ສູນກາງແນວລາວສ້າງຊາດ (ສນຊ) ໄດ້ຈັດກອງປະຊຸມຄະນະປະຈໍາ ສນຊ ເປີດກ້ວາງ ຄັ້ງທີ 3 ສະໄໝທີ XI ຂຶ້ນໃນວັນທີ 11 ກໍລະກົດ ນີ້ ທີ່ ສນຊ ໂດຍການເປັນປະທານ ແລະ ກ່າວເປີດຂອງທ່ານນາງ ອິນລາວັນ ແກ້ວບຸນພັນ ຮອງປະທານ ສນຊ, ມີ ທ່ານ ຄໍາໄຫຼ ສີປະເສີດ ຮອງປະທານຜູ້ປະຈໍາການ ສນຊ, ມີບັນດາທ່ານຮອງປະທານ, ຄະນະປະຈຳ ແລະ ກຳມະການ ສນຊ ພ້ອມດ້ວຍບັນດາທ່ານ ທີ່ປຶກສາ ແລະ ຄູ່ຮ່ວມງານວຽກງານຕ່າງໆ, ຄະນະປະຈຳແນວລາວສ້າງຊາດແຂວງ-ນະຄອນຫຼວງ ແບບເຊິ່ງໜ້າ ແລະ ທາງໄກ.     
ກອງປະຊຸມຄັ້ງນີ້ ບັນດາຜູ້ແທນທີ່ເຂົ້າຮ່ວມຈະໄດ້ພ້ອມກັນລົງເລິກພິຈາລະນາ ບັນດາບັນຫາສຳຄັນ ຂອງວຽກງານແນວໂຮມດັ່ງນີ້:  ຕີລາຄາວຽກງານແນວລາວສ້າງຊາດ 6 ເດືອນຕົ້ນປີ ແລະ ແຜນວຽກ 6 ເດືອນທ້າຍປີ; ເຜີຍແຜ່ ແລະ ເຊື່ອມຊຶມມະຕິໃໝ່ຂອງພັກ-ລັດ ຖະບານ ແລະ ສະພາແຫ່ງຊາດ, ອັນສຳຄັນແມ່ນຈະໄດ້ຄົ້ນຄວ້າຜັນຂະຫຍາຍມາເປັນຂອງ ແນວລາວສ້າງຊາດ; ປືກສາຫາລືວຽກງານພົ້ນເດັ່ນທາງສັງຄົມຕາມການສ່ອງແສງຂອງປະ ຊາຊົນຊັ້ນຄົນຕ່າງໆ; ປືກສາຫາລືແຜນວຽກຂະບວນການແຂ່ງຂັນຮັກຊາດ ແລະ ພັດທະ ນາ; ກອງປະຊຸມຄັ້ງນີ້ກົງກັບວັນເກີດ ຂອງປະທານ ສຸພານຸວົງ ຊຶ່ງເປັນຜູ້ນຳທີ່ດີເດັ່ນຂອງພັກ-ລັດ, ເປັນປະທານສູນກາງແນວລາວສ້າງຊາດທຸກສະ      ໄໝ. ໃນໂອກາດດັ່ງກ່າວ, ຜູ້ເຂົ້າຮ່ວມກໍຈະໄດ້ພ້ອມກັນລະນຶກວັນເກີດທ່ານປະທານ ສຸພານຸວົງ ຄົບຮອບ 115 ປີ. ໂດຍການຮ່ຳຮຽນເອົາຄຸນສົມບັດສິນທຳປະຕິວັດຂອງເພິ່ນຕື່ມອີກ. ກອງປະຊຸມຈະໄດ້ພິຈາລະນາຕົກລົງຫຼາຍເນື້ອໃນສຳຄັນ ທີ່ມີລັກ ສະນະຜັນຂະຫຍາຍຢ່າງຕັ້ງໜ້າ ບັນດາມະຕິໃໝ່ຂອງພັກ-ລັດຖະບານ ແລະ ສະພາແຫ່ງຊາດ ແລະ ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງແນວລາວສ້າງຊາດ ກໍຄືແຜນພັດທະ ນາອົງການແນວລາວສ້າງຊາດໃນໄລຍະທ້າຍສະ ໄໝ. 
ໂອກາດນີ້, ທ່ານປະ ທານກອງປະຊຸມໄດ້ຮຽກຮ້ອງມາຍັງບັນດາທ່ານຜູ້ແທນທີ່ເຂົ້າຮ່ວມ ຈົ່ງໄດ້ເສີມຂະຫຍາຍຫົວຄິດປະດິດສ້າງ ແລະ ເຊີດຊູຄວາມຮັບຜິດ ຊອບການເມືອງຂອງຕົນ ໃນການສຸມສະຕິປັນຍາເຂົ້າໃສ່ການຄົ້ນຄວ້າຢ່າງເລິກເຊິ່ງ ປະກອບຄຳເຫັນຕໍ່ທຸກບັນຫາຢ່າງຖີ່ຖ້ວນ, ສ້າງສັນ, ພາວະວິໄສ, ມີເຫດຜົນ, ແທດຕົວຈິງ, ຮັດກຸມ ບົນພື້ນ ຖານແນວທາງປ່ຽນ ແປງໃໝ່ຂອງພັກ, ລັດຖະທຳມະນູນ, ກົດໝາຍຂອງລັດ ແລະ ສະພາບຄວາມເປັນຈິງທາງດ້ານເສດຖະກິດ-ສັງຄົມໃນປັດຈຸບັນ. 
ຂ່າວ: ຍຸພິນທອງ