ຫ້ອງວ່າການສຳນັກງານປະທານປະພເທດ(ຫສປທ) ໄດ້ຈັດກອງປະຊຸມເຜີຍແຜ່ເຊື່ອມຊຶມເອກະສານສໍາຄັນຂອງພັກ-ຂອງຊາດ ຄື: ມະຕິກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ຄັ້ງທີ 7 ສະໄໝທີ XI, ມະຕິກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XIຂຶ້ນໃນວັນທີ 20ທັນວານີ້ ທີ່ຫສປທເປັນກຽດເຜີຍແຜ່ເອກະສານໂດຍສະຫາຍນາງ ເຂັມມະນີ ພົນເສນາ ເລຂາຄະນະພັກ, ຫົວຫນ້າຫ້ອງວ່າການສຳນັກງານປະທານປະເທດ, ມີຄະນະພັກ, ສະມາຊິກພັກ ແລະ ພະນັກງານລັດຖະກອນເຂົ້າຮ່ວມ.
ສະຫາຍນາງ ເຂັມມະນີ ພົນເສນາ ໄດ້ກ່າວວ່າ:ກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ຄັ້ງທີ 7 ສະໄໝທີ XIໄດ້ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ, ແຜນເງິນຕາປະຈຳປີ 2023 ແລະ ທິດທາງແຜນການ ປະຈຳປີ 2024 ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ວາລະແຫ່ງຊາດ ວ່າດ້ວຍການແກ້ໄຂຢາເສບຕິດ, ໄດ້ເປັນເອກະພາບສູງຕີລາຄາວ່າ: ດ້ວຍຄວາມບຸກບືນສູ້ຊົນຂອງທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ, ການຈັດຕັ້ງປະຕິບັດບັນດາແຜນໄດ້ດໍາເນີນໄປຢ່າງຕໍ່ເນື່ອງ, ຄາດຄະເນໝົດປີ 2023 GDP ຈະຂະຫຍາຍຕົວໃນລະດັບ 4,2%, ອັດຕາເງິນເຟີ້ຍັງສູງ ແຕ່ກໍມີທ່າອຽງຫຼຸດລົງ ຈາກ 41,26% ໃນເດືອນກຸມພາ ຫຼຸດລົງມາຢູ່ທີ່ 25,69% ໃນເດືອນກັນຍາ 2023, ການຊຳລະໜີ້ສິນຕ່າງປະເທດ ປະຕິບັດໄດ້ຕາມແຜນ.
ຄະນະບໍລິຫານງານສູນກາງພັກ ໄດ້ໃຫ້ທິດຊີ້ນໍາວຽກງານຈຸດສຸມ ໃນທ້າຍປີ 2023 ແລະ ປີ 2024 ຄື: ສືບຕໍ່ສຸມໃສ່ແກ້ໄຂສະພາບເຄັ່ງຮ້ອນ ໃຫ້ສາມາດຄວບຄຸມໄດ້ ແລະ ກ້າວເຂົ້າສູ່ສະພາບປົກກະຕິເທື່ອລະກ້າວ, ໃນເງື່ອນໄຂຫຍຸ້ງຍາກ ຕ້ອງເລັ່ງແກ້ໄຂຍົກລະດັບຊີວິດການເປັນຢູ່ ຂອງປະຊາຊົນ, ພະນັກງານ, ທະຫານ, ຕໍາຫຼວດດ້ວຍນະໂຍບາຍທີ່ເໝາະສົມ,ປຸກລະດົມສັງຄົມ ສ້າງຄ່ານິຍົມ ນໍາໃຊ້ສິນຄ້າລາວ ໃຫ້ເປັນສະຕິຊາດ ແລະ ເປັນຂະບວນການກວ້າງຂວາງ, ສືບຕໍ່ຍູ້ແຮງການຫັນເປັນທັນສະໄໝ ໃນຂະແໜງການຂຸດຄົ້ນ, ຄຸ້ມຄອງ ແລະ ຈັດເກັບລາຍຮັບງົບປະມານ, ເຊື່ອມຈອດຖານຂໍ້ມູນ ຂອງຂະແໜງເສດຖະກິດໃຫ້ສໍາເລັດໂດຍໄວ, ເພີ່ມທະວີມາດຕະການປະຢັດ, ຕ້ານການຟູມເຟືອຍ,ໃຫ້ຄົ້ນຄວ້າຄວາມເປັນໄປໄດ້ ການສ້າງຕັ້ງທະນາຄານ ຫຼື ຄັງແຮ “ຄໍາ” ໂດຍນໍາໃຊ້ຊັບພະຍາກອນທີ່ມີໃຫ້ເກີດຜົນປະໂຫຍດສູງສຸດ, ໄປຄຽງຄູ່ກັບການເພີ່ມຄັງສຳຮອງເງິນຕາຕ່າງປະເທດ ໃນແຕ່ລະປີ ເພື່ອສາມາດກຸ້ມການນໍາເຂົ້າ ຢ່າງໜ້ອຍ 5-6 ເດືອນຂຶ້ນໄປ. ເລັ່ງລັດການຈົດທະບຽນ ແລະ ຄຸ້ມຄອງໃຫ້ແທດ ເຖິງບັນດາບໍລິສັດນໍາເຂົ້າ-ສົ່ງອອກ ເພື່ອສາມາດດໍາເນີນການຊຳລະສະສາງ ຜ່ານລະບົບທະນາຄານຢ່າງເຂັ້ມງວດ, ຈັດສັນ, ດຸນດ່ຽງງົບປະມານ ລະຫວ່າງສູນກາງ ແລະ ທ້ອງຖິ່ນ ໃຫ້ເໝາະສົມ, ນັບທັງການນຳໃຊ້ເງິນເກີນແຜນ ຂອງບັນດາທ້ອງຖິ່ນ ໃຫ້ສົມເຫດສົມຜົນ, ຊຸກຍູ້ເສດຖະກິດເປັນເຈົ້າຕົນເອງ, ເສດຖະກິດດີຈິຕອນ ໃຫ້ເປັນຮູບປະທໍາກວ່າເກົ່າ ໂດຍກໍານົດນະໂຍບາຍ ແລະ ນິຕິກຳ ທີ່ຈະແຈ້ງ ເລັ່ງລັດປະຕິຮູບລັດວິສາຫະກິດໃຫ້ມີຄວາມເຂັ້ມແຂງ, ສາມາດແຂ່ງຂັນ ແລະ ເປັນກໍາລັງແຮງໃຫ້ແກ່ລັດຖະບານ; ສືບຕໍ່ຊຸກຍູ້ສົ່ງເສີມ ແລະ ພັດທະນາຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ຂະໜາດກາງໃຫ້ຂະຫຍາຍຕົວ ແລະ ເຂັ້ມແຂງຂຶ້ນກວ່າເກົ່າ.
ກອງປະຊຸມ ໄດ້ວາງຈຸດສຸມນໍາພາຊີ້ນຳ ຂອງຄະນະບໍລິຫານງານສູນກາງພັກ ແຕ່ນີ້ຮອດກອງປະຊຸມຄົບຄະນະ ຄັ້ງທີ 8 ສະໄໝທີ XI ຄື: ຊີ້ນຳການຮັບປະກັນໃຫ້ປະເທດຊາດມີສະຖຽນລະພາບທາງດ້ານການເມືອງ, ໝັ້ນຄົງ ຂອງປະເທດຊາດ ໃຫ້ໜັກແໜ້ນ, ສັງຄົມໃຫ້ມີຄວາມສະຫງົບປອດໄພ, ສືບຕໍ່ຊີ້ນໍາຄະນະສະເພາະກິດ 19/ກມສພ ສຸມໃສ່ການແກ້ໄຂບັນຫາເຄັ່ງຮ້ອນ ແລະ ຄວາມຫຍຸ້ງຍາກດ້ານເສດຖະກິດ-ການເງິນ ໃຫ້ມີທ່ວງທ່າ ແລະ ການຫັນປ່ຽນໃໝ່ແລະອື່ນໆອີກ.
ນອກຈາກນັ້ນ ສະຫາຍ ນາງ ເຂັມມະນີ ພົນເສນາ ຍັງໄດ້ໃຫ້ກຽດເຜີຍແຜ່ ມະຕິກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI ໄດ້ດຳເນີນແຕ່ ວັນທີ 14-18 ສິງຫາ 2023 ທີ່ຫ້ອງວ່າການສູນກາງພັກ, ພາຍໃຕ້ການເປັນປະທານຂອງ ສະຫາຍ ທອງລຸນ ສີສຸລິດ, ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ ລາວ.ກອງປະຊຸມ ໄດ້ຄົ້ນຄວ້າ, ປຶກສາຫາລື ບັນຫາສຳຄັນຄື:ຕີລາຄາຜົນການນຳພາຊີ້ນຳຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ XI ຂອງພັກ ໄລຍະເຄິ່ງສະໄໝ; ຕີລາຄາການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງ IXໄລຍະເຄິ່ງສະໄໝ ຕິດພັນກັບການປະຕິບັດສອງວາລະແຫ່ງຊາດ; ຮ່າງມະຕິ ວ່າດ້ວຍສືບຕໍ່ຍູ້ແຮງການຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ, ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານ ໃນການນໍາພາ ຂອງພັກ; ດຳເນີນຊີວິດການເມືອງພາຍໃນຄະນະບໍລິຫານງານສູນກາງພັກ ໄລຍະເຄິ່ງສະໄໝ.
ຂ່າວ-ພາບ: ພັດ ລໍວັນໄຊ
ສະຫາຍນາງ ເຂັມມະນີ ພົນເສນາ ໄດ້ກ່າວວ່າ:ກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ຄັ້ງທີ 7 ສະໄໝທີ XIໄດ້ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ, ແຜນເງິນຕາປະຈຳປີ 2023 ແລະ ທິດທາງແຜນການ ປະຈຳປີ 2024 ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ວາລະແຫ່ງຊາດ ວ່າດ້ວຍການແກ້ໄຂຢາເສບຕິດ, ໄດ້ເປັນເອກະພາບສູງຕີລາຄາວ່າ: ດ້ວຍຄວາມບຸກບືນສູ້ຊົນຂອງທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ, ການຈັດຕັ້ງປະຕິບັດບັນດາແຜນໄດ້ດໍາເນີນໄປຢ່າງຕໍ່ເນື່ອງ, ຄາດຄະເນໝົດປີ 2023 GDP ຈະຂະຫຍາຍຕົວໃນລະດັບ 4,2%, ອັດຕາເງິນເຟີ້ຍັງສູງ ແຕ່ກໍມີທ່າອຽງຫຼຸດລົງ ຈາກ 41,26% ໃນເດືອນກຸມພາ ຫຼຸດລົງມາຢູ່ທີ່ 25,69% ໃນເດືອນກັນຍາ 2023, ການຊຳລະໜີ້ສິນຕ່າງປະເທດ ປະຕິບັດໄດ້ຕາມແຜນ.
ຄະນະບໍລິຫານງານສູນກາງພັກ ໄດ້ໃຫ້ທິດຊີ້ນໍາວຽກງານຈຸດສຸມ ໃນທ້າຍປີ 2023 ແລະ ປີ 2024 ຄື: ສືບຕໍ່ສຸມໃສ່ແກ້ໄຂສະພາບເຄັ່ງຮ້ອນ ໃຫ້ສາມາດຄວບຄຸມໄດ້ ແລະ ກ້າວເຂົ້າສູ່ສະພາບປົກກະຕິເທື່ອລະກ້າວ, ໃນເງື່ອນໄຂຫຍຸ້ງຍາກ ຕ້ອງເລັ່ງແກ້ໄຂຍົກລະດັບຊີວິດການເປັນຢູ່ ຂອງປະຊາຊົນ, ພະນັກງານ, ທະຫານ, ຕໍາຫຼວດດ້ວຍນະໂຍບາຍທີ່ເໝາະສົມ,ປຸກລະດົມສັງຄົມ ສ້າງຄ່ານິຍົມ ນໍາໃຊ້ສິນຄ້າລາວ ໃຫ້ເປັນສະຕິຊາດ ແລະ ເປັນຂະບວນການກວ້າງຂວາງ, ສືບຕໍ່ຍູ້ແຮງການຫັນເປັນທັນສະໄໝ ໃນຂະແໜງການຂຸດຄົ້ນ, ຄຸ້ມຄອງ ແລະ ຈັດເກັບລາຍຮັບງົບປະມານ, ເຊື່ອມຈອດຖານຂໍ້ມູນ ຂອງຂະແໜງເສດຖະກິດໃຫ້ສໍາເລັດໂດຍໄວ, ເພີ່ມທະວີມາດຕະການປະຢັດ, ຕ້ານການຟູມເຟືອຍ,ໃຫ້ຄົ້ນຄວ້າຄວາມເປັນໄປໄດ້ ການສ້າງຕັ້ງທະນາຄານ ຫຼື ຄັງແຮ “ຄໍາ” ໂດຍນໍາໃຊ້ຊັບພະຍາກອນທີ່ມີໃຫ້ເກີດຜົນປະໂຫຍດສູງສຸດ, ໄປຄຽງຄູ່ກັບການເພີ່ມຄັງສຳຮອງເງິນຕາຕ່າງປະເທດ ໃນແຕ່ລະປີ ເພື່ອສາມາດກຸ້ມການນໍາເຂົ້າ ຢ່າງໜ້ອຍ 5-6 ເດືອນຂຶ້ນໄປ. ເລັ່ງລັດການຈົດທະບຽນ ແລະ ຄຸ້ມຄອງໃຫ້ແທດ ເຖິງບັນດາບໍລິສັດນໍາເຂົ້າ-ສົ່ງອອກ ເພື່ອສາມາດດໍາເນີນການຊຳລະສະສາງ ຜ່ານລະບົບທະນາຄານຢ່າງເຂັ້ມງວດ, ຈັດສັນ, ດຸນດ່ຽງງົບປະມານ ລະຫວ່າງສູນກາງ ແລະ ທ້ອງຖິ່ນ ໃຫ້ເໝາະສົມ, ນັບທັງການນຳໃຊ້ເງິນເກີນແຜນ ຂອງບັນດາທ້ອງຖິ່ນ ໃຫ້ສົມເຫດສົມຜົນ, ຊຸກຍູ້ເສດຖະກິດເປັນເຈົ້າຕົນເອງ, ເສດຖະກິດດີຈິຕອນ ໃຫ້ເປັນຮູບປະທໍາກວ່າເກົ່າ ໂດຍກໍານົດນະໂຍບາຍ ແລະ ນິຕິກຳ ທີ່ຈະແຈ້ງ ເລັ່ງລັດປະຕິຮູບລັດວິສາຫະກິດໃຫ້ມີຄວາມເຂັ້ມແຂງ, ສາມາດແຂ່ງຂັນ ແລະ ເປັນກໍາລັງແຮງໃຫ້ແກ່ລັດຖະບານ; ສືບຕໍ່ຊຸກຍູ້ສົ່ງເສີມ ແລະ ພັດທະນາຈຸນລະວິສາຫະກິດ, ວິສາຫະກິດຂະໜາດນ້ອຍ ແລະ ຂະໜາດກາງໃຫ້ຂະຫຍາຍຕົວ ແລະ ເຂັ້ມແຂງຂຶ້ນກວ່າເກົ່າ.
ກອງປະຊຸມ ໄດ້ວາງຈຸດສຸມນໍາພາຊີ້ນຳ ຂອງຄະນະບໍລິຫານງານສູນກາງພັກ ແຕ່ນີ້ຮອດກອງປະຊຸມຄົບຄະນະ ຄັ້ງທີ 8 ສະໄໝທີ XI ຄື: ຊີ້ນຳການຮັບປະກັນໃຫ້ປະເທດຊາດມີສະຖຽນລະພາບທາງດ້ານການເມືອງ, ໝັ້ນຄົງ ຂອງປະເທດຊາດ ໃຫ້ໜັກແໜ້ນ, ສັງຄົມໃຫ້ມີຄວາມສະຫງົບປອດໄພ, ສືບຕໍ່ຊີ້ນໍາຄະນະສະເພາະກິດ 19/ກມສພ ສຸມໃສ່ການແກ້ໄຂບັນຫາເຄັ່ງຮ້ອນ ແລະ ຄວາມຫຍຸ້ງຍາກດ້ານເສດຖະກິດ-ການເງິນ ໃຫ້ມີທ່ວງທ່າ ແລະ ການຫັນປ່ຽນໃໝ່ແລະອື່ນໆອີກ.
ນອກຈາກນັ້ນ ສະຫາຍ ນາງ ເຂັມມະນີ ພົນເສນາ ຍັງໄດ້ໃຫ້ກຽດເຜີຍແຜ່ ມະຕິກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI ໄດ້ດຳເນີນແຕ່ ວັນທີ 14-18 ສິງຫາ 2023 ທີ່ຫ້ອງວ່າການສູນກາງພັກ, ພາຍໃຕ້ການເປັນປະທານຂອງ ສະຫາຍ ທອງລຸນ ສີສຸລິດ, ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດ ແຫ່ງ ສປປ ລາວ.ກອງປະຊຸມ ໄດ້ຄົ້ນຄວ້າ, ປຶກສາຫາລື ບັນຫາສຳຄັນຄື:ຕີລາຄາຜົນການນຳພາຊີ້ນຳຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ XI ຂອງພັກ ໄລຍະເຄິ່ງສະໄໝ; ຕີລາຄາການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງ IXໄລຍະເຄິ່ງສະໄໝ ຕິດພັນກັບການປະຕິບັດສອງວາລະແຫ່ງຊາດ; ຮ່າງມະຕິ ວ່າດ້ວຍສືບຕໍ່ຍູ້ແຮງການຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ, ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານ ໃນການນໍາພາ ຂອງພັກ; ດຳເນີນຊີວິດການເມືອງພາຍໃນຄະນະບໍລິຫານງານສູນກາງພັກ ໄລຍະເຄິ່ງສະໄໝ.
ຂ່າວ-ພາບ: ພັດ ລໍວັນໄຊ
