ກອງປະຊຸມຄົບຄະນະບໍລິຫານງານພັກແຂວງຫຼວງພະບາງ ເປີດກວ້າງຄັ້ງທີ 10 ສະໄໝທີVIIIປະຈຳປີ 2023ໄດ້ດຳເນີນໃນລະຫວ່າງ ວັນທີ 4-5 ມັງກອນ 2024 ທີ່ຫ້ອງວ່າການແຂວງ ໂດຍການເປັນປະທານຂອງສະຫາຍ ຄຳຂັນ ຈັນທະວີສຸກ ກຳມະການສູນກາງພັກ ເລຂາຄະນະບໍລິຫານງານພັກແຂວງເຈົ້າແຂວງຫຼວງພະບາງ, ມີສະຫາຍ ຄະນະປະຈຳພັກແຂວງ, ກຳມະການພັກແຂວງ, ມີພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້ ໄດ້ຕີລາຄາການຈັດຕັ້ງປະຕິບັດວຽກງານຮອບດ້ານ ແລະຕີລາຄາ ການສະຫຼຸບວຽກງານ ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານປະຈຳປີ 2023 ແລະທິດທາງແຜນວຽກຈຸດສຸມ 2024 ຕິດພັນກັບການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນແລະບັນຫາອື່ນໆ.
ກອງປະຊຸມຄັ້ງນີ້ ໄດ້ສຸມໃສ່ປະກອບຄວາມຄິດເຫັນ ຕໍ່ບັນຫາທີ່ຍັງຄົງຄ້າງ ເປັນຕົ້ນແມ່ນວຽກງານເສດຖະກິດ-ສັງຄົມ ແລະປະກົດການຫຍໍ້ທໍ້ໃນສັງຄົມ ໂດຍສະເພາະແມ່ນບັນຫາແກ້ໄຂຄວາມທຸກຍາກຂອງປະຊາຊົນ,ບັນຫາຢາເສບຕິດ ແລະອື່ນໆ.ພ້ອມດຽວກັນນັ້ນ ພະແນກການກ່ຽວຂ້ອງ ກໍໄດ້ໃຫ້ຄໍາຊີ້ແຈ້ງ ບັນດາຂໍ້ຄົງຄ້າງ ເພື່ອເປັນການປຶກສາຫາລືຫາວິທີແກ້ໄຂຮ່ວມກັນຕື່ມອີກ.
ສະຫາຍເລຂາຄະນະບໍລິຫານງານພັກແຂວງ ໄດ້ມີຄຳເຫັນເນັ້ນບາງບັນຫາວ່າ: ສຳລັບທິດທາງ ແລະຄາດໝາຍຈຸດສຸມີປີ 2024ແມ່ນແຜນບຸກບືນຢ່າງແຂງແຮງເພື່ອເຮັດໃຫ້ການຈັດຕັ້ງປະຕິບັດ, ຜັນຂະຫຍາຍມະຕິກອງປະຊຸມໃຫຍ່ອົງຄະນະພັກແຂວງຄັ້ງທີ VIII ແລະແຜນພັດທະນາເສດຖະກິດ-ສັງຄົມ, ແຜນງົບປະມານ 5 ປີຂອງແຂວງ, ແຕ່ລະເມືອງ-ນະຄອນ, ພະແນກການ, ກົມກອງຕົນວາງ ອອກ 5 ປີ ຜ່ານມານັ້ນໃຫ້ບັນລຸຕາມແຜນທີ່ວາງໄວ້, ເພື່ອເປັນພື້ນຖານໃນການຍູ້ແຮງການເຕີບໂຕທາງດ້ານເສດຖະກິດ ແລະວຽກງານອື່ນໆ ເພື່ອກະກຽມໃຫ້ແກ່ການສ້າງແຜນ 5 ປີ ຕໍ່ໜ້າໃຫ້ແທດເໝາະກັບທ່າແຮງຕົວຈິງຂອງແຕ່ລະບ່ອນ; ສືບຕໍ່ຫັນເອົາກຳລັງລົງຮາກຖານ, ເຂດຈຸດສຸມ, ກຳແໜ້ນປະຊາຊົນ, ກຳແໜ້ນທຸກເປົ້າໝາຍ, ຕັ້ງໜ້າແກ້ໄຂໜໍ່ແໜງທີ່ຈະພາໃຫ້ເກີດຄວາມບໍ່ສະຫງົບຢ່າງເດັດຂາດ, ເຂັ້ມງວດ, ຮັບປະກັນເຮັດໃຫ້ແຂວງຫຼວງພະບາງມີຄວາມສະຫງົບ, ປອດໄພ, ມີຄວາມເປັນລະບຽບຮຽບຮ້ອຍ, ບໍ່ໃຫ້ມີເຫດການທີ່ບໍ່ເພິ່ງປາຖະໜາຮ້າຍແຮງເກີດຂຶ້ນຢ່າງເດັດຂາດ; ສືບຕໍ່ສຸມໃສ່ພັດທະນາຊົນນະບົດ ແລະແກ້ໄຂຄວາມທຸກຍາກຂອງປະຊາຊົນໃຫ້ມີຈຸດສຸມ, ມີເປົ້າໝາຍ, ມີບຸລິມະສິດ, ໂດຍອີງໃສ່ທ່າແຮງ, ມູນເຊື້ອຕົວຈິງຂອງແຕ່ລະບ້ານ, ແຕ່ລະຄອບຄົວ ເປັນຕົ້ນແມ່ນ ການບໍລິການ, ການປູກ, ການລ້ຽງ ແລະອື່ນໆລົງຊີ້ນຳຕົວຈິງເພື່ອເຮັດໃຫ້ໂຕເລກຄວາມທຸກຍາກຫຼຸດລົງ, ໂຕເລກການພັດທະນາເພີ່ມຂຶ້ນດ້ວຍການສົ່ງເສີມການຜະລິດ, ແກ້ໄຂບັນຫາເຕັກນິກ, ວິຊາການ, ແນວພັນ, ຕະຫຼາດຊ່ວຍປະຊາຊົນ, ຊ່ວຍຜູ້ຜະລິດ, ຊ່ວຍຜູ້ປຸງແຕ່ງ, ຊ່ວຍຜູ້ເຮັດການບໍລິການ, ເພື່ອສົ່ງອອກກັບທີ່, ຈຳກັດການນໍາເຂົ້າ; ສືບຕໍ່ດຶງດູດການລົງທຶນຂອງພາກເອກະຊົນທັງພາຍໃນ ແລະຕ່າງປະເທດໃຫ້ຫຼາຍຂຶ້ນ,ພ້ອມທັງປັບປຸງກົນໄກການປະສານງານ, ການພິຈາລະນາອານຸຍາດການລົງທຶນໃຫ້ວ່ອງໄວ, ໂປ່ງໃສ, ສອດຄ່ອງກັບລະບຽບການກ່ຽວຂ້ອງ, ສ້າງສະພາບແວດລ້ອມທີ່ເອື້ອອຳນວຍໃຫ້ການດູດດຶງການລົງທຶນທັງພາຍໃນ ແລະໂດຍກົງຈາກຕ່າງປະເທດໃຫ້ຫຼາຍຂຶ້ນ; ກົນໄກປະສານງານຂອດໃດທີ່ບໍ່ສອດຄ່ອງໃຫ້ຮີບຮ້ອນປັບປຸງ, ຕັດສິນໃຈແກ້ເພື່ອອຳນວຍຄວາມສະດວກໃຫ້ແກ່ການລົງທຶນ, ຫຼີກລ່ຽງການຖ່ວງດຶງ, ແກ່ຍາວເວລາ ແລະຫຼີກລ່ຽງການຍົກເວັ້ນທີ່ບໍ່ນອນຢູ່ໃນລະບຽບກົດໝາຍ, ເພື່ອອັດຊ່ອງວ່າງການຮົ່ວໄຫຼຂອງລາຍຮັບງົບປະມານ; ສືບຕໍ່ແກ້ໄຂໜີ້ສິນການລົງທຶນຂອງລັດ ເຊັ່ນ: ໂຄງການທີ່ສຳເລັດ 100% ແລະໂຄງການສືບຕໍ່ ຕາມຄວາມສາມາດຕົວຈິງຂອງແຫຼ່ງທຶນຕ່າງໆ ທີ່ມີ, ບໍ່ສ້າງໜີ້ສິນເພີ່ມໂດຍທີ່ບໍ່ຈໍາເປັນແລະບັນຫາອື່ນໆອີກ.
ຂ່າວ-ພາບ: ເພັດສາຄອນ ສິມມະວົງ
ກອງປະຊຸມຄັ້ງນີ້ ໄດ້ຕີລາຄາການຈັດຕັ້ງປະຕິບັດວຽກງານຮອບດ້ານ ແລະຕີລາຄາ ການສະຫຼຸບວຽກງານ ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານປະຈຳປີ 2023 ແລະທິດທາງແຜນວຽກຈຸດສຸມ 2024 ຕິດພັນກັບການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນແລະບັນຫາອື່ນໆ.
ກອງປະຊຸມຄັ້ງນີ້ ໄດ້ສຸມໃສ່ປະກອບຄວາມຄິດເຫັນ ຕໍ່ບັນຫາທີ່ຍັງຄົງຄ້າງ ເປັນຕົ້ນແມ່ນວຽກງານເສດຖະກິດ-ສັງຄົມ ແລະປະກົດການຫຍໍ້ທໍ້ໃນສັງຄົມ ໂດຍສະເພາະແມ່ນບັນຫາແກ້ໄຂຄວາມທຸກຍາກຂອງປະຊາຊົນ,ບັນຫາຢາເສບຕິດ ແລະອື່ນໆ.ພ້ອມດຽວກັນນັ້ນ ພະແນກການກ່ຽວຂ້ອງ ກໍໄດ້ໃຫ້ຄໍາຊີ້ແຈ້ງ ບັນດາຂໍ້ຄົງຄ້າງ ເພື່ອເປັນການປຶກສາຫາລືຫາວິທີແກ້ໄຂຮ່ວມກັນຕື່ມອີກ.
ສະຫາຍເລຂາຄະນະບໍລິຫານງານພັກແຂວງ ໄດ້ມີຄຳເຫັນເນັ້ນບາງບັນຫາວ່າ: ສຳລັບທິດທາງ ແລະຄາດໝາຍຈຸດສຸມີປີ 2024ແມ່ນແຜນບຸກບືນຢ່າງແຂງແຮງເພື່ອເຮັດໃຫ້ການຈັດຕັ້ງປະຕິບັດ, ຜັນຂະຫຍາຍມະຕິກອງປະຊຸມໃຫຍ່ອົງຄະນະພັກແຂວງຄັ້ງທີ VIII ແລະແຜນພັດທະນາເສດຖະກິດ-ສັງຄົມ, ແຜນງົບປະມານ 5 ປີຂອງແຂວງ, ແຕ່ລະເມືອງ-ນະຄອນ, ພະແນກການ, ກົມກອງຕົນວາງ ອອກ 5 ປີ ຜ່ານມານັ້ນໃຫ້ບັນລຸຕາມແຜນທີ່ວາງໄວ້, ເພື່ອເປັນພື້ນຖານໃນການຍູ້ແຮງການເຕີບໂຕທາງດ້ານເສດຖະກິດ ແລະວຽກງານອື່ນໆ ເພື່ອກະກຽມໃຫ້ແກ່ການສ້າງແຜນ 5 ປີ ຕໍ່ໜ້າໃຫ້ແທດເໝາະກັບທ່າແຮງຕົວຈິງຂອງແຕ່ລະບ່ອນ; ສືບຕໍ່ຫັນເອົາກຳລັງລົງຮາກຖານ, ເຂດຈຸດສຸມ, ກຳແໜ້ນປະຊາຊົນ, ກຳແໜ້ນທຸກເປົ້າໝາຍ, ຕັ້ງໜ້າແກ້ໄຂໜໍ່ແໜງທີ່ຈະພາໃຫ້ເກີດຄວາມບໍ່ສະຫງົບຢ່າງເດັດຂາດ, ເຂັ້ມງວດ, ຮັບປະກັນເຮັດໃຫ້ແຂວງຫຼວງພະບາງມີຄວາມສະຫງົບ, ປອດໄພ, ມີຄວາມເປັນລະບຽບຮຽບຮ້ອຍ, ບໍ່ໃຫ້ມີເຫດການທີ່ບໍ່ເພິ່ງປາຖະໜາຮ້າຍແຮງເກີດຂຶ້ນຢ່າງເດັດຂາດ; ສືບຕໍ່ສຸມໃສ່ພັດທະນາຊົນນະບົດ ແລະແກ້ໄຂຄວາມທຸກຍາກຂອງປະຊາຊົນໃຫ້ມີຈຸດສຸມ, ມີເປົ້າໝາຍ, ມີບຸລິມະສິດ, ໂດຍອີງໃສ່ທ່າແຮງ, ມູນເຊື້ອຕົວຈິງຂອງແຕ່ລະບ້ານ, ແຕ່ລະຄອບຄົວ ເປັນຕົ້ນແມ່ນ ການບໍລິການ, ການປູກ, ການລ້ຽງ ແລະອື່ນໆລົງຊີ້ນຳຕົວຈິງເພື່ອເຮັດໃຫ້ໂຕເລກຄວາມທຸກຍາກຫຼຸດລົງ, ໂຕເລກການພັດທະນາເພີ່ມຂຶ້ນດ້ວຍການສົ່ງເສີມການຜະລິດ, ແກ້ໄຂບັນຫາເຕັກນິກ, ວິຊາການ, ແນວພັນ, ຕະຫຼາດຊ່ວຍປະຊາຊົນ, ຊ່ວຍຜູ້ຜະລິດ, ຊ່ວຍຜູ້ປຸງແຕ່ງ, ຊ່ວຍຜູ້ເຮັດການບໍລິການ, ເພື່ອສົ່ງອອກກັບທີ່, ຈຳກັດການນໍາເຂົ້າ; ສືບຕໍ່ດຶງດູດການລົງທຶນຂອງພາກເອກະຊົນທັງພາຍໃນ ແລະຕ່າງປະເທດໃຫ້ຫຼາຍຂຶ້ນ,ພ້ອມທັງປັບປຸງກົນໄກການປະສານງານ, ການພິຈາລະນາອານຸຍາດການລົງທຶນໃຫ້ວ່ອງໄວ, ໂປ່ງໃສ, ສອດຄ່ອງກັບລະບຽບການກ່ຽວຂ້ອງ, ສ້າງສະພາບແວດລ້ອມທີ່ເອື້ອອຳນວຍໃຫ້ການດູດດຶງການລົງທຶນທັງພາຍໃນ ແລະໂດຍກົງຈາກຕ່າງປະເທດໃຫ້ຫຼາຍຂຶ້ນ; ກົນໄກປະສານງານຂອດໃດທີ່ບໍ່ສອດຄ່ອງໃຫ້ຮີບຮ້ອນປັບປຸງ, ຕັດສິນໃຈແກ້ເພື່ອອຳນວຍຄວາມສະດວກໃຫ້ແກ່ການລົງທຶນ, ຫຼີກລ່ຽງການຖ່ວງດຶງ, ແກ່ຍາວເວລາ ແລະຫຼີກລ່ຽງການຍົກເວັ້ນທີ່ບໍ່ນອນຢູ່ໃນລະບຽບກົດໝາຍ, ເພື່ອອັດຊ່ອງວ່າງການຮົ່ວໄຫຼຂອງລາຍຮັບງົບປະມານ; ສືບຕໍ່ແກ້ໄຂໜີ້ສິນການລົງທຶນຂອງລັດ ເຊັ່ນ: ໂຄງການທີ່ສຳເລັດ 100% ແລະໂຄງການສືບຕໍ່ ຕາມຄວາມສາມາດຕົວຈິງຂອງແຫຼ່ງທຶນຕ່າງໆ ທີ່ມີ, ບໍ່ສ້າງໜີ້ສິນເພີ່ມໂດຍທີ່ບໍ່ຈໍາເປັນແລະບັນຫາອື່ນໆອີກ.
ຂ່າວ-ພາບ: ເພັດສາຄອນ ສິມມະວົງ
