ເມື່ອບໍ່ດົນມານີ້ ສະພາປະຊາຊົນແຂວງຜົ້ງສາລີນຳໂດຍທ່ານ ສົມຈິດ ຫັບລະກອນ ຮອງປະທານສະພາປະຊາຊົນແຂວງ, ສະມາຊິກສະພາແຫ່ງຊາດ (ສສຊ) ປະຈໍາເຂດເລືອກຕັ້ງທີ 2 ພ້ອມດ້ວຍຄະນະທີມງານສະມາຊິກສະພາປະຊາຊົນແຂວງ (ສສຂ) ປະຈໍາເມືອງຍອດອູ ໄດ້ສໍາເລັດການລົງເຜີຍແຜ່ເນື້ອໃນຜົນສໍາເລັດ ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ II ທີ່ເມືອງຍອດອູ ແຂວງຜົ້ງສາລີ,ເຊິ່ງປະກອບມີ 11 ຈຸດ,ຈຸດເທດສະບານ; 8 ບ້ານ (ບ. ສຸລິນ, ບ. ງ້ອງ, ບ. ແກ່ງ, ບ. ເປີລາວວູ, ບ. ຫ້ວຍຍູມ, ບ. ແຊວໂຮແປນ, ບ. ນໍ້າມ່ານ້ອຍ, ບ. ນໍ້າມ່າໃຫຍ່)ແລະກອງຮ້ອຍ (ກອງຮ້ອຍ 111, ກອງຮ້ອຍ 118).
ການລົງພົບປະກັບປະຊາຊົນຜູ້ມີສິດເລືອກຕັ້ງໃນຄັ້ງນີ້, ແມ່ນເພື່ອນໍາເອົາເນື້ອໃນຈິດໃຈຜົນສໍາເລັດກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ IIຕິດພັນກັບ 2 ວາລະແຫ່ງຊາດ, ບົດຊີ້ແຈງຂອງບັນດາທ່ານລັດຖະມົນຕີ ຕໍ່ກອງປະຊຸມສະພາແຫ່ງຊາດ,ເອກະສານມູນເຊື້ອກອງທັບປະຊາຊົນລາວ ຄົບຮອບ 75 ປີ ແລະເອກະສານລະນຶກວັນເກີດຂອງ ປະທານ ຄໍາໄຕ ສີພັນດອນ ຄົບຮອບ 100 ປີ ເພື່ອໄປຈັດຕັ້ງຜັນຂະຫຍາຍຕາມພາລະບົດບາດ, ສິດ ແລະ ໜ້າທີ່ ໃນການເປັນຕົວແທນແຫ່ງສິດ ແລະ ຜົນປະໂຫຍດອັນຊອບທຳຂອງປະຊາຊົນບັນດາເຜົ່າ ທັງເປັນການຫັນລົງຮາກຖານ, ເກັບກໍາບັນດາສະພາບການ, ຄໍາຄິດຄໍາເຫັນ, ຄໍາສະເໜີຕ່າງໆ ຂອງຜູ້ມີສິດເລືອກຕັ້ງ ແລະ ທັງເປັນການຢ້ຽມຢາມຖາມຂ່າວປະຊາຊົນເຂດຫ່າງໄກສອກຫຼີກ.
ໃນການລົງເຜີຍແຜ່ຄັ້ງນີ້, ໄດ້ຮັບຟັງການລາຍງານສະພາບການພັດທະນາເສດຖະກິດ-ສັງຄົມ, ຂໍໍ້ສະດວກ, ຂໍ້ຫຍຸ້ງຍາກຈາກນາຍບ້ານ ຂອງແຕ່ລະບ້ານໂດຍຫຍໍ້ ແລະ ຄໍາສະເໜີຕ່າງໆຈາກປະຊາຊົນ. ພ້ອມດຽວກັນນັ້ນ,ທ່ານ ຮອງປະທານສະພາປະຊາຊົນແຂວງ ແລະ ສສຂ ກໍໄດ້ຊີ້ແຈງອະທິບາຍຕໍ່ບາງຄຳສະເໜີດັ່ງກ່າວໃຫ້ປະຊາຊົນຮັບຮູ້ເຂົ້າໃຈ ແລະ ຍັງໄດ້ເກັບກໍາ, ນໍາເອົາບາງຄຳສະເໜີ ຂອງປະຊາຊົນທີ່ຍັງເຫັນວ່າມີຄວາມຫຍຸ້ງຍາກໃນແຕ່ລະບ້ານ ໂດຍສະເພາະແມ່ນກ່ຽວກັບພື້ນຖານໂຄງລ່າງ ເພື່ອນໍາມາຄົ້ນຄວ້າ, ພິຈາລະນາ ແລະ ສັງລວມສົ່ງໃຫ້ພາກສ່ວນກ່ຽວຂ້ອງໃຫ້ຮີບຮ້ອນແກ້ໄຂຕາມຄວາມເໝາະສົມ ແລະ ທັນຕາມກຳນົດເວລາ.
ນອກຈາກນີ້, ທ່ານຮອງປະທານສະພາປະຊາຊົນແຂວງ ພ້ອມດ້ວຍຄະນະທີມງານ ສສຂ ປະຈໍາເມືອງ ຍັງໄດ້ນໍາເອົາເຄື່ອງອຸປະໂພກ-ບໍລິໂພກ, ອຸປະກອນກິລາປະເພດບານຕີ ແລະ ວັດຖຸປັດໄຈ ຈໍານວນໜຶ່ງ ມອບໃຫ້ນາຍ ແລະ ພົນທະຫານ ຂອງກອງຮ້ອຍ 111, ກອງຮ້ອຍ 118 ແລະອໍານາດການປົກຄອງບ້ານໃນແຕ່ລະບ້ານ;ການລົງພົບປະເຄື່ອນໄຫວໃນຄັ້ງນີ້ ໄດ້ໃຊ້ເວລາ 4 ວັນ ແລະ ສໍາເລັດຜົນຕາມຄາດໝາຍທີ່ວາງໄວ້.
(ຂ່າວ: ພອນແກ້ວປະເສີດ ສຸລິວົງ)
ການລົງພົບປະກັບປະຊາຊົນຜູ້ມີສິດເລືອກຕັ້ງໃນຄັ້ງນີ້, ແມ່ນເພື່ອນໍາເອົາເນື້ອໃນຈິດໃຈຜົນສໍາເລັດກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງ ຊຸດທີ IIຕິດພັນກັບ 2 ວາລະແຫ່ງຊາດ, ບົດຊີ້ແຈງຂອງບັນດາທ່ານລັດຖະມົນຕີ ຕໍ່ກອງປະຊຸມສະພາແຫ່ງຊາດ,ເອກະສານມູນເຊື້ອກອງທັບປະຊາຊົນລາວ ຄົບຮອບ 75 ປີ ແລະເອກະສານລະນຶກວັນເກີດຂອງ ປະທານ ຄໍາໄຕ ສີພັນດອນ ຄົບຮອບ 100 ປີ ເພື່ອໄປຈັດຕັ້ງຜັນຂະຫຍາຍຕາມພາລະບົດບາດ, ສິດ ແລະ ໜ້າທີ່ ໃນການເປັນຕົວແທນແຫ່ງສິດ ແລະ ຜົນປະໂຫຍດອັນຊອບທຳຂອງປະຊາຊົນບັນດາເຜົ່າ ທັງເປັນການຫັນລົງຮາກຖານ, ເກັບກໍາບັນດາສະພາບການ, ຄໍາຄິດຄໍາເຫັນ, ຄໍາສະເໜີຕ່າງໆ ຂອງຜູ້ມີສິດເລືອກຕັ້ງ ແລະ ທັງເປັນການຢ້ຽມຢາມຖາມຂ່າວປະຊາຊົນເຂດຫ່າງໄກສອກຫຼີກ.
ໃນການລົງເຜີຍແຜ່ຄັ້ງນີ້, ໄດ້ຮັບຟັງການລາຍງານສະພາບການພັດທະນາເສດຖະກິດ-ສັງຄົມ, ຂໍໍ້ສະດວກ, ຂໍ້ຫຍຸ້ງຍາກຈາກນາຍບ້ານ ຂອງແຕ່ລະບ້ານໂດຍຫຍໍ້ ແລະ ຄໍາສະເໜີຕ່າງໆຈາກປະຊາຊົນ. ພ້ອມດຽວກັນນັ້ນ,ທ່ານ ຮອງປະທານສະພາປະຊາຊົນແຂວງ ແລະ ສສຂ ກໍໄດ້ຊີ້ແຈງອະທິບາຍຕໍ່ບາງຄຳສະເໜີດັ່ງກ່າວໃຫ້ປະຊາຊົນຮັບຮູ້ເຂົ້າໃຈ ແລະ ຍັງໄດ້ເກັບກໍາ, ນໍາເອົາບາງຄຳສະເໜີ ຂອງປະຊາຊົນທີ່ຍັງເຫັນວ່າມີຄວາມຫຍຸ້ງຍາກໃນແຕ່ລະບ້ານ ໂດຍສະເພາະແມ່ນກ່ຽວກັບພື້ນຖານໂຄງລ່າງ ເພື່ອນໍາມາຄົ້ນຄວ້າ, ພິຈາລະນາ ແລະ ສັງລວມສົ່ງໃຫ້ພາກສ່ວນກ່ຽວຂ້ອງໃຫ້ຮີບຮ້ອນແກ້ໄຂຕາມຄວາມເໝາະສົມ ແລະ ທັນຕາມກຳນົດເວລາ.
ນອກຈາກນີ້, ທ່ານຮອງປະທານສະພາປະຊາຊົນແຂວງ ພ້ອມດ້ວຍຄະນະທີມງານ ສສຂ ປະຈໍາເມືອງ ຍັງໄດ້ນໍາເອົາເຄື່ອງອຸປະໂພກ-ບໍລິໂພກ, ອຸປະກອນກິລາປະເພດບານຕີ ແລະ ວັດຖຸປັດໄຈ ຈໍານວນໜຶ່ງ ມອບໃຫ້ນາຍ ແລະ ພົນທະຫານ ຂອງກອງຮ້ອຍ 111, ກອງຮ້ອຍ 118 ແລະອໍານາດການປົກຄອງບ້ານໃນແຕ່ລະບ້ານ;ການລົງພົບປະເຄື່ອນໄຫວໃນຄັ້ງນີ້ ໄດ້ໃຊ້ເວລາ 4 ວັນ ແລະ ສໍາເລັດຜົນຕາມຄາດໝາຍທີ່ວາງໄວ້.
(ຂ່າວ: ພອນແກ້ວປະເສີດ ສຸລິວົງ)
