ໜັງສືພິມ ປະຊາຊົນ

ທຫລ ສະຫຼຸບວຽກງານກໍ່ສ້າງພັກ ແລະ ປັບປຸງກົງຈັກການຈັດຕັ້ງປະຈຳປີ 2022 .......

ເຜີຍແຜ່ໂດຍ: ວິໄລສັກ ເວລາ: 23/03/2023 22:14:32 ຈຳນວນຢ້ຽມຊົມ 1103 ຄັ້ງ

ອົງຄະນະພັກທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມສະຫຼຸບວຽກງານກໍ່ສ້າງພັກ ພະນັກງານ ແລະ ປັບປຸງກົງຈັກການຈັດຕັ້ງປະຈໍາປີ 2022 ຂຶ້ນໃນວັນທີ 23 ມີນານີ້ ທີ່ສະຖາບັນທະນາຄານ ໂດຍການເປັນປະທານຂອງ ສະຫາຍ ບຸນເຫຼືອ ສິນໄຊວໍຣະວົງ ເລຂາຄະນະບໍລິຫານງານພັກ ຜູ້ວ່າການທະນາຄານແຫ່ງ ສປປ ລາວ ພ້ອມດ້ວຍຄະນະພັກ, ໜ່ວຍພັກ, ສະມາຊິກ ແລະ ພະນັກງານ-ລັດຖະກອນເຂົ້າຮ່ວມ.

ກອງປະຊຸມຄັ້ງນີ້, ຈັດຂຶ້ນເພື່ອຈັດຕັ້ງຜັນຂະຫຍາຍເນື້ອໃນຈິດໃຈຂອງກອງປະຊຸມສະຫຼຸບວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງທົ່ວປະເທດ ປະຈໍາປີ 2022 ທີ່ສໍາເລັດລົງໃນທ້າຍປີ 2022 ຜ່ານມາ. ກອງປະຊຸມຍັງໄດ້ສະຫຼຸບ, ຕີລາຄາ ແລະ ຖອດຖອນບົດຮຽນການເຄື່ອນໄຫວວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງໃນປີ 2022 ຂອງຄະນະພັກທະນາຄານແຫ່ງ ສປປ ລາວ, ຕິດພັນກັບການເຊື່ອມຊຶມເອກະສານ ແລະ ນິຕິກໍາສໍາຄັນຂອງພັກ, ວຽກງານກໍ່ສ້າງພັກ-ພະນັກງານໃນໄລຍະໃໝ່ ທັງນີ້ເພື່ອຜັນຂະຫຍາຍ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ IX ກໍຄືການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ, ການເງິນ-ເງິນຕາໃຫ້ປະກົດຜົນເປັນຈິງ.

ຂ່າວ-ພາບ: ຍຸພິນທອງ+ວັນເພັງ

ຂ່າວທີ່ໄດ້ຮັບຄວາມນິຍົມ