ສະມາຄົມເບ້ຍບໍານານ ແລະ ເສຍອົງຄະເມືອງຫົງສາ ແຂວງໄຊຍະບູລີ ໄດ້ດໍາເນີນກອງປະຊຸມໃຫຍ່ ຄັ້ງທີ IX ຂຶ້ນເມື່ອບໍ່ດົນມານີ້ທີ່ເມືອງຫົງສາ ພາຍໃຕ້ການເປັນປະທານຂອງ ທ່ານ ໜູແດງ ພະນົມໄຊ ປະທານສະມາຄົມເບ້ຍບໍານານ ແລະ ເສຍອົງຄະ ໂດຍມີ ທ່ານ ແຫຼ້ ອ່ອນສົມບູນ ຮອງເລຂາພັກເມືອງ ປະທານກວດກາພັກ ຫົວໜ້າອົງການກວດກາລັດ, ມີຄະນະປະຈໍາພັກເມືອງ, ກໍາມະການພັກເມືອງ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ໜູແດງ ພະນົມໄຊ ໄດ້ຜ່ານຮ່າງບົດສະຫຼຸບວຽກງານໄລຍະ 3 ປີ (2020-2023) ແລະ ທິດທາງແຜນການ 3 ປີຕໍ່ໜ້າ (2024-2027) ຂອງສະມາຄົມເບ້ຍບໍານານ ແລະ ເສຍອົງຄະຊຶ່ງໄດ້ຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງ ແລະ ທິດທາງແຜນການໃນຊຸມປີຕໍ່ໜ້າ, ພ້ອມນີ້ ໄດ້ຮັບຟັງການຜ່ານລະບຽບກອງທຶນສະມາຄົມເບ້ຍບໍານານ ແລະ ເສຍອົງຄະ (ສະບັບປັບປຸງ).
ຄະນະສະມາຄົມເບ້ຍບໍານານ ແລະ ເສຍອົງຄະ ປະກອບມີ 9 ທ່ານ ຍິງ 1 ທ່ານ, ມີສະມາຊິກທັງໝົດ 167 ທ່ານ ຍິງ 32 ທ່ານ, ໄດ້ຈັດຕັ້ງເປັນ 11 ໜ່ວຍຄຸ້ມຄອງ, ຕະຫຼອດໄລຍະ 3 ປີຜ່ານມາ ໄດ້ເຄື່ອນໄຫວນໍາພາຕາມແບບແຜນວິທີເຮັດວຽກຂອງຄະນະພັກ, ອົງການປົກຄອງທ້ອງຖິ່ນ, ປະຕິບັດຫຼັກການລວມສູນປະຊາທິປະໄຕ, ມີຄວາມເປັນເອກະພາບໃນການຊີ້ນໍາໆພາ, ມີຄວາມສາມັກຄີພາຍໃນ,ພາຍນອກຢ່າງແໜ້ນແຟ້ນ, ປະຕິບັດການເກັບເງິນເຂົ້າກອງທຶນຕາມກົດລະບຽບຂອງສະມາຄົມເບ້ຍບໍານານ ແລະ ເສຍອົງຄະຢ່າງເປັນປົກກະຕິ ແລະ ຕໍ່ເນື່ອງຊຶ່ງປັດຈຸບັນມີເງິນຄັງທັງໝົດ ຈໍານວນ 46 ລ້ານກວ່າກີບ.
ກອງປະຊຸມຄັ້ງນີ້ ໄດ້ປ່ອນບັດຄັດເລືອກເອົາຄະນະສະມາຄົມຊຸດໃໝ່ ຊຶ່ງມີຜູ້ຮັບສະໝັກເລືອກຕັ້ງຈໍານວນ 12 ທ່ານຍິງ 2 ທ່ານ ແລະ ໄດ້ເປັນເອກະສັນກັນ ເລືອກເອົາ 9 ທ່ານ ຍິງ 2ທ່ານ. ກອງປະຊຸມຄັ້ງປະຖົມມະລືກ ໄດ້ເຫັນດີເປັນເອກະພາບກັນເລືອກເອົາ ທ່ານ ນາງ ດາວວິນ ລາດຊະກິດ ເປັນປະທານ (ຜູ້ໃໝ່), ເລືອກເອົາ ທ່ານ ຄໍາສຸກ ພັນລັກທໍາ, ທ່ານ ຄໍາດີ ພັນທຸລັກ ເປັນຮອງປະທານ ແລະ ເລືອກເອົາທ່ານ ບຸນທຽມ ສີເມືອງ, ທ່ານ ພອນຄໍາ ວົງພະແກ້ວ, ທ່ານ ນາງ ວຽງທອງ ປ້ອງຄໍາ, ທ່ານ ສົມບູນ ແສງທອງຄໍາ, ທ່ານ ແຕ່ງ ໃຈຫຼ້າ ແລະ ທ່ານ ປິວ ສີຈັນເພັງ ເປັນຄະນະ.
ໃນຕອນທ້າຍພິທີ ທ່ານ ແຫຼ້ ອ່ອນສົມບູນ ໄດ້ມີຄໍາເຫັນ ແລະ ໂອ້ລົມ, ພ້ອມທັງໄດ້ສະແດງຄວາມຍ້ອງຍໍ-ຊົມເຊີຍຕໍ່ກັບສະມາຄົມເບ້ຍບໍານານ ແລະ ເສຍອົງຄະໃນໄລຍະຜ່ານມາ, ພ້ອມທັງເນັ້ນໃຫ້ຄະນະຊຸດໃໝ່ ສືບຕໍ່ເອົາໃຈໃສ່ ສຶກສາອົບຮົມດ້ານການເມືອງ-ແນວຄິດໃຫ້ສະມາຊິກມີຄວາມໜັກແໜ້ນ, ເຊື່ອໝັ້ນຕໍ່ການປ່ຽນແປງໃໝ່ຂອງພັກ-ລັດ, ປັບປຸງສະມາຄົມໃຫ້ມີຄວາມເຂັ້ມແຂງ, ເຂົ້າຮ່ວມຂະບວນການຂອງບ້ານ-ເມືອງເປັນປົກກະຕິແລະ ເຄື່ອນໄຫວຕາມພາລະບົດບາດ, ສິດ, ໜ້າທີ່ໃຫ້ມີຜົນງານອັນດີເດັ່ນຂຶ້ນກວ່າເກົ່າ.
ຂ່າວ-ພາບ: ກິດຕິສັກ ບົວໄລ
ທ່ານ ໜູແດງ ພະນົມໄຊ ໄດ້ຜ່ານຮ່າງບົດສະຫຼຸບວຽກງານໄລຍະ 3 ປີ (2020-2023) ແລະ ທິດທາງແຜນການ 3 ປີຕໍ່ໜ້າ (2024-2027) ຂອງສະມາຄົມເບ້ຍບໍານານ ແລະ ເສຍອົງຄະຊຶ່ງໄດ້ຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງ ແລະ ທິດທາງແຜນການໃນຊຸມປີຕໍ່ໜ້າ, ພ້ອມນີ້ ໄດ້ຮັບຟັງການຜ່ານລະບຽບກອງທຶນສະມາຄົມເບ້ຍບໍານານ ແລະ ເສຍອົງຄະ (ສະບັບປັບປຸງ).
ຄະນະສະມາຄົມເບ້ຍບໍານານ ແລະ ເສຍອົງຄະ ປະກອບມີ 9 ທ່ານ ຍິງ 1 ທ່ານ, ມີສະມາຊິກທັງໝົດ 167 ທ່ານ ຍິງ 32 ທ່ານ, ໄດ້ຈັດຕັ້ງເປັນ 11 ໜ່ວຍຄຸ້ມຄອງ, ຕະຫຼອດໄລຍະ 3 ປີຜ່ານມາ ໄດ້ເຄື່ອນໄຫວນໍາພາຕາມແບບແຜນວິທີເຮັດວຽກຂອງຄະນະພັກ, ອົງການປົກຄອງທ້ອງຖິ່ນ, ປະຕິບັດຫຼັກການລວມສູນປະຊາທິປະໄຕ, ມີຄວາມເປັນເອກະພາບໃນການຊີ້ນໍາໆພາ, ມີຄວາມສາມັກຄີພາຍໃນ,ພາຍນອກຢ່າງແໜ້ນແຟ້ນ, ປະຕິບັດການເກັບເງິນເຂົ້າກອງທຶນຕາມກົດລະບຽບຂອງສະມາຄົມເບ້ຍບໍານານ ແລະ ເສຍອົງຄະຢ່າງເປັນປົກກະຕິ ແລະ ຕໍ່ເນື່ອງຊຶ່ງປັດຈຸບັນມີເງິນຄັງທັງໝົດ ຈໍານວນ 46 ລ້ານກວ່າກີບ.
ກອງປະຊຸມຄັ້ງນີ້ ໄດ້ປ່ອນບັດຄັດເລືອກເອົາຄະນະສະມາຄົມຊຸດໃໝ່ ຊຶ່ງມີຜູ້ຮັບສະໝັກເລືອກຕັ້ງຈໍານວນ 12 ທ່ານຍິງ 2 ທ່ານ ແລະ ໄດ້ເປັນເອກະສັນກັນ ເລືອກເອົາ 9 ທ່ານ ຍິງ 2ທ່ານ. ກອງປະຊຸມຄັ້ງປະຖົມມະລືກ ໄດ້ເຫັນດີເປັນເອກະພາບກັນເລືອກເອົາ ທ່ານ ນາງ ດາວວິນ ລາດຊະກິດ ເປັນປະທານ (ຜູ້ໃໝ່), ເລືອກເອົາ ທ່ານ ຄໍາສຸກ ພັນລັກທໍາ, ທ່ານ ຄໍາດີ ພັນທຸລັກ ເປັນຮອງປະທານ ແລະ ເລືອກເອົາທ່ານ ບຸນທຽມ ສີເມືອງ, ທ່ານ ພອນຄໍາ ວົງພະແກ້ວ, ທ່ານ ນາງ ວຽງທອງ ປ້ອງຄໍາ, ທ່ານ ສົມບູນ ແສງທອງຄໍາ, ທ່ານ ແຕ່ງ ໃຈຫຼ້າ ແລະ ທ່ານ ປິວ ສີຈັນເພັງ ເປັນຄະນະ.
ໃນຕອນທ້າຍພິທີ ທ່ານ ແຫຼ້ ອ່ອນສົມບູນ ໄດ້ມີຄໍາເຫັນ ແລະ ໂອ້ລົມ, ພ້ອມທັງໄດ້ສະແດງຄວາມຍ້ອງຍໍ-ຊົມເຊີຍຕໍ່ກັບສະມາຄົມເບ້ຍບໍານານ ແລະ ເສຍອົງຄະໃນໄລຍະຜ່ານມາ, ພ້ອມທັງເນັ້ນໃຫ້ຄະນະຊຸດໃໝ່ ສືບຕໍ່ເອົາໃຈໃສ່ ສຶກສາອົບຮົມດ້ານການເມືອງ-ແນວຄິດໃຫ້ສະມາຊິກມີຄວາມໜັກແໜ້ນ, ເຊື່ອໝັ້ນຕໍ່ການປ່ຽນແປງໃໝ່ຂອງພັກ-ລັດ, ປັບປຸງສະມາຄົມໃຫ້ມີຄວາມເຂັ້ມແຂງ, ເຂົ້າຮ່ວມຂະບວນການຂອງບ້ານ-ເມືອງເປັນປົກກະຕິແລະ ເຄື່ອນໄຫວຕາມພາລະບົດບາດ, ສິດ, ໜ້າທີ່ໃຫ້ມີຜົນງານອັນດີເດັ່ນຂຶ້ນກວ່າເກົ່າ.
ຂ່າວ-ພາບ: ກິດຕິສັກ ບົວໄລ
