ຫົວ​ຂໍ້ : ສານອວຍພອນວັນຊາດ ຈາກ ສປ ຈີນ

ເຜີຍ​ແຜ່​ໂດຍ​: ວິ​ໄລ​ສັກ ເວ​ລາ: 02/12/2022 09:45:57 ຈຳ​ນວນ​ຜູ້​ເຂົ້າ​ຢ້ຽມ​ຊົມ 7471 ຄັ້ງ

 

          ສະຫາຍ ຫຼີ ເຄີ່ສຽງ ນາຍົກລັດຖມົນຕີ ແຫ່ງ ສາທາລະນະລັດປະຊາຊົນຈີນ ໄດ້ສົ່ງສານອວຍພອນເຖິງ ສະຫາຍ ພັນຄຳ ວິພາວັນ ກຳມະການກົມການເມືອງສູນກາງພັກປະຊາຊົນປະຕິວັດລາວ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ທີ່ນະຄອນຫຼວງວຽງຈັນ ຊຶ່ງມີເນື້ອໃນວ່າ: ສະຫາຍນາຍົກລັດຖະມົນຕີທີ່ນັບຖື: ເນື່ອງໃນໂອກາດ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ສະຖາປະນາຂຶ້ນ ຄົບຮອບ 47 ປີ ຂ້າພະເຈົ້າຂໍສະແດງຄວາມຊົມເຊີຍຢ່າງສຸດໃຈ!

          ໃນ 1 ປີຜ່ານມາ, ສາທາລະນະລັດ ປະຊາທິປະໄຕ ປະຊາຊົນລາວ ໄດ້ສົມທົບການປ້ອງກັນພະຍາດໂຄວິດ ແລະ ການສ້າງສາພັດທະນາປະເທດຊາດ ຊຶ່ງໄດ້ບັນລຸຜົນສຳເລັດຢ່າງຕັ້ງໜ້າ. ການກໍ່ສ້າງຄູ່ຮ່ວມຊາຕາກຳ ຈີນ-ລາວ ໄດ້ລົງເລິກຢ່າງຕໍ່ເນື່ອງ ຊຶ່ງໄດ້ນຳເອົາຜົນປະໂຫຍດອັນແທ້ຈິງມາສູ່ປະຊາຊົນສອງປະເທດ ກໍຄືສອງຊາດ, ຂ້າພະເຈົ້າຍິນດີຮ່ວມມືກັບສະຫາຍ ໂດຍຖືເປັນເອກະພາບສຳຄັນ ລະຫວ່າງ ເລຂາທິການໃຫຍ່ ປະທານປະເທດ ສີ ຈິ້ນຜິງ ກັບ ສະຫາຍ ເລຂາທິການໃຫຍ່ ປະທານປະເທດ ທອງລຸນ ສີສຸລິດ ເປັນທິດຊີ້ນຳ, ເພີ່ມທະວີການແລກປ່ຽນທາງດ້ານຍຸດທະສາດ, ລົງເລິກການຮ່ວມມືແທດຕົວຈິງ, ຫັດແໜ້ນປະສານສົມທົບໃນເວທີຫຼາຍຝ່າຍ, ເພື່ອສຸກຍູ້ການກໍ່ສ້າງຄູ່ຮ່ວມຊາຕາກຳ ຈີນ-ລາວ ບັນລຸໝາກຜົນໃໝ່ ຢ່າງບໍ່ຢຸດຢັ້ງ.

          ຂໍອວຍພອນໃຫ້ປະເທດລາວ ຈົ່ງມີຄວາມຈະເລີນຮຸ່ງເຮືອງ ປະຊາຊົນຮັ່ງມີຜາສຸກ ອວຍພອນໃຫ້ມິດຕະ ພາບອັນເປັນມູນເຊື້ອ ລະຫວ່າງ ຈີນ-ລາວ ຈົ່ງໄດ້ຮັບການສືບທອດໄປຫຼາຍເຊັ່ນຄົນ ແລະ ໝັ້ນຄົງຖະໜົງແກ່ນ ຕະຫຼອດໄປ.

          ພ້ອມນີ້, ສະຫາຍ ຫວາງ ອີ້ ກຳມະການກົມການເມືອງສູນກາງພັກກອມມູນິດຈີນ ທີ່ປຶກສາແຫ່ງລັດ ແລະ ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດປະຊາຊົນຈີນ ກໍໄດ້ສົ່ງສານອວຍພອນເຖິງ ສະຫາຍ ສະເຫຼີມໄຊ ກົມມະສິດ ກຳມະການກົມການເມືອງສູນກາງພັກປະຊາຊົນປະຕິວັດລາວ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເຊັ່ນດຽວກັນ.

ສະ​ແດງ​ຄວາມ​ຄິດ​ເຫັນ​ຕໍ່​ບົດ​ຂ່າວ

ສະ​ແດງ​ຄວາມ​ຄິດ​ເຫັນ

ລາຍ​ການ​ສະ​ແດງ​ຄວາມ​ຄິດ​ເຫັນ​ຂອງ​ຂ່າວ