ຮຽບຮຽງໂດຍ:ຕຸໄລເພັດ ພິມເມືອງ

ວັດສີບຸນເຮືອງໄຊຍະຣາມຕັ້ງຢູ່ເທດສະບານເມືອງຊໍາເໜືອ ແຂວງຫົວພັນ ຫ່າງຈາກຖະໜົນຜາຖີ ປະມານ 1 ກິໂລແມັດ ຊຶ່ງໄດ້ຖືກສ້າງຂຶ້ນໃນວັນທີ 12 ມີນາ 2009 ແລະ ສໍາເລັດໃນວັນທີ 25 ພຶດສະພາ 2013. ວັດແຫ່ງນີ້ ເປັນບ່ອນປະດິດສະຖານຂອງພະພຸດທະຮູບອົງຕື້ ທີ່ຖືກຍົກຍ້າຍມາຈາກວັດໂພໄຊຊະນະຣາມ ຊຶ່ງເປັນທີ່ເຄົາລົບ ແລະ ສັດທາຂອງປະຊາຊົນໃນແຂວງຫົວພັນ ກໍຄືປະຊາຊົນລາວທີ່ມາຈາກທ້ອງຖິ່ນອື່ນ. ເນື່ອງຈາກວ່າວັດສີບຸນເຮືອງໄຊຍະຣາມ ຕັ້ງສະຫງ່າໂດດເດັ່ນຢູ່ຈອມພູ ແລະ ອ້ອມຮອບໄປດ້ວຍທໍາມະຊາດອັນງົດງາມຫຼາຍ ຈຶ່ງເຮັດໃຫ້ສະຖານທີ່ແຫ່ງນີ້ກາຍເປັນຈຸດຊົມວີວຂອງເມືອງຊໍາເໜືອ ຊຶ່ງທ່ານສາມາດເບິ່ງເຫັນທັດຊະນີຍະພາບຂອງທຸກໆຕົວເມືອງ. ວັດສີບຸນເຮືອງເປີດໃຫ້ທ່ານເຂົ້າຊົມ ແລະ ກາບໄຫວ້ ໃນເວລາ 8:00-17:00 ໂມງຂອງທຸກໆມື້.

ຂໍ້ມູນຈາກ: ກົມໂຄສະນາການທ່ອງທ່ຽວກະຊວງ ຖວທ