Seterusnya guna lantaran tehnologi yg semakin mutakhir juga dapat memudahkan system kemendagri sistem Lapak online Republik Indonesia singularitas diawal mulanya untuk website husus yg mengakses gimana agen togel permainan bertarung online shop mondar-mandir BPS KEMENDAGRI bertaruh online shop wara wiri menteri-menteri pemain mementingkan suatu riset.

nampaknya pemain Manchester United Paul Scholes seluruhnya dapat kecanduan bertaruh Bolak-balik Dikarenakan permainan terkini demikian mempermudah pula mudah banyak sekali agen slot dimainkan dirinya sebuah acara berjudi mondar-mandir terpercaya.

ລັດຖະບານ ໄດ້ວາງຫຼາຍມາດຕະການ ເພື່ອຄຸ້ມຄອງລາຄາສິນຄ້າ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 07/12/2022 19:57:09 ຈຳ​ນວນ​​ຢ້ຽມ​ຊົມ 1590 ຄັ້ງ

ນັບແຕ່ກາງປີ 2022 ເປັນຕົ້ນມາ ລາຄາສິນຄ້າຢູ່ປະເທດເຮົາໄດ້ເພີ່ມສູງຂຶ້ນ ກົດດັນໃຫ້ອັດຕາເງິນເຟີ້ເພີ່ມຂຶ້ນຢ່າງຕໍ່ເນື່ອງ, ໃນຂະນະທີ່ເງິນກີບອ່ອນຄ່າລົງຢ່າງຕໍ່ເນື່ອງ ແລະ ລາຄານໍ້າມັນເພີ່ມຂຶ້ນຊຶ່ງໄດ້ສົ່ງຜົນກະທົບແຮງ ຕໍ່ຊີວິດການເປັນຢູ່ຂອງປະຊາຊົນ ກໍຄື ພະນັກງານ, ທະຫານ ຕຳຫຼວດ ຊຶ່ງລັດຖະບານ ກໍໄດ້ອອກມາດຕະການຈໍານວນໜຶ່ງແລ້ວ ແຕ່ກໍຍັງເຮັດບໍ່ທັນໄດ້ເທົ່າທີ່ຄວນ ແລະ ຍັງເຮັດແບບຈໍາກັດ ຍ້ອນບັນຫາດ້ານທຶນຮອນ. ເຖິງຢ່າງໃດກໍຕາມ ໃນຕໍ່ໜ້ານີ້, ລັດຖະບານ ກໍໄດ້ວາງຫຼາຍມາດຕະການ ເພື່ອຈະສຸມໃສ່ວຽກງານຄຸ້ມຄອງລາຄາສິນຄ້າ ໃຫ້ໄດ້ດີຂຶ້ນກວ່າເກົ່າ.

ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກໍາ ແລະ ການຄ້າ (ອຄ) ໄດ້ຕອບຄໍາຊັກຖາມ ຕໍ່ກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດ ຊຸກທີ IX ໃນວັນທີ 7 ທັນວາ 2022 ໃຫ້ຮູ້ວ່າ: ການຄຸ້ມຄອງລາຄາສິນຄ້າ ເປັນວຽກງານໜຶ່ງທີ່ເຄັ່ງຮ້ອນ ເປັນວຽກງານໜຶ່ງທີ່ສຳຄັນ ແລະ ມີຄວາມຫຍຸ້ງຍາກສົມຄວນ ໂດຍສະເພາະໃນສະພາບປັດຈຸບັນ. ລັດຖະບານໄດ້ໃຫ້ຄວາມສຳຄັນ ແລະ ເອົາໃຈໃສ່ທີ່ສຸດ ຊຶ່ງໄດ້ຄຸ້ມຄອງລາຄາສິນຄ້າພາຍໃນປະເທດ ໂດຍອີງໃສ່ກົນໄກຕະຫຼາດ ທີ່ມີການຄຸ້ມຄອງດັດສົມຂອງລັດ; ລັດເຄົາລົບໃນສິດການກຳນົດລາຄາ ແລະ ການແຂ່ງຂັນດ້ານລາຄາຂອງຜູ້ປະກອບການ ຕາມລະບຽບກົດໝາຍກຳນົດ ແລະ ພ້ອມກັນນີ້ ກໍໃຊ້ມາດຕະການໃນການຄຸ້ມຄອງຕາມຄວາມຈໍາເປັນບົນພື້ນຖານຫຼັກການ ແລະ ບໍ່ຈໍາແນກການປະຕິບັດ ດ້ວຍຄວາມໂປ່ງໃສ. ເລີ່ມແຕ່ປີ 2010 ເປັນຕົ້ນມາ, ໄດ້ກຳນົດມາດຕະການຄຸ້ມຄອງລາຄາ ຕາມດຳລັດ 474/ນຍ ໃນນັ້ນມີການກຳນົດ 2 ຮູບແບບຄື: ການຄວບຄຸມລາຄາ ແລະ ການຕິດຕາມການເໜັງຕີງຂອງລາຄາ ຊຶ່ງກະຊວງ ອຄ ໄດ້ອີງໃສ່ຫຼັກການດັ່ງກ່າວໃນການຄຸ້ມຄອງ.

ແຕ່ເຖິງຢ່າງໃດກໍຕາມ, ລາຄາສິນຄ້ານັບແຕ່ກາງປີນີ້ເປັນຕົ້ນມາ ໄດ້ສູງຂຶ້ນ, ໃນຂະນະທີ່ເງິນກີບອ່ອນຄ່າລົງຢ່າງຕໍ່ເນື່ອງ ແລະ ລາຄານໍ້າມັນເພີ່ມຂຶ້ນ; ລາຄາສິນຄ້າຂຶ້ນແລ້ວບໍ່ລົງ ໄດ້ກະທົບແຮງ ຕໍ່ຊີວິດການເປັນຢູ່ຂອງປະຊາຊົນ ກໍຄື ພະນັກງານ, ທະຫານ ຕຳຫຼວດ ຊຶ່ງສາເຫດຂອງການເພີ່ມຂຶ້ນຂອງລາຄາສິນຄ້າ ມີຫຼາຍສາເຫດ ໜຶ່ງໃນນັ້ນແມ່ນການອ່ອນຄ່າລົງຂອງເງິນກີບ ເຮັດໃຫ້ຕົ້ນທຶນການນຳເຂົ້າສິນຄ້າເພີ່ມສູງຂຶ້ນ, ໃນຂະນະທີ່ລາຄານ້ຳມັນກໍເພີ່ມຂຶ້ນ ເຮັດໃຫ້ຕົ້ນທຶນການຜະລິດ ແລະ ຄ່າຂົນສົ່ງເພີ່ມຂຶ້ນ, ອີກຢ່າງໜຶ່ງພື້ນຖານການຜະລິດຂອງປະເທດເຮົາຍັງບໍ່ທັນເຂັ້ມແຂງ ມີການນໍາເຂົ້າສິນຄ້າອຸປະໂພກ-ບໍລິໂພກໃນຊີວິດປະຈຳວັນເປັນສ່ວນໃຫຍ່; ການຜະລິດກະສິກຳ ແລະ ລ້ຽງສັດ ເພື່ອສະໜອງພາຍໃນ ກໍຍັງຕ້ອງອາໄສການນໍາເຂົ້າວັດຖຸດິບ ເຊັ່ນ ການຜະລິດຫົວອາຫານສັດ ແລະ ການປູກເຂົ້າ ກໍຍັງມີຕົ້ນທຶນຂອງຝຸ່ນເຄມີ ທີ່ສ່ວນໃຫຍ່ແມ່ນນໍາເຂົ້າ ສິ່ງເຫຼົ່ານີ້ລ້ວນແຕ່ເປັນປັດໄຈທີ່ເຮັດໃຫ້ລາຄາສິນຄ້າສູງຂຶ້ນ.

ຜ່ານມາ, ລັດຖະບານ ກໍໄດ້ອອກມາດຕະການຕົວຈິງ ໂດຍໄດ້ກຳນົດໂຄງປະກອບລາຄາ, ຂອບເຂດລາຄາ, ຄຸ້ມຄອງສິນຄ້າ, ມີລາຍການສິນຄ້າ, ມີການສະທ້ອນເຖິງຕົວຈິງ ໂດຍໄດ້ຊຸກຍູ້ໃຫ້ຜູ້ປະກອບການທີ່ນອນໃນໂຄງການລັດຊ່ວຍໜຸນ ນໍາໃຊ້ເຂົ້າສານ (ໜຽວ) ປະເພດ 2 ໃນໂຄງການຄັງແຮເຂົ້າ ເພື່ອແຊກແຊງລາຄາ; ຊີ້ນໝູ ກໍໄດ້ມີການແຊກແຊງລາຄາ ແຕ່ເບິ່ງລວມແລ້ວ ການຈັດຕັ້ງປະຕິບັດ ຍັງເຮັດໄດ້ໜ້ອຍ ແລະ ມີຂອບເຂດທີ່ຍັງຈໍາກັດຫຼາຍ ເນື່ອງຈາກບັນຫາດ້ານທຶນຮອນ. ນອກນີ້, ກໍໄດ້ຈັດກອງປະຊຸມທົບທວນ ແລະ ຖອດຖອນບົດຮຽນ ກ່ຽວກັບການຈັດຕັ້ງປະຕິບັດວຽກງານດຸ່ນດ່ຽງເຂົ້າ, ໄດ້ມີການຕິດຕາມກວດກາສິນຄ້າຢູ່ທ້ອງຕະຫຼາດ ແລະ ກໍໄດ້ເຮັດເປັນມາດຕະການ ສະເໜີຕໍ່ລັດຖະບານ ໃນການຈັດຕັ້ງປະຕິບັດ.

ທ່ານ ມະໄລທອງ ກົມມະສິດ ຍັງໄດ້ກ່າວວ່າ: ທິດທາງໃນຕໍ່ໜ້າຈະສຸມໃສ່ບາງວຽກງານໃນການຄຸ້ມຄອງລາຄາສິນຄ້າຄື: ແກ້ໄຂຂອດຂັ້ນຄວາມຫຍຸ້ງຍາກ ແລະ ປັບປຸງສ້າງກົນໄກປະສານງານລະຫວ່າງ ຄະນະຄຸ້ມຄອງສິນຄ້າ ແລະ ຄ່າບໍລິການຂອງຂະແໜງທີ່ກ່ຽວຂ້ອງໃຫ້ເປັນລະບົບ ແລະ ສາມາດອອກມາດຕະການໃຫ້ທັນກັບສະພາບການ; ປະສານສົມທົບກັບຄະນະສະເພາະກິດສົ່ງເສີມການລົງທຶນ ແລະ ການຜະລິດສິນຄ້າ ຕາມຂໍ້ຕົກລົງ 99/ນຍ ເພື່ອສຸມໃສ່ການຜະລິດພາຍໃນຢ່າງເອົາຈິງເອົາຈັງ ແລະ ຫັນໄປສູ່ທັນສະໄໝ ເພື່ອຍົກປະສິດທິພາບຂອງການຜະລິດ; ສ້າງລັດວິສາຫະກິດ ຫຼື ວິສາຫະກິດປະສົມ ລັດ ແລະ ເອກະຊົນ ໃຫ້ເຂັ້ມແຂງ ເພື່ອເປັນເຄື່ອງມືໃຫ້ການສ້າງຄັງແຮສິນຄ້າແຕ່ລະປະເພດ; ຄົ້ນຄວ້າຍົກລະດັບ ດຳລັດ 474/ນຍ ໃຫ້ເປັນກົດໝາຍພາຍໃນປີ 2023; ຄົ້ນຄວ້າກໍານົດກົງຈັກການຈັດຕັ້ງພະນັກງານ ເພື່ອສອດຄ່ອງກັບຄວາມສໍາຄັນຂອງພາລະບົດບາດໜ້າທີ່, ຄວາມຮັບຜິດຊອບ ແລະ ປະລິມານໜ້າວຽກໃນການຄຸ້ມຄອງລາຄາສິນຄ້າ ແລະ ຄ່າບໍລິການ; ຊຸກຍູ້ສົ່ງເສີມການຈັດຕັ້ງປະຕິບັດນະໂຍບາຍປະຫຍັດ ແລະ ໂຄສະນາເຜີຍແຜ່ ໃຫ້ແຕ່ລະຂະແໜງການ, ອົງການປົກຄອງທ້ອງຖິ່ນ ແລະ ສັງຄົມໄດ້ເຂົ້າໃຈວຽກງານຄຸ້ມຄອງລາຄາສິນຄ້າ; ປະສານສົມທົບ ແລະ ຊຸກຍູ້ທະນາຄານແຫ່ງ ສປປ ລາວ ສັງລວມທຸກແຫຼ່ງລາຍຮັບ ທີ່ເປັນເງິນຕາຕ່າງປະເທດ ເຂົ້າໃນລະບົບທະນາຄານຂອງປະເທດເຮົາ ພ້ອມທັງເຂັ້ມງວດໃນການແລກປ່ຽນ ນໍາເງິນຕາຕ່າງປະເທດ ຈາກນອກລະບົບເຂົ້າສູ່ລະບົບທະນາຄານ; ປະສານສົມທົບກັບຂະແໜງການກ່ຽວຂ້ອງ ເຂັ້ມງວດຄຸ້ມຄອງ ແລະ ກວດກາການນໍາເຂົ້າສິນຄ້າ, ຈໍາກັດການລັກລອບການນໍາເຂົ້າ; ຈັດຕັ້ງລະບົບປະສານງານຢ່າງໃກ້ຊິດ ການນໍາເຂົ້າສິນຄ້າ ເພື່ອຮັບຮູ້ສະພາບຕົ້ນທຶນຂອງສິນຄ້ານໍາເຂົ້າ. ພ້ອມນັ້ນ, ກໍຈະເລັ່ງສ້າງກອງທຶນນໍ້າມັນ ເພື່ອແຊກແຊງລາຄາ, ຄົ້ນຄວ້າສ້າງນິຕິກໍາສົ່ງເສີມການນໍາໃຊ້ລົດໄຟຟ້າ ແລະ ນໍ້າມັນຊີວະພາບ ເພື່ອຫຼຸດຜ່ອນການນໍາເຂົ້ານໍ້າມັນ.

(ຂ່າວ-ພາບ: ສຸກສະຫວັນ)


ລິຂະສິດ © 2014 www.pasaxon.org.la. ສະຫງວນໄວ້ເຊິງສິດທັງຫມົດ
ໜັງສືພິມປະຊາຊົນ ຖະໜົນກຳແພງເມືອງ ນະຄອນຫຼວງວຽງຈັນ ໂທລະສັບ: 020 555 616 28 , 020 55733442, 020 59598689 ອີເມວ: pasaxonit@gmail.com