ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ໄດ້ສະເໜີກ່ຽວກັບຮ່າງກົດໝາຍວ່າດ້ວຍການທ່ອງທ່ຽວ (ສະບັບປັບປຸງ) ຕໍ່ກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ IX ໃນວັນທີ 27 ມິຖຸນານີ້, ພາຍໃຕ້ການເປັນປະທານຂອງທ່ານພົນໂທ ສຸວອນ ເລືອງບຸນມີ ຮອງປະທານສະພາແຫ່ງຊາດ.
ທ່ານ ນາງ ສວນສະຫວັນ ວິຍະເກດໄດ້ກ່າວວ່າ: ການປັບປຸງຮ່າງກົດໝາຍວ່າດ້ວຍການທ່ອງທ່ຽວຍ້ອນສະພາບການພັດທະນາເສດຖະກິດ-ສັງຄົມ ຢູ່ ສປປ ລາວ, ພາກພື້ນ ແລະ ສາກົນ ມີການປ່ຽນແປງຢ່າງໄວວາໂດຍສະເພາະດ້ານຂໍ້ມູນຂ່າວສານ, ເຕັກໂນໂລຊີ ແລະ ນະວັດຕະກຳ ທີ່ສົ່ງຜົນກະທົບໂດຍກົງ ຕໍ່ວຽກງານການທ່ອງທ່ຽວ ຊຶ່ງລະບົບກົນໄກ, ເງື່ອນໄຂ,ຂັ້ນຕອນການຈັດຕັ້ງປະຕິບັດລວມທັງນະໂຍບາຍສົ່ງເສີມການພັດທະນາການທ່ອງທ່ຽວ ບໍ່ແທດເໝາະກັບສະພາບການປ່ຽນແປງຂອງຕະຫຼາດການທ່ອງທ່ຽວ ແລະ ບໍ່ສອດຄ່ອງກັບກົດໝາຍຂອງຂະແໜງການກ່ຽວຂ້ອງທີ່ປະກາດໃຊ້ໃນໄລຍະໃໝ່ນີ້ ເປັນຕົ້ນກົດໝາຍວ່າດ້ວຍການສົ່ງເສີມການລົງທຶນ, ກົດໝາຍວ່າດ້ວຍວິສາຫະກິດ, ກົດໝາຍວ່າດ້ວຍສິ່ງແວດລ້ອມ ແລະ ນິຕິກຳລຸ່ມກົດໝາຍອື່ນໆ ໃນສະພາບປັດຈຸບັນການເຄື່ອນໄຫວວຽກງານທ່ອງທ່ຽວຍັງມີຂອດອຸດຕັນຫຼາຍດ້ານທີ່ຮຽກຮ້ອງໃຫ້ມີການປັບປຸງແກ້ໄຂ ຮ່ວມກັບຂະແໜງການກ່ຽວຂ້ອງ ເປັນຕົ້ນ ການຄົມມະນາຄົມ, ການຂົນສົ່ງ, ເຕັກໂນໂລຊີການສື່ສານ, ສິ່ງແວດລ້ອມ, ປ້ອງກັນຄວາມສະຫງົບ, ອຸດສາຫະກຳ ແລະ ການຄ້າ ແລະ ຂະແໜງການອື່ນ ຊຶ່ງກ່ອນອື່ນໝົດ ກໍແມ່ນການແກ້ໄຂທາງດ້ານນິຕິກຳໂດຍສະເພາະກົດໝາຍວ່າດ້ວຍການທ່ອງທ່ຽວ ທີ່ເປັນເຄື່ອງມື ໃນການປົກປ້ອງສິດ, ຜົນປະໂຫຍດຂອງທຸກພາກສ່ວນ.
ດັ່ງນັ້ນ, ຍ້ອນເຫດຜົນ ແລະ ຄວາມຈຳເປັນບາງດ້ານຈຶ່ງເຫັນວ່າກົດໝາຍວ່າດ້ວຍການທ່ອງທ່ຽວສະບັບ ປີ 2013 ແມ່ນມີຄວາມຈໍາເປັນ ແລະ ສົມຄວນໄດ້ຮັບການປັບປຸງໃຫ້ແທດເໝາະກັບສະພາບການຂະຫຍາຍຕົວຂອງເສດຖະກິດ-ສັງຄົມ ແລະ ສອດຄ່ອງກັບກົດໝາຍຂອງຂະແໜງການທີ່ກ່ຽວຂ້ອງ, ຖ້າຫາກກົດໝາຍສະບັບດັ່ງກ່າວ ບໍ່ມີການປັບປຸງແກ້ໄຂເພື່ອຮອງຮັບກັບສິ່ງໃໝ່ໆທີ່ເກີດຂຶ້ນໃນປັດຈຸບັນ ແລະ ອະນາຄົດ ກໍຈະເຮັດໃຫ້ບາງດ້ານຂອງວຽກງານການທ່ອງທ່ຽວ ຢູ່ ສປປ ລາວ ຂາດຄວາມຄ່ອງຕົວ ແລະ ເສຍໂອກາດເປັນຕົ້ນການພົວພັນຮ່ວມມືດ້ານການທ່ອງທ່ຽວກັບຕ່າງປະເທດ, ການຄ້າ, ການລົງທຶນ, ການເດີນທາງ, ການຂົນສົ່ງນັກທ່ອງທ່ຽວ, ການສ້າງວຽກເຮັດງານທໍາ, ການພັດທະນາ, ສົ່ງເສີມ ແລະ ຄຸ້ມຄອງການທ່ອງທ່ຽວ, ພາຍຫຼັງຮ່າງກົດໝາຍສະບັບນີ້ ຜ່ານການເຫັນດີຈາກກອງປະຊຸມຄະນະປະຈຳສະພາແຫ່ງຊາດແລ້ວ ກຳມາທິການກົດໝາຍ ສະພາແຫ່ງຊາດ ກໍໄດ້ນໍາສົ່ງໃຫ້ຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງທົ່ວປະເທດ ຈັດຕັ້ງການທາບທາມຄໍາເຫັນນໍາສະມາຊິກສະພາແຫ່ງຊາດ, ສະມາຊິກສະພາປະຊາຊົນຂັ້ນແຂວງ ແລະ ພະແນກການທີ່ກ່ຽວຂ້ອງ ຊຶ່ງມາຮອດປັດຈຸບັນສໍາເລັດການສັງລວມຄໍາເຫັນແລ້ວ ທັງໝົດ 18 ເຂດເລືອກຕັ້ງ ຊຶ່ງໄດ້ປະກອບຄໍາເຫັນໃສ່ຈໍານວນ 54 ມາດຕາ, ກວມເອົາ 158 ເນື້ອໃນ ແລະ ຜ່ານການຄົ້ນຄວ້າພິຈາລະນາຄໍາເຫັນຕ່າງໆ ຂອງຄະນະຮັບຜິດຊອບຄັ້ງວັນທີ 7 ມິຖຸນາ 2024 ສາມາດປັບປຸງຕາມການສະເໜີ 7 ມາດຕາ, ສະເໜີຮັກສາເນື້ອໃນເກົ່າໄວ້ 47 ມາດຕາ.
ຄາດຄະເນຜົນໄດ້ຮັບ ພາຍຫຼັງການປັບປຸງກົດໝາຍວ່າດ້ວຍການທ່ອງທ່ຽວ ດັ່ງນີ້:ຈະເປັນເຄື່ອງມື ແລະ ບ່ອນອີງ ໃຫ້ແກ່ການຈັດຕັ້ງ ແລະ ການເຄື່ອນໄຫວ ຂອງວຽກງານການທ່ອງທ່ຽວ ມີຄວາມທັນສະໄໝ, ການຄຸ້ມຄອງລັດ-ຄຸ້ມຄອງສັງຄົມ ມີຄວາມຄ່ອງຕົວ, ແທດເໝາະ ແລະ ສອດຄ່ອງກັບການຂະຫຍາຍຕົວຂອງເສດຖະກິດ; ຈະເປັນການອໍານວຍຄວາມສະດວກໃຫ້ແກ່ການລົງທຶນ, ການພັດທະນາ, ການຄຸ້ມຄອງ, ການຊຸກຍູ້ສົ່ງເສີມກິດຈະການ ການທ່ອງທ່ຽວ ລວມທັງການແກ້ໄຂບັນຫາຕ່າງໆ ໃຫ້ມີຄວາມສະດວກວ່ອງໄວ ແລະ ໂປ່ງໃສຍິ່ງຂຶ້ນ; ພາກລັດ ແລະ ພາກທຸລະກິດ ມີໂອກາດໃນການເຂົ້າຮ່ວມແຂ່ງຂັນດ້ານການທ່ອງທ່ຽວ, ການຄ້າ, ການລົງທຶນ, ສ້າງຄວາມເຊື່ອໝັ້ນ, ດຶງດູດເອົານັກລົງທຶນ ແລະ ນັກທ່ອງທ່ຽວ ທັງພາຍໃນ ແລະ ຕ່າງປະເທດ ຫຼາຍຂຶ້ນ; ຈະເຮັດໃຫ້ການເຄື່ອນໄຫວວຽກງານທ່ອງທ່ຽວ ຢູ່ຂັ້ນສູນກາງ ແລະ ທ້ອງຖິ່ນ, ລະຫວ່າງພາກລັດ ແລະ ພາກທຸລະກິດ ມີຄວາມເປັນເອກະພາບໃນທາງປະຕິບັດ.
(ຂ່າວ-ພາບ: ບຸນອູ້ມ)
ທ່ານ ນາງ ສວນສະຫວັນ ວິຍະເກດໄດ້ກ່າວວ່າ: ການປັບປຸງຮ່າງກົດໝາຍວ່າດ້ວຍການທ່ອງທ່ຽວຍ້ອນສະພາບການພັດທະນາເສດຖະກິດ-ສັງຄົມ ຢູ່ ສປປ ລາວ, ພາກພື້ນ ແລະ ສາກົນ ມີການປ່ຽນແປງຢ່າງໄວວາໂດຍສະເພາະດ້ານຂໍ້ມູນຂ່າວສານ, ເຕັກໂນໂລຊີ ແລະ ນະວັດຕະກຳ ທີ່ສົ່ງຜົນກະທົບໂດຍກົງ ຕໍ່ວຽກງານການທ່ອງທ່ຽວ ຊຶ່ງລະບົບກົນໄກ, ເງື່ອນໄຂ,ຂັ້ນຕອນການຈັດຕັ້ງປະຕິບັດລວມທັງນະໂຍບາຍສົ່ງເສີມການພັດທະນາການທ່ອງທ່ຽວ ບໍ່ແທດເໝາະກັບສະພາບການປ່ຽນແປງຂອງຕະຫຼາດການທ່ອງທ່ຽວ ແລະ ບໍ່ສອດຄ່ອງກັບກົດໝາຍຂອງຂະແໜງການກ່ຽວຂ້ອງທີ່ປະກາດໃຊ້ໃນໄລຍະໃໝ່ນີ້ ເປັນຕົ້ນກົດໝາຍວ່າດ້ວຍການສົ່ງເສີມການລົງທຶນ, ກົດໝາຍວ່າດ້ວຍວິສາຫະກິດ, ກົດໝາຍວ່າດ້ວຍສິ່ງແວດລ້ອມ ແລະ ນິຕິກຳລຸ່ມກົດໝາຍອື່ນໆ ໃນສະພາບປັດຈຸບັນການເຄື່ອນໄຫວວຽກງານທ່ອງທ່ຽວຍັງມີຂອດອຸດຕັນຫຼາຍດ້ານທີ່ຮຽກຮ້ອງໃຫ້ມີການປັບປຸງແກ້ໄຂ ຮ່ວມກັບຂະແໜງການກ່ຽວຂ້ອງ ເປັນຕົ້ນ ການຄົມມະນາຄົມ, ການຂົນສົ່ງ, ເຕັກໂນໂລຊີການສື່ສານ, ສິ່ງແວດລ້ອມ, ປ້ອງກັນຄວາມສະຫງົບ, ອຸດສາຫະກຳ ແລະ ການຄ້າ ແລະ ຂະແໜງການອື່ນ ຊຶ່ງກ່ອນອື່ນໝົດ ກໍແມ່ນການແກ້ໄຂທາງດ້ານນິຕິກຳໂດຍສະເພາະກົດໝາຍວ່າດ້ວຍການທ່ອງທ່ຽວ ທີ່ເປັນເຄື່ອງມື ໃນການປົກປ້ອງສິດ, ຜົນປະໂຫຍດຂອງທຸກພາກສ່ວນ.
ດັ່ງນັ້ນ, ຍ້ອນເຫດຜົນ ແລະ ຄວາມຈຳເປັນບາງດ້ານຈຶ່ງເຫັນວ່າກົດໝາຍວ່າດ້ວຍການທ່ອງທ່ຽວສະບັບ ປີ 2013 ແມ່ນມີຄວາມຈໍາເປັນ ແລະ ສົມຄວນໄດ້ຮັບການປັບປຸງໃຫ້ແທດເໝາະກັບສະພາບການຂະຫຍາຍຕົວຂອງເສດຖະກິດ-ສັງຄົມ ແລະ ສອດຄ່ອງກັບກົດໝາຍຂອງຂະແໜງການທີ່ກ່ຽວຂ້ອງ, ຖ້າຫາກກົດໝາຍສະບັບດັ່ງກ່າວ ບໍ່ມີການປັບປຸງແກ້ໄຂເພື່ອຮອງຮັບກັບສິ່ງໃໝ່ໆທີ່ເກີດຂຶ້ນໃນປັດຈຸບັນ ແລະ ອະນາຄົດ ກໍຈະເຮັດໃຫ້ບາງດ້ານຂອງວຽກງານການທ່ອງທ່ຽວ ຢູ່ ສປປ ລາວ ຂາດຄວາມຄ່ອງຕົວ ແລະ ເສຍໂອກາດເປັນຕົ້ນການພົວພັນຮ່ວມມືດ້ານການທ່ອງທ່ຽວກັບຕ່າງປະເທດ, ການຄ້າ, ການລົງທຶນ, ການເດີນທາງ, ການຂົນສົ່ງນັກທ່ອງທ່ຽວ, ການສ້າງວຽກເຮັດງານທໍາ, ການພັດທະນາ, ສົ່ງເສີມ ແລະ ຄຸ້ມຄອງການທ່ອງທ່ຽວ, ພາຍຫຼັງຮ່າງກົດໝາຍສະບັບນີ້ ຜ່ານການເຫັນດີຈາກກອງປະຊຸມຄະນະປະຈຳສະພາແຫ່ງຊາດແລ້ວ ກຳມາທິການກົດໝາຍ ສະພາແຫ່ງຊາດ ກໍໄດ້ນໍາສົ່ງໃຫ້ຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງທົ່ວປະເທດ ຈັດຕັ້ງການທາບທາມຄໍາເຫັນນໍາສະມາຊິກສະພາແຫ່ງຊາດ, ສະມາຊິກສະພາປະຊາຊົນຂັ້ນແຂວງ ແລະ ພະແນກການທີ່ກ່ຽວຂ້ອງ ຊຶ່ງມາຮອດປັດຈຸບັນສໍາເລັດການສັງລວມຄໍາເຫັນແລ້ວ ທັງໝົດ 18 ເຂດເລືອກຕັ້ງ ຊຶ່ງໄດ້ປະກອບຄໍາເຫັນໃສ່ຈໍານວນ 54 ມາດຕາ, ກວມເອົາ 158 ເນື້ອໃນ ແລະ ຜ່ານການຄົ້ນຄວ້າພິຈາລະນາຄໍາເຫັນຕ່າງໆ ຂອງຄະນະຮັບຜິດຊອບຄັ້ງວັນທີ 7 ມິຖຸນາ 2024 ສາມາດປັບປຸງຕາມການສະເໜີ 7 ມາດຕາ, ສະເໜີຮັກສາເນື້ອໃນເກົ່າໄວ້ 47 ມາດຕາ.
ຄາດຄະເນຜົນໄດ້ຮັບ ພາຍຫຼັງການປັບປຸງກົດໝາຍວ່າດ້ວຍການທ່ອງທ່ຽວ ດັ່ງນີ້:ຈະເປັນເຄື່ອງມື ແລະ ບ່ອນອີງ ໃຫ້ແກ່ການຈັດຕັ້ງ ແລະ ການເຄື່ອນໄຫວ ຂອງວຽກງານການທ່ອງທ່ຽວ ມີຄວາມທັນສະໄໝ, ການຄຸ້ມຄອງລັດ-ຄຸ້ມຄອງສັງຄົມ ມີຄວາມຄ່ອງຕົວ, ແທດເໝາະ ແລະ ສອດຄ່ອງກັບການຂະຫຍາຍຕົວຂອງເສດຖະກິດ; ຈະເປັນການອໍານວຍຄວາມສະດວກໃຫ້ແກ່ການລົງທຶນ, ການພັດທະນາ, ການຄຸ້ມຄອງ, ການຊຸກຍູ້ສົ່ງເສີມກິດຈະການ ການທ່ອງທ່ຽວ ລວມທັງການແກ້ໄຂບັນຫາຕ່າງໆ ໃຫ້ມີຄວາມສະດວກວ່ອງໄວ ແລະ ໂປ່ງໃສຍິ່ງຂຶ້ນ; ພາກລັດ ແລະ ພາກທຸລະກິດ ມີໂອກາດໃນການເຂົ້າຮ່ວມແຂ່ງຂັນດ້ານການທ່ອງທ່ຽວ, ການຄ້າ, ການລົງທຶນ, ສ້າງຄວາມເຊື່ອໝັ້ນ, ດຶງດູດເອົານັກລົງທຶນ ແລະ ນັກທ່ອງທ່ຽວ ທັງພາຍໃນ ແລະ ຕ່າງປະເທດ ຫຼາຍຂຶ້ນ; ຈະເຮັດໃຫ້ການເຄື່ອນໄຫວວຽກງານທ່ອງທ່ຽວ ຢູ່ຂັ້ນສູນກາງ ແລະ ທ້ອງຖິ່ນ, ລະຫວ່າງພາກລັດ ແລະ ພາກທຸລະກິດ ມີຄວາມເປັນເອກະພາບໃນທາງປະຕິບັດ.
(ຂ່າວ-ພາບ: ບຸນອູ້ມ)
