ກອງປະຊຸມສະໄໝສາມັນເທື່ອທີ7 ຂອງສະພາແຫ່ງຊາດ ຊຸດທີ IX, ໃນວັນທີ 1 ມິຖຸນານີ້ ທີ່ສະພາແຫ່ງຊາດໄດ້ຈັດໃຫ້ມີພິທີສະເຫຼີມສະຫຼອງວັນລັດຖະສະພາໂລກ.ເປັນກຽດໃນພິທີ ມີທ່ານ ໄຊສົມພອນ ພົມວິຫານ ປະທານສະພາແຫ່ງຊາດປະທານຄະນະສະຫະພັນລັດຖະສະພາສາກົນ ຂອງສະພາແຫ່ງຊາດລາວ, ມີບັນດາທ່ານສະມາຊິກສະພາແຫ່ງຊາດຕະຫຼອດຮອດສະມາຊິກສະພາແຫ່ງຊາດເຂົ້າຮ່ວມ
ໃນພິທີ, ທ່ານ ໄຊສົມພອນ ພົມວິຫານໄດ້ກ່າວບາງເນື້ອໃນທີ່ສໍາຄັນວ່າ:ມື້ນີ້, ເນື່ອງໃນໂອກາດວັນລັດຖະສະພາໂລກ ກໍຄື ວັນສ້າງຕັ້ງສະຫະພັນລັດຖະສະພາສາກົນ (IPU) ຄົບຮອບ 135ປີ (30 ມິຖຸຸນາ 1889-30 ມິຖຸນາ 2024) ໃນນາມປະທານສະພາແຫ່ງຊາດ ແລະ ປະທານສະຫະພັນລັດຖະສະພາສາກົນ ແຫ່ງ ສປປ ລາວ, ຂ້າພະເຈົ້າ ຂໍສະແດງຄວາມຊົມເຊີຍ ແລະ ອວຍພອນໄຊອັນປະເສີດ ໄປຍັງບັນດາການນໍາ, ສະມາຊິກລັດຖະສະພາທີ່ເປັນສະມາຊິກຂອງIPU ທຸກທົ່ວໜ້າ ແລະ ບັນດາທ່ານສະມາຊິກສະພາແຫ່ງຊາດ ຊຸດທີ IX ຂອງ ສປປ ລາວ ຢ່າງສຸດອົກສຸດໃຈ.
ສະຫະພັນລັດຖະສະພາສາກົນ ແມ່ນອົງການລັດຖະສະພາລະດັບໂລກ ທີ່ມີສະມາຊິກທັງໝົດ 180 ປະເທດ ແລະ ມີອົງການຈັດຕັ້ງສາກົນຫຼາຍກວ່າ 15ອົງການເປັນພາຄີ. ສະຫະພັນລັດຖະສະພາສາກົນ ມີຈຸດປະສົງເພື່ອເປັນເວທີສົ່ງເສີມການຕິດຕໍ່ພົວພັນ, ການປະສານງານ ແລະ ການແລກປ່ຽນປະສົບການລະຫວ່າງລັດຖະສະພາ ແລະ ສະມາຊິກລັດຖະສະພາສາບັນດາປະເທດໃນໂລກ, ພິຈາລະນາບັນຫາສຳຄັນຂອງໂລກ, ສົ່ງເສີມການປົກຄອງດ້ວຍລະບຽບກົດໝາຍ, ສົ່ງເສີມບົດບາດ ຍິງ-ຊາຍ ແລະ ຊາວໜຸ່ມ, ສົ່ງເສີມສັນຕິພາບ, ປະຊາທິປະໄຕ ແລະ ການພັດທະນາແບບຍືນຍົງ.
ນັບແຕ່ໄດ້ເຂົ້າເປັນສະມາຊິກສະຫະພັນລັດຖະສະພາສາກົນ ໃນວັນທີ 4 ເມສາ 1990ເປັນເວລາ 34 ປີ, ສະພາແຫ່ງຊາດລາວ ໄດ້ຕັ້ງໜ້າເຂົ້າຮ່ວມການເຄື່ອນໄຫວຢ່າງຫ້າວຫັນ ໃນກອງປະຊຸມໃຫຍ່ ແລະ ກອງປະຊຸມລະດັບຕ່າງໆຂອງສະຫະພັນລັດຖະສະພາສາກົນຊຶ່ງເປັນການເຜີຍແຜ່ນະໂຍບາຍ ແລະ ການພັດທະນາເສດຖະກິດ-ສັງຄົມ ຂອງ ສປປ ລາວ ຕໍ່ເວທີລັດຖະສະພາລະດັບໂລກ, ເຂົ້າຮ່ວມຄົ້ນຄວ້າ, ປຶກສາຫາລື ແລະ ສະແດງທັດສະນະທີ່ສ້າງສັນ ຕໍ່ການປົກປັກຮັກສາສັນຕິພາບ, ສະຖຽນລະພາບ ກໍຄືຄວາມໝັ້ນຄົງໃນພາກພື້ນ ແລະ ໃນໂລກ ຢ່າງເປັນເຈົ້າການ.
ເປັນທີ່ຮູ້ກັນດີແລ້ວວ່າ ໃນກອງປະຊຸມສະຫະພັນລັດຖະສະພາສາກົນ ຄັ້ງທີ 129 ແລະ ກອງປະຊຸມສະມັດຊາໃຫຍ່ສະຫະປະຊາຊາດໃນ 2018 ໄດ້ມີການຮັບຮອງເອົາມະຕິ ໂດຍໄດ້ກໍານົດເອົາວັນທີ 30 ມິຖຸນາ ຂອງທຸກປີ ເປັນວັນລັດຖະສະພາໂລກຂອງທຸກປະເທດສະມາຊິກ IPUເພື່ອເປັນການປະຕິບັດໜ້າທີ່ ໃນຖານະເປັນອົງການນິຕິບັນຍັດ, ອົງການຕົວແທນແຫ່ງສິດ-ຜົນປະໂຫຍດ ແລະ ຄວາມມຸ່ງມາດປາຖະໜາຂອງປະຊາຊົນ ທີ່ຄວາມຕ້ອງການຢາກຢູ່ດີກິນດີ ແລະ ປະກອບສ່ວນເຂົ້າໃນການສົ່ງເສີມສັນຕິພາບ, ສະຖຽນລະພາບ, ຄວາມໝັ້ນຄົງ ແລະ ການຮ່ວມມື ເພື່ອການພັດທະນາແບບຍືນຍົງ ໃນທົ່ວໂລກ.
ໃນປັດຈຸບັນ, ສະພາບການຂອງໂລກ ຍັງສືບຕໍ່ຜັນແປໄປຢ່າງສັບສົນສະຫຼັບສັບຊ້ອນ ມີທັງກາລະໂອກາດ ແລະ ສິ່ງທ້າທາຍຫຼາຍຢ່າງ. ດ້ວຍເຫດນີ້, ໃນການສະເຫຼີມສະຫຼອງວັນລັດຖະສະພາໂລກປີນີ້, ຂ້າພະເຈົ້າຈຶ່ງຂໍຢ້ຳຄືນ ຖະແຫຼງການເຈນີວາ ວ່າດ້ວຍການທູດລັດຖະສະພາ: ສ້າງຂົວເຊື່ອມຕໍ່ ສູ່ສັນຕິພາບ ແລະ ຄວາມເຂົ້າອົກເຂົ້າໃຈ, ທີ່ໄດ້ຮັບຮອງໃນກອງປະຊຸມໃຫຍ່ IPU ຄັ້ງທີ 148 ໃນເດືອນມີນາ 2024 ຜ່ານມາ ເພື່ອເນັ້ນເຖິງບົດບາດສຳຄັນຂອງລັດຖະສະພາ ໃນການຈັດຕັ້ງປະຕິບັດວຽກງານການທູດ ໂດຍການເພີ່ມທະວີການພົວພັນ ແລະ ການຮ່ວມມືກັນ ເພື່ອຊຸກຍູ້ການປຶກສາຫາລືກ່ຽວກັບຂະບວນສັນຕິພາບ, ສົ່ງເສີມການແກ້ໄຂບັນຫາຂໍ້ຂັດແຍ່ງ ຜ່ານການພົບປະເຈລະຈາ ໂດຍສັນຕິວິທີ, ປະຕິບັດຕາມສົນທິສັນຍາ ແລະ ສັນຍາສາກົນ ຕາມຄວາມຮຽກຮ້ອງຂອງປະຊາຊົນ ທີ່ຮັກຫອມສັນຕິພາບ.ທີ່ສຳຄັນ, ໃນປີນີ້ ໃນຖານະທີ່ສະພາແຫ່ງຊາດລາວເຮົາ ເປັນປະທານສະມັດຊາລັດຖະສະພາລະຫວ່າງຊາດອາຊຽນ ຄັ້ງທີ 45, ພວກເຮົາຈະຕ້ອງໄດ້ເອົາໃຈໃສ່ເປັນເຈົ້າການ ປະສານສົມທົບກັບລັດຖະສະພາສະມາຊິກໄອປາອື່ນໆ, ລວມໄປເຖິງລັດຖະສະພາປະເທດສັງເກດການ ແລະ ຄູ່ຮ່ວມພັດທະນາ ຂອງໄອປາ ເພື່ອປຶກສາຫາລືກັນຢ່າງໃກ້ຊິດ ກ່ຽວກັບສິ່ງທ້າທາຍຕ່າງໆທີ່ພວມປະເຊີນໃນປັດຈຸບັນ ແລະ ພ້ອມກັນຊຸກຍູ້ສົ່ງເສີມການເຊື່ອມໂຍງ-ເຊື່ອມຈອດ ແລະ ການເຕີບໂຕແບບກວມລວມ, ຊຸກຍູ້ໃຫ້ລັດຖະບານຂອງປະເທດຕົນ ຈັດຕັ້ງປະຕິບັດບັນດາໂຄງການຮ່ວມມື ແລະ ແຜນດຳເນີນງານຕ່າງໆ ໃຫ້ບັນລຸເປົ້າໝາຍການສ້າງປະຊາຄົມອາຊຽນ ໃນປີ 2025 ເພື່ອນຳເອົາຜົນປະໂຫຍດ, ຄວາມສະຫງົບສຸກ, ການຢູ່ດີກິນດີ ແລະ ຄວາມຈະເລີນຮຸ່ງເຮືອງ ມາສູ່ປະຊາຊົນຂອງພວກເຮົາ.
ຈາກນັ້ນ, ໃນພິທີດັ່ງກ່າວ ຍັງໄດ້ຈັດໃຫ້ມີພິທີເປີດເວັບໄຊກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດອາຊຽນ (AIPA) ຄັ້ງທີ 45, ໃຫ້ກຽດເຂົ້າຮ່ວມໂດຍ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ມີບັນທ່ານ ຮອງປະທານສະພາແຫ່ງຊາດ, ບັນດາທ່ານຄະນະປະຈໍາ ສະພາແຫ່ງຊາດ, ບັນດາທ່ານສະມາຊິກສະພາແຫ່ງຊາດ ເຂົ້າຮ່ວມ.
ຂ່າວ-ພາບ: ແສງຈັນ
ໃນພິທີ, ທ່ານ ໄຊສົມພອນ ພົມວິຫານໄດ້ກ່າວບາງເນື້ອໃນທີ່ສໍາຄັນວ່າ:ມື້ນີ້, ເນື່ອງໃນໂອກາດວັນລັດຖະສະພາໂລກ ກໍຄື ວັນສ້າງຕັ້ງສະຫະພັນລັດຖະສະພາສາກົນ (IPU) ຄົບຮອບ 135ປີ (30 ມິຖຸຸນາ 1889-30 ມິຖຸນາ 2024) ໃນນາມປະທານສະພາແຫ່ງຊາດ ແລະ ປະທານສະຫະພັນລັດຖະສະພາສາກົນ ແຫ່ງ ສປປ ລາວ, ຂ້າພະເຈົ້າ ຂໍສະແດງຄວາມຊົມເຊີຍ ແລະ ອວຍພອນໄຊອັນປະເສີດ ໄປຍັງບັນດາການນໍາ, ສະມາຊິກລັດຖະສະພາທີ່ເປັນສະມາຊິກຂອງIPU ທຸກທົ່ວໜ້າ ແລະ ບັນດາທ່ານສະມາຊິກສະພາແຫ່ງຊາດ ຊຸດທີ IX ຂອງ ສປປ ລາວ ຢ່າງສຸດອົກສຸດໃຈ.
ສະຫະພັນລັດຖະສະພາສາກົນ ແມ່ນອົງການລັດຖະສະພາລະດັບໂລກ ທີ່ມີສະມາຊິກທັງໝົດ 180 ປະເທດ ແລະ ມີອົງການຈັດຕັ້ງສາກົນຫຼາຍກວ່າ 15ອົງການເປັນພາຄີ. ສະຫະພັນລັດຖະສະພາສາກົນ ມີຈຸດປະສົງເພື່ອເປັນເວທີສົ່ງເສີມການຕິດຕໍ່ພົວພັນ, ການປະສານງານ ແລະ ການແລກປ່ຽນປະສົບການລະຫວ່າງລັດຖະສະພາ ແລະ ສະມາຊິກລັດຖະສະພາສາບັນດາປະເທດໃນໂລກ, ພິຈາລະນາບັນຫາສຳຄັນຂອງໂລກ, ສົ່ງເສີມການປົກຄອງດ້ວຍລະບຽບກົດໝາຍ, ສົ່ງເສີມບົດບາດ ຍິງ-ຊາຍ ແລະ ຊາວໜຸ່ມ, ສົ່ງເສີມສັນຕິພາບ, ປະຊາທິປະໄຕ ແລະ ການພັດທະນາແບບຍືນຍົງ.
ນັບແຕ່ໄດ້ເຂົ້າເປັນສະມາຊິກສະຫະພັນລັດຖະສະພາສາກົນ ໃນວັນທີ 4 ເມສາ 1990ເປັນເວລາ 34 ປີ, ສະພາແຫ່ງຊາດລາວ ໄດ້ຕັ້ງໜ້າເຂົ້າຮ່ວມການເຄື່ອນໄຫວຢ່າງຫ້າວຫັນ ໃນກອງປະຊຸມໃຫຍ່ ແລະ ກອງປະຊຸມລະດັບຕ່າງໆຂອງສະຫະພັນລັດຖະສະພາສາກົນຊຶ່ງເປັນການເຜີຍແຜ່ນະໂຍບາຍ ແລະ ການພັດທະນາເສດຖະກິດ-ສັງຄົມ ຂອງ ສປປ ລາວ ຕໍ່ເວທີລັດຖະສະພາລະດັບໂລກ, ເຂົ້າຮ່ວມຄົ້ນຄວ້າ, ປຶກສາຫາລື ແລະ ສະແດງທັດສະນະທີ່ສ້າງສັນ ຕໍ່ການປົກປັກຮັກສາສັນຕິພາບ, ສະຖຽນລະພາບ ກໍຄືຄວາມໝັ້ນຄົງໃນພາກພື້ນ ແລະ ໃນໂລກ ຢ່າງເປັນເຈົ້າການ.
ເປັນທີ່ຮູ້ກັນດີແລ້ວວ່າ ໃນກອງປະຊຸມສະຫະພັນລັດຖະສະພາສາກົນ ຄັ້ງທີ 129 ແລະ ກອງປະຊຸມສະມັດຊາໃຫຍ່ສະຫະປະຊາຊາດໃນ 2018 ໄດ້ມີການຮັບຮອງເອົາມະຕິ ໂດຍໄດ້ກໍານົດເອົາວັນທີ 30 ມິຖຸນາ ຂອງທຸກປີ ເປັນວັນລັດຖະສະພາໂລກຂອງທຸກປະເທດສະມາຊິກ IPUເພື່ອເປັນການປະຕິບັດໜ້າທີ່ ໃນຖານະເປັນອົງການນິຕິບັນຍັດ, ອົງການຕົວແທນແຫ່ງສິດ-ຜົນປະໂຫຍດ ແລະ ຄວາມມຸ່ງມາດປາຖະໜາຂອງປະຊາຊົນ ທີ່ຄວາມຕ້ອງການຢາກຢູ່ດີກິນດີ ແລະ ປະກອບສ່ວນເຂົ້າໃນການສົ່ງເສີມສັນຕິພາບ, ສະຖຽນລະພາບ, ຄວາມໝັ້ນຄົງ ແລະ ການຮ່ວມມື ເພື່ອການພັດທະນາແບບຍືນຍົງ ໃນທົ່ວໂລກ.
ໃນປັດຈຸບັນ, ສະພາບການຂອງໂລກ ຍັງສືບຕໍ່ຜັນແປໄປຢ່າງສັບສົນສະຫຼັບສັບຊ້ອນ ມີທັງກາລະໂອກາດ ແລະ ສິ່ງທ້າທາຍຫຼາຍຢ່າງ. ດ້ວຍເຫດນີ້, ໃນການສະເຫຼີມສະຫຼອງວັນລັດຖະສະພາໂລກປີນີ້, ຂ້າພະເຈົ້າຈຶ່ງຂໍຢ້ຳຄືນ ຖະແຫຼງການເຈນີວາ ວ່າດ້ວຍການທູດລັດຖະສະພາ: ສ້າງຂົວເຊື່ອມຕໍ່ ສູ່ສັນຕິພາບ ແລະ ຄວາມເຂົ້າອົກເຂົ້າໃຈ, ທີ່ໄດ້ຮັບຮອງໃນກອງປະຊຸມໃຫຍ່ IPU ຄັ້ງທີ 148 ໃນເດືອນມີນາ 2024 ຜ່ານມາ ເພື່ອເນັ້ນເຖິງບົດບາດສຳຄັນຂອງລັດຖະສະພາ ໃນການຈັດຕັ້ງປະຕິບັດວຽກງານການທູດ ໂດຍການເພີ່ມທະວີການພົວພັນ ແລະ ການຮ່ວມມືກັນ ເພື່ອຊຸກຍູ້ການປຶກສາຫາລືກ່ຽວກັບຂະບວນສັນຕິພາບ, ສົ່ງເສີມການແກ້ໄຂບັນຫາຂໍ້ຂັດແຍ່ງ ຜ່ານການພົບປະເຈລະຈາ ໂດຍສັນຕິວິທີ, ປະຕິບັດຕາມສົນທິສັນຍາ ແລະ ສັນຍາສາກົນ ຕາມຄວາມຮຽກຮ້ອງຂອງປະຊາຊົນ ທີ່ຮັກຫອມສັນຕິພາບ.ທີ່ສຳຄັນ, ໃນປີນີ້ ໃນຖານະທີ່ສະພາແຫ່ງຊາດລາວເຮົາ ເປັນປະທານສະມັດຊາລັດຖະສະພາລະຫວ່າງຊາດອາຊຽນ ຄັ້ງທີ 45, ພວກເຮົາຈະຕ້ອງໄດ້ເອົາໃຈໃສ່ເປັນເຈົ້າການ ປະສານສົມທົບກັບລັດຖະສະພາສະມາຊິກໄອປາອື່ນໆ, ລວມໄປເຖິງລັດຖະສະພາປະເທດສັງເກດການ ແລະ ຄູ່ຮ່ວມພັດທະນາ ຂອງໄອປາ ເພື່ອປຶກສາຫາລືກັນຢ່າງໃກ້ຊິດ ກ່ຽວກັບສິ່ງທ້າທາຍຕ່າງໆທີ່ພວມປະເຊີນໃນປັດຈຸບັນ ແລະ ພ້ອມກັນຊຸກຍູ້ສົ່ງເສີມການເຊື່ອມໂຍງ-ເຊື່ອມຈອດ ແລະ ການເຕີບໂຕແບບກວມລວມ, ຊຸກຍູ້ໃຫ້ລັດຖະບານຂອງປະເທດຕົນ ຈັດຕັ້ງປະຕິບັດບັນດາໂຄງການຮ່ວມມື ແລະ ແຜນດຳເນີນງານຕ່າງໆ ໃຫ້ບັນລຸເປົ້າໝາຍການສ້າງປະຊາຄົມອາຊຽນ ໃນປີ 2025 ເພື່ອນຳເອົາຜົນປະໂຫຍດ, ຄວາມສະຫງົບສຸກ, ການຢູ່ດີກິນດີ ແລະ ຄວາມຈະເລີນຮຸ່ງເຮືອງ ມາສູ່ປະຊາຊົນຂອງພວກເຮົາ.
ຈາກນັ້ນ, ໃນພິທີດັ່ງກ່າວ ຍັງໄດ້ຈັດໃຫ້ມີພິທີເປີດເວັບໄຊກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດອາຊຽນ (AIPA) ຄັ້ງທີ 45, ໃຫ້ກຽດເຂົ້າຮ່ວມໂດຍ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ມີບັນທ່ານ ຮອງປະທານສະພາແຫ່ງຊາດ, ບັນດາທ່ານຄະນະປະຈໍາ ສະພາແຫ່ງຊາດ, ບັນດາທ່ານສະມາຊິກສະພາແຫ່ງຊາດ ເຂົ້າຮ່ວມ.
ຂ່າວ-ພາບ: ແສງຈັນ
