈະສືບຕໍ່ໃຫ້ການຊ່ວຍເຫຼືອຜ່ານແຜນງານບີຄວາ ມູນຄ່າຫຼາຍກວ່າ 28 ລ້ານໂດລາອົສຕຣາລີ.

ແຜນງານບີຄວາ ໄລຍະທີ 2 ຈະສືບຕໍ່ຈັດຕັ້ງປະຕິບັດຫຼັກສູດຊັ້ນປະຖົມສຶກສາສະບັບປັບປຸງໃໝ່ ໂດຍໃຫ້ສຳ ເລັດການພັດທະນາ ແລະ ຈັດຕັ້ງປະຕິບັດຫຼັກສູດຂັ້ນ ປ.5 ໃນສົກຮຽນ 2023-2024. ນອກນັ້ນ, ແຜນງານຍັງຈະສືບຕໍ່ພັດທະນາໂຄງການຝຶກເວົ້າພາສາລາວເພື່ອສະໜັບສະໜູນນັກຮຽນຊົນເຜົ່າຢູ່ໃນໂຮງຮຽນປະຖົມທີ່ຢູ່ເຂດຫ່າງໄກສອກຫຼີກ ແລະ ຈະຄ່ອຍໆຫັນປ່ຽນຈຸດສຸມໄປສູ່ການສະໜັບສະໜູນການພັດທະນາວິຊາຊີບ ແລະ ການຝຶກອົບຮົມຄູ. ນອກນັ້ນ, ຍັງຈະສຸມໃສ່ການຮັບປະກັນໃຫ້ມີວິທີການທີ່ສົ່ງເສີມການສຶກສາຮຽນຮ່ວມໂດຍສະເພາະ ແມ່ນບົດບາດຍິງ-ຊາຍ ແລະ ການຮຽນຮູ້ຂອງນັກຮຽນພິການ.

ໃນພິທີ, ທ່ານ ນາງ ສີສຸກ ວົງວິຈິດ ແລະ ທ່ານ ໂພລ ແຄລີ ໄດ້ໃຫ້ກຽດຂຶ້ນຕີຄ້ອງ 3 ບາດ ເພື່ອເປີດ ແຜນງານບີຄວາ ໄລຍະທີ 2 ຢ່າງເປັນທາງການ, ຫຼັງຈາກສຳເລັດພິທີແຂກທີ່ເຂົ້າຮ່ວມງານໄດ້ຢ້ຽມຊົມການວາງ ສະແດງລາຍການຕ່າງໆ, ຢ້ຽມຊົມການສອນຂອງຫ້ອງຮຽນ ຂັ້ນ ປ.1 ຫາ ປ.4.

(ຂ່າວ-ພາບ: ວັນເພັງ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com