ກອງປະຊຸມຄົບຄະນະບໍລິຫານງານພັກເມືອງພຽງ ແຂວງໄຊຍະບູລີ ຄັ້ງທີ 14ສະໄໝທີ 8 ໄດ້ເປີດຂຶ້ນໃນວັນທີ 3-4 ຕຸລານີ້ທີ່ຫ້ອງປະຊຸມໃຫຍ່ຂອງເມືອງ ພາຍໃຕ້ການເປັນປະທານຂອງສະຫາຍ ເສີດ ແສງສຸລິນ ກຳມະການພັກແຂວງ ເລຂາພັກເມືອງເຈົ້າເມືອງໆພຽງ, ໂດຍການເປັນກຽດເຂົ້າຮ່ວມຂອງສະຫາຍ ດວງຕາ ໄຊວຸດ ຮອງເລຂາພັກແຂວງ ຜູ້ຊີ້ນຳວຽກງານການເມືອງແນວຄິດ ວຽກງານພັກພະນັກງານແຂວງໄຊຍະບູລີ ມີບັນດາສະຫາຍຄະນະປະຈຳພັກເມືອງ, ກຳມະການພັກເມືອງ, ເລຂາຄະນະພັກຮາກຖານ, ເລຂາຮອງເລຂາໜ່ວຍພັກສໍານັກງານອົງການກົມກອງເຂົ້າຮ່ວມ.
ກອງປະຊຸມໄດ້ຜ່ານບົດລາຍງານຕີລາຄາການຈັດຕັ້ງປະຕິບັດວຽກງານຮອບດ້ານໃນໄລຍະ9 ເດືອນແລະທິດທາງແຜນການ 3 ເດືອນທ້າຍປີ 2023ໂດຍໄດ້ຍົກໃຫ້ເຫັນຜົນງານດ້ານດີທີ່ຕັ້ງໜ້າ ແລະ ດ້ານອ່ອນຂໍ້ຄົງຄ້າງທີ່ຈະຕ້ອງແກ້ໄຂໃນຕໍ່ໜ້າ ຊຶ່ງໃນໄລຍະ 9 ເດືອນຜ່ານມາ ເມືອງພຽງ ສາມາດຮັກສາໄດ້ສະຖຽນລະພາບທາງດ້ານການເມືອງສັງຄົມມີຄວາມສະຫງົບປອດໄພໂດຍພື້ນຖານ ດ້ານເສດຖະກິດສາມາດຈັດເກັບລາຍຮັບເຂົ້າງົບປະມານໄດ້ທັງໝົດ 3 ກວ່າຕື້ກີບ,ທຽບໃສ່ແຜນການປີປະຕິບັດໄດ້ 60% ສາມາດສົ່ງອອກສິນຄ້າໄດ້ທັງໝົດມູນຄ່າ 170 ກວ່າຕື້ກີບ,ທຽບໃສ່ໄລຍະດຽວກັນປີຜ່ານມາເພີ່ມຂຶ້ນ 1,5 ເທົ່າຕົວ,ຊຸກຍູ້ຕິດຕາມໂຄງການລົງທຶນພາຍໃນເມືອງທັງໝົດ 40 ກວ່າໂຄງການ ມູນຄ່າ 180 ກວ່າຕື້ກີບ ທຽບໃສ່ແຜນການປີ ປະຕິບັດລື່ນຄາດໝາຍ 20 ໂຄງການ ຊຸກຍູ້ການຜະລິດເຂົ້ານາແຊງໄດ້ທັງໝົດກືອບ 5 ພັນໂຕ່ນ, ຊຸກຍູ້ການຜະລີດເຂົ້ານາປີໄດ້ທັງໝົດ 6.800 ກວ່າເຮັກຕາ ຊຸກຍູ້ການຜະລິດພືດສະບຽງປະຕິບັດໄດ້ທັງໝົດ 1 ພັນກວ່າເຮັກຕາ ແລະ ພືດເປັນສິນຄ້າເກືອບ 20 ພັນເຮັກຕາ ດ້ານວັດທະນະທໍາສັງຄົມກໍມີຫຼາຍດ້ານບັນລຸຕາມຄາດໝາຍ ຈາກນັ້ນກໍໄດ້ຜ່ານບົດລາຍງານການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຢາເສບຕິດ ຊຶ່ງນັບແຕ່ການເລີ່ມຕົ້ນຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດມາຮອດປັດຈຸບັນສາມາດມ້າງຄະດີປະເພດຕ່າງໆໄດ້ 90 ກວ່າເລື່ອງ ມີ 100 ກວ່າຄົນ ຢຶດຂອງກາງຢາບ້າໄດ້ 150.000 ກວ່າເມັດ, ຮັບຟັງການຜ່ານບົດລາຍງານການກະກຽມດໍາເນີນກອງປະຊຸມໃຫຍ່ຮາກຖານພັກເພື່ອກະກຽມໃນການດຳເນີນກອງປະຊຸມໃຫຍ່ 2 ຂັ້ນຂອງຄະນະບໍລິຫານງານພັກເມືອງ, ຮັບຟັງການຜ່ານບົດລາຍງານການຈັດຕັ້ງປະຕິບັດວາລະແຫ່ງຊາດກ່ຽວກັບການແກ້ໄຂບັນຫາຫຍຸ້ງຍາກດ້ານເສຖະກິດ-ການເງິນ ຂອງເມືອງ, ບົດລາຍງານກ່ຽວກັບການຈັດຕັ້ງປະຕິບັດແຜນງົບປະມານ 9 ເດືອນ ແລະ ທິດທາງແຜນການ 3 ເດືອນທ້າຍປີ 2023, ບົດລາຍງານການໄຂສົກຮຽນໃໝ່, ການປະລະການຮຽນຂອງນັກຮຽນ ບັນຫາຂາດແຄນຄູ ແລະ ໃນໂອກາດນີ້ຜູ້ເຂົ້າຮ່ວມກອງປະຊຸມໄດ້ພັດປ່ຽນກັນຂຶ້ນປະກອບຄຳຄິດຄຳເຫັນເພຶື່ອປັບປຸງບັນດາດ້ານທີ່ຍັງຄົງຄ້າງກໍຄືເຮັດໃຫ້ບັນດາຄາດໝາຍທີ່ໄດ້ວາງໄວ້ໄດ້ຖືກຈັດຕັ້ງປະຕິບັດ ແລະ ບັນລຸດຕາມຄາດໝາຍ.
ໃນກອງປະຊຸມທີ່ມີຄວາມໝາຍຄວາມສຳຄັນນີ້, ສະຫາຍ ດວງຕາ ໄຊວຸດ ໄດ້ມີຄຳເຫັນໂອ້ລົມ ຊຶ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນງານທີ່ທາງຄະນະບໍລິຫານງານພັກເມືອງໄດ້ຈັດຕັ້ງປະຕິບັດໃນໄລຍະຜ່ານມາພ້ອມທັງເນັ້ນໃຫ້ເອົາໃຈໃສ່ຍົກສູງຄຸນທາດການເມືອງ, ຄວາມເປັນແບບຢ່າງນຳໜ້າ ເປັນເຈົ້າການຖືເອົາການພັດທະນາເສດຖະກິດເປັນວຽກງານໃຈກາງຂອງການພັດທະນາໂດຍສະເພາະແມ່ນການແກ້ໄຂວາລະແຫ່ງຊາດວ່າດ້ວຍຄວາມຫຍຸ້ງຍາກດ້ານເສດຖະກິດ-ການເງິນ ເອົາໃຈໃສ່ແກ້ໄຂບັນດາປະກົົົົົົົົົົດການຫຍໍ້ທໍ້ທີ່ເກີດຂຶ້ນໃຫ້ໝົດໄປເພື່ອກະກຽມ ແລະ ດໍາເນີນກອງປະຊຸມໃຫຍ່ 2 ຂັ້ນ ໃນຄວາມຮັບຜິດຊອບຂອງຄະນະບໍລິຫານງານພັກເມືອງ ໃຫ້ມີຜົນສໍາເລັດຕາມຄາດໝາຍທີ່ວາງໄວ້.
(ຂ່າວ-ພາບ: ວົງສະຫວັນ ສຸທິໂວຫານ)
ກອງປະຊຸມໄດ້ຜ່ານບົດລາຍງານຕີລາຄາການຈັດຕັ້ງປະຕິບັດວຽກງານຮອບດ້ານໃນໄລຍະ9 ເດືອນແລະທິດທາງແຜນການ 3 ເດືອນທ້າຍປີ 2023ໂດຍໄດ້ຍົກໃຫ້ເຫັນຜົນງານດ້ານດີທີ່ຕັ້ງໜ້າ ແລະ ດ້ານອ່ອນຂໍ້ຄົງຄ້າງທີ່ຈະຕ້ອງແກ້ໄຂໃນຕໍ່ໜ້າ ຊຶ່ງໃນໄລຍະ 9 ເດືອນຜ່ານມາ ເມືອງພຽງ ສາມາດຮັກສາໄດ້ສະຖຽນລະພາບທາງດ້ານການເມືອງສັງຄົມມີຄວາມສະຫງົບປອດໄພໂດຍພື້ນຖານ ດ້ານເສດຖະກິດສາມາດຈັດເກັບລາຍຮັບເຂົ້າງົບປະມານໄດ້ທັງໝົດ 3 ກວ່າຕື້ກີບ,ທຽບໃສ່ແຜນການປີປະຕິບັດໄດ້ 60% ສາມາດສົ່ງອອກສິນຄ້າໄດ້ທັງໝົດມູນຄ່າ 170 ກວ່າຕື້ກີບ,ທຽບໃສ່ໄລຍະດຽວກັນປີຜ່ານມາເພີ່ມຂຶ້ນ 1,5 ເທົ່າຕົວ,ຊຸກຍູ້ຕິດຕາມໂຄງການລົງທຶນພາຍໃນເມືອງທັງໝົດ 40 ກວ່າໂຄງການ ມູນຄ່າ 180 ກວ່າຕື້ກີບ ທຽບໃສ່ແຜນການປີ ປະຕິບັດລື່ນຄາດໝາຍ 20 ໂຄງການ ຊຸກຍູ້ການຜະລິດເຂົ້ານາແຊງໄດ້ທັງໝົດກືອບ 5 ພັນໂຕ່ນ, ຊຸກຍູ້ການຜະລີດເຂົ້ານາປີໄດ້ທັງໝົດ 6.800 ກວ່າເຮັກຕາ ຊຸກຍູ້ການຜະລິດພືດສະບຽງປະຕິບັດໄດ້ທັງໝົດ 1 ພັນກວ່າເຮັກຕາ ແລະ ພືດເປັນສິນຄ້າເກືອບ 20 ພັນເຮັກຕາ ດ້ານວັດທະນະທໍາສັງຄົມກໍມີຫຼາຍດ້ານບັນລຸຕາມຄາດໝາຍ ຈາກນັ້ນກໍໄດ້ຜ່ານບົດລາຍງານການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຢາເສບຕິດ ຊຶ່ງນັບແຕ່ການເລີ່ມຕົ້ນຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດມາຮອດປັດຈຸບັນສາມາດມ້າງຄະດີປະເພດຕ່າງໆໄດ້ 90 ກວ່າເລື່ອງ ມີ 100 ກວ່າຄົນ ຢຶດຂອງກາງຢາບ້າໄດ້ 150.000 ກວ່າເມັດ, ຮັບຟັງການຜ່ານບົດລາຍງານການກະກຽມດໍາເນີນກອງປະຊຸມໃຫຍ່ຮາກຖານພັກເພື່ອກະກຽມໃນການດຳເນີນກອງປະຊຸມໃຫຍ່ 2 ຂັ້ນຂອງຄະນະບໍລິຫານງານພັກເມືອງ, ຮັບຟັງການຜ່ານບົດລາຍງານການຈັດຕັ້ງປະຕິບັດວາລະແຫ່ງຊາດກ່ຽວກັບການແກ້ໄຂບັນຫາຫຍຸ້ງຍາກດ້ານເສຖະກິດ-ການເງິນ ຂອງເມືອງ, ບົດລາຍງານກ່ຽວກັບການຈັດຕັ້ງປະຕິບັດແຜນງົບປະມານ 9 ເດືອນ ແລະ ທິດທາງແຜນການ 3 ເດືອນທ້າຍປີ 2023, ບົດລາຍງານການໄຂສົກຮຽນໃໝ່, ການປະລະການຮຽນຂອງນັກຮຽນ ບັນຫາຂາດແຄນຄູ ແລະ ໃນໂອກາດນີ້ຜູ້ເຂົ້າຮ່ວມກອງປະຊຸມໄດ້ພັດປ່ຽນກັນຂຶ້ນປະກອບຄຳຄິດຄຳເຫັນເພຶື່ອປັບປຸງບັນດາດ້ານທີ່ຍັງຄົງຄ້າງກໍຄືເຮັດໃຫ້ບັນດາຄາດໝາຍທີ່ໄດ້ວາງໄວ້ໄດ້ຖືກຈັດຕັ້ງປະຕິບັດ ແລະ ບັນລຸດຕາມຄາດໝາຍ.
ໃນກອງປະຊຸມທີ່ມີຄວາມໝາຍຄວາມສຳຄັນນີ້, ສະຫາຍ ດວງຕາ ໄຊວຸດ ໄດ້ມີຄຳເຫັນໂອ້ລົມ ຊຶ່ງສະຫາຍໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນງານທີ່ທາງຄະນະບໍລິຫານງານພັກເມືອງໄດ້ຈັດຕັ້ງປະຕິບັດໃນໄລຍະຜ່ານມາພ້ອມທັງເນັ້ນໃຫ້ເອົາໃຈໃສ່ຍົກສູງຄຸນທາດການເມືອງ, ຄວາມເປັນແບບຢ່າງນຳໜ້າ ເປັນເຈົ້າການຖືເອົາການພັດທະນາເສດຖະກິດເປັນວຽກງານໃຈກາງຂອງການພັດທະນາໂດຍສະເພາະແມ່ນການແກ້ໄຂວາລະແຫ່ງຊາດວ່າດ້ວຍຄວາມຫຍຸ້ງຍາກດ້ານເສດຖະກິດ-ການເງິນ ເອົາໃຈໃສ່ແກ້ໄຂບັນດາປະກົົົົົົົົົົດການຫຍໍ້ທໍ້ທີ່ເກີດຂຶ້ນໃຫ້ໝົດໄປເພື່ອກະກຽມ ແລະ ດໍາເນີນກອງປະຊຸມໃຫຍ່ 2 ຂັ້ນ ໃນຄວາມຮັບຜິດຊອບຂອງຄະນະບໍລິຫານງານພັກເມືອງ ໃຫ້ມີຜົນສໍາເລັດຕາມຄາດໝາຍທີ່ວາງໄວ້.
(ຂ່າວ-ພາບ: ວົງສະຫວັນ ສຸທິໂວຫານ)
