Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຫົວໜ້າພະແນກແຮງງານ ສະຫວັດດີການ-ສັງຄົມ ແຂວງຜົ້ງສາລີ ມີຄວາມຮູ້ສຶກຕໍ່ວັນຊາດ ທີ 2 ທັນວາ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 23/11/2022 15:49:13 ຈຳ​ນວນ​​ຢ້ຽມ​ຊົມ 468 ຄັ້ງ

ຍັງອີກບໍ່ດົນ, ວັນຊາດທີ 2 ທັນວາ ກໍຈະໝູນວຽນມາບັນຈົບຄົບຮອບ 47 ປີ (2/12/1975- 2/12/2022), ທ່ານ ທອງສິງ ອິນທະແສງ ຫົວໜ້າພະແນກແຮງງານ ສະຫວັດດີການ-ສັງຄົມ ແຂວງຜົ້ງສາລີ ໄດ້ມີຄວາມຮູ້ສຶກວ່າ: ການກຳເນີດເກີດຂຶ້ນຂອງວັນຊາດ 2 ທັນວາ 1975 ມັນເປັນຂີດໝາຍທີ່ມີຄວາມສຳຄັນຍິ່ງ ໃນປະຫວັດຊາດຂອງຊາດລາວ ແລະ ປະຊາຊົນລາວບັນດາເຜົ່າ, ໃນອະດີດ ປະເທດຊາດຂອງພວກເຮົາ ໄດ້ຕົກເປັນຫົວເມືອງຂຶ້ນແບບເກົ່າ ແລະ ໃໝ່ ໃຫ້ແກ່ພວກຈັກກະພັດຕ່າງດ້າວ ມາໄດ້ຫຼາຍທົດສະ ວັດ, ປະຊາຊົນບັນດາເຜົ່າໃນທົ່ວປະເທດ ໂດຍສະເພາະຊາວແຂວງຜົ້ງສາລີ ຕ້ອງດຳລົງຊີວິດຢ່າງທົນທຸກທໍລະມານ, ຖືກປາບປາມ, ກົດຂີ່ຂູດຮີດຢ່າງໜັກ, ທຸກຍາກຫຼ້າຫຼັງ, ເຂົ້າຂາດແລງ-ແກງຂາດໝໍ້, ບໍ່ໄດ້ສຶກສາຮ່ຳຮຽນ, ເຈັບເປັນບໍ່ມີຢຸກຢາປິ່ນປົວ ແລະ ອື່ນໆ ຈົນນັບບໍ່ຖ້ວນ, ແຕ່ພາຍຫຼັງມີການນຳພາອັນສະຫຼາດສ່ອງໄສ ຂອງພັກປະຊາຊົນ ປະຕິວັດລາວ ແລະ ບວກກັບຈິດໃຈຮັກຊາດ-ແພງເຊື້ອສູງ ຂອງກອງທັບ ແລະ ປະຊາຊົນບັນດາເຜົ່າ ທີ່ເຄີຍຕໍ່ສູງຢ່າງທໍລະຫົດອົດທົນ, ມີການເສຍສະຫຼະອັນໃຫຍ່ຫຼວງ ແລະ ເດັດຂາດບໍ່ຍອມຈຳນົນຕໍ່ສັດຕູຜູ້ຮູກຮານ; ດັ່ງນັ້ນ, ກອງທັບ ແລະ ປະຊາຊົນລາວບັນດາເຜົ່າ ແຕ່ເໜືອເຖິງໃຕ້ ຈຶ່ງສາມາດປົດປ່ອຍປະເທດຊາດຢ່າງສົມບູນ ແລະ ປະກາດສ້າງຕັ້ງ ສາທາລະນະລັດ ປະຊາທິປະໄຕ ປະຊາຊົນລາວ ຢ່າງສະຫງ່າຜ່າເຜີຍ ໃນວັນທີ 2 ທັນວາ 1975 ແລະ ນັບແຕ່ນັ້ນມາ ປະຊາຊົນລາວບັນດາເຜົ່າ ໄດ້ມີອິດສະຫຼະພາບ ແລະ ເປັນເຈົ້າຂອງປະເທດຊາດຢ່າງແທ້ຈິງ, ປະເທດລາວໄດ້ມີເອກະລາດ, ມີອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນເປັນຂອງຕົນເອງ ແລະ ກາຍເປັນປະເທດໜຶ່ງ ຊຶ່ງມີທີ່ຕັ້ງອັນສົມກຽດ ແລະ ມີສະຖານະພາບເທົ່າທຽມກັບບັນດາປະເທດອື່ນໆ ໃນໂລກ.

ການສະເຫຼີມສະຫຼອງ ວັນຊາດທີ 2 ທັນວາ ຄົບຮອບ 47 ປີນີ້ ຂ້າພະເຈົ້າກໍຄືອົງການນຳພະແນກແຮງງານ ແລະ ສະຫວັດດີການສັງຄົມ ແຂວງຜົ້ງສາລີ ມີຄວາມຄິດຮອດຄິດເຖິງ ແລະ ທັງຈົດຈຳລ້ຳລຶກຄຸນງາມຄວາມດີອະດີດຜູ້ນຳພັກ-ລັດ ກໍຄືບັນພະບູລຸດເຜົ່າຕ່າງໆ ລວມເຖິງພະນັກງານ ແລະ ນັກຮົບຂອງຊາວແຂວງຜົ້ງສາລີ ທີ່ໄດ້ເສຍສະຫຼະຊີວິດ ແລະ ເລືອດເນື້ອເຫື່ອແຮງຂອງຕົນ ເພື່ອການຕໍ່ສູ້ກູ້ຊາດອັນດຸເດືອດໃນເມື່ອກ່ອນ ກໍຄືພາລະກິດປົກປັກຮັກສາ ແລະ ສ້າງສາປະເທດຊາດໃນປັດຈຸບັນ.

ທ່ານໃຫ້ຮູ້ຕື່ມວ່າ: ຕະຫຼອດໄລຍະ 47 ປີ, ສປປ ລາວ ພວກເຮົາ ໂດຍສະເພາະແຂວງຜົ້ງສາລີ ໄດ້ເດີນຜ່ານເສັ້ນທາງທີ່ເຕັມໄປດ້ວຍ ຄວາມຫຍຸ້ງຍາກ ແລະ ສິ່ງທ້າທາຍຫຼາຍປະການ ເປັນຕົ້ນແມ່ນສັດຕູ ແລະ ພວກຄົນບໍ່ດີ ໄດ້ມີການເຄື່ອນໄຫວທຳລາຍມ້າງເພພວກເຮົາ ດ້ວຍຫຼາຍຮູບການ, ນອກນັ້ນ ບັນຫາຢາເສບຕິດ, ໄພທຳມະຊາດ ແລະ ການແຜ່ລະບາດຂອງເຊື້ອພະຍາດໂຄວິດ-19 ແລະ ອື່ນໆ ໄດ້ກາຍເປັນບັນຫາອຸປະສັກ ໃຫ້ແກ່ການພັດທະນາເສດຖະກິດ-ສັງຄົມ ຂອງປະເທດເຮົາກໍຄືຂອງແຂວງຜົ້ງສາລີ, ແຕ່ຍ້ອນການໃກ້ຊິດຊີ້ນຳຂອງຄະນະພັກ ແລະ ການນຳພັກ-ອຳນາດການປົກຄອງແຂວງ ແລະ ດ້ວຍມູນເຊື້ອສາມັກຄີ ຂອງປະຊາຊົນບັນດາເຜົ່າພາຍໃນແຂວງ, ດັ່ງນັ້ນ ແຂວງຜົ້ງສາລີພວກເຮົາຈຶ່ງໄດ້ບັນລຸຜົນສຳເລັດອັນຍິ່ງໃຫຍ່ຫຼາຍປະການໃນພາລະກິດປົກປັກຮັກສາ ແລະ ພັດທະນາເສດຖະກິດ-ສັງຄົມ ເປັນຕົ້ນ ໃນປີຜ່ານມາການພັດທະນາຊົນນະບົດກໍມີບາດກ້າວໃໝ່, ການຜະລິດສິນຄ້າໃນຮູບແບບຕ່າງໆນັບມື້ແຜ່ຂະຫຍາຍ, ພວກເຮົາສາມາດແກ້ໄຂຄວາມທຸກຍາກໃຫ້ປະຊາຊົນໄດ້ຫຼາຍໝູ່ບ້ານ ແລະ ບັນຫາອື່ນໆອີກ ໂດຍສະເພາະໃນຂົງເຂດແຮງງານ ແລະ ສະຫວັດດີການສັງຄົມແຂວງຜົ້ງສາລີ ໄດ້ສ້າງບ້ານດ້ານພັດທະນາແຮງງານ ແລະ ສະຫວັດດີການສັງຄົມໄດ້ 8 ບ້ານ, ພັດທະນາສີມືແຮງງານ ໄດ້ 1.149 ຄົນ, ຈັດຫາງານໄດ້ 1.050 ຄົນ, ຂະຫຍາຍອັດຕາປົກຫຸ້ມປະກັນສັງຄົມ ໄດ້ 574 ຄົນ ແລະ ອື່ນໆ.

ເພື່ອເປັນການສະດຸດີ ແລະ ຮ່ຳຮຽນເອົາມູນເຊື້ອວິລະກຳຂອງວັນຊາດທີ 2 ທັນວາ, ໃນນາມພະນັກງານ-ລັດຖະກອນ, ສະມາຊິກພັກ ທີ່ສັງກັດຢູ່ພະແນກແຮງງານ ແລະ ສະຫວັດດີການສັງຄົມ ແຂວງຜົ້ງສາລີ ຈະສືບຕໍ່ຝຶກຝົນຫຼໍ່ຫຼອມ ແລະ ຮໍ່າຮຽນເອົາແບບຢ່າງທີ່ດີ ຂອງອະດີດການນຳພັກ-ລັດ, ສືບຕໍ່ປັບປຸງຂະແໜງແຮງງານ ແລະ ສະຫວັດດີການສັງຄົມ ໃຫ້ມີຄວາມໜັກແໜ້ນກວ່າເກົ່າ, ເພີ່ມທະວີຄວາມສາມັກຄີພາຍໃນ ແລະ ເຮັດສຳເລັດໜ້າທີ່ອັນສູງສົ່ງ ທີ່ການຈັດຕັ້ງມອບໝາຍໃຫ້, ປະພຶດຕົນເອງ ໃຫ້ສົມກັບເປັນຜູ້ສືບທອດທີ່ດີໃນອະນາຄົດ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com