ວິທະຍຸກະຈາຍສຽງຫວຽດລາຍງານ, ໃນວັນທີ 14 ມີນາ ຜ່ານມາ, ທ່ານ ບາຊາ ອານ ອັດຊາດ ປະທານາທິບໍດີຊີຣີ ໄດ້ເດີນທາງເຖິງ ນະຄອນຫຼວງມົສກູ ຂອງ ຣັດເຊຍ ຊຶ່ງຖືເປັນການຢ້ຽມຢາມຕ່າງປະເທດຢູ່ນອກພາກພື້ນ ຕາເວັນອອກກາງ ຢ່າງເປັນທາງການ ເປັນຄັ້ງທຳອິດ ພາຍຫຼັງເຫດການແຜ່ນດິນໄຫວທີ່ເກີດຂຶ້ນຢູ່ຊີຣີຢ່າງໜັກໜ່ວງເມື່ອເດືອນກຸມພາ ຜ່ານມາ. ໃນຖະແຫຼງການຂອງວັງແກຣມແລັງ ໄດ້ໃຫ້ຮູ້ວ່າ: ທ່ານ ບາຊາ ອານ ອັດຊາດ ໄດ້ພົບປະສົນທະນາກັບ ທ່ານ ປູຕິນ ປະທານາທິບໍດີຣັດເຊຍ ເພື່ອປຶກສາຫາລືກ່ຽວກັບການຮ່ວມມືໃນຂົງເຂດການເມືອງ, ການຄ້າ ແລະ ມະນຸດສະທຳ, “ກໍຄືຄວາມເປັນໄປໄດ້ໃນການແກ້ໄຂສະພາບລວມຢູ່ພາຍໃນປະເທດຊີຣີ ແລະ ຢູ່ປະເທດອ້ອມແອ້ມຊີຣີ. ປະທານາທີບໍດີ ຣັດເຊຍ ແລະ ຊີຣີ ຍັງໄດ້ປຶກສາຫາລືກັນກ່ຽວກັບບາດກ້າວຕໍ່ໄປ ໃນການຫັນການພົວພັນລະຫວ່າງ ຊີຣີ ແລະ ຕວັກກີ ໃຫ້ເປັນປົກກະຕິຄືນໃໝ່ ຊຶ່ງໃນນັ້ນ ຣັດເຊຍ ໄດ້ມີບົດບາດສຳຄັນໃນການໄກ່ເກ່ຍ.