Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ຄວາມຮູ້ສຶກຂອງ ເຈົ້າເມືອງທຸລະຄົມ ເນື່ອງໃນໂອກາດວັນຊາດທີ 2 ທັນວາ ຄົບຮອບ 47 ປີ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 24/11/2022 15:11:10 ຈຳ​ນວນ​​ຢ້ຽມ​ຊົມ 497 ຄັ້ງ

ເນື່ອງໃນໂອກາດວັນຊາດທີ 2 ທັນວາ ກໍຄືວັນສະຖາປານາສາທາລະນະລັດ ປະຊາທິປະໄຕປະຊາຊົນລາວ ຄົບຮອບ 47 ປີ (ວັນທີ 2 ທັນວາ 1975 - ວັນທີ 2 ທັນວາ 2022) ທີ່ຈະໝູນວຽນມາຄົບຮອບອີກວາລະໜຶ່ງໃນອີກບໍ່ດົນນີ້, ນາງ ວົງເດືອນ ວັດຕະໂສ ກໍາມະການພັກແຂວງ ເລຂາພັກເມືອງ ເຈົ້າເມືອງທຸລະຄົມ ແຂວງວຽງຈັນ ໄດ້ຕາງໜ້າໃຫ້ຄະນະພັກ-ອົງການປົກຄອງເມືອງ ແລະ ປະຊາຊົນບັນດາເຜົ່າທຸກຊັ້ນຄົນຊາວເມືອງທຸລະຄົມ ມີຄວາມຮູ້ສຶກປື້ມປິຕິຍິນດີ, ພາກພູມໃຈ ແລະ ເອກອ້າງທະນົງໃຈເປັນຢ່າງຍິ່ງ, ເນື່ອງຈາກປີ 2022 ເປັນອີກປີໜຶ່ງທີ່ມີຄວາມໝາຍສໍາຄັນ ແລະ ມີຫຼາຍພາລະກິດສໍາຄັນທີ່ສູນກາງພັກ, ລັດຖະບານ ກໍຄືອົງຄະນະພັກແຕ່ລະຂັ້ນໄດ້ຊີ້ນໍາ-ນໍາພາຈັດຕັ້ງປະຕິບັດດ້ວຍຜົນສໍາເລັດຫຼາຍດ້ານ, ໂດຍສະເພາະແມ່ນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ, ແຜນພັດທະນະາເສດຖະກິດສັງຄົມ 5 ປີ ຄັ້ງທີ IX, ການປະຕິບັດ 2 ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ການແກ້ໄຂບັນຫາຢາເສບຕິດ, ພິເສດແມ່ນການສະເຫຼີມສະຫຼອງປີສາມັກຄີມິດຕະພາບລາວ-ຫວຽດນາມ, ຫວຽດນາມ-ລາວ 2022 ຊຶ່ງບັນດາວຽກງານສໍາຄັນດັ່ງກ່າວລ້ວນແຕ່ເປັນຂະບວນການຟົດຟື້ນກວ້າງຂວາງນັບແຕ່ຂັ້ນສູນກາງຮອດຂັ້ນທ້ອງ ຖິ່ນ, ພ້ອມກັນນັ້ນ ບັນດາວຽກງານໃນແຕ່ລະຂົງເຂດກໍມີຜົນສໍາເລັດ ປະກອບສ່ວນຕີຈັງຫວະ ແລະ ຍູ້ແຮງການຈັດຕັ້ງປະຕິບັດບັນດາມະຕິ, ຄໍາສັ່ງ ແລະ ນິຕິກໍາຕ່າງໆທີ່ຂັ້ນເທິງວາງອອກເປັນຢ່າງດີ, ເຖິງວ່າສະພາບແວດລ້ອມຂອງພາກພື້ນ, ສາກົນບາງດ້ານບໍ່ເອື້ອອໍານວຍ ແຕ່ພາຍໃຕ້ການນໍາພາຂອງພັກ, ຄະນະພັກ-ຄະນະນໍາແຕ່ລະຂັ້ນ, ປະຊາຊົນລາວບັນດາເຜົ່າ ກໍບໍ່ຫວັ່ນໄຫວຄອນແຄນ ສືບຕໍ່ຢຶດໝັ້ນເດີນຕາມການນໍາພາຂອງພັກ ແລະ ມີຄວາມເຊື່ອໝັ້ນວ່າ ໂດຍການນໍາພາຂອງຄະນະພັກ-ຄະນະນໍາຂັ້ນເທິງ ຈະສາມາດແກ້ໄຂບັນດາວຽກງານທີ່ຍັງຫຍຸ້ງຍາກຈໍານວນໜຶ່ງໃຫ້ລຸລ່ວງໄປດ້ວຍດີ ເພື່ອນໍາເອົາຄວາມຢູ່ດີກິນດີ ແລະ ຄວາມສົມບູນພູນສຸກມາສູ່ປະຊາຊົນ;

ເວົ້າສະເພາະຢູ່ເມືອງທຸລະຄົມ ແຂວງວຽງຈັນ ເພື່ອປະກອບສ່ວນຢ່າງສໍາຄັນໃຫ້ແກ່ການກະກຽມສະເຫຼີມສະຫຼອງວັນຊາດທີ 2 ທັນວາ ຄົບຮອບ 47 ປີ ແລະ ເພື່ອຍູ້ແຮງຂະບວນການວຽກງານສໍາຄັນອື່ນໆ, ຄະນະພັກ-ຄະນະນໍາຂອງເມືອງ ພາຍໃຕ້ທິດຊີ້ນໍາຈາກຄະນະພັກ-ອົງການປົກຄອງແຂວງວຽງຈັນ ໄດ້ມີຄວາມເອກະພາບເພື່ອສ້າງຂະບວນການຫຼາຍດ້ານເປັນຕົ້ນ: ການສະຫຼຸບຜົນງານກາງສະໄໝຂອງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VII ຂອງອົງຄະນະພັກເມືອງ, ສະຫຼຸບ ແລະ ປະເມີນດ້ານຕັ້ງໜ້າ, ຈຸດຄົງຄ້າງ ຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ III 2020-2024 ຂອງເມືອງ ໄປພ້ອມກັບການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງວຽງຈັນ, ສືບຕໍ່ເຄື່ອນໄຫວລົງຊຸກຍູ້ວຽກງານລົງກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານ ຕາມ 4 ເນື້ອໃນ 4 ຄາດໝາຍ ແລະ ວຽກງານສາມສ້າງ ຕິດພັນກັບຂໍ້ແຂ່ງຂັນຮັກຊາດ ແລະ ພັດທະນາ; ເຮັດໃຫ້ເມືອງທຸລະຄົມ ແຂວງວຽງຈັນ ມີຄວາມສະຫງົບປອດໄພ, ເສດຖະກິດ-ສັງຄົມ ໄດ້ມີການພັດທະນາຢ່າງຕໍ່ເນື່ອງ ປະຊາຊົນສາມາດຫຼຸດພົ້ນອອກຈາກຄວາມທຸກຍາກໄດ້ເທື່ອລະກ້າວ.

ຂ້າພະເຈົ້າຕາງໜ້າໃຫ້ ພະນັກງານ, ສະມາຊິກພັກ, ປະຊາຊົນທຸກທົ່ວໜ້າ ຂໍສະແດງຄວາມຮູ້ບຸນຄຸນຕໍ່ພັກ ແລະ ລັດ ທີ່ຍາມໃດກໍມີແນວທາງທີ່ຖືກຕ້ອງສະຫຼາດສ່ອງໃສ ເພື່ອນໍາພາປະເທດຊາດຫຼຸດພົ້ນອອກຈາກສະຖານະພາບປະເທດດ້ອຍພັດທະນາໃນມໍ່ໆນີ້ ແລະ ໄປເຖິງຈຸດໝາຍທີ່ຕັ້ງເອົາໄວ້. ໃນໂອກາດນີ້ ຂໍອວຍພອນໃຫ້ການນໍາພັກ-ລັດ ທຸກທົ່ວໜ້າຈົ່ງມີອາຍຸໝັ້ນຂວັນຍືນ, ສືບຕໍ່ນໍາພາປະເທດຊາດຂອງພວກເຮົາກ້າວຂຶ້ນຢ່າງບໍ່ຢຸດຢັ້ງ.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com