Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ວັນຊາດ ທີ 2 ທັນວາ ເປັນວັນທີ່ມີຄວາມໝາຍ ສຳຄັນຍິ່ງສຳລັບປະຊາຊົນລາວ

ເຜີຍ​ແຜ່​ໂດຍ​: ທ່ານ ຈັນ​ທະ​ໄມ​ຕ​ຣີ ເທບ​ສີ​ເມືອງ ເວ​ລາ: 24/11/2022 15:26:19 ຈຳ​ນວນ​​ຢ້ຽມ​ຊົມ 515 ຄັ້ງ

ໂດຍ: ສຳນານ ພົມພັກດີ

ວັນຊາດທີ 2 ທັນວາ ເປັນວັນທີ່ມີຄວາມໝາຍຄວາມສຳຄັນຍິ່ງຕໍ່ປະຊົນລາວບັນດາເຜົ່າ ເນື່ອງຈາກເປັນວັນທີ່ປະຊົນລາວໄດ້ຮັບເອກະລາດ, ອິດສະຫຼະພາບເປັນເຈົ້າຕົນເອງຈາກການເປັນຫົວເມືອງຂຶ້ນຂອງຕ່າງຊາດມາຢ່າງຍາວນານ.

ທ່ານ ເຫຼັກໄຫຼ ສີວິໄລ ເລຂາພັກແຂວງ ເຈົ້າແຂວງເຊກອງ ໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນ ເນື່ອງໃນໂອກາດວັນຊາດ ທີ 2 ທັນ ຄົບຮອບ 47 ປີທີ່ຈະໜູນວຽນມາບັ້ນຈົບຄົບຮອບອີກວາລະໜຶ່ງໃນມໍ່ໆນີ້ວ່າ: ວັນຊາດທີ 2 ທັນວາ ເປັນວັນທີ່ມີຄວາມໝາຍຄວາມສຳຄັນທີ່ສຸດຕໍ່ກັບປະຊາຊົນລາວບັນດາເຜົ່າ ເນື່ອງຈາກເປັນວັນທີ່ປະຊາຊົນລາວໄດ້ຮັບເອກະລາດ,ອິດສະຫຼະພາບຈາກການເປັນຫົວເມືອງຂຶ້ນຂອງຕ່າງຊາດມາຢ່າງຍາວນານ, ຄືດັ່ງ ປະທານໄກສອນ ພົມວິຫານ ໄດ້ມີຄຳເຫັນວ່າ ແມ່ນວັນທີ່ມີຄວາມສຳຄັນ ແລະ ແມ່ນເຫດການໜຶ່ງທີ່ບໍ່ເຄີຍມີໃນປະຫວັດສາດຂອງຊາດລາວເຮົາທີ່ປະຊາຊົນລາວມີເອກະລາດ, ມີອິດສະຫຼະພາບເປັນເຈົ້າຕົນເອງ.

ທ່ານກ່າວຕື່ມວ່າ: ສຳລັບຄະນະພັກ, ອົງການປົກຄອງແຂວງພວກເຮົາແມ່ນຖືສຳຄັນທີ່ສຸດສຳລັບວັນຊາດທີ 2 ທັນວາ ໂດຍສະເພາະແຂວງເຊກອງເປັນແຂວງໜຶ່ງທີ່ເຕີບໃຫຍ່ມາຈາກແຂວງຕາເວັນອອກເປັນແຂວງວິລະຊົນ ຊຶ່ງພວກເຮົາກໍໄດ້ເສີມຂະຫຍາຍມູນເຊື້ອວິລະຊົນມາຮອດປັດຈຸບັນ, ໃນເມື່ອກ່ອນແຂວງເຊກອງເປັນເຂດພູດອຍ, ຊົນເຜົ່າ, ຫ່າງໄກສອກຫຼີກ ເປັນເຂດທຸກຍາກທີ່ສຸດເປັນເຂດພູຜາປ່າໄມ້, ແຕ່ມາຮອດປັດຈຸບັນໄດ້ກາຍເປັນຕົວເມືອງມີເທດສະບານແຂວງ, ເມືອງຕ່າງໆມີການພັດທະນາຄືກັບບັນດາແຂວງຕ່າງໆ ຊຶ່ງທັງໝົດນີ້ແມ່ນຍ້ອນໄດ້ຮັບການນຳພາ-ຊີ້ນຳຂອງພັກ ບວກກັບຄວາມຕື່ນຕົວ, ຄວາມເປັນເຈົ້າການ ແລະ ເສີມຂະຫຍາຍມູນເຊື້ອວິລະຊົນ, ນໍ້າໃຈຮັກຊາດອັນສູງສົ່ງຂອງປະຊາຊົນແຂວງເຊກອງພວມສືບຕໍ່ເສີມຂະຫຍາຍ ແລະ ພັດທະນາຂຶ້ນຢ່າງຕໍ່ເນື່ອງ.

ທ່ານກ່າວຕື່ມວ່າ: ເພື່ອສ້າງຂະບວນການຕ້ອນຮັບວັນສຳຄັນດັ່ງກ່າວແຂວງເຊກອງພວກເຮົາໄດ້ເຮັດຫຼາຍກິດຈະກຳ ອັນທີໜຶ່ງແມ່ນໄດ້ຈັດຕະຫຼາດນັດແຮງງານ ຊຶ່ງເປັນຄັ້ງທຳອິດທີ່ມີນັກລົງທຶນຫຼາຍພາກສ່ວນ ແລະ ຂະໝາດໃຫຍ່ເຂົ້າໄປສ້າງແຜນຈ້າງງານແຕ່ປີ 2023-2025 ເພື່ອສ້າງວຽກເຮັດງານທຳ ແລະ ສ້າງລາຍຮັບ, ລາຍໄດ້ໃຫ້ກັບປະຊາຊົນ, ໄດ້ຈັດງານບຸນຊ່ວງເຮືອປະຈຳປີຊຶ່ງໄດ້ຈັດຂຶ້ນໃນທຸກວັນທີ 3 ທັນວາຂອງທຸກໆປີ, ພິເສດ ປີນີ້ຈະໄດ້ເຊີນອະດີດກຳມະການກົມການເມືອງສູນກາງພັກ ໄປປາຖະກະຖາວັນຊາດທີ 2 ທັນວາ, ນອກນີ້ ຍັງມີກິດຈະກຳອື່ນໆອີກໂດຍສຸມໃສ່ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໃນການປະຕິບັດ 2 ວາລະແຫ່ງຊາດເພື່ອແນໃສ່ເຮັດໃຫ້ເສດຖະກິດຂະຫຍາຍຕົວບັນລຸ 4% ຕໍ່ປີ.

ໃນໂອກາດດັ່ງກ່າວ ທ່ານເຈົ້າແຂວງເຊກອງ ຕາງໜ້າໃຫ້ປະຊາຊົນບັນດາເຜົ່າ ພາຍໃນແຂວງ ສະແດງຄວາມຮູ້ບຸນຄຸນຢ່າງໃຫຍ່ຫຼວງຕໍ່ ບັນດາຜູ້ນຳພັກ-ລັດ ທີ່ໄດ້ໃຫ້ການຊີ້ນຳ-ນຳພາ ແລະ ໃຫ້ຄວາມໃກ້ຊິດຕິດແທດຈຶ່ງເຮັດໃຫ້ແຂວງເຊກອງພວກເຮົາໄດ້ຮັບການພັດນາ ແລະ ເຕີບໃຫຍ່ຂຶ້ນເລື້ອຍໆ, ສະແດງຄວາມຮູ້ບຸນຄຸນຕໍ່ອະດີດການນຳພັກ-ລັດທີ່ໄດ້ເຫັນຄວາມສຳຄັນຕໍ່ແຂວງເຊກອງໃນການຊີ້ນຳ-ນຳພາຢ່າງຕໍ່ເນື່ອງເຮັດໃຫ້ແຂວງເຊກອງພວກເຮົາມີການພັດທະນາ ແລະ ເຕີບໃຫຍ່ຂະຫຍາຍຕົວເຖິງທຸກວັນນີ້.


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com