ກອງປະຊຸມຄົບຄະນະ ເປີດກວ້າງ ຄັ້ງທີ 14 ຂອງຄະນະບໍລິຫານງານພັກແຂວງຫຼວງນໍ້າທາ ສະໄໝທີ VIIIໄດ້ຈັດຂຶ້ນໃນວັນທີ 4-5 ມັງກອນ ຜ່ານມາໂດຍການເປັນປະທານຂອງ ສະຫາຍ ວຽງສະຫວັດ ສີພັນດອນ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຫຼວງນໍ້າທາ, ມີຄະນະປະຈຳພັກແຂວງ, ກຳມະການພັກແຂວງ, ຄະນະບໍລິຫານງານພັກເມືອງ 5 ເມືອງ, ຫົວໜ້າພະແນກ, ຮອງຫົວໜ້າພະແນກ, ສອງກອງບັນຊາ ປກຊ-ປກສ ແຂວງ ເຂົ້າຮ່ວມ.
ສະຫາຍ ບຸນມາ ພັນດາວົງ ກຳມະການພັກແຂວງ ຫົວໜ້າຫ້ອງວ່າການແຂວງ ໄດ້ຜ່ານຮ່າງ ບົດສະຫຼຸບຕີລາຄາການຈັດຕັ້ງປະຕິບັດວຽກງານຮອບດ້ານຂອງແຂວງປະຈຳປິ 2023ໃຫ້ຮູ້ວ່າ: ຕະຫຼອດໄລຍະ 1 ປີ ຜ່ານມາ ຄະນະພັກ, ອົງການປົກຄອງແຕ່ລະຂັ້ນໄດ້ເອົາໃຈໃສ່ຊີ້ນຳ-ນໍາພາ ແລະ ຈັດຕັ້ງປະຕິບັດໜ້າທີ່ວຽກງານດ້ວຍຄວາມຮັບຜິດຊອບສູງ, ຄະນະພັກທຸກຂັ້ນ ໄດ້ເອົາໃຈໃສ່ສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານລັດຖະກອນ, ທະຫານ, ຕຳຫຼວດ ແລະ ປະຊາຊົນບັນດາເຜົ່າເຮັດໃຫ້ແຂວງຫຼວງນໍ້າທາ ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະ ປອດໄພ,ເສດຖະກິດໄດ້ຮັບການພັດທະນາຂະຫຍາຍຕົວຕໍ່ເນື່ອງ ສະເລ່ຍໃນລະດັບ 6,9% ຕໍ່ປີ, ລວມຍອດຜະລິດຕະພັນພາຍໃນ ບັນລຸໄດ້ 8.781 ຕື້ກວ່າກີບ, ໃນນີ້ກະສິກໍາ, ປ່າໄມ້ ແລະ ການປະມົງ ບັນລຸໄດ້ 4. 617 ຕື້ກວ່າກີບ, ອຸດສະຫະກຳ ບັນລຸໄດ້ 2.600 ຕື້ກວາກີບ ແລະ ການບໍລິການບັນລຸໄດ້ 1.512 ຕື້ກ່ວາກີບ, ພາສີຜະລິດຕະພັນ ບັນລຸໄດ້ 50,53 ຕື້ກີບ, ສະເລ່ຍໃສ່ຫົວຄົນປະຕິບັດໄດ້ 2.459 ກວ່າໂດລາ ຫຼື ເທົ່າກັບ 42 ລ້ານກວ່າກີບ/ຄົນ/ປີ,ພ້ອມນີ້ກໍໄດ້ເອົາໃຈໃສ່ຕິດຕາມຊຸກຍູ້ການຜະລິດຂອງປະຊາຊົນ ເພື່ອຄໍ້າປະກັນສະບຽງອາຫານ ແລະ ຜະລິດເປັນສິນຄ້າ.
ສໍາລັບທິດທາງຄາດໝາຍສູ້ຊົນ ປີ 2024 ຮັບປະກັນເຮັດໃຫ້ແຂວງຫຼວງນໍ້າທາ ຮັກສາໄດ້ສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະ ປອດໄພ, ສູ້ຊົນເຮັດໃຫ້ເສດຖະກິດຂະຫຍາຍຕົວຢູ່ໃນລະດັບ 7,6%, ລວມຍອດຜະລິດຕະພັນພາຍໃນໃຫ້ບັນລຸໄດ້ 11.402 ຕື້ກວ່າກີບ, ສະເລ່ຍລາຍຮັບຕໍ່ຫົວຄົນ ໃຫ້ບັນລຸໄດ້ 2.946 ກ່ວາໂດລາ, ສູ້ຊົນຂຸດຄົ້ນລາຍຮັບເຂົ້າງົບປະມານໃຫ້ໄດ້ 1.584 ຕື້ກວ່າກີບ.
ໃນກອງປະຊຸມຄັ້ງນີ້ ໄດ້ພ້ອມກັນຕີລາຄາ ການຈັດຕັ້ງປະຕິບັດວຽກງານຮອບດ້ານຂອງແຂວງ ປະຈຳປີ 2023 ທິດທາງແຜນການຄາດໝາຍສູ້ຊົນ ປະຈຳປີ 2024, ຜ່ານຮ່າງສຳຫຼວດການນຳພາລວມ ຂອງຄະນະບໍລິຫານງານພັກແຂວງໃນການຈັດຕັ້ງປະຕິບັດໜ້າທີ່ວຽກງານທີ່ໄດ້ຮັບການມອບໝາຍຍົກໃຫ້ເຫັນ ດ້ານດີ-ຜົນງານ, ດ້ານອ່ອນ-ຂໍ້ຄົງຄ້າງ, ຊອກວິທີແກ້ໄຂດ້ານອ່ອນ, ຂໍ້ຄົງຄ້າງ, ຄະນະບໍລິຫານງານພັກແຂວງ, ຫົວໜ້າພະແນກການຈະໄດ້ດຳເນີນຊິວິດການເມືອງ ຜ່ານບົດສຳຫຼວດຕົນເອງ,ລົງຄະແນນໃຫ້ຄະນະບໍລິຫານງານພັກແຂວງ, ບັນດາຫົວໜ້າພະແນກການ.
ຂ່າວ-ພາບ: ອຸ້ມ ສົມນໍ່ວັນ
ສະຫາຍ ບຸນມາ ພັນດາວົງ ກຳມະການພັກແຂວງ ຫົວໜ້າຫ້ອງວ່າການແຂວງ ໄດ້ຜ່ານຮ່າງ ບົດສະຫຼຸບຕີລາຄາການຈັດຕັ້ງປະຕິບັດວຽກງານຮອບດ້ານຂອງແຂວງປະຈຳປິ 2023ໃຫ້ຮູ້ວ່າ: ຕະຫຼອດໄລຍະ 1 ປີ ຜ່ານມາ ຄະນະພັກ, ອົງການປົກຄອງແຕ່ລະຂັ້ນໄດ້ເອົາໃຈໃສ່ຊີ້ນຳ-ນໍາພາ ແລະ ຈັດຕັ້ງປະຕິບັດໜ້າທີ່ວຽກງານດ້ວຍຄວາມຮັບຜິດຊອບສູງ, ຄະນະພັກທຸກຂັ້ນ ໄດ້ເອົາໃຈໃສ່ສຶກສາອົບຮົມການເມືອງ-ນຳພາແນວຄິດ ໃຫ້ພະນັກງານລັດຖະກອນ, ທະຫານ, ຕຳຫຼວດ ແລະ ປະຊາຊົນບັນດາເຜົ່າເຮັດໃຫ້ແຂວງຫຼວງນໍ້າທາ ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະ ປອດໄພ,ເສດຖະກິດໄດ້ຮັບການພັດທະນາຂະຫຍາຍຕົວຕໍ່ເນື່ອງ ສະເລ່ຍໃນລະດັບ 6,9% ຕໍ່ປີ, ລວມຍອດຜະລິດຕະພັນພາຍໃນ ບັນລຸໄດ້ 8.781 ຕື້ກວ່າກີບ, ໃນນີ້ກະສິກໍາ, ປ່າໄມ້ ແລະ ການປະມົງ ບັນລຸໄດ້ 4. 617 ຕື້ກວ່າກີບ, ອຸດສະຫະກຳ ບັນລຸໄດ້ 2.600 ຕື້ກວາກີບ ແລະ ການບໍລິການບັນລຸໄດ້ 1.512 ຕື້ກ່ວາກີບ, ພາສີຜະລິດຕະພັນ ບັນລຸໄດ້ 50,53 ຕື້ກີບ, ສະເລ່ຍໃສ່ຫົວຄົນປະຕິບັດໄດ້ 2.459 ກວ່າໂດລາ ຫຼື ເທົ່າກັບ 42 ລ້ານກວ່າກີບ/ຄົນ/ປີ,ພ້ອມນີ້ກໍໄດ້ເອົາໃຈໃສ່ຕິດຕາມຊຸກຍູ້ການຜະລິດຂອງປະຊາຊົນ ເພື່ອຄໍ້າປະກັນສະບຽງອາຫານ ແລະ ຜະລິດເປັນສິນຄ້າ.
ສໍາລັບທິດທາງຄາດໝາຍສູ້ຊົນ ປີ 2024 ຮັບປະກັນເຮັດໃຫ້ແຂວງຫຼວງນໍ້າທາ ຮັກສາໄດ້ສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະ ປອດໄພ, ສູ້ຊົນເຮັດໃຫ້ເສດຖະກິດຂະຫຍາຍຕົວຢູ່ໃນລະດັບ 7,6%, ລວມຍອດຜະລິດຕະພັນພາຍໃນໃຫ້ບັນລຸໄດ້ 11.402 ຕື້ກວ່າກີບ, ສະເລ່ຍລາຍຮັບຕໍ່ຫົວຄົນ ໃຫ້ບັນລຸໄດ້ 2.946 ກ່ວາໂດລາ, ສູ້ຊົນຂຸດຄົ້ນລາຍຮັບເຂົ້າງົບປະມານໃຫ້ໄດ້ 1.584 ຕື້ກວ່າກີບ.
ໃນກອງປະຊຸມຄັ້ງນີ້ ໄດ້ພ້ອມກັນຕີລາຄາ ການຈັດຕັ້ງປະຕິບັດວຽກງານຮອບດ້ານຂອງແຂວງ ປະຈຳປີ 2023 ທິດທາງແຜນການຄາດໝາຍສູ້ຊົນ ປະຈຳປີ 2024, ຜ່ານຮ່າງສຳຫຼວດການນຳພາລວມ ຂອງຄະນະບໍລິຫານງານພັກແຂວງໃນການຈັດຕັ້ງປະຕິບັດໜ້າທີ່ວຽກງານທີ່ໄດ້ຮັບການມອບໝາຍຍົກໃຫ້ເຫັນ ດ້ານດີ-ຜົນງານ, ດ້ານອ່ອນ-ຂໍ້ຄົງຄ້າງ, ຊອກວິທີແກ້ໄຂດ້ານອ່ອນ, ຂໍ້ຄົງຄ້າງ, ຄະນະບໍລິຫານງານພັກແຂວງ, ຫົວໜ້າພະແນກການຈະໄດ້ດຳເນີນຊິວິດການເມືອງ ຜ່ານບົດສຳຫຼວດຕົນເອງ,ລົງຄະແນນໃຫ້ຄະນະບໍລິຫານງານພັກແຂວງ, ບັນດາຫົວໜ້າພະແນກການ.
ຂ່າວ-ພາບ: ອຸ້ມ ສົມນໍ່ວັນ
