ໜັງສືພິມ ປະຊາຊົນ

ຂົວທ່ານ ສຸພານຸວົງ

ເຜີຍແຜ່ໂດຍ: ວິໄລສັກ ເວລາ: 13/02/2023 11:45:01 ຈຳນວນຢ້ຽມຊົມ 2405 ຄັ້ງ

ຂົວທ່ານ ສຸພານຸວົງ ຫຼື ເອີ້ນອີກຊື່ໜຶ່ງວ່າ ຂົວບ້ານດ່ານ ຕັ້ງຢູ່ເຂດບ້ານດ່ານ ເມືອງສາລະວັນ ແຂວງ ສາລະວັນ, ຫ່າງຈາກເທດສະບານແຂວງໄປປະມານ 25 ກິໂລແມັດ ຊຶ່ງໄດ້ຮັບການກໍ່ສ້າງຂຶ້ນໃນປີ ຄ.ສ 1942 ໂດຍແມ່ນ ສະເດັດເຈົ້າ ສຸພານຸວົງ ໃນຖານະນັກວິສະວະກອນຂົວທາງຄົນທຳອິດຂອງຊາດລາວເຮົາເປັນຜູ້ອອກແບບ ແລະ ນຳພາໃນການກໍ່ສ້າງໂດຍກົງ. ຂົວທ່ານ ສຸພານຸວົງ ເປັນຂົວກ່າຍຂ້າມແມ່ນ້ຳເຊໂດນເທິງເສັ້ນທາງເລກທີ 23 ທີ່ເຊື່ອມຕໍ່ລະຫວ່າງ ເມືອງສາລະວັນ ໄປຫາ ເມືອງຕຸ້ມລານ ແຂວງສາລະວັນ ແລະ ເມືອງພີນ ແຂວງສະຫວັນນະເຂດ. ໃນປາງສົງຄາມອິນດູຈີນປີ 1968, ຂົວແຫ່ງນີ້ໄດ້ຖືກເຮືອບິນຍິງເປ່ເພ ແລະ ເສດສົງຄາມຈຳນວນໜຶ່ງເທົ່ານັ້ນໃນປັດຈຸບັນນີ້. ທ່ານສາມາດທ່ຽວຊົມສະຖານທີ່ແຫ່ງນີ້ ເພື່ອຮຽນຮູ້ປະຫວັດສາດຂອງຊາດລາວເຮົາ ໃນໄລຍະການຕໍ່ສູ້ປົດປ່ອຍຊາດ.

ຂໍ້ມູນຈາກ: ກົມໂຄສະນາການທ່ອງທ່ຽວກະຊວງ ຖວທ

ຂ່າວທີ່ໄດ້ຮັບຄວາມນິຍົມ