ກະຊວງພາຍໃນເຜີຍແຜ່ເອກະສານວຽກງານການເມືອງແນວຄິດ,ມອບໃບຢັ້ງຢືນໜ່ວຍພັກ ເຂັ້ມແຂງ, ໜັກແໜ້ນ ປະຈໍາປີ2023 ແລະ ມອບບັດໃຫ້ສະມາຊິກພັກສົມບູນຊຸດທີVI ຂຶ້ນໃນວັນທີ3 ກໍລະກົດ ຜ່ານມານີ້, ໂດຍການເປັນປະທານ ຂອງທ່ານ ວິໄລວົງ ບຸດດາຄໍາ ລັດຖະມົນຕີກະຊວງພາຍໃນ.
ເອກະສານທີ່ນໍາມາເຜີຍແຜ່ມີຍົກສູງຄວາມສາມາດນໍາພາ ແລະ ຄວາມເປັນແບບຢ່າງນໍາໜ້າຂອງສະມາຊິກພັກ, ຕັ້ງໜ້າຝຶກຝົນຫຼໍ່ຫຼອມ ຄຸນທາດການເມືອງ ແລະ ຄຸນສົມບັດສິນທຳປະຕິວັດ, ເດັດດ່ຽວແກ້ໄຂປະກົດການຫຍໍ້ທໍ້ ໃນຖັນແຖວພະນັກງານ- ສະມາຊິກພັກ, ຜ່ານແຜນການກະກຽມດຳເນີນກອງປະຊຸມໃຫຍ່ຜູ້ແທນຄັ້ງທີ III ຂອງອົງຄະນະພັກກະຊວງພາຍໃນ ສະບັບເລກທີ 01/ຄພພນ, ລົງວັນທີ 17 ມັງກອນ 2024, ຜ່ານຄຳແນະນຳການກະກຽມ ແລະ ດຳເນີກອງປະຊຸມໃຫຍ່ໜ່ວຍພັກ ແລະ ວຽກງານສໍາຄັນອື່ນໆ.
ໂອກາດນີ້, ທ່ານວິໄລວົງ ບຸດດາຄໍາມີຄໍາເຫັນ ພ້ອມທັງໂອ້ລົມ ວ່າ: ເອກະສານການກະກຽມແລະດໍາເນີນກອງປະຊຸມໃຫຍ່ຜູ້ແທນຄັ້ງທີIIIຂອງອົງຄະນະພັກກະຊວງພາຍໃນແລະກອງປະຊຸມໃຫຍ່ບັນດາໜ່ວຍພັກທີ່ເຜີຍແຜ່ໄປແລ້ວນັ້ນແມ່ນມີຄວາມສໍາຄັນຫຼາຍຕໍ່ການກະກຽມແລະດໍາເນີນກອງປະຊຸມໃຫຍ່, ເປັນບ່ອນອີງເຮັດໃຫ້ການດໍາເນີນກອງປະຊຸມໃຫຍ່ຮັບປະກັນປະສິດທິພາບແລະປະສິດທິຜົນ. ສະນັ້ນ, ສະເໜີໃຫ້ບັນດາສະຫາຍເອົາໃຈໃສ່ຄົ້ນຄວ້າ, ເຂົ້າໃຈຢ່າງເລິກເຊິ່ງຕໍ່ກັບຄວາມໝາຍ, ຄວາມສໍາຄັນຂອງກອງປະຊຸມໃຫຍ່; ກໍາແໜ້ນການຍົກສູງບົດບາດການນໍາພາຂອງພັກໃນວຽກງານຕ່າງໆ, ຝຶກຝົນຫຼໍ່ຫຼອມຕົນເອງດ້ານຄຸນທາດການເມືອງ, ຄຸນສົມບັດສິດທໍາປະຕິວັດ, ເດັດດ່ຽວແກ້ໄຂປະກົດການຫຍໍ້ທໍ້ຕ່າງໆ; ເສີມຂະຫຍາຍປະຊາທິປະໄຕ; ເປັນເຈົ້າການອຸທິດສະຕິປັນຍາແລະເຫື່ອແຮງເຂົ້າໃສ່ໜ້າທີ່ການເມືອງທີ່ໄດ້ຮັບມອບໝາຍ. ພ້ອມກັນນັ້ນ, ຈົ່ງນໍາເອົາເນື້ອໃນຕ່າງໆໄປຈັດຕັ້ງປະຕິບັດໃຫ້ຖືກຕ້ອງແລະເປັນເອກະພາບ.
ສ່ວນໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນກໍເປັນສິ່ງໜຶ່ງທີ່ສະແດງເຖິງນາມມະຍົດອັນລໍ້າຄ່າຂອງພັກໃນການນຳພາ-ຊີ້ນໍການຈັດຕັ້ງປະຕິບັດໜ້າທີ່ການເມືອງຂອງການຈັດຕັ້ງພັກແລະສະມາຊິກພັກໃນແຕ່ລະໄລຍະໂດຍສະເພາະແມ່ນການນຳພາຜັນຂະຫຍາຍແນວທາງນະໂຍບາຍຂອງພັກ, ກົດໝາຍຂອງລັດໄປພ້ອມໆກັບການຍົກສູງຄຸນນະພາບຂອງໜ່ວຍພັກແລະສະມາຊິກພັກໃຫ້ມີການຫັນປ່ຽນຢ່າງຕັ້ງໜ້າ, ປັບປຸງແບບແຜນວິທີເຮັດວຽກຂອງຄະນະໜ່ວຍພັກ. ສະມາຊິກທຸກສະຫາຍໄດ້ສຸມສະຕິປັນຍາ, ເຫື່ອແຮງເຂົ້າໃນການປະຕິບັດໜ້າທີ່ການເມືອງທີ່ໄດ້ຮັບມອບໝາຍສົມກັບເປັນແກນນໍາໃນລະບົບການເມືອງຢູ່ຂັ້ນຮາກຖານຢ່າງແທ້ຈິງ.
ສຳລັບສະມາຊິກພັກສົມບູນທີ່ມີເງື່ອນໄຂຮັບບັດສະມາຊິກພັກໃນຄັ້ງນີ້ແມ່ນມີຄວາມໝາຍສຳຄັນເພາະເປັນເອກະສານທີ່ຢັ້ງຢືນເຖິງຖານະນາມຂອງສະມາຊິກພັກປະຊາຊົນປະຕິວັດລາວທັງນຳໃຊ້ເຂົ້າໃນການເຄື່ອນໄຫວວຽກງານຂອງພັກຕາມທີ່ກຳນົດໄວ້ໃນກົດລະບຽບພັກເພື່ອຄຸ້ມຄອງສະມາຊິກພັກເຮັດໃຫ້ຄະນະພັກຂັ້ນຕ່າງໆສາມາດຕິດຕາມ, ກວດກາສະມາຊິກພັກໄດ້ງ່າຍ, ທັງເປັນການຄຸ້ມຄອງການຈັດຕັ້ງພັກແລະປ້ອງກັນພັກ, ສະກັດກັ້ນກຸ່ມຄົນທີ່ບໍ່ຫວັງດີສວຍໂອກາດປອມແປງ, ເລັດລອດເຂົ້າໃນການຈັດຕັ້ງພັກ. ສະນັ້ນ, ບັນດາສະຫາຍທີ່ໄດ້ຮັບບັດສະມາຊິກພັກໃນຄັ້ງນີ້ຈົ່ງພ້ອມກັນຮັກສາບັດດັ່ງກ່າວໄວ້ໃຫ້ດີແລະນຳໃຊ້ໃຫ້ຖືກເປົ້າໝາຍ, ຖືກຕ້ອງຕາມຫຼັກການເຊັ່ນ: ໃຊ້ແທນໃບຍົກຍ້າຍຮ່ວມຊີວິດພັກຊົ່ວຄາວບໍ່ເກີນ 6 ເດືອນ; ນຳໃຊ້ລົງປະຊາມະຕິຮັບຮອງໃນກອງປະຊຸມໃຫຍ່ຂອງພັກ.
ຄຽງຄູ່ກັບຜົນສຳເລັດໃນການນຳພາ-ຊີ້ນຳຂອງຄະນະໜ່ວຍພັກ, ສະມາຊິກພັກທີ່ໄດ້ກ່າວມາຂ້າງເທິງນັ້ນໃນຕໍ່ໜ້າໃຫ້ສຸມໃສ່ບາງຈຸດ ຄື:ຄະນະໜ່ວຍພັກ, ສະມາຊິກພັກຕ້ອງເອົາໃຈໃສ່ຄົ້ນຄວ້າເຊື່ອມຊຶມຄຳສັ່ງຂອງຄະນະເລຂາທິການສູນກາງພັກວ່າດ້ວຍການກະກຽມແລະດຳເນີນກອງປະຊຸມໃຫຍ່ 3 ຂັ້ນຂອງພັກ; ຄຳສັ່ງຂອງກົມການເມືອງສູນກາງພັກວ່າດ້ວຍການເພີ່ມທະວີກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຄໍາແນະນໍາຂອງອົງຄະນະພັກກະຊວງພາຍໃນແລະເອກະສານທີ່ກ່ຽວຂ້ອງໃຫ້ເລິກເຊິ່ງພ້ອມທັງຈັດຕັ້ງຜັນຂະຫຍາຍມາເປັນແຜນການ, ໂຄງການລະອຽດຂອງໜ່ວຍພັກຕົນແລະນຳໄປຈັດຕັ້ງປະຕິບັດໃຫ້ປະກົດຜົນເປັນຈິງ, ຄະນະໜ່ວຍພັກຕ້ອງໄດ້ເອົາໃຈໃສ່ສຶກສາອົບຮົມທາງດ້ານການເມືອງແນວຄິດໃຫ້ສະມາຊິກພັກ, ພະນັກງານ-ລັດຖະກອນຢູ່ໃນຄວາມຮັບຜິດຊອບຂອງຕົນ, ສ້າງໃຫ້ເຂົາເຈົ້າກຳໄດ້ແນວທາງນະໂຍບາຍຂອງພັກ, ໃຫ້ມີຄຸນທາດການເມືອງທີ່ໜັກແໜ້ນ, ມີຄຸນສົມບັດສິນທຳປະຕິວັດແລະມີຄວາມຈົງຮັກພັກດີຕໍ່ອຸດົມການຂອງພັກ, ທັງ 14 ໜ່ວຍທີ່ໄດ້ຮັບນາມມະຍົດເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນໃຫ້ສືບຕໍ່ຮັກສາມູນເຊື້ອແລະຜົນສຳເລັດທີ່ຍາດມາໄດ້ໄວ້ໃຫ້ໝັ້ນຄົງ, ສືບຕໍ່ບຸກໜ້າບືນຕົວໃຫ້ມີຜົນງານຍິ່ງໃຫຍ່ກວ່າເກົ່າ, ຊຸກຍູ້ສົ່ງເສີມແລະສ້າງເງື່ອນໄຂໃຫ້ສາມອົງການຈັດຕັ້ງມະຫາຊົນເພື່ອເປັນກຳລັງແຮງໃຫ້ໜ່ວຍພັກໃນການປະກອບສ່ວນເຂົ້າໃນວຽກງານກໍ່ສ້າງພັກຢ່າງຕັ້ງໜ້າແລະເຄື່ອນໄຫວຕາມພາລະບົດບາດຂອງຕົນຢ່າງແຂງແຮງພ້ອມທັງສ້າງຂະບວນການໃຫ້ຟົດຟື້ນແລະເອົາໃຈໃສ່ວຽກງານອື່ນໆ.
(ຂ່າວ-ພາບ: ແສງຈັນ)
ເອກະສານທີ່ນໍາມາເຜີຍແຜ່ມີຍົກສູງຄວາມສາມາດນໍາພາ ແລະ ຄວາມເປັນແບບຢ່າງນໍາໜ້າຂອງສະມາຊິກພັກ, ຕັ້ງໜ້າຝຶກຝົນຫຼໍ່ຫຼອມ ຄຸນທາດການເມືອງ ແລະ ຄຸນສົມບັດສິນທຳປະຕິວັດ, ເດັດດ່ຽວແກ້ໄຂປະກົດການຫຍໍ້ທໍ້ ໃນຖັນແຖວພະນັກງານ- ສະມາຊິກພັກ, ຜ່ານແຜນການກະກຽມດຳເນີນກອງປະຊຸມໃຫຍ່ຜູ້ແທນຄັ້ງທີ III ຂອງອົງຄະນະພັກກະຊວງພາຍໃນ ສະບັບເລກທີ 01/ຄພພນ, ລົງວັນທີ 17 ມັງກອນ 2024, ຜ່ານຄຳແນະນຳການກະກຽມ ແລະ ດຳເນີກອງປະຊຸມໃຫຍ່ໜ່ວຍພັກ ແລະ ວຽກງານສໍາຄັນອື່ນໆ.
ໂອກາດນີ້, ທ່ານວິໄລວົງ ບຸດດາຄໍາມີຄໍາເຫັນ ພ້ອມທັງໂອ້ລົມ ວ່າ: ເອກະສານການກະກຽມແລະດໍາເນີນກອງປະຊຸມໃຫຍ່ຜູ້ແທນຄັ້ງທີIIIຂອງອົງຄະນະພັກກະຊວງພາຍໃນແລະກອງປະຊຸມໃຫຍ່ບັນດາໜ່ວຍພັກທີ່ເຜີຍແຜ່ໄປແລ້ວນັ້ນແມ່ນມີຄວາມສໍາຄັນຫຼາຍຕໍ່ການກະກຽມແລະດໍາເນີນກອງປະຊຸມໃຫຍ່, ເປັນບ່ອນອີງເຮັດໃຫ້ການດໍາເນີນກອງປະຊຸມໃຫຍ່ຮັບປະກັນປະສິດທິພາບແລະປະສິດທິຜົນ. ສະນັ້ນ, ສະເໜີໃຫ້ບັນດາສະຫາຍເອົາໃຈໃສ່ຄົ້ນຄວ້າ, ເຂົ້າໃຈຢ່າງເລິກເຊິ່ງຕໍ່ກັບຄວາມໝາຍ, ຄວາມສໍາຄັນຂອງກອງປະຊຸມໃຫຍ່; ກໍາແໜ້ນການຍົກສູງບົດບາດການນໍາພາຂອງພັກໃນວຽກງານຕ່າງໆ, ຝຶກຝົນຫຼໍ່ຫຼອມຕົນເອງດ້ານຄຸນທາດການເມືອງ, ຄຸນສົມບັດສິດທໍາປະຕິວັດ, ເດັດດ່ຽວແກ້ໄຂປະກົດການຫຍໍ້ທໍ້ຕ່າງໆ; ເສີມຂະຫຍາຍປະຊາທິປະໄຕ; ເປັນເຈົ້າການອຸທິດສະຕິປັນຍາແລະເຫື່ອແຮງເຂົ້າໃສ່ໜ້າທີ່ການເມືອງທີ່ໄດ້ຮັບມອບໝາຍ. ພ້ອມກັນນັ້ນ, ຈົ່ງນໍາເອົາເນື້ອໃນຕ່າງໆໄປຈັດຕັ້ງປະຕິບັດໃຫ້ຖືກຕ້ອງແລະເປັນເອກະພາບ.
ສ່ວນໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນກໍເປັນສິ່ງໜຶ່ງທີ່ສະແດງເຖິງນາມມະຍົດອັນລໍ້າຄ່າຂອງພັກໃນການນຳພາ-ຊີ້ນໍການຈັດຕັ້ງປະຕິບັດໜ້າທີ່ການເມືອງຂອງການຈັດຕັ້ງພັກແລະສະມາຊິກພັກໃນແຕ່ລະໄລຍະໂດຍສະເພາະແມ່ນການນຳພາຜັນຂະຫຍາຍແນວທາງນະໂຍບາຍຂອງພັກ, ກົດໝາຍຂອງລັດໄປພ້ອມໆກັບການຍົກສູງຄຸນນະພາບຂອງໜ່ວຍພັກແລະສະມາຊິກພັກໃຫ້ມີການຫັນປ່ຽນຢ່າງຕັ້ງໜ້າ, ປັບປຸງແບບແຜນວິທີເຮັດວຽກຂອງຄະນະໜ່ວຍພັກ. ສະມາຊິກທຸກສະຫາຍໄດ້ສຸມສະຕິປັນຍາ, ເຫື່ອແຮງເຂົ້າໃນການປະຕິບັດໜ້າທີ່ການເມືອງທີ່ໄດ້ຮັບມອບໝາຍສົມກັບເປັນແກນນໍາໃນລະບົບການເມືອງຢູ່ຂັ້ນຮາກຖານຢ່າງແທ້ຈິງ.
ສຳລັບສະມາຊິກພັກສົມບູນທີ່ມີເງື່ອນໄຂຮັບບັດສະມາຊິກພັກໃນຄັ້ງນີ້ແມ່ນມີຄວາມໝາຍສຳຄັນເພາະເປັນເອກະສານທີ່ຢັ້ງຢືນເຖິງຖານະນາມຂອງສະມາຊິກພັກປະຊາຊົນປະຕິວັດລາວທັງນຳໃຊ້ເຂົ້າໃນການເຄື່ອນໄຫວວຽກງານຂອງພັກຕາມທີ່ກຳນົດໄວ້ໃນກົດລະບຽບພັກເພື່ອຄຸ້ມຄອງສະມາຊິກພັກເຮັດໃຫ້ຄະນະພັກຂັ້ນຕ່າງໆສາມາດຕິດຕາມ, ກວດກາສະມາຊິກພັກໄດ້ງ່າຍ, ທັງເປັນການຄຸ້ມຄອງການຈັດຕັ້ງພັກແລະປ້ອງກັນພັກ, ສະກັດກັ້ນກຸ່ມຄົນທີ່ບໍ່ຫວັງດີສວຍໂອກາດປອມແປງ, ເລັດລອດເຂົ້າໃນການຈັດຕັ້ງພັກ. ສະນັ້ນ, ບັນດາສະຫາຍທີ່ໄດ້ຮັບບັດສະມາຊິກພັກໃນຄັ້ງນີ້ຈົ່ງພ້ອມກັນຮັກສາບັດດັ່ງກ່າວໄວ້ໃຫ້ດີແລະນຳໃຊ້ໃຫ້ຖືກເປົ້າໝາຍ, ຖືກຕ້ອງຕາມຫຼັກການເຊັ່ນ: ໃຊ້ແທນໃບຍົກຍ້າຍຮ່ວມຊີວິດພັກຊົ່ວຄາວບໍ່ເກີນ 6 ເດືອນ; ນຳໃຊ້ລົງປະຊາມະຕິຮັບຮອງໃນກອງປະຊຸມໃຫຍ່ຂອງພັກ.
ຄຽງຄູ່ກັບຜົນສຳເລັດໃນການນຳພາ-ຊີ້ນຳຂອງຄະນະໜ່ວຍພັກ, ສະມາຊິກພັກທີ່ໄດ້ກ່າວມາຂ້າງເທິງນັ້ນໃນຕໍ່ໜ້າໃຫ້ສຸມໃສ່ບາງຈຸດ ຄື:ຄະນະໜ່ວຍພັກ, ສະມາຊິກພັກຕ້ອງເອົາໃຈໃສ່ຄົ້ນຄວ້າເຊື່ອມຊຶມຄຳສັ່ງຂອງຄະນະເລຂາທິການສູນກາງພັກວ່າດ້ວຍການກະກຽມແລະດຳເນີນກອງປະຊຸມໃຫຍ່ 3 ຂັ້ນຂອງພັກ; ຄຳສັ່ງຂອງກົມການເມືອງສູນກາງພັກວ່າດ້ວຍການເພີ່ມທະວີກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຄໍາແນະນໍາຂອງອົງຄະນະພັກກະຊວງພາຍໃນແລະເອກະສານທີ່ກ່ຽວຂ້ອງໃຫ້ເລິກເຊິ່ງພ້ອມທັງຈັດຕັ້ງຜັນຂະຫຍາຍມາເປັນແຜນການ, ໂຄງການລະອຽດຂອງໜ່ວຍພັກຕົນແລະນຳໄປຈັດຕັ້ງປະຕິບັດໃຫ້ປະກົດຜົນເປັນຈິງ, ຄະນະໜ່ວຍພັກຕ້ອງໄດ້ເອົາໃຈໃສ່ສຶກສາອົບຮົມທາງດ້ານການເມືອງແນວຄິດໃຫ້ສະມາຊິກພັກ, ພະນັກງານ-ລັດຖະກອນຢູ່ໃນຄວາມຮັບຜິດຊອບຂອງຕົນ, ສ້າງໃຫ້ເຂົາເຈົ້າກຳໄດ້ແນວທາງນະໂຍບາຍຂອງພັກ, ໃຫ້ມີຄຸນທາດການເມືອງທີ່ໜັກແໜ້ນ, ມີຄຸນສົມບັດສິນທຳປະຕິວັດແລະມີຄວາມຈົງຮັກພັກດີຕໍ່ອຸດົມການຂອງພັກ, ທັງ 14 ໜ່ວຍທີ່ໄດ້ຮັບນາມມະຍົດເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນໃຫ້ສືບຕໍ່ຮັກສາມູນເຊື້ອແລະຜົນສຳເລັດທີ່ຍາດມາໄດ້ໄວ້ໃຫ້ໝັ້ນຄົງ, ສືບຕໍ່ບຸກໜ້າບືນຕົວໃຫ້ມີຜົນງານຍິ່ງໃຫຍ່ກວ່າເກົ່າ, ຊຸກຍູ້ສົ່ງເສີມແລະສ້າງເງື່ອນໄຂໃຫ້ສາມອົງການຈັດຕັ້ງມະຫາຊົນເພື່ອເປັນກຳລັງແຮງໃຫ້ໜ່ວຍພັກໃນການປະກອບສ່ວນເຂົ້າໃນວຽກງານກໍ່ສ້າງພັກຢ່າງຕັ້ງໜ້າແລະເຄື່ອນໄຫວຕາມພາລະບົດບາດຂອງຕົນຢ່າງແຂງແຮງພ້ອມທັງສ້າງຂະບວນການໃຫ້ຟົດຟື້ນແລະເອົາໃຈໃສ່ວຽກງານອື່ນໆ.
(ຂ່າວ-ພາບ: ແສງຈັນ)
