ກອງປະຊຸມສາມັນຄົບຄະນະກຳມະການສູນກາງແນວລາວສ້າງຊາດ (ສນຊ) ຄັ້ງທີ 3 ສະໄໝທີ XIໄດ້ຈັດຂຶ້ນໃນວັນທີ 10 ມັງກອນນີ້ ທີ່ ສນຊພາຍໃຕ້ການເປັນປະທານຂອງທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ປະທານສນຊ, ມີພະເຖລານຸເຖລະ, ບັນດາຮອງປະທານ ສນຊ, ປະທານແນວລາວສ້າງຊາດແຂວງ-ນະຄອນຫຼວງ, ກໍາມະການສູນກາງແນວລາວສ້າງຊາດອ້ອມຂ້າງສູນກາງ, ກໍາມະການສູນກາງແນວລາວສ້າງຊາດຢູ່ຕ່າງປະເທດແລະແຂກຖືກເຊີນເຂົ້າຮ່ວມ.
ທ່ານ ສິນລະວົງ ຄຸດໄພທູນກ່າວວ່າ: ກອງປະຊຸມຄັ້ງນີ້, ຈະໄດ້ຮັບຟັງບົດລາຍງານກ່ຽວກັບຜົນການຈັດຕັ້ງປະຕິບັດມະຕິກອງປະຊຸມສາມັນຄົບຄະນະກໍາມະການ ສນຊ ຄັ້ງທີ 2; ແຜນພັດທະນາອົງການແນວລາວສ້າງຊາດ ປະຈໍາປີ 2023,ຜ່ານການຈັດຕັ້ງປະຕິບັດວຽກງານຕົວຈິງເຖິງສະພາບແວດລ້ອມສາກົນ ແລະ ພາກພື້ນມີການຜັນແປໄປຢ່າງສັບສົນຊຶ່ງມີຫຼາຍດ້ານບໍ່ເອື້ອອໍານວຍ, ສົ່ງຜົນກະທົບຕໍ່ການພັດທະນາປະເທດຊາດ ກໍຄືການເຄື່ອນໄຫວຂອງແນວລາວສ້າງຊາດ, ບັນຫາເຄັ່ງຮ້ອນກະທົບໂດຍກົງ ແລະທາງອ້ອມຕໍ່ຊີວິດການເປັນຢູ່ຂອງພະນັກງານ-ລັດຖະກອນ ແລະປະຊາຊົນລາວບັນດາເຜົ່າ, ຕໍ່ສະພາບການດັ່ງກ່າວດ້ວຍຄວາມຮັບຜິດຊອບສູງຂອງກຳມະການສູນກາງແນວລາວສ້າງຊາດ, ຄະນະປະຈໍາ, ທີ່ປຶກສາ, ຄູ່ຮ່ວມງານ ແລະແນວລາວສ້າງຊາດແຕ່ລະຂັ້ນໄດ້ອອກແຮງເຄື່ອນໄຫວຕາມພາລະບົດບາດ ແລະ ໜ້າທີ່ຢ່າງຕັ້ງໜ້າໂດຍສະເພາະແມ່ນ 6 ວຽກຈຸດສຸມ ແລະ ແຜນພັດທະນາອົງການແນວລາວສ້າງຊາດທີ່ໄດ້ວາງໄວ້ໃນກອງປະຊຸມຄົບຄະນະຄັ້ງທີ 2ຊຶ່ງເຮັດໃຫ້ປະຊາຊົນລາວບັນດາເຜົ່າ, ຊັ້ນຄົນ ແລະ ສາສະໜາແມ່ນມີຄວາມສາມັກຄີເປັນປຶກແຜ່ນ, ເສີມຂະຫຍາຍມູນເຊື້ອຮັກຊາດ, ພ້ອມກັນເຂົ້າຮ່ວມປະຕິບັດນະໂຍບາຍ ແລະແຜນວຽກທີ່ພັກ, ລັດຖະບານ ແລະອົງການປົກຄອງທ້ອງຖິ່ນວາງອອກເປັນຢ່າງດີ,ແນວລາວສ້າງຊາດແຕ່ລະຂັ້ນໄດ້ສຶກສາອົບຮົມ, ປຸກລະດົມຂົນຂວາຍໃຫ້ປະຊາຊົນບັນດາເຜົ່າ, ຊັ້ນຄົນ ແລະສາສະໜາເພີ່ມທະວີຄວາມສາມັກຄີເປັນປຶກແຜ່ນ, ພ້ອມກັນເຊີດຊູເສີມສ້າງນໍ້າໃຈຮັກຊາດ, ມີຄວາມຮັກແພງຊ່ວຍເຫຼືອຊຶ່ງກັນ ແລະ ກັນ, ມີສະຕິຄວາມຕື່ນຕົວທາງດ້ານການເມືອງ, ເປັນເຈົ້າການປົກປັກຮັກສາ ແລະປະຕິບັດແຜນນະໂຍບາຍຂອງພັກ, ແຜນພັດທະນາຂອງລັດ ແລະລະບຽບກົດໝາຍ.
ສໍາລັບແຜນວຽກຈຸດສຸມປີ 2024 ຊຶ່ງຈະໄດ້ຕີລາຄາສະພາບ ແລະ ໝາກຜົນຂອງການເສີມສ້າງຄວາມສາມັກຄີເປັນປຶກແຜ່ນ ລວມທັງຂະບວນການແຂ່ງຂັນຮັກຊາດ ແລະ ພັດທະນາຂອງປວງຊົນລາວ ແລະ ວຽກງານຕ່າງໆທີ່ກອງປະຊຸມໄດ້ກໍານົດໄວ້.ເພື່ອເປັນການຢັ້ງຢືນຕໍ່ຜົນສໍາເລັດດ້ານດີ-ດ້ານອ່ອນ, ບົດຮຽນທີ່ຖອດຖອນໄດ້ ໃນການເຄື່ອນໄຫວວຽກງານທີ່ຜ່ານມາ; ພ້ອມນັ້ນ, ຈະໄດ້ຄົ້ນຄວ້າເຊື່ອມຊຶມ ແລະ ຜັນຂະຫຍາຍມະຕິຂອງສູນກາງພັກ ແລະ ແຜນພັດທະນາຂອງລັດຖະບານເຂົ້າໃນວຽກງານແນວໂຮມປີ 2024; ຮັບຟັງບົດລາຍງານການປະເມີນກ່ຽວກັບບັນດາມະຕິຕົກລົງຂອງຄະນະປະຈໍາສູນກາງແນວລາວສ້າງຊາດ; ໃນນີ້, ຍັງຈະໄດ້ຮັບຟັງການປະກອບຄໍາເຫັນຈາກບັນດາທ່ານກໍາມະການສູນກາງແນວລາວສ້າງຊາດ. ຮັບຟັງການເຜີຍແຜ່, ເຊື່ອມຊຶມ ແລະ ຜັນຂະຫຍາຍມະຕິຂອງສູນກາງພັກ ສະໄໝທີ XI ແລະ ແຜນວຽກລັດຖະບານ; ພ້ອມນີ້, ຈະໄດ້ມີການພິຈາລະນາຮັບຮອງເອົາການແຕ່ງຕັ້ງກໍາມະການ ສນຊ ເພີ່ມເຕີມ ແລະ ປ່ຽນແທນຈໍານວນໜຶ່ງ. ຫຼັງຈາກນັ້ນ, ຜູ້ແທນກອງປະຊຸມຈະໄດ້ຮັບຟັງປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ.
ຂ່າວ-ພາບ:ບຸນອູ້ມ
ທ່ານ ສິນລະວົງ ຄຸດໄພທູນກ່າວວ່າ: ກອງປະຊຸມຄັ້ງນີ້, ຈະໄດ້ຮັບຟັງບົດລາຍງານກ່ຽວກັບຜົນການຈັດຕັ້ງປະຕິບັດມະຕິກອງປະຊຸມສາມັນຄົບຄະນະກໍາມະການ ສນຊ ຄັ້ງທີ 2; ແຜນພັດທະນາອົງການແນວລາວສ້າງຊາດ ປະຈໍາປີ 2023,ຜ່ານການຈັດຕັ້ງປະຕິບັດວຽກງານຕົວຈິງເຖິງສະພາບແວດລ້ອມສາກົນ ແລະ ພາກພື້ນມີການຜັນແປໄປຢ່າງສັບສົນຊຶ່ງມີຫຼາຍດ້ານບໍ່ເອື້ອອໍານວຍ, ສົ່ງຜົນກະທົບຕໍ່ການພັດທະນາປະເທດຊາດ ກໍຄືການເຄື່ອນໄຫວຂອງແນວລາວສ້າງຊາດ, ບັນຫາເຄັ່ງຮ້ອນກະທົບໂດຍກົງ ແລະທາງອ້ອມຕໍ່ຊີວິດການເປັນຢູ່ຂອງພະນັກງານ-ລັດຖະກອນ ແລະປະຊາຊົນລາວບັນດາເຜົ່າ, ຕໍ່ສະພາບການດັ່ງກ່າວດ້ວຍຄວາມຮັບຜິດຊອບສູງຂອງກຳມະການສູນກາງແນວລາວສ້າງຊາດ, ຄະນະປະຈໍາ, ທີ່ປຶກສາ, ຄູ່ຮ່ວມງານ ແລະແນວລາວສ້າງຊາດແຕ່ລະຂັ້ນໄດ້ອອກແຮງເຄື່ອນໄຫວຕາມພາລະບົດບາດ ແລະ ໜ້າທີ່ຢ່າງຕັ້ງໜ້າໂດຍສະເພາະແມ່ນ 6 ວຽກຈຸດສຸມ ແລະ ແຜນພັດທະນາອົງການແນວລາວສ້າງຊາດທີ່ໄດ້ວາງໄວ້ໃນກອງປະຊຸມຄົບຄະນະຄັ້ງທີ 2ຊຶ່ງເຮັດໃຫ້ປະຊາຊົນລາວບັນດາເຜົ່າ, ຊັ້ນຄົນ ແລະ ສາສະໜາແມ່ນມີຄວາມສາມັກຄີເປັນປຶກແຜ່ນ, ເສີມຂະຫຍາຍມູນເຊື້ອຮັກຊາດ, ພ້ອມກັນເຂົ້າຮ່ວມປະຕິບັດນະໂຍບາຍ ແລະແຜນວຽກທີ່ພັກ, ລັດຖະບານ ແລະອົງການປົກຄອງທ້ອງຖິ່ນວາງອອກເປັນຢ່າງດີ,ແນວລາວສ້າງຊາດແຕ່ລະຂັ້ນໄດ້ສຶກສາອົບຮົມ, ປຸກລະດົມຂົນຂວາຍໃຫ້ປະຊາຊົນບັນດາເຜົ່າ, ຊັ້ນຄົນ ແລະສາສະໜາເພີ່ມທະວີຄວາມສາມັກຄີເປັນປຶກແຜ່ນ, ພ້ອມກັນເຊີດຊູເສີມສ້າງນໍ້າໃຈຮັກຊາດ, ມີຄວາມຮັກແພງຊ່ວຍເຫຼືອຊຶ່ງກັນ ແລະ ກັນ, ມີສະຕິຄວາມຕື່ນຕົວທາງດ້ານການເມືອງ, ເປັນເຈົ້າການປົກປັກຮັກສາ ແລະປະຕິບັດແຜນນະໂຍບາຍຂອງພັກ, ແຜນພັດທະນາຂອງລັດ ແລະລະບຽບກົດໝາຍ.
ສໍາລັບແຜນວຽກຈຸດສຸມປີ 2024 ຊຶ່ງຈະໄດ້ຕີລາຄາສະພາບ ແລະ ໝາກຜົນຂອງການເສີມສ້າງຄວາມສາມັກຄີເປັນປຶກແຜ່ນ ລວມທັງຂະບວນການແຂ່ງຂັນຮັກຊາດ ແລະ ພັດທະນາຂອງປວງຊົນລາວ ແລະ ວຽກງານຕ່າງໆທີ່ກອງປະຊຸມໄດ້ກໍານົດໄວ້.ເພື່ອເປັນການຢັ້ງຢືນຕໍ່ຜົນສໍາເລັດດ້ານດີ-ດ້ານອ່ອນ, ບົດຮຽນທີ່ຖອດຖອນໄດ້ ໃນການເຄື່ອນໄຫວວຽກງານທີ່ຜ່ານມາ; ພ້ອມນັ້ນ, ຈະໄດ້ຄົ້ນຄວ້າເຊື່ອມຊຶມ ແລະ ຜັນຂະຫຍາຍມະຕິຂອງສູນກາງພັກ ແລະ ແຜນພັດທະນາຂອງລັດຖະບານເຂົ້າໃນວຽກງານແນວໂຮມປີ 2024; ຮັບຟັງບົດລາຍງານການປະເມີນກ່ຽວກັບບັນດາມະຕິຕົກລົງຂອງຄະນະປະຈໍາສູນກາງແນວລາວສ້າງຊາດ; ໃນນີ້, ຍັງຈະໄດ້ຮັບຟັງການປະກອບຄໍາເຫັນຈາກບັນດາທ່ານກໍາມະການສູນກາງແນວລາວສ້າງຊາດ. ຮັບຟັງການເຜີຍແຜ່, ເຊື່ອມຊຶມ ແລະ ຜັນຂະຫຍາຍມະຕິຂອງສູນກາງພັກ ສະໄໝທີ XI ແລະ ແຜນວຽກລັດຖະບານ; ພ້ອມນີ້, ຈະໄດ້ມີການພິຈາລະນາຮັບຮອງເອົາການແຕ່ງຕັ້ງກໍາມະການ ສນຊ ເພີ່ມເຕີມ ແລະ ປ່ຽນແທນຈໍານວນໜຶ່ງ. ຫຼັງຈາກນັ້ນ, ຜູ້ແທນກອງປະຊຸມຈະໄດ້ຮັບຟັງປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ.
ຂ່າວ-ພາບ:ບຸນອູ້ມ
