ກອງປະຊຸມເປີດກວ້າງຄົບຄະນະບໍລິຫານງານພັກແຂວງຄັ້ງທີ 11 ສະໄໝທີ X ໄດ້ປິດລົງໃນວັນທີ 4 ມັງກອນ 2024 ທີ່ ແຂວງຄຳມ່ວນ ໂດຍການເປັນປະທານຂອງສະຫາຍ ວັນໄຊ ພອງສະຫວັນ ກໍາມະການສູນກາງພັກ ເລຂາພັກແຂວງ ເຈົ້າແຂວງໆຄໍາມ່ວນ, ມີບັນດາສະຫາຍໃນຄະນະບໍລິຫານງານພັກແຂວງ, ບັນດາສະຫາຍເລຂາຄະນະພັກຮາກ, ມີພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້ ໄດ້ປຶກສາຫາລື, ແລກປ່ຽນຄຳເຫັນ ແລະ ຍົກໃຫ້ເຫັນເຖິງຂໍ້ສະດວກ ແລະ ຂໍ້ຄົຫຍຸ້ງຍາກໃນແຕ່ລະຂົງເຂດ, ໃນແຕ່ລະໜ້າວຽກລວມເຖິງປະກົດການຫຍໍ້ທໍ້ດ້ານຕ່າງໆມາຍົກຂຶ້ນໃນທີ່ປະຊຸມເພື່ອພ້ອມກັນຄົ້ນຄວ້າພິຈາລະນາ ແລະ ຊອກຫາວິທີການແກ້ໄຂໃນຕໍ່ໜ້າ ເຊິ່ງໃນນີ້ແມ່ນໄດ້ລົງເລິກໃນ 3 ວຽກຄື: ຜ່ານຮ່າງບົດສະຫຼຸບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈຳປີ 2023 ແລະ ທິດທາງປີ 2024, ການຈັດຕັ້ງປະຕິບັດແຜນງົບປະມານຂອງແຂວງປະຈຳປີ 2023 ແລະ ທິດທາງແຜນການປີ 2024 ຕິດພັນກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ຂອງແຂວງ ແລະ ຮັບຟັງການລາຍງານແຜນການຈັດປີທ່ອງທ່ຽວລາວ 2024 ກ່ອນຈະນຳສະເໜີຕໍ່ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງຊຸດທີ II ທີ່ຈະໄດ້ຈັດຂຶ້ນໃນມໍ່ໆນີ້ ຮັບຮອງ.
ສະຫາຍ ວັນໄຊ ພອງສະຫວັນໄດ້ກ່າວວ່າ: ປັດຈຸບັນສະພາບການຂອງໂລກຍັງສືບຕໍ່ຜັນແປໄປຢ່າງສັບສົນ ແລະ ສະລັບສັບຊ້ອນບໍ່ວ່າຈະເປັນທາງດ້ານການເມືອງ, ດ້ານຄວາມໝັ້ນຄົງ ແລະ ດ້ານເສດຖະກິດເຊິ່ງປະເທດຂອງພວກເຮົາແມ່ນໄດ້ຮັບຜົນກະທົບຈາກບັນຫາດັ່ງກ່າວທັງທາງກົງ ແລະ ທາງອ້ອມ ເວົ້າລວມ,ເວົ້າສະເພາະແມ່ນແຂວງຄໍາມ່ວນ ທີ່ກໍາລັງປະເຊີນຢູ່ເປັນຕົ້ນແມ່ນບັນຫາຄ່າຄອງຊີບອັນເນື່ອງມາຈາກການເພີ້ມຂຶ້ນຂອງລາຄາສິນຄ້າ, ປັນຫາເງິນກີບອ່ອນຄ່າ ແລະ ອື່ນໆ.
ສະຫາຍ ວັນໄຊ ພອງສະຫວັນ ໄດ້ມອບຄວາມຮັບຊອບໃຫ້ທຸກພາກສ່ວນຂະແໜງການຈົ່ງໄດ້ນໍາເອົາໃນຈິດໃຈຂອງການດໍາເນີນກອງປະຊຸມໃນຄັ້ງນີ້ໄປຈັດຕັ້ງຜັນຂະຫຍາຍໃຫ້ເຂົ້າສູ່ລວງເລິກ, ເວົ້າແທ້ທໍາຈິງ ແລະ ໃຫ້ກາຍເປັນຮູບປະທໍາ. ພ້ອມນັ້ນສະຫາຍຍັງໄດ້ເນັ້ນໜັກມາຍັງພະນັກງານນໍາພາ - ຄຸ້ມຄອງຢູ່ຂັ້ນພະແນກການອ້ອມຂ້າງແຂວງຈົ່ງໄດ້ຍົກສູງຄວາມຮັບຜິດຊອບທາງດ້ານໜ້າທີ່ການເມືອງຂອງຕົນ ແລະ ຫັນເອົາພະນັກງານຢູ່ໃນຂົງເຂດຄວາມຮັບຜິດຊອບຂອງຕົນ ລົງໄປກໍ່ສ້າງຮາກຖານການເມືອງເພື່ອຊ່ວຍເມືອງ ແລະ ບ້ານຕາມພາລະບົດບາດ, ສິດ, ໜ້າທີ່ ຂອງຂະແໜງຕົນ. ທັງນີ້ກໍເພື່ອເຮັດໃຫ້ແຂວງຄໍາມ່ວນສາມາດບັນລຸໄດ້ບັນດາຕົວເລກຄາດໝາຍສູ້ຊົນທີ່ກຳນົດໄວ້ໃນ 6 ເປົ້າໝາຍ, 25 ແຜນວຽກຈຸດສຸມໃຫ້ແຂວງຄຳມ່ວນມີການພັດທະນາຢ່າງເຂັ້ມແຂງ, ໜັກແໜ້ນຕາມຄຳຂວັນທີ່ໄດ້ຕັ້ງໄວ້, ສ້າງຄວາມເຂັ້ມແຂງໃຫ້ແກ່ຂັ້ນຮາກຖານ ແລະ ແກ້ໄຂຄວາມຫຍຸ້ງຍາກດ້ານຊີວິດການເປັນຢູ່ຂອງປະຊາຊົນໃຫ້ດີຂຶ້ນ.
ຂ່າວ-ພາບ : ແດງສະຫວັດ ແສນພານິດ
ກອງປະຊຸມຄັ້ງນີ້ ໄດ້ປຶກສາຫາລື, ແລກປ່ຽນຄຳເຫັນ ແລະ ຍົກໃຫ້ເຫັນເຖິງຂໍ້ສະດວກ ແລະ ຂໍ້ຄົຫຍຸ້ງຍາກໃນແຕ່ລະຂົງເຂດ, ໃນແຕ່ລະໜ້າວຽກລວມເຖິງປະກົດການຫຍໍ້ທໍ້ດ້ານຕ່າງໆມາຍົກຂຶ້ນໃນທີ່ປະຊຸມເພື່ອພ້ອມກັນຄົ້ນຄວ້າພິຈາລະນາ ແລະ ຊອກຫາວິທີການແກ້ໄຂໃນຕໍ່ໜ້າ ເຊິ່ງໃນນີ້ແມ່ນໄດ້ລົງເລິກໃນ 3 ວຽກຄື: ຜ່ານຮ່າງບົດສະຫຼຸບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈຳປີ 2023 ແລະ ທິດທາງປີ 2024, ການຈັດຕັ້ງປະຕິບັດແຜນງົບປະມານຂອງແຂວງປະຈຳປີ 2023 ແລະ ທິດທາງແຜນການປີ 2024 ຕິດພັນກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ຂອງແຂວງ ແລະ ຮັບຟັງການລາຍງານແຜນການຈັດປີທ່ອງທ່ຽວລາວ 2024 ກ່ອນຈະນຳສະເໜີຕໍ່ກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງຊຸດທີ II ທີ່ຈະໄດ້ຈັດຂຶ້ນໃນມໍ່ໆນີ້ ຮັບຮອງ.
ສະຫາຍ ວັນໄຊ ພອງສະຫວັນໄດ້ກ່າວວ່າ: ປັດຈຸບັນສະພາບການຂອງໂລກຍັງສືບຕໍ່ຜັນແປໄປຢ່າງສັບສົນ ແລະ ສະລັບສັບຊ້ອນບໍ່ວ່າຈະເປັນທາງດ້ານການເມືອງ, ດ້ານຄວາມໝັ້ນຄົງ ແລະ ດ້ານເສດຖະກິດເຊິ່ງປະເທດຂອງພວກເຮົາແມ່ນໄດ້ຮັບຜົນກະທົບຈາກບັນຫາດັ່ງກ່າວທັງທາງກົງ ແລະ ທາງອ້ອມ ເວົ້າລວມ,ເວົ້າສະເພາະແມ່ນແຂວງຄໍາມ່ວນ ທີ່ກໍາລັງປະເຊີນຢູ່ເປັນຕົ້ນແມ່ນບັນຫາຄ່າຄອງຊີບອັນເນື່ອງມາຈາກການເພີ້ມຂຶ້ນຂອງລາຄາສິນຄ້າ, ປັນຫາເງິນກີບອ່ອນຄ່າ ແລະ ອື່ນໆ.
ສະຫາຍ ວັນໄຊ ພອງສະຫວັນ ໄດ້ມອບຄວາມຮັບຊອບໃຫ້ທຸກພາກສ່ວນຂະແໜງການຈົ່ງໄດ້ນໍາເອົາໃນຈິດໃຈຂອງການດໍາເນີນກອງປະຊຸມໃນຄັ້ງນີ້ໄປຈັດຕັ້ງຜັນຂະຫຍາຍໃຫ້ເຂົ້າສູ່ລວງເລິກ, ເວົ້າແທ້ທໍາຈິງ ແລະ ໃຫ້ກາຍເປັນຮູບປະທໍາ. ພ້ອມນັ້ນສະຫາຍຍັງໄດ້ເນັ້ນໜັກມາຍັງພະນັກງານນໍາພາ - ຄຸ້ມຄອງຢູ່ຂັ້ນພະແນກການອ້ອມຂ້າງແຂວງຈົ່ງໄດ້ຍົກສູງຄວາມຮັບຜິດຊອບທາງດ້ານໜ້າທີ່ການເມືອງຂອງຕົນ ແລະ ຫັນເອົາພະນັກງານຢູ່ໃນຂົງເຂດຄວາມຮັບຜິດຊອບຂອງຕົນ ລົງໄປກໍ່ສ້າງຮາກຖານການເມືອງເພື່ອຊ່ວຍເມືອງ ແລະ ບ້ານຕາມພາລະບົດບາດ, ສິດ, ໜ້າທີ່ ຂອງຂະແໜງຕົນ. ທັງນີ້ກໍເພື່ອເຮັດໃຫ້ແຂວງຄໍາມ່ວນສາມາດບັນລຸໄດ້ບັນດາຕົວເລກຄາດໝາຍສູ້ຊົນທີ່ກຳນົດໄວ້ໃນ 6 ເປົ້າໝາຍ, 25 ແຜນວຽກຈຸດສຸມໃຫ້ແຂວງຄຳມ່ວນມີການພັດທະນາຢ່າງເຂັ້ມແຂງ, ໜັກແໜ້ນຕາມຄຳຂວັນທີ່ໄດ້ຕັ້ງໄວ້, ສ້າງຄວາມເຂັ້ມແຂງໃຫ້ແກ່ຂັ້ນຮາກຖານ ແລະ ແກ້ໄຂຄວາມຫຍຸ້ງຍາກດ້ານຊີວິດການເປັນຢູ່ຂອງປະຊາຊົນໃຫ້ດີຂຶ້ນ.
ຂ່າວ-ພາບ : ແດງສະຫວັດ ແສນພານິດ
