ກະຊວງໂຍທາທິການ ແລະ ຂົນສົ່ງ (ຍທຂ) ໄດ້ຈັດກອງປະຊຸມເຜີຍແຜ່ເຊື່ອມຊຶມເອກະສານ ກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ,ພາຍໃຕ້ການເປັນປະທານຂອງທ່ານ ງາມປະສົງ ເມືອງມະນີ ລັດຖະມົນຕີ ຍທຂ ຊຶ່ງມີ ພະນັກງານ ສະມາຊິກພັກ ອ້ອມຂ້າງກະຊວງ ເຂົ້າຮ່ວມ.
ເອກະສານທີ່ນຳມາເຜີຍແຜ່ຄັ້ງນີ້ປະກອບມີ:  ຄຳແນະນຳ ກ່ຽວກັບການສ້າງຂະບວນການ ເພື່ອກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ, ຄວາມເຂົ້າໃຈກ່ຽວກັບ ກອງປະຊຸມໃຫຍ່ 3 ຂັ້ນຂອງພັກ,ຍົກສູງຄວາມສາມາດນຳພາ ແລະ ຄວາມເປັນແບບຢ່າງນຳໜ້າຂອງສະມາຊິກພັກ, ຕັ້ງໜ້າຝຶກຜົນຫຼໍ່ຫຼອມຄຸນທາດການເມືອງ ແລະ ຄຸນສົມບັດສິນທຳປະຕິວັດ ແລະ ເອກະສານ ເດັດດ່ຽວແກ້ໄຂປະກົດການຫຍໍ້ທໍ້ ໃນຖັນແຖວພະນັກງານ ສະມາຊິກພັກ.
(ຂ່າວ-ພາບ ຕຸໄລເພັດ )