ວັນທີ 13 ມີນາ ຜ່ານມາ ນີ້, ທ່ານ ປີເຕີ ເຮມອນ ເອກອັກຄະລັດຖະທູດ ສະຫະລັດອາເມຣິກາ ປະຈໍາ ສປປ ລາວ ພ້ອມຄະນະ ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ ແຂວງອຸດົມໄຊ ແລະ ໃຫ້ກຽດຕ້ອນຮັບ ໂດຍ ທ່ານ ບຸນຄົງ ຫຼ້າຈຽມພອນ ເຈົ້າແຂວງອຸດົມໄຊ ພ້ອມຄະນະ ພິທີຕ້ອນຮັບຈັດຂຶ້ນທີ່ຫ້ອງວ່າການແຂວງອຸດົມໄຊ ໂອກາດດັ່ງກ່າວ ທ່ານເອກອັກຄະລັດຖະທູດ ສະຫະລັດອາເມຣິກາ ປະຈໍາ ສປປ ລາວ ໄດ້ລາຍງານຈຸດປະສົງຂອງການມາເຄື່ອນໄຫວຢ້ຽມຢາມ ແລະ ເຮັດວຽກ ຢູ່ ແຂວງອຸດົມໄຊ ເພື່ອເປັນການຜູກແໜ້ນຄວາມສຳພັນຮ່ວມມືທີ່ດີ ແລະ ເປັນການລົງຕິດຕາມບາງໂຄງການທີ່ລັດຖະບານສະຫະລັດອາເມຣິກາ ໃຫ້ການສະໜັບສະໜູນ ຢູ່ ແຂວງອຸດົມໄຊ ພາຍໃຕ້ການຮ່ວມມືຂອງລັດຖະບານ, ພ້ອມດຽວກັນ ທ່ານເຈົ້າແຂວງອຸດົມໄຊ ກໍໄດ້ລາຍງານສະພາບຈຸດພິເສດຂອງແຂວງອຸດົມໄຊ ໃຫ້ຄະນະຮັບຊາບໂດຍຫຍໍ້ ພ້ອມທັງຕີລາຄາສູງຕໍ່ກັບການມາຢ້ຽມຢາມ ແລະ ເຮັດວຽກຂອງທ່ານເອກອັກຄະລັດຖະທູດ ພ້ອມຄະນະ ຕື່ມອີກ.

ຂ່າວ-ພາບ: ແສງອາທິດ