ຫົວ​ຂໍ້ : ແຈ້ງການກ່ຽວກັບການເພີ່ມຖ້ຽວລົດໄຟຜູ້ໂດຍສານຈາກນະຄອນຫຼວງວຽງຈັນ ຫາ ຫຼວງພະບາງ ໃນວັນທີ 13​ ເມສາ ເພື່ອຮັບໃຊ້ຜູ້ໂດຍສານຢ່າງເຕັມທີ່ອີກຄັ້ງ

ເຜີຍ​ແຜ່​ໂດຍ​: ທ່ານ ສິດ​ທິ​ພອນ ຣາ​ຊະ​ພົນ ເວ​ລາ: 12/04/2022 14:02:20 ຈຳ​ນວນ​ຜູ້​ເຂົ້າ​ຢ້ຽມ​ຊົມ 3335 ຄັ້ງ

ເຖິງຜູ້ໂດຍສານທຸກທ່ານ:

          ບໍລິສັດ ທາງລົດໄຟລາວ-ຈີນ ມີຄວາມຍິນດີຂໍແຈ້ງໃຫ້ຜູ້ໂດຍສານທຸກທ່ານຊາບອີກຄັ້ງວ່າ ພວກເຮົາໄດ້ເຫັນສຳຄັນເປັນພິເສດເຖິງຄວາມຕ້ອງການໃນການເດີນທາງຂອງປະຊາຊົນ ໃນ ໄລຍະເທດສະການປີໃໝ່ລາວ, ສະນັ້ນ, ຈຶ່ງໄດ້ຕົກລົງເປີດໃຫ້ບໍລິການລົດໄຟຜູ້ໂດຍສານ EMU ຖ້ຽວ C92/1 ໂດຍຈະແລ່ນໄປ-ກັບຈາກສະຖານີນະຄອນຫຼວງວຽງຈັນ ຫາ ສະຖານີຫຼວງພະບາງໂດຍກົງ (ບໍ່ຈອດລະຫວ່າງທາງ) ໃນວັນທີ 13 ເມສາ ນີ້ ເພື່ອໃຫ້ປະຊາຊົນມີລົດໄຟ ໃຊ້ຢ່າງພຽງພໍ ຊຶ່ງກ່ອນໜ້ານີ້ ພວກເຮົາກໍໄດ້ມີການເພີ່ມລົດໄຟມາແລ້ວຫຼາຍຖ້ຽວ ເຊັ່ນ: ລົດໄຟ EMU ຂະບວນທີ 3 ຖ້ຽວ C86/5 ແລະ ລົດໄຟທຳມະດາ  ເພື່ອຕອບສະໜອງການເດີນທາງຂອງ ຜູ້ໂດຍສານທີ່ນັບມື້ນັບຫຼາຍຂຶ້ນ.

          ລາຍລະອຽດການແລ່ນລົດຖ້ຽວ C92/1 ມີດັ່ງນີ້:

          ລົດໄຟຖ້ຽວ C92 ອອກຈາກສະຖານີນະຄອນຫຼວງວຽງຈັນ ເວລາ 8:30 ໂມງ ແລະ ຮອດສະຖານີຫຼວງພະບາງ ເວລາ 10:25 ໂມງ;

          ລົດໄຟຖ້ຽວ C91 ອອກຈາກຫຼວງພະບາງ ເວລາ 10:50 ໂມງ ແລະ ຮອດສະຖານີນະຄອນຫຼວງວຽງຈັນເວລາ 12:55 ໂມງ.

                                             ຕາຕະລາງແລ່ນລົດໄຟ

↓	C92	ຊື່ສະຖານີ	C91	↑
	ສະຖານີຕົ້ນທາງ 8:30 ໂມງ ອອກ	ນະຄອນຫຼວງວຽງຈັນ	ສະຖານີປາຍທາງ 12:55 ໂມງ ຮອດ
	10:25 ໂມງ ຮອດ ສະຖານີປາຍທາງ	ຫຼວງພະບາງ	10:50 ​ໂມງ ອອກ ສະຖານີຕົ້ນທາງ ອ

 

                                                                        ບໍລິສັດທາງລົດໄຟລາວ-ຈີນ ຈຳກັດ

                                                                        12 ເມສາ 2022

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ

ສະ​ແດງ​ຄວາມ​ຄິດ​ເຫັນ

ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ