ກອງປະຕິບັດງານ 034 ທະຫານແຂວງບໍ່ແກ້ວ ໄດ້ຈັດພິທີມອບ-ຮັບໜ້າທີ່ຫົວໜ້າ-ຮອງຫົວໜ້າກອງປະຕິບັດງານ 034 ຂຶ້ນໃນວັນທີ 24 ມິຖຸນາຜ່ານມາ ທີ່ຫ້ອງປະຊຸມດັ່ງກ່າວ ໂດຍການເປັນປະທານຂອງສະຫາຍ ພົນຈັດຕະວາ ບຸນມີ ພາມີໄຊ ຫົວໜ້າການເມືອງ ກອງບັນຊາການທະຫານແຂວງ, ມີຄະນະພັກ-ຄະນະບັນຊາກ່ຽວຂ້ອງເຂົ້າຮ່ວມ.
ສະຫາຍ ພັນໂທ ວຽງສະຫວັນ ຄຳມະນີຫຼ້າ ຄະນະພັກຮາກຖານຫ້ອງການເມືອງ ຫົວໜ້າພະແນກພະ ນັກງານ ກອງບັນຊາການທະຫານແຂວງ ໄດ້ຜ່ານຂໍ້ຕົກລົງຂອງກອງບັນຊາການທະຫານແຂວງ ວ່າດ້ວຍການແຕ່ງຕັ້ງ ແລະ ຍົກຍ້າຍນາຍທະຫານ ສະບັບເລກທີ 1023/ກທຂ-ບກ ເຫັນດີຕົກລົງແຕ່ງຕັ້ງສະຫາຍ ພັນໂທ ສີພັນ ພິລາວັນ ເປັນຫົວໜ້າກອງຊີ້ນຳລວມ, ສະຫາຍ ພັນໂທ ສີວອນ ແສງມະນີ ເປັນຮອງຫົວໜ້າກອງ ຊີ້ນຳວຽກງານເສນາທິການ.
ສະຫາຍ ບຸນເພັດ ສິນຍະໄຊ ຫົວໜ້າກອງປະຕິບັດງານ 034 (ຜູ້ເກົ່າ) ໄດ້ລາຍງານສະພາບການນໍາພາຈັດຕັ້ງເຄື່ອນໄຫວວຽກງານຕະຫຼອດໄລຍະຜ່ານມາ ຍົກໃຫ້ເຫັນທີ່ຕັ້ງພາລະບົດບາດໃນການເປັນເສນາທິການດ້ານວຽກງານພັກ, ວຽກງານການເມືອງໃຫ້ແກ່ຄະນະພັກ-ຄະນະບັນຊາກອງປະຕິບັດງານ 034 ໂດຍສະເພາະແມ່ນວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກງານການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ການໂຄສະນາເຜີຍແຜ່ວຽກງານດ້ານຕ່າງໆໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ. ໃນພິທີໄດ້ເຊັນບົດບັນທຶກມອບ-ຮັບໜ້າທີ່ຢ່າງເປັນທາງການ.
ໂອກາດນີ້, ສະຫາຍ ພົນຈັດຕະວາ ບຸນມີ ພາມີໄຊ ໄດ້ໃຫ້ກຽດໂອ້ລົມເນັ້ນໜັກໃຫ້ຜູ້ທີ່ໄດ້ຮັບໜ້າທີ່ໃໝ່ຈົ່ງຍົກສູງຄວາມຮັບຜິດຊອບຕໍ່ໜ້າທີ່ການເມືອງ ແລະ ວຽກງານທີ່ໄດ້ຮັບມອບໝາຍ, ເອົາໃຈໃສ່ຝຶກຝົນຫຼໍ່ຫຼອມຕົນເອງ ດ້ານຄວາມຮູ້ຄວາມສາມາດນໍາພາບັນຊາ, ປັບປຸງແບບແຜນວິທີເຮັດວຽກໃຫ້ແທດເໝາະກັບສະພາບການຕົວຈິງ ເຮັດວຽກແບບລວມສູນປະຊາທິປະໄຕ ແບ່ງວຽກໃຫ້ບຸກຄົນຮັບຜິດຊອບ, ເອົາໃຈໃສ່ເຕົ້າໂຮມຄວາມສາມັກຄີເປັນເອກະພາບພາຍໃນໝູ່ຄະນະ, ຮັດແໜ້ນຄວາມສາມັກຄີທັງພາຍໃນ-ພາຍນອກ ແລະ ສາກົນ, ເອົາໃຈໃສ່ສູ້ຊົນສ້າງພະລາທິການກັບທີ່, ຍົກສູງນ້ຳໃຈເພິ່ງຕົນ, ກຸ້ມຕົນເອງ ເພື່ອເຮັດໃຫ້ກົມກອງເຕີບໃຫຍ່ເຂັ້ມແຂງຂຶ້ນເທື່ອລະກ້າວ.
ຂ່າວ: ນາງ ນີ່ ທຳມະວົງ
ສະຫາຍ ພັນໂທ ວຽງສະຫວັນ ຄຳມະນີຫຼ້າ ຄະນະພັກຮາກຖານຫ້ອງການເມືອງ ຫົວໜ້າພະແນກພະ ນັກງານ ກອງບັນຊາການທະຫານແຂວງ ໄດ້ຜ່ານຂໍ້ຕົກລົງຂອງກອງບັນຊາການທະຫານແຂວງ ວ່າດ້ວຍການແຕ່ງຕັ້ງ ແລະ ຍົກຍ້າຍນາຍທະຫານ ສະບັບເລກທີ 1023/ກທຂ-ບກ ເຫັນດີຕົກລົງແຕ່ງຕັ້ງສະຫາຍ ພັນໂທ ສີພັນ ພິລາວັນ ເປັນຫົວໜ້າກອງຊີ້ນຳລວມ, ສະຫາຍ ພັນໂທ ສີວອນ ແສງມະນີ ເປັນຮອງຫົວໜ້າກອງ ຊີ້ນຳວຽກງານເສນາທິການ.
ສະຫາຍ ບຸນເພັດ ສິນຍະໄຊ ຫົວໜ້າກອງປະຕິບັດງານ 034 (ຜູ້ເກົ່າ) ໄດ້ລາຍງານສະພາບການນໍາພາຈັດຕັ້ງເຄື່ອນໄຫວວຽກງານຕະຫຼອດໄລຍະຜ່ານມາ ຍົກໃຫ້ເຫັນທີ່ຕັ້ງພາລະບົດບາດໃນການເປັນເສນາທິການດ້ານວຽກງານພັກ, ວຽກງານການເມືອງໃຫ້ແກ່ຄະນະພັກ-ຄະນະບັນຊາກອງປະຕິບັດງານ 034 ໂດຍສະເພາະແມ່ນວຽກງານປ້ອງກັນຊາດ-ປ້ອງກັນຄວາມສະຫງົບ, ວຽກງານການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ການໂຄສະນາເຜີຍແຜ່ວຽກງານດ້ານຕ່າງໆໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ. ໃນພິທີໄດ້ເຊັນບົດບັນທຶກມອບ-ຮັບໜ້າທີ່ຢ່າງເປັນທາງການ.
ໂອກາດນີ້, ສະຫາຍ ພົນຈັດຕະວາ ບຸນມີ ພາມີໄຊ ໄດ້ໃຫ້ກຽດໂອ້ລົມເນັ້ນໜັກໃຫ້ຜູ້ທີ່ໄດ້ຮັບໜ້າທີ່ໃໝ່ຈົ່ງຍົກສູງຄວາມຮັບຜິດຊອບຕໍ່ໜ້າທີ່ການເມືອງ ແລະ ວຽກງານທີ່ໄດ້ຮັບມອບໝາຍ, ເອົາໃຈໃສ່ຝຶກຝົນຫຼໍ່ຫຼອມຕົນເອງ ດ້ານຄວາມຮູ້ຄວາມສາມາດນໍາພາບັນຊາ, ປັບປຸງແບບແຜນວິທີເຮັດວຽກໃຫ້ແທດເໝາະກັບສະພາບການຕົວຈິງ ເຮັດວຽກແບບລວມສູນປະຊາທິປະໄຕ ແບ່ງວຽກໃຫ້ບຸກຄົນຮັບຜິດຊອບ, ເອົາໃຈໃສ່ເຕົ້າໂຮມຄວາມສາມັກຄີເປັນເອກະພາບພາຍໃນໝູ່ຄະນະ, ຮັດແໜ້ນຄວາມສາມັກຄີທັງພາຍໃນ-ພາຍນອກ ແລະ ສາກົນ, ເອົາໃຈໃສ່ສູ້ຊົນສ້າງພະລາທິການກັບທີ່, ຍົກສູງນ້ຳໃຈເພິ່ງຕົນ, ກຸ້ມຕົນເອງ ເພື່ອເຮັດໃຫ້ກົມກອງເຕີບໃຫຍ່ເຂັ້ມແຂງຂຶ້ນເທື່ອລະກ້າວ.
ຂ່າວ: ນາງ ນີ່ ທຳມະວົງ
