ຂ່າວສານຊີອາໄອລາຍງານ ເມື່ອບໍ່ດົນມານີ້, ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນໄດ້ເຂົ້າຮ່ວມກອງປະຊຸມສົນທະນາການນຳຂັ້ນສູງລະຫວ່າງພັກກອມມູນິດຈີນກັບພັກການເມືອງອື່ນໆຢູ່ໃນໂລກ ແລະ ກ່າວຄຳປາໄສທີ່ສຳຄັນ.

ທ່ານ ສີຈິ້ນຜິງ ກ່າວເນັ້ນວ່າ: ຈຸດໝາຍປາຍທາງຂອງຄວາມທັນສະໄໝແມ່ນບັນລຸການພັດທະນາຂອງມະນຸດແບບອິດສະຫຼະ ແລະ ຮອບດ້ານ. ພັກການເມືອງຕ້ອງມີຈຸດປະສົງເພື່ອຮັບໃຊ້ຄວາມມຸ່ງຫວັງມີຊີວິດການເປັນຢູ່ທີ່ດີງາມຂອງປະຊາຊົນ, ສອດຄ່ອງກັບຄວາມປາຖະໜາຂອງປະຊາຊົນທີ່ມີຕໍ່ຄວາມກ້າວໜ້າດ້ານອະລິຍະທຳ, ອອກແຮງບັນລຸຄວາມຮັ່ງມີດ້ານວັດຖຸ, ຄວາມປອດໃສດ້ານການເມືອງ, ຄວາມອຸດົມສົມບູນດ້ານຈິດໃຈ, ຄວາມໝັ້ນຄົງທາງສັງຄົມ ແລະ ຄວາມກົມກຽວດ້ານລະບົບນິເວດ, ເຮັດໃຫ້ຄວາມທັນສະໄໝຕອບສະໜອງກັບຄວາມຮຽກຮ້ອງຕ້ອງການຕ່າງໆຂອງປະຊາຊົນ, ບໍ່ພຽງແຕ່ເພີ່ມທະວີຄວາມຜາສຸກໃຫ້ປະຊາຊົນໃນຍຸກສະໄໝນີ້ເທົ່ານັ້ນ, ຍັງຮັບປະກັນສິດຜົນປະໂຫຍດຂອງປະຊາຊົນຮຸ່ນຕໍ່ໄປຕື່ມອີກ, ຊຸກຍູ້ໃຫ້ສັງຄົມມະນຸດສາມາດພັດທະນາແບບຍືນຍົງໄດ້.