ຫົວ​ຂໍ້ : ສານສະແດງຄວາມເຫັນໃຈ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 09/08/2022 11:20:29 ຈຳ​ນວນ​ຜູ້​ເຂົ້າ​ຢ້ຽມ​ຊົມ 3797 ຄັ້ງ

ສະຫາຍ ທອງລຸນ ສີສຸລິດ ເລຂາທິການໃຫ່ຍຄະນະບໍລິຫານງານສູນກາງພັກປະຊາຊົນປະຕິວັດລາວ ປະທານປະເທດ ແຫ່ງ ສາທາລະນະລັດ ປະຊາຊາທິປະໄຕ ປະຊາຊົນລາວໄດ້ສົ່ງສານສະແດງຄວາມເຫັນໃຈເຖິງສະຫາຍ ມີເກັນ ດີເອັດສ-ກາແນນ ແບຣມູເດັດສເລຂາທິການທີໜຶ່ງ ຄະນະບໍລິຫານງານສູນກາງພັກກອມມູນິດກູບາ ປະທານປະເທດ ແຫ່ງ ສາທາລະນະລັດກູບາ ເມື່ອບໍ່ດົນມານີ້ທີ່ນະຄອນຫຼວງລາຮາວານຊຶ່ງມີເນື້ອໃນດັ່ງນີ້:

ຂ້າພະເຈົ້າ ມີຄວາມເສົ້າເສຍໃຈເປັນຢ່າງຍິ່ງທີ່ໄດ້ຮັບຂ່າວວ່າ:ໃນວັນທີ5 ສິງຫາ 2022 ຜ່ານມາ,ສາງນ້ຳມັນໃນເຂດອຸດສາຫະກຳSupertanker ແຂວງ Matanzas ໄດ້ເກີດເຫດລະເບີດເປັນໄຟລຸກໄໝ້ ຍ້ອນຖືກຟ້າຜ່າ ຊຶ່ງໄດ້ສ້າງຄວາມເສຍຫາຍ ຢ່າງໃຫຍ່ຫຼວງຕໍ່ເຂດອຸດສາຫະກໍາດັ່ງກ່າວແລະ ເຫດການຄັ້ງນີ້ ຍັງໄດ້ສ້າງຄວາມສະເທືອນໃຈແລະສົ່ງຜົນກະທົບຕໍ່ຊີວິດແລະຊັບສິນຂອງປະຊາຊົນກູບາອ້າຍນ້ອງ.

ໃນນາມຄະນະບໍລິຫານງານສູນກາງພັກປະຊາຊົນປະຕິວັດລາວ, ລັດຖະບານ ແລະ ປະຊາຊົນລາວກໍຄືໃນນາມສ່ວນຕົວຂ້າພະເຈົ້າຂໍສະແດງຄວາມເຫັນອົກເຫັນໃຈຢ່າງສຸດຊຶ້ງແລະຂໍແບ່ງເບົາຄວາມເສົ້າໂສກເສຍໃຈມາຍັງສະຫາຍແລະຜ່ານສະຫາຍໄປຍັງ ພັກ, ລັດຖະບານ, ປະຊາຊົນກູບາອ້າຍນ້ອງແລະ ຄອບຄົວຂອງຜູ້ທີ່ໄດ້ຮັບເຄາະຮ້າຍຈາກເຫດການດັ່ງກ່າວ.ຂ້າພະເຈົ້າເຊື່ອໝັ້ນວ່າພາຍໃຕ້ການນຳພາອັນສະຫຼາດສ່ອງໃສຂອງສະຫາຍ, ພັກ,ລັດຖະບານແລະປະຊາຊົນກູບາອ້າຍນ້ອງຈະສາມາດຜ່ານຜ່າຄວາມຫຍຸ້ງຍາກທີ່ເກີດຂຶ້ນຈາກເຫດການຄັ້ງນີ້ແລະຟື້ນຟູເຂດທີ່ໄດ້ຮັບຜົນກະທົບໃຫ້ກັບຄືນສູ່ສະພາບປົກກະຕິໂດຍໄວ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ

ສະ​ແດງ​ຄວາມ​ຄິດ​ເຫັນ

ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ