ໃນວັນທີ 12 ຕຸລາ ນີ້, ອົງການກວດສອບແຫ່ງລັດ ໄດ້ຈັດກອງປະຊຸມເຜີຍແຜ່ເຊື່ອມຊຶມ ແລະ ຜັນຂະຫຍາຍຜົນກອງປະຊຸມຄົບຄະນະກາງສະໄໝຂອງຄະນະບໍລິຫານງານ ສູນກາງພັກສະໄໝ XI ແລະ ບົດຄວາມເຫັນຊີ້ນໍາ ຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະທານປະເທດ ແຫ່ງ ສປປ ລາວ ຕໍ່ກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝXI.

ໃຫ້ກຽດເປັນປະທານ ແລະ ເຜີຍແຜ່ເອກະສານດັ່ງກ່າວ ໂດຍ ສະຫາຍ ເຄນ ລໍວັນໄຊ ຄະນະປະຈໍາພັກ ຮອງເລຂາຄະນະພັກ ປະທານກວດກາຄະນະພັກ ແລະ ສະຫາຍ ຕ້ອຍ ພົນທິລາດ ຄະນະປະຈໍາພັກ ຮອງປະທານອົງການກວດສອບແຫ່ງລັດ ເຂົ້າຮ່ວມຮັບຟັງມີບັນດາສະຫາຍຄະນະພັກ, ຄະນະໜ່ວຍພັກ, ພະນັກງານຫຼັກແຫຼ່ງ ແລະ ສະມາຊິກພັກພະນັກງານ-ລັດຖະກອນ ອົງການກວດສອບແຫ່ງລັດ ເຂົ້າຮ່ວມຮັບຟັງ.

ຈຸດປະສົງໃນການເຜີຍແຜ່ຄັ້ງນີ້ ກໍເພື່ອເຮັດໃຫ້ສະມະຊິກພັກ-ພະນັກງານ ໄດ້ຮັບຮູ້, ເຂົ້າໃຈ, ເຊື່ອມຊຶມ, ກໍາແໜ້ນຢ່າງເລິກເຊິ່ງ, ທົ່ວເຖິງ ແລະ ມີຄວາມເປັນເອກະພາບສູງຕໍ່ເນື້ອໃນດັ່ງກ່າວ, ຍົກສູງບົດບາດການນໍາພາຂອງພັກ, ການດໍາລົງຊີວິດ, ການກໍ່ສ້າງພັກ, ແຜນການນໍາພາຂອງພັກ ໃຫ້ມີປະສິດທິຜົນຍິ່ງຂຶ້ນກວ່າເກົ່າ ພ້ອມທັງນໍາເອົາໝາກຜົນຂອງກອງປະຊຸມຄົບຄະນະກາງສະໄໝ ຂອງຄະນະບໍລິຫານງານພັກແຕ່ລະສະໄໝນໍາໄປຜັນຂະຫຍາຍທີ່ຕິດພັນກັບການກະກຽມເນື້ອໃນ, ບຸຄາລາກອນ ແລະ ຂະ ບວນການຂອງກອງ ປະຊຸມໃຫຍ່ 3 ຂັ້ນ ຂອງພັກ ດ້ວຍຈິດໃຈບຸກທະລຸ ແລະ ຟົດຟື້ນ ທີ່ໄດ້ກໍານົດໄວ້ໃນມະຕິກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ຊຶ່ງໄດ້ຕີລາຄາຜົນການນໍາພາ-ຊີ້ນໍາ ການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກໄລຍະເຄິ່ງສະໄໝ, ບົດສໍາຫຼວດການນໍາພາລວມໃນໄລຍະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI, ຕີລາຄາ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ XI ໄລຍະເຄິ່ງສະໄໝຕິດພັນກັບການ ປະຕິບັດສອງວາລະແຫ່ງຊາດ ແລະ ທິດທາງແຜນການທ້າຍສະໄຫມ ຮອດປີ 2025, ມະຕິຕົກລົງວ່າດ້ວຍການສືບຕໍ່ສຸກຍູ້ແຮງການຜັນຂະຫຍາຍແນວທາງປ່ຽນແປງໃໝ່ ສູ່ລວງເລິກສ້າງການຫັນປ່ຽນທີ່ແຂງແຮງ, ເລິກ ເຊິ່ງ ແລະ ຮອບດ້ານ ໃນການນໍາພາຂອງພັກ ສະບັບເລກທີ 05/ຄບສພ ລົງວັນທີ 5 ກັນຍາ 2023 ແລະ ແຜນດໍາເນີນງານ ເພື່ອຜັນຂະຫຍາຍມະຕິວ່າດ້ວຍການສືບຕໍ່ຍູ້ແຮງການຜັນຂະຫຍາຍແນວທາງປ່ຽນ ແປງໃໝ່ສູ່ລວງເລິກ ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານໃນການນໍາພາຂອງພັກ.ນອກຈາກນັ້ນ, ໄດ້ສ່ອງແສງໃຫ້ເຫັນການສະຫຼຸບ, ກວດກາ, ທົບທວນ, ຕີລາຄາຄືນຄວາມ ຮັບຜິດຊອບທາງການເມືອງຂອງຄະນະບໍລິຫານງານສູນກາງພັກ ກໍຄືຂອງບັນດາກໍາມະການສູນກາງພັກ ໃນການນໍາພາ-ຊີ້ນໍາ-ບັນຊາການຈັດຕັ້ງປະຕິບັດວຽກງານໃນໄລຍະສະໄໝທີ່ຜ່ານມາ ເພື່ອເສີມຂະຫຍາຍຜົນງານກໍຄືຊອກໃຫ້ເຫັນບັນດາດ້ານທີ່ຍັງຈໍາກັດ, ຂໍ້ຄົງຄ້າງ, ສາເຫດອັດຕະວິໄສໃນຕົວ ແລະ ນອກຕົວ, ທາບທາມຄວາມເຊື່ອຫມັ້ນຄວາມໄວ້ວາງໃຈ, ການຕໍານິສົ່ງຂ່າວ ຂອງພະນັກງານຫຼັກແຫຼ່ງ ຕໍ່ການນໍາພາລວມຂອງຄະນະພັກແຕ່ລະຂັ້ນ, ຄວາມຮັບຜິດຊອບການເມືອງ ຂອງບັນດາສະຫາຍກໍາມະການສູນກາງພັກ, ກໍາມະການຄະນະບໍລິຫານງານພັກ ກໍຄືຜົນການດໍາເນີນຊີວິດການເມືອງພາຍໃນຄະນະບໍລິຫານງານພັກຂັ້ນຕ່າງໆໃນລະຍະກາງສະໄໝຜ່ານມາ ເພື່ອໃຫ້ບັນລຸຕາມຈຸດປະສົງ

ຂ່າວ: ອົງການກວດສອບແຫ່ງລັດ, ພາບ:ພູວຽງຄຳ