ກອງປະຊຸມຄົບຄະນະບໍລິຫານງານພັກເມືອງແມດຄັ້ງທີ 15 ສະໄໝທີ IV ຂອງຄະນະບໍລິຫານງານພັກເມືອງແມດ ແຂວງວຽງຈັນ ໄດ້ເປີດຂື້ນໃນວັນທີ 16 ມັງກອນ ນີ້ ທີ່ເມືອງແມດ ພາຍໃຕ້ການເປັນປະທານຂອງ ສະຫາຍ ຄຳປ່ຽນ ແສງສະຫວັດ ກຳມະການພັກແຂວງ ເລຂາພັກເມືອງ ເຈົ້າເມືອງໆແມດ ໂດຍການໃຫ້ກຽດເຂົ້າຮ່ວມຂອງສະຫາຍ ເທບພະໄທ ແກ້ວເຂັມເພັດ ຄະນະປະຈຳພັກແຂວງ ປະທານແນວລາວສ້າງຊາດແຂວງ, ມີບັນດາສະຫາຍຄະນະປະຈຳພັກເມືອງ, ກຳມະການພັກເມືອງ ແລະ ພາກສ່ວນກ່ຽວຂ້ອງເຂົ້າຮ່ວມ.
ສະຫາຍ ຄຳປ່ຽນ ແສງສະຫວັດ ໄດ້ກ່າວ່າ: ກອງປະຊຸມຄົບຄະນະບໍລິຫານງານພັກເມືອງຄັ້ງທີ 15 ສະໄໝທີ IV ໄດ້ເປີດຂຶ້ນໃນທ່າມກາງບັນຍາກາດທີ່ທົ່ວພັກ, ທົ່ວກອງທັບ, ທົ່ວປວງຊົນລາວ ເວົ້າລວມ, ເວົ້າສະເພາະກໍຄືຊາວເມືອງແມດພວມອອກແຮງແຂ່ງຂັນຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ, ມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງວຽງຈັນ ແລະ ມະຕິກອງປະຊຸມໃຫຍ່ຄັ້ງທີ IV ຂອງອົງຄະນະພັກເມືອງແມດ, ຕິດພັນກັບການສ້າງຂະບວນການຂ່ຳນັບຮັບຕ້ອນກອງປະຊຸມໃຫຍ່ 3 ຂັ້ນຂອງເມືອງຢ່າງເປັນຂະບວນຟົດຟື້ນ ແລະ ກວ້າງຂວາງ, ກອງປະຊຸມໃນຄັ້ງນີ້ຈະໄດ້ພ້ອມກັນຕີລາຄາການຈັດຕັ້ງປະຕິບັດວຽກງານຮອບດ້ານໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ.
ສະຫາຍ ເຄນ ໄຕຄຳ ຮອງເລຂາພັກເມືອງ ຜູ້ຊີ້ນຳວຽກງານການເມືອງ-ແນວຄິດ, ວຽກພັກພະນັກງານ ໄດ້ຜ່ານບົດສະຫຼຸບການຊີ້ນຳໆພາວຽກງານຮອບດ້ານໃນປີ 2023 ແລະ ວາງທິດທາງແຜນການຈຸດສຸມປີ 2024 ຂອງເມືອງແມດ ຊຶ່ງໄດ້ຍົກໃຫ້ເຫັນສະພາບລວມຂອງການຊີ້ນຳໆພາໃນໄລຍະປີ 2023 ຄະນະພັກທຸກຂັ້ນໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ແກ່ສະມາຊິກພັກ, ພະນັກງານ, ທະຫານ, ຕຳຫຼວດ ແລະ ຕະຫຼອດຮອດປະຊາຊົນບັນດາເຜົ່າຢ່າງຕໍ່ເນື່ອງ, ເອົາໃຈໃສ່ຊີ້ນຳໆພາປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ ເພື່ອຮັບປະກັນໃຫ້ເມືອງແມດມີຄວາມສະຫົງບທາງດ້ານການເມືອງ, ສັງຄົມມີຄວາມເປັນລະບຽບຮຽບຮ້ອຍ, ເສດຖະກິດມີການຂະຫຍາຍຕົວຢ່າງຕໍ່ເນື່ອງດ້ວຍອັດຕາສະເລ່ຍ 5,64 %,ເທົ່າກັບ 99,64% ຂອງແຜນການປີ, ລວມຍອດລາຍຮັບພາຍໃນເມືອງປະຕິບັດໄດ້ 246,46 ຕື້ກີບ, ລາຍຮັບສະເລ່ຍຕໍ່ຫົວຄົນ 9,78 ລ້ານກີບຕໍ່ຄົນ ຫຼື ເທົ່າກັບ 474 ໂດລາ, ທົ່ວເມືອງມີໂຮງຮຽນທັງໝົດ 66 ແຫ່ງ, ມີໂຮງໝໍ 1 ແຫ່ງ, ໂຮງໝໍນ້ອຍ 4 ແຫ່ງ, ສ້າງບ້ານວັດທະນະທຳຮອບ I ຈຳນວນ 29 ບ້ານ, ຮອບ II 16 ບ້ານ, ມີກຸ່ມບ້ານວັດທະນະທຳມີ 3 ກຸ່ມ, ຊຸກຍູ້ບັນດາຂະແໜງການທີ່ກ່ຽວຂ້ອງຂອງເມືອງລົງຊຸກຍູ້ຕິດຕາມພາລະບົດບາດ, ສິດ ແລະ ໜ້າທີ່ຂອງຕົນ, ສົ່ງເສີມການຜະລິດເປັນສິນຄ້າສ້າງລາຍຮັບໃຫ້ແກ່ຄອບຄົວ, ສາມາດປະກາດລຶບລ້າງບ້ານທຸກຍາກໄດ້ 100% ຄອບຄົວທຸກຍາກຫຼຸດລົງຢ່າງຕໍ່ເນື່ອງ.
ປະເມີນການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈຳປີ 2023 ຈຳນວນ 30ໜ່ວຍພັກ, ພ້ອມທັງເປັນເຈົ້າການໃນການຕິດຕາມແກ້ໄຂປະກົດການຫຍໍ້ທໍ້ໃຫ້ສອດຄ່ອງຕາມລະບຽບກົດໝາຍ, ທົ່ວເມືອງມີຫົວໜ່ວຍທຸລະກິດຂະໜາດນ້ອຍ ແລະ ກາງມີທັງໝົດ 218 ຫົວໜວ່ຍ, ທຶນຈົດທະບຽນທັງໝົດ 171 ຕື້ກ່ວາກີບ.
ຫຼັງຈາກນັ້ນ, ສະຫາຍ ກິ່ງທອງ ພັນທະວົງ ກຳມະການພັກເມືອງ ຫົວໜ້າຄະນະຈັດຕັ້ງເມືອງກໍໄດ້ຂື້ນຜ່ານບົດລາຍງານກ່ຽວກັບການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນແລະ ພ້ອມກັນນັ້ນຜູ້ແທນກອງປະຊຸມກໍ່ໄດ້ພ້ອມກັນຄົ້ນຄວ້າປະກອບຄຳຄິດຄຳເຫັນຢ່າງກົງໄປກົງມາ.
ໃນໂອກາດນີ້, ສະຫາຍ ເທບພະໄທ ແກ້ວເຂັມເພັດ ໄດ້ສະແດງຄວາມຍ້ອງຍໍຊົມເຊີຍຄະນະພັກ, ຄະນະນຳເມືອງແມດ ທີ່ມີຜົນສຳເລັດຫຼາຍດ້ານ, ພ້ອມທັງ ເນັ້ນໃຫ້ຄະນະພັກ-ອຳນາດການປົກຄອງແຕ່ລະຂັ້ນສືບຕໍ່ຊີ້ນຳໆພາ ໂດຍສະເພາະແມ່ນສືບຕໍ່ສຶກສາອົບຮົມການເມືອງ-ແນວຄິດໃຫ້ແກ່ພະນັກງານ-ລັດຖະກອນ, ທະຫານ, ຕຳຫຼວດ, ຕະຫຼອດປະຊາຊົນບັນດາເຜົ່າໃຫ້ຮູ້ ແລະ ເຊື່ອໝັ້ນຕໍ່ການນຳພາຂອງພັກ, ປະຕິບັດລະບຽບກົດໝາຍຂອງລັດ, ປົກປັກຮັກສາວັດທະນະທຳ, ຮີດຄອງປະເພນີອັນດີງາມຂອງຊາດ ແນໃສ່ເຕົ້າໂຮມຄວາມສາມັກຄີໃຫ້ເປັນປຶກແຜ່ນແໜ້ນໜາ, ສືບຕໍ່ເຮັດໃຫ້ເສດຖະກິດຂະຫຍາຍຕົວຢ່າງຕໍ່ເນື່ອງ ຜະລິດຫຼາຍໃຫ້ກາຍເປັນສິນຄ້າເພື່ອສົ່ງອອກ, ເພື່ອເຮັດໃຫ້ເສດຖະກິດຄອບຄົວເຂັ້ມແຂງ ແລະ ບ້ານໄດ້ຮັບການພັດທະນາດີຂຶ້ນເທື່ອລະກ້າວ.
ຂ່າວ-ພາບ: ເມືອງແມດ ບຸນລ້ອມ
ສະຫາຍ ຄຳປ່ຽນ ແສງສະຫວັດ ໄດ້ກ່າວ່າ: ກອງປະຊຸມຄົບຄະນະບໍລິຫານງານພັກເມືອງຄັ້ງທີ 15 ສະໄໝທີ IV ໄດ້ເປີດຂຶ້ນໃນທ່າມກາງບັນຍາກາດທີ່ທົ່ວພັກ, ທົ່ວກອງທັບ, ທົ່ວປວງຊົນລາວ ເວົ້າລວມ, ເວົ້າສະເພາະກໍຄືຊາວເມືອງແມດພວມອອກແຮງແຂ່ງຂັນຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ, ມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງວຽງຈັນ ແລະ ມະຕິກອງປະຊຸມໃຫຍ່ຄັ້ງທີ IV ຂອງອົງຄະນະພັກເມືອງແມດ, ຕິດພັນກັບການສ້າງຂະບວນການຂ່ຳນັບຮັບຕ້ອນກອງປະຊຸມໃຫຍ່ 3 ຂັ້ນຂອງເມືອງຢ່າງເປັນຂະບວນຟົດຟື້ນ ແລະ ກວ້າງຂວາງ, ກອງປະຊຸມໃນຄັ້ງນີ້ຈະໄດ້ພ້ອມກັນຕີລາຄາການຈັດຕັ້ງປະຕິບັດວຽກງານຮອບດ້ານໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ.
ສະຫາຍ ເຄນ ໄຕຄຳ ຮອງເລຂາພັກເມືອງ ຜູ້ຊີ້ນຳວຽກງານການເມືອງ-ແນວຄິດ, ວຽກພັກພະນັກງານ ໄດ້ຜ່ານບົດສະຫຼຸບການຊີ້ນຳໆພາວຽກງານຮອບດ້ານໃນປີ 2023 ແລະ ວາງທິດທາງແຜນການຈຸດສຸມປີ 2024 ຂອງເມືອງແມດ ຊຶ່ງໄດ້ຍົກໃຫ້ເຫັນສະພາບລວມຂອງການຊີ້ນຳໆພາໃນໄລຍະປີ 2023 ຄະນະພັກທຸກຂັ້ນໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ແກ່ສະມາຊິກພັກ, ພະນັກງານ, ທະຫານ, ຕຳຫຼວດ ແລະ ຕະຫຼອດຮອດປະຊາຊົນບັນດາເຜົ່າຢ່າງຕໍ່ເນື່ອງ, ເອົາໃຈໃສ່ຊີ້ນຳໆພາປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານ ເພື່ອຮັບປະກັນໃຫ້ເມືອງແມດມີຄວາມສະຫົງບທາງດ້ານການເມືອງ, ສັງຄົມມີຄວາມເປັນລະບຽບຮຽບຮ້ອຍ, ເສດຖະກິດມີການຂະຫຍາຍຕົວຢ່າງຕໍ່ເນື່ອງດ້ວຍອັດຕາສະເລ່ຍ 5,64 %,ເທົ່າກັບ 99,64% ຂອງແຜນການປີ, ລວມຍອດລາຍຮັບພາຍໃນເມືອງປະຕິບັດໄດ້ 246,46 ຕື້ກີບ, ລາຍຮັບສະເລ່ຍຕໍ່ຫົວຄົນ 9,78 ລ້ານກີບຕໍ່ຄົນ ຫຼື ເທົ່າກັບ 474 ໂດລາ, ທົ່ວເມືອງມີໂຮງຮຽນທັງໝົດ 66 ແຫ່ງ, ມີໂຮງໝໍ 1 ແຫ່ງ, ໂຮງໝໍນ້ອຍ 4 ແຫ່ງ, ສ້າງບ້ານວັດທະນະທຳຮອບ I ຈຳນວນ 29 ບ້ານ, ຮອບ II 16 ບ້ານ, ມີກຸ່ມບ້ານວັດທະນະທຳມີ 3 ກຸ່ມ, ຊຸກຍູ້ບັນດາຂະແໜງການທີ່ກ່ຽວຂ້ອງຂອງເມືອງລົງຊຸກຍູ້ຕິດຕາມພາລະບົດບາດ, ສິດ ແລະ ໜ້າທີ່ຂອງຕົນ, ສົ່ງເສີມການຜະລິດເປັນສິນຄ້າສ້າງລາຍຮັບໃຫ້ແກ່ຄອບຄົວ, ສາມາດປະກາດລຶບລ້າງບ້ານທຸກຍາກໄດ້ 100% ຄອບຄົວທຸກຍາກຫຼຸດລົງຢ່າງຕໍ່ເນື່ອງ.
ປະເມີນການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນປະຈຳປີ 2023 ຈຳນວນ 30ໜ່ວຍພັກ, ພ້ອມທັງເປັນເຈົ້າການໃນການຕິດຕາມແກ້ໄຂປະກົດການຫຍໍ້ທໍ້ໃຫ້ສອດຄ່ອງຕາມລະບຽບກົດໝາຍ, ທົ່ວເມືອງມີຫົວໜ່ວຍທຸລະກິດຂະໜາດນ້ອຍ ແລະ ກາງມີທັງໝົດ 218 ຫົວໜວ່ຍ, ທຶນຈົດທະບຽນທັງໝົດ 171 ຕື້ກ່ວາກີບ.
ຫຼັງຈາກນັ້ນ, ສະຫາຍ ກິ່ງທອງ ພັນທະວົງ ກຳມະການພັກເມືອງ ຫົວໜ້າຄະນະຈັດຕັ້ງເມືອງກໍໄດ້ຂື້ນຜ່ານບົດລາຍງານກ່ຽວກັບການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນແລະ ພ້ອມກັນນັ້ນຜູ້ແທນກອງປະຊຸມກໍ່ໄດ້ພ້ອມກັນຄົ້ນຄວ້າປະກອບຄຳຄິດຄຳເຫັນຢ່າງກົງໄປກົງມາ.
ໃນໂອກາດນີ້, ສະຫາຍ ເທບພະໄທ ແກ້ວເຂັມເພັດ ໄດ້ສະແດງຄວາມຍ້ອງຍໍຊົມເຊີຍຄະນະພັກ, ຄະນະນຳເມືອງແມດ ທີ່ມີຜົນສຳເລັດຫຼາຍດ້ານ, ພ້ອມທັງ ເນັ້ນໃຫ້ຄະນະພັກ-ອຳນາດການປົກຄອງແຕ່ລະຂັ້ນສືບຕໍ່ຊີ້ນຳໆພາ ໂດຍສະເພາະແມ່ນສືບຕໍ່ສຶກສາອົບຮົມການເມືອງ-ແນວຄິດໃຫ້ແກ່ພະນັກງານ-ລັດຖະກອນ, ທະຫານ, ຕຳຫຼວດ, ຕະຫຼອດປະຊາຊົນບັນດາເຜົ່າໃຫ້ຮູ້ ແລະ ເຊື່ອໝັ້ນຕໍ່ການນຳພາຂອງພັກ, ປະຕິບັດລະບຽບກົດໝາຍຂອງລັດ, ປົກປັກຮັກສາວັດທະນະທຳ, ຮີດຄອງປະເພນີອັນດີງາມຂອງຊາດ ແນໃສ່ເຕົ້າໂຮມຄວາມສາມັກຄີໃຫ້ເປັນປຶກແຜ່ນແໜ້ນໜາ, ສືບຕໍ່ເຮັດໃຫ້ເສດຖະກິດຂະຫຍາຍຕົວຢ່າງຕໍ່ເນື່ອງ ຜະລິດຫຼາຍໃຫ້ກາຍເປັນສິນຄ້າເພື່ອສົ່ງອອກ, ເພື່ອເຮັດໃຫ້ເສດຖະກິດຄອບຄົວເຂັ້ມແຂງ ແລະ ບ້ານໄດ້ຮັບການພັດທະນາດີຂຶ້ນເທື່ອລະກ້າວ.
ຂ່າວ-ພາບ: ເມືອງແມດ ບຸນລ້ອມ
