ໃນວັນທີ 11 ຕຸລາ ຜ່ານມາ ທີ່ຫ້ອງຮັບແຂກສູນກາງພັກ ນະຄອນຫຼວງວຽງຈັນ ທ່ານ ບຸ່ຍ ກວາງ ຮຸ່ຍ ກຳມະການສໍາຮອງສູນກາງພັກ ເລຂາທີໜຶ່ງຄະນະບໍລິຫານງານສູນກາງຊາວໜຸ່ມກອມມູນິດໂຮ່ຈິມິນ ສສ ຫວຽດນາມ ພ້ອມດ້ວຍຄະນະໄດ້ເຂົ້າຢ້ຽມຂໍ່ານັບ ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ ຜູ້ປະຈຳການ ຄະນະເລຂາທິການສູນກາງພັກ ຮອງປະທານປະເທດແຫ່ງ ສປປ ລາວ. ການຢ້ຽມຂໍ່ານັບໃນຄັ້ງນີ້ ເພື່ອລາຍງານການເຄື່ອນ ໄຫວ ແລະ ເຮັດວຽກຮ່ວມກັບຄະນະຊາວໜຸ່ມປະຊາຊົນ ປະຕິວັດລາວ.

ໂອກາດນີ້, ທ່ານ ບຸນທອງ ຈິດມະນີ ໄດ້ສະແດງຄວາມຕ້ອນຮັບຢ່າງອົບອຸ່ນ ຕໍ່ການນໍາຊາວໜຸ່ມຫວຽດນາມ ກໍຄືເລຂາທີໜຶ່ງ ຄະນະບໍລິຫານງານສູນກາງຊາວໜຸ່ມກອມມູນິດໂຮ່ຈິມິນ ທີ່ເດີນທາງມາຢ້ຽມຢາມ ເພື່ອເປັນການເພີ່ມທະວີສາຍພົວພັນມິດຕະພາບ ຄວາມສາມັກຄີທີ່ເປັນມູນເຊື້ອແບບພິເສດ ແລະ ການຮ່ວມມືຮອບດ້ານຂອງສອງຊາດລາວ-ຫວຽດນາມ, ຫວຽດນາມ-ລາວ ກໍຄືສອງອົງການຈັດຕັ້ງຊາວໜຸ່ມລາວ-ຫວຽດນາມ, ຫວຽດນາມ-ລາວ ທັງເປັນການສະ ເຫຼີມສະຫຼອງສາຍພົວພັນການທູດລາວ-ຫວຽດນາມ ຄົບຮອບ 61 ປີ, ວັນສົນທິສັນຍາລະຫວ່າງລາວ-ຫວຽດນາມ ຄົບຮອບ 65 ປີ ຊຶ່ງເປັນສາຍພົວພັນແບບພິເສດ ແລະ ມີຄວາມໝາຍທາງປະຫວັດສາດອັນຍິ່ງໃຫຍ່ທັງເປັນການເພີ່ມພູນຄວາມສາມັກຄີ ຂະຫຍາຍຕົວເຂົ້າສູ່ລວງເລິກແທດເຖິງຕົວຈິງ ແລະ ມີປະສິດຕິຜົນໃນທຸກຂົງເຂດວຽກງານ.

ຂ່າວ-ພາບ: ຊາວໜຸ່ມ