ໂດຍ: ສຸຄັນທອນ ສິງພວງເພັດ
ການຂະຫຍາຍພັກ ແມ່ນວຽກໜຶ່ງທີ່ສໍາຄັນຂອງພັກ ຊຶ່ງຈະຕ້ອງເຮັດເປັນປົກກະຕິ ເພື່ອແນໃສ່ກໍ່ສ້າງຖັນແຖວພະນັກງານ-ສະມາຊິກພັກ ໃຫ້ເຕີບໃຫຍ່ເຂັ້ມແຂງທາງດ້ານປະລິມານ ແລະ ຄຸນນະພາບ ຢ່າງບໍ່ຢຸດຢັ້ງ. ເພີ່ມກໍາລັງສູ້ຮົບຂອງພັກ ແລະ ເພີ່ມທະວີບົດບາດການນໍາພາຂອງພັກ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ເປັນກ້າວໆ.
ການຂະຫຍາຍພັກ ແມ່ນຄວາມຮຽກຮ້ອງຕ້ອງການກຳລັງແຮງແຫ່ງການນໍາພາຂອງພັກ ໃນທຸກຂົງເຂດວຽກງານ, ມີຄວາມຈຳເປັນຕ້ອງມີກຳລັງສະມາຊິກພັກ ເປັນຜູ້ນໍາພາຈັດຕັ້ງປະຕິບັດບັນດາມະຕິ, ຄຳສັ່ງຂອງພັກ ໃຫ້ເກີດດອກອອກຜົນຕົວຈິງ. ດັ່ງນັ້ນ, ຕ້ອງເພີ່ມທະວີວຽກງານຂະຫຍາຍພັກໃຫ້ເລິກເຊິ່ງເຖິງຖອງ. ພ້ອມດຽວກັນນັ້ນ, ການຂະຫຍາຍພັກ ຕ້ອງຕິດພັນກັບການປັບປຸງ ແລະ ຍົກສູງຄຸນນະພາບ ສະມາຊິກພັກ ບົນພື້ນຖານຖືກຕ້ອງຕາມກົດລະບຽບຂອງພັກ, ຖືກຕ້ອງຕາມຂັ້ນຕອນລະບຽບການ ແລະ ທິດນໍາຂອງການຂະຫຍາຍພັກ ໂດຍສະເພາະ ແມ່ນຮັບປະກັນຄຸນນະພາບ, ຂະຫຍາຍໄດ້ຜູ້ໜຸ່ມແໜ້ນ, ຫ້າວຫັນ, ປະສິດທິຜົນວຽກງານ, ມີຄຸນສົມບັດສິນທຳປະຕິວັດ, ມີລະດັບຄວາມຮູ້ ຄວາມສາມາດ, ໜັກ ແໜ້ນໃນອຸດົມການສັງຄົມນິຍົມ ເພື່ອແບກຫາບພາລະກິດຂອງພັກ. ດັ່ງນັ້ນ, ການຂະຫຍາຍພັກ ໃນໄລຍະໃໝ່ນີ້ ຕ້ອງກໍາແໜ້ນບາງບັນຫາພື້ນຖານດັ່ງນີ້:
1. ການຂະຫຍາຍພັກ ຕ້ອງຖືເອົາຄຸນນະພາບເປັນກົກ, ໝາຍວ່າເຮັດໃຫ້ສະມາຊິກພັກມີຄວາມໜັກແໜ້ນທາງດ້ານການເມືອງ, ມີອຸດົມການທີ່ຖືກຕ້ອງ, ມີຄວາມຮູ້ ຄວາມສາມາດທາງດ້ານວິຊາສະເພາະ, ມີຄຸນສົມບັດສິນທໍາປະຕິວັດ, ສາມາດເປັນແກນນໍາ-ນໍາພາໃນທຸກຂະບວນການ, ຫຼີກລ່ຽງການຂະຫຍາຍ ພັກເອົາແຕ່ປະລິມານເປັນຈຸດໜັກ. ການຂະຫຍາຍພັກ ຕ້ອງດໍາເນີນໃຫ້ຖືກຕ້ອງຕາມມາດຖານ ແລະ ລະ ບຽບການທີ່ໄດ້ກໍານົດໄວ້ໃນກົດລະບຽບຂອງພັກ.
2. ການຂະຫຍາຍພັກ ຕ້ອງຕິດພັນກັບການປັບປຸງພັກ. ການຂະຫຍາຍພັກ ແມ່ນຄວາມຮຽກຮ້ອງຕ້ອງການຂອງໜ້າທີ່ວຽກງານ ເຮັດໃຫ້ການເພີ່ມຂຶ້ນຂອງສະມາຊິກພັກ ເປັນການເພີ່ມກຳລັງແຮງຂອງພັກ ຢ່າງບໍ່ຢຸດຢັ້ງ. ພ້ອມກັນນັ້ນ, ຕ້ອງເອົາໃຈໃສ່ຍົກສູງຄຸນນະພາບສະມາຊິກພັກ ໂດຍເລີ່ມຈາກການບໍາລຸງສົ່ງເສີມ, ຊຸກຍູ້ໃຫ້ເຂົ້າພັກ ຢ່າງຖືກຕ້ອງ ດ້ວຍການສຶກສາອົບຮົມຍົກລະດັບດ້ານຕ່າງໆ ໂດຍສະເພາະ ຄວາມຮັບຮູ້ ແລະ ເຂົ້າໃຈກ່ຽວກັບທາດແທ້ຂອງພັກ, ປັບປຸງທັດສະນະຫຼັກໝັ້ນ, ການເປັນແບບຢ່າງ, ແບບແຜນດໍາລົງຊີວິດ ແລະ ແບບແຜນນໍາພາ ໃຫ້ສະມາຊິກພັກເປັນປົກກະຕິ. ພ້ອມກັນນັ້ນ, ຕ້ອງປັບປຸງເນື້ອໃນຮ່ວມຊີວິດການເມືອງຂອງໜ່ວຍພັກໃຫ້ດີ, ກວດກາການເຄື່ອນໄຫວຕົວຈິງຂອງສະມາຊິກພັກ ເປັນປະຈໍາ, ເດັດດ່ຽວແກ້ໄຂປະກົດການຫຍໍ້ທໍ້ທີ່ເກີດຂຶ້ນໃນຖັນແຖວພະນັກງານ-ສະມາຊິກພັກ ໃຫ້ໄດ້ຢ່າງທັນການ.
3. ການຂະຫຍາຍພັກໃນຂະບວນການມະຫາຊົນ. ໜ່ວຍພັກ, ສະມາຊິກພັກ ຕ້ອງນໍາພາມະຫາຊົນສ້າງຂະບວນການຕ່າງໆ ໂດຍມອບວຽກໃຫ້ມະຫາຊົນ ເພື່ອທົດສອບ, ສ້າງໂອກາດໃຫ້ມະຫາ ຊົນ ໄດ້ຝຶກຝົນຫຼໍ່ຫຼອມຕົນເອງ ໂດຍຜ່ານຂະບວນການວຽກງານຕົວຈິງນັ້ນ ຕ້ອງຊອກໃຫ້ໄດ້ມະຫາຊົນຜູ້ດີເດັ່ນ, ຫ້າວຫັນນໍາໜ້າໃນການປະຕິບັດໜ້າທີ່ວຽກງານ, ເປັນແບບຢ່າງທີ່ດີເພື່ອສ້າງເປັນເປົ້າໝາຍຂະຫຍາຍເຂົ້າພັກ.
ການຂະຫຍາຍເຂົ້າພັກ ໃນໄລຍະໃໝ່ ຕ້ອງເຮັດຢ່າງຕັ້ງໜ້າ, ຮອບຄອບ ແລະ ລະມັດລະວັງທີ່ສຸດ. ການຂະຫຍາຍພັກ ຕ້ອງມີຈຸດສຸມ, ມີທິດເລັ່ງໃຫ້ຈະແຈ້ງຖືກກັບແນວທາງຂອງພັກ. ການຕົກລົງເປົ້າໝາຍເພື່ອຂະຫຍາຍເຂົ້າພັກ ແລະ ພິຈາລະນາຮັບເອົາມະຫາຊົນກ້າວໜ້າເຂົ້າພັກ ຕ້ອງມີການຄົ້ນຄ້ວາປຶກ ສາຫາລືຕົກລົງເປັນໝູ່ຄະນະ ແລະ ກ່ອນພິຈາລະນາ ຕ້ອງໃຫ້ມະຫາຊົນມີຄໍາເຫັນ, ເປົ້າໝາຍທີ່ເຫັນວ່າ ຍັງບໍ່ຈະແຈ້ງ ຕ້ອງຊອກຮູ້, ກຳໄດ້ໃຫ້ເລິກເຊິ່ງ, ບໍ່ຄວນຟ້າວຟັ່ງ ເພື່ອຮັບປະກັນບໍ່ໃຫ້ຄົນບໍ່ດີເລັດລອດເຂົ້າມາຢູ່ໃນການຈັດຕັ້ງພັກ.
4. ການຂະຫຍາຍພັກ ຕ້ອງເລັ່ງໃສ່ບັນດາກົມກອງຮາກຖານ ທີ່ເຄື່ອນໄຫວປະຕິບັດໜ້າທີ່ຢູ່ເຂດທຸລະກັນດານ, ຫ່າງໄກສອກຫຼີກ ເພື່ອເພີ່ມກຳລັງແຮງສູ້ຮົບຂອງພັກ ແລະ ບັນດາກອງຮ້ອຍທີ່ບໍ່ທັນມີໜ່ວຍພັກ, ກອງພັນນ້ອຍທີ່ບໍ່ທັນມີຄະນະພັກຮາກຖານ, ສູ້ຊົນໃຫ້ໝູ່ມີສະມາຊິກພັກນໍາພາ, ໝວດ ມີຈຸພັກນໍາພາ, ກອງຮ້ອຍມີໜ່ວຍພັກນໍາພາ, ກອງພັນນ້ອຍ ມີຄະນະພັກຮາກຖານນໍາພາ ຕາມມະຕິກອງປະຊຸມໃຫຍ່ ຄັ້ງທີ II ຂອງອົງຄະນະພັກກະຊວງປ້ອງກັນປະເທດ.
5. ການຮຽນສະໜັບສະໜູນໃຫ້ມະຫາຊົນຜູ້ກ້າວໜ້າ ຄວນຈັດຕັ້ງຮຽນແບບເປີດກວ້າງ ໂດຍໃຫ້ມະຫາຊົນ ຜູ້ທີ່ມີເງື່ອນໄຂຢູ່ໃນກົມກອງເຂົ້າມາຮ່ວມຮຽນສະໜັບສະໜູນ ເພື່ອເປັນການສຶກສາອົບຮົມມະຫາຊົນ, ໃຫ້ເຂົາເຈົ້າຮຽນຮູ້ກ່ຽວກັບພັກ ແລະ ຮູ້ວິທີຝຶກຝົນຫຼໍ່ຫຼອມຕົນເອງ ໃຫ້ກາຍເປັນມະຫາຊົນຜູ້ທີ່ດີເດັ່ນ ແລະ ມີເງື່ອນໄຂຂະຫຍາຍເຂົ້າພັກ, ຕ້ອງຕ້ານແນວຄິດຈຸ້ມເຈື້ອເຊື້ອສາຍ.
ການຂະຫຍາຍພັກ ແມ່ນວຽກໜຶ່ງທີ່ສໍາຄັນຂອງພັກ ຊຶ່ງຈະຕ້ອງເຮັດເປັນປົກກະຕິ ເພື່ອແນໃສ່ກໍ່ສ້າງຖັນແຖວພະນັກງານ-ສະມາຊິກພັກ ໃຫ້ເຕີບໃຫຍ່ເຂັ້ມແຂງທາງດ້ານປະລິມານ ແລະ ຄຸນນະພາບ ຢ່າງບໍ່ຢຸດຢັ້ງ. ເພີ່ມກໍາລັງສູ້ຮົບຂອງພັກ ແລະ ເພີ່ມທະວີບົດບາດການນໍາພາຂອງພັກ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ເປັນກ້າວໆ.
ການຂະຫຍາຍພັກ ແມ່ນຄວາມຮຽກຮ້ອງຕ້ອງການກຳລັງແຮງແຫ່ງການນໍາພາຂອງພັກ ໃນທຸກຂົງເຂດວຽກງານ, ມີຄວາມຈຳເປັນຕ້ອງມີກຳລັງສະມາຊິກພັກ ເປັນຜູ້ນໍາພາຈັດຕັ້ງປະຕິບັດບັນດາມະຕິ, ຄຳສັ່ງຂອງພັກ ໃຫ້ເກີດດອກອອກຜົນຕົວຈິງ. ດັ່ງນັ້ນ, ຕ້ອງເພີ່ມທະວີວຽກງານຂະຫຍາຍພັກໃຫ້ເລິກເຊິ່ງເຖິງຖອງ. ພ້ອມດຽວກັນນັ້ນ, ການຂະຫຍາຍພັກ ຕ້ອງຕິດພັນກັບການປັບປຸງ ແລະ ຍົກສູງຄຸນນະພາບ ສະມາຊິກພັກ ບົນພື້ນຖານຖືກຕ້ອງຕາມກົດລະບຽບຂອງພັກ, ຖືກຕ້ອງຕາມຂັ້ນຕອນລະບຽບການ ແລະ ທິດນໍາຂອງການຂະຫຍາຍພັກ ໂດຍສະເພາະ ແມ່ນຮັບປະກັນຄຸນນະພາບ, ຂະຫຍາຍໄດ້ຜູ້ໜຸ່ມແໜ້ນ, ຫ້າວຫັນ, ປະສິດທິຜົນວຽກງານ, ມີຄຸນສົມບັດສິນທຳປະຕິວັດ, ມີລະດັບຄວາມຮູ້ ຄວາມສາມາດ, ໜັກ ແໜ້ນໃນອຸດົມການສັງຄົມນິຍົມ ເພື່ອແບກຫາບພາລະກິດຂອງພັກ. ດັ່ງນັ້ນ, ການຂະຫຍາຍພັກ ໃນໄລຍະໃໝ່ນີ້ ຕ້ອງກໍາແໜ້ນບາງບັນຫາພື້ນຖານດັ່ງນີ້:
1. ການຂະຫຍາຍພັກ ຕ້ອງຖືເອົາຄຸນນະພາບເປັນກົກ, ໝາຍວ່າເຮັດໃຫ້ສະມາຊິກພັກມີຄວາມໜັກແໜ້ນທາງດ້ານການເມືອງ, ມີອຸດົມການທີ່ຖືກຕ້ອງ, ມີຄວາມຮູ້ ຄວາມສາມາດທາງດ້ານວິຊາສະເພາະ, ມີຄຸນສົມບັດສິນທໍາປະຕິວັດ, ສາມາດເປັນແກນນໍາ-ນໍາພາໃນທຸກຂະບວນການ, ຫຼີກລ່ຽງການຂະຫຍາຍ ພັກເອົາແຕ່ປະລິມານເປັນຈຸດໜັກ. ການຂະຫຍາຍພັກ ຕ້ອງດໍາເນີນໃຫ້ຖືກຕ້ອງຕາມມາດຖານ ແລະ ລະ ບຽບການທີ່ໄດ້ກໍານົດໄວ້ໃນກົດລະບຽບຂອງພັກ.
2. ການຂະຫຍາຍພັກ ຕ້ອງຕິດພັນກັບການປັບປຸງພັກ. ການຂະຫຍາຍພັກ ແມ່ນຄວາມຮຽກຮ້ອງຕ້ອງການຂອງໜ້າທີ່ວຽກງານ ເຮັດໃຫ້ການເພີ່ມຂຶ້ນຂອງສະມາຊິກພັກ ເປັນການເພີ່ມກຳລັງແຮງຂອງພັກ ຢ່າງບໍ່ຢຸດຢັ້ງ. ພ້ອມກັນນັ້ນ, ຕ້ອງເອົາໃຈໃສ່ຍົກສູງຄຸນນະພາບສະມາຊິກພັກ ໂດຍເລີ່ມຈາກການບໍາລຸງສົ່ງເສີມ, ຊຸກຍູ້ໃຫ້ເຂົ້າພັກ ຢ່າງຖືກຕ້ອງ ດ້ວຍການສຶກສາອົບຮົມຍົກລະດັບດ້ານຕ່າງໆ ໂດຍສະເພາະ ຄວາມຮັບຮູ້ ແລະ ເຂົ້າໃຈກ່ຽວກັບທາດແທ້ຂອງພັກ, ປັບປຸງທັດສະນະຫຼັກໝັ້ນ, ການເປັນແບບຢ່າງ, ແບບແຜນດໍາລົງຊີວິດ ແລະ ແບບແຜນນໍາພາ ໃຫ້ສະມາຊິກພັກເປັນປົກກະຕິ. ພ້ອມກັນນັ້ນ, ຕ້ອງປັບປຸງເນື້ອໃນຮ່ວມຊີວິດການເມືອງຂອງໜ່ວຍພັກໃຫ້ດີ, ກວດກາການເຄື່ອນໄຫວຕົວຈິງຂອງສະມາຊິກພັກ ເປັນປະຈໍາ, ເດັດດ່ຽວແກ້ໄຂປະກົດການຫຍໍ້ທໍ້ທີ່ເກີດຂຶ້ນໃນຖັນແຖວພະນັກງານ-ສະມາຊິກພັກ ໃຫ້ໄດ້ຢ່າງທັນການ.
3. ການຂະຫຍາຍພັກໃນຂະບວນການມະຫາຊົນ. ໜ່ວຍພັກ, ສະມາຊິກພັກ ຕ້ອງນໍາພາມະຫາຊົນສ້າງຂະບວນການຕ່າງໆ ໂດຍມອບວຽກໃຫ້ມະຫາຊົນ ເພື່ອທົດສອບ, ສ້າງໂອກາດໃຫ້ມະຫາ ຊົນ ໄດ້ຝຶກຝົນຫຼໍ່ຫຼອມຕົນເອງ ໂດຍຜ່ານຂະບວນການວຽກງານຕົວຈິງນັ້ນ ຕ້ອງຊອກໃຫ້ໄດ້ມະຫາຊົນຜູ້ດີເດັ່ນ, ຫ້າວຫັນນໍາໜ້າໃນການປະຕິບັດໜ້າທີ່ວຽກງານ, ເປັນແບບຢ່າງທີ່ດີເພື່ອສ້າງເປັນເປົ້າໝາຍຂະຫຍາຍເຂົ້າພັກ.
ການຂະຫຍາຍເຂົ້າພັກ ໃນໄລຍະໃໝ່ ຕ້ອງເຮັດຢ່າງຕັ້ງໜ້າ, ຮອບຄອບ ແລະ ລະມັດລະວັງທີ່ສຸດ. ການຂະຫຍາຍພັກ ຕ້ອງມີຈຸດສຸມ, ມີທິດເລັ່ງໃຫ້ຈະແຈ້ງຖືກກັບແນວທາງຂອງພັກ. ການຕົກລົງເປົ້າໝາຍເພື່ອຂະຫຍາຍເຂົ້າພັກ ແລະ ພິຈາລະນາຮັບເອົາມະຫາຊົນກ້າວໜ້າເຂົ້າພັກ ຕ້ອງມີການຄົ້ນຄ້ວາປຶກ ສາຫາລືຕົກລົງເປັນໝູ່ຄະນະ ແລະ ກ່ອນພິຈາລະນາ ຕ້ອງໃຫ້ມະຫາຊົນມີຄໍາເຫັນ, ເປົ້າໝາຍທີ່ເຫັນວ່າ ຍັງບໍ່ຈະແຈ້ງ ຕ້ອງຊອກຮູ້, ກຳໄດ້ໃຫ້ເລິກເຊິ່ງ, ບໍ່ຄວນຟ້າວຟັ່ງ ເພື່ອຮັບປະກັນບໍ່ໃຫ້ຄົນບໍ່ດີເລັດລອດເຂົ້າມາຢູ່ໃນການຈັດຕັ້ງພັກ.
4. ການຂະຫຍາຍພັກ ຕ້ອງເລັ່ງໃສ່ບັນດາກົມກອງຮາກຖານ ທີ່ເຄື່ອນໄຫວປະຕິບັດໜ້າທີ່ຢູ່ເຂດທຸລະກັນດານ, ຫ່າງໄກສອກຫຼີກ ເພື່ອເພີ່ມກຳລັງແຮງສູ້ຮົບຂອງພັກ ແລະ ບັນດາກອງຮ້ອຍທີ່ບໍ່ທັນມີໜ່ວຍພັກ, ກອງພັນນ້ອຍທີ່ບໍ່ທັນມີຄະນະພັກຮາກຖານ, ສູ້ຊົນໃຫ້ໝູ່ມີສະມາຊິກພັກນໍາພາ, ໝວດ ມີຈຸພັກນໍາພາ, ກອງຮ້ອຍມີໜ່ວຍພັກນໍາພາ, ກອງພັນນ້ອຍ ມີຄະນະພັກຮາກຖານນໍາພາ ຕາມມະຕິກອງປະຊຸມໃຫຍ່ ຄັ້ງທີ II ຂອງອົງຄະນະພັກກະຊວງປ້ອງກັນປະເທດ.
5. ການຮຽນສະໜັບສະໜູນໃຫ້ມະຫາຊົນຜູ້ກ້າວໜ້າ ຄວນຈັດຕັ້ງຮຽນແບບເປີດກວ້າງ ໂດຍໃຫ້ມະຫາຊົນ ຜູ້ທີ່ມີເງື່ອນໄຂຢູ່ໃນກົມກອງເຂົ້າມາຮ່ວມຮຽນສະໜັບສະໜູນ ເພື່ອເປັນການສຶກສາອົບຮົມມະຫາຊົນ, ໃຫ້ເຂົາເຈົ້າຮຽນຮູ້ກ່ຽວກັບພັກ ແລະ ຮູ້ວິທີຝຶກຝົນຫຼໍ່ຫຼອມຕົນເອງ ໃຫ້ກາຍເປັນມະຫາຊົນຜູ້ທີ່ດີເດັ່ນ ແລະ ມີເງື່ອນໄຂຂະຫຍາຍເຂົ້າພັກ, ຕ້ອງຕ້ານແນວຄິດຈຸ້ມເຈື້ອເຊື້ອສາຍ.
