ກອງປະຊຸມສະໄໝສາມັນ ເທື່ອທີ 7 ຂອງສະພາປະຊາຊົນແຂວງ(ສພຂ)ບໍ່ແກ້ວຊຸດທີ II ຈະຈັດຂຶ້ນໃນລະຫວ່າງວັນທີ 30-31 ກໍລະກົດນີ້, ທີ່ ສະພາປະຊາຊົນແຂວງບໍ່ແກ້ວ, ຊຶ່ງຈະໄດ້ພິຈາລະນາ ແລະ ຮັບຮອງເອົາຫຼາຍບັນຫາສໍາຄັນພື້ນຖານຂອງແຂວງ ເປັນຕົ້ນການສະເໜີແຕ່ງຕັ້ງ ບຸກຄະລາກອນຂອງສານປະຊາຊົນແຂວງ ຕາມການສະເໜີຂອງຄະນະປະຈໍາສະພາປະຊາຊົນແຂວງບໍ່ແກ້ວ; ບົດລາຍງານຂອງອົງການປົກຄອງແຂວງ ກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ 6 ເດືອນຕົ້ນປີແລະ ທິດທາງແຜນການ 6 ເດືອນທ້າຍປີ 2024 ຂອງແຂວງ; ບົດລາຍງານຂອງອົງການປົກຄອງແຂວງ ກ່ຽວກັບການຈັດຕັ້ງປະຕິບັດ ແຜນການລົງທຶນ ປະຈໍາ 6 ເດືອນຕົ້ນປີ ແລະ ແຜນການລົງທຶນ ປະຈໍາ 6 ເດືອນທ້າຍປີ 2024 ຂອງແຂວງ.
ທ່ານ ບຸນພັດ ສີສົມບັດ ເລຂາທິການສະພາປະຊາຊົນແຂວງ, ຫົວໜ້າກອງເລຂາກອງປະຊຸມ ໃຫ້ສໍາພາດເມື່ອບໍ່ດົນມານີ້ວ່າ:ໃນກອງປະຊຸມດັ່ງກ່າວ ຍັງຈະໄດ້ຮັບຟັງການລາຍງານ ກ່ຽວກັບການຈັດຕັ້ງປະຕິບັດບັນດາຄາດໝາຍ ການພັດທະນາຊົນນະບົດ ແລະ ແກ້ໄຂຄວາມທຸກຍາກ ໃນໄລຍະຜ່ານມາ ແລະ ທິດທາງແຜນການປີ 2024; ບົດລາຍງານກ່ຽວກັບການຈັດຕັ້ງປະຕິບັດ ແຜນການເຄື່ອນໄຫວວຽກງານ ຂອງຄະນະປະຈໍາສະພາປະຊາຊົນແຂວງ ຊຸດທີ II ໃນລະຫວ່າງ ກອງປະຊຸມສະໄໝສາມັນ ເທື່ອທີ 6 ຫາ ເທື່ອທີ 7 ແລະ ທິດທາງແຜນການຮອດກອງປະຊຸມສະໄໝສາມັນ ເທື່ອທີ 8 ຂອງສະພາປະຊາຊົນ ແຂວງບໍ່ແກ້ວ ຊຸດທີ II; ຮັບຟັງການປະກອບຄໍາເຫັນ ຂອງຄະນະປະຈໍາສະພາປະຊາຊົນແຂວງ ຕໍ່ບົດລາຍງານ ຂອງອົງການປົກຄອງແຂວງ; ພ້ອມນີ້, ກໍຮັບຟັງການຊີ້ແຈ້ງ ຈາກພາກສ່ວນກ່ຽວຂ້ອງ ຕາມການຊັກຖາມເຈາະຈີ້ມ ຂອງຄະນະປະຈໍາສະພາປະຊົນແຂວງ ກ່ຽວກັບບັນຫາທີ່ພົ້ນເດັ່ນຂອງແຂວງ ທີ່ສັງຄົມມີຄວາມສົນໃຈ ເປັນຕົ້ນ ການຈັດຕັ້ງປະຕິບັດຄໍາຕັດສິນຂອງສານ ທີ່ໃຊ້ໄດ້ຢ່າງເດັດຂາດ ໃນໄລຍະ 6 ເດືອນຕົ້ນປີ ໄດ້ຈັດຕັ້ງປະຕິບັດ, ຂໍ້ຫຍຸ້ງຍາກ ແລະ ທິດທາງແຜນການ 6 ເດືອນທ້າຍປີ 2024, ວິທີ ແລະ ມາດຕະການແກ້ໄຂ ຈາກພະແນກຍຸຕິທໍາແຂວງ; ການແກ້ໄຂປະກົດການຫຍໍ້ທໍ້, ການມົ້ວສຸມສິ່ງເສບຕິດ ເຊັ່ນ: ນໍ້າກະທ່ອມ, ຄໍລາເຈນ, ຢາສູບໄຟຟ້າ ທີ່ເກີດຂຶ້ນໃນສັງຄົມປັດຈຸບັນ ໃນກຸ່ມຊາວໜຸ່ມ-ໄວໜຸ່ມ ໃນໄລຍະ 6 ເດືອນຕົ້ນປີ, ວິທີການ ແລະ ມາດຕະການແກ້ໄຂ ຈາກກອງບັນຊາການປ້ອງກັນຄວາມສະຫງົບແຂວງ; ການຄຸ້ມຄອງ ແລະ ນໍາໃຊ້ກອງທຶນທາງ ໂດຍສະເພາະການຈັດສັນງົບປະມານກໍ່ສ້າງ ແລະ ສ້ອມແປງເສັ້ນທາງ, ການຈັດຕັ້ງປະຕິບັດ, ຂໍ້ສະດວກ, ຂໍ້ຫຍຸ້ງຍາກ, ມາດຕະການແກ້ໄຂ ຂອງໂຄງການກໍ່ສ້າງ ແລະ ສ້ອມແປງເສັ້ນທາງທີ່ໄດ້ຮັບອະນຸມັດ ແຕ່ປີ 2023-2024 ຈາກພະແນກໂຍທາທິການ ແລະ ຂົນສົ່ງແຂວງ; ວິທີການແກ້ໄຂ ກ່ຽວກັບສະພາບການກະກຽມຄວາມພ້ອມ ແກ່ການເປີດສົກຮຽນໃໝ່ 2024-2025 ໃນສະພາບທີ່ຂາດແຄນຄູສອນ, ນັກຮຽນປະລະການຮຽນ ຈາກພະແນກສຶກສາທິການ ແລະ ກິລາແຂວງ; ນອກຈາກນີ້, ຈະໄດ້ຮັບຟັງ ກ່ຽວກັບວຽກງານຄຸ້ມຄອງ ແລະ ນໍາໃຊ້ກອງທຶນປະກັນສຸຂະພາບແຫ່ງຊາດ ໄລຍະ 6 ເດືອນ ຕົ້ນປີ 2024 ພ້ອມທັງຂໍ້ສະດວກ, ຂໍ້ຫຍຸງຍາກ ແລະ ວິທິການແກ້ໄຂໃນ 6 ເດືອນທ້າຍປີ ຈາກພະແນກສາທາລະນະສຸກແຂວງ; ການຄຸ້ມຄອງບັນດາຮ້ານບັນເທີງ, ຮ້ານກິນດື່ມ, ຮ້ານຄາຣາໂອເກະ ຕິດພັນກັບການແກ້ໄຂປະກົດການຫຍໍ້ທໍ້ ໄລຍະ 6 ເດືອນຕົ້ນປີແລະ ທິດທາງແກ້ໄຂໃນ 6 ເດືອນທ້າຍປີ 2024 ພ້ອມທັງເງື່ອນໄຂ, ຂໍ້ສະດວກ, ຜົນສໍາເລັດ ແລະ ຂໍ້ຫຍຸ້ງຍາກ ການເປີດປີທ່ອງທ່ຽວລາວ 2024 ຢູ່ແຂວງບໍ່ແກ້ວ ຈາກພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງ.
ການດໍາເນີນກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນແຂວງບໍ່ແກ້ວ ຊຸດທີ II ໃນຄັ້ງນີ້ ສາມາດຕິດຕາມ ຮັບຊົມ, ຮັບຟັງຜ່ານທາງເຟສບຸກ ຂອງສະຖານີວິທະຍຸ-ໂທລະພາບແຂວງບໍ່ແກ້ວ ແລະ ລະບົບໂທລະໂຄ່ງຂອງແຂວງ ໃນແຕ່ລະມື້. ສຳລັບສາຍດ່ວນ ຂອງສະພາປະຊາຊົນ ແຂວງບໍ່ແກ້ວ ເບີ: 084 156 (ບໍ່ໄດ້ເສຍຄ່າບໍລິການ).(ຂ່າວ: ຄໍາເພັງ ສີສະຫວ່າງ)
ທ່ານ ບຸນພັດ ສີສົມບັດ ເລຂາທິການສະພາປະຊາຊົນແຂວງ, ຫົວໜ້າກອງເລຂາກອງປະຊຸມ ໃຫ້ສໍາພາດເມື່ອບໍ່ດົນມານີ້ວ່າ:ໃນກອງປະຊຸມດັ່ງກ່າວ ຍັງຈະໄດ້ຮັບຟັງການລາຍງານ ກ່ຽວກັບການຈັດຕັ້ງປະຕິບັດບັນດາຄາດໝາຍ ການພັດທະນາຊົນນະບົດ ແລະ ແກ້ໄຂຄວາມທຸກຍາກ ໃນໄລຍະຜ່ານມາ ແລະ ທິດທາງແຜນການປີ 2024; ບົດລາຍງານກ່ຽວກັບການຈັດຕັ້ງປະຕິບັດ ແຜນການເຄື່ອນໄຫວວຽກງານ ຂອງຄະນະປະຈໍາສະພາປະຊາຊົນແຂວງ ຊຸດທີ II ໃນລະຫວ່າງ ກອງປະຊຸມສະໄໝສາມັນ ເທື່ອທີ 6 ຫາ ເທື່ອທີ 7 ແລະ ທິດທາງແຜນການຮອດກອງປະຊຸມສະໄໝສາມັນ ເທື່ອທີ 8 ຂອງສະພາປະຊາຊົນ ແຂວງບໍ່ແກ້ວ ຊຸດທີ II; ຮັບຟັງການປະກອບຄໍາເຫັນ ຂອງຄະນະປະຈໍາສະພາປະຊາຊົນແຂວງ ຕໍ່ບົດລາຍງານ ຂອງອົງການປົກຄອງແຂວງ; ພ້ອມນີ້, ກໍຮັບຟັງການຊີ້ແຈ້ງ ຈາກພາກສ່ວນກ່ຽວຂ້ອງ ຕາມການຊັກຖາມເຈາະຈີ້ມ ຂອງຄະນະປະຈໍາສະພາປະຊົນແຂວງ ກ່ຽວກັບບັນຫາທີ່ພົ້ນເດັ່ນຂອງແຂວງ ທີ່ສັງຄົມມີຄວາມສົນໃຈ ເປັນຕົ້ນ ການຈັດຕັ້ງປະຕິບັດຄໍາຕັດສິນຂອງສານ ທີ່ໃຊ້ໄດ້ຢ່າງເດັດຂາດ ໃນໄລຍະ 6 ເດືອນຕົ້ນປີ ໄດ້ຈັດຕັ້ງປະຕິບັດ, ຂໍ້ຫຍຸ້ງຍາກ ແລະ ທິດທາງແຜນການ 6 ເດືອນທ້າຍປີ 2024, ວິທີ ແລະ ມາດຕະການແກ້ໄຂ ຈາກພະແນກຍຸຕິທໍາແຂວງ; ການແກ້ໄຂປະກົດການຫຍໍ້ທໍ້, ການມົ້ວສຸມສິ່ງເສບຕິດ ເຊັ່ນ: ນໍ້າກະທ່ອມ, ຄໍລາເຈນ, ຢາສູບໄຟຟ້າ ທີ່ເກີດຂຶ້ນໃນສັງຄົມປັດຈຸບັນ ໃນກຸ່ມຊາວໜຸ່ມ-ໄວໜຸ່ມ ໃນໄລຍະ 6 ເດືອນຕົ້ນປີ, ວິທີການ ແລະ ມາດຕະການແກ້ໄຂ ຈາກກອງບັນຊາການປ້ອງກັນຄວາມສະຫງົບແຂວງ; ການຄຸ້ມຄອງ ແລະ ນໍາໃຊ້ກອງທຶນທາງ ໂດຍສະເພາະການຈັດສັນງົບປະມານກໍ່ສ້າງ ແລະ ສ້ອມແປງເສັ້ນທາງ, ການຈັດຕັ້ງປະຕິບັດ, ຂໍ້ສະດວກ, ຂໍ້ຫຍຸ້ງຍາກ, ມາດຕະການແກ້ໄຂ ຂອງໂຄງການກໍ່ສ້າງ ແລະ ສ້ອມແປງເສັ້ນທາງທີ່ໄດ້ຮັບອະນຸມັດ ແຕ່ປີ 2023-2024 ຈາກພະແນກໂຍທາທິການ ແລະ ຂົນສົ່ງແຂວງ; ວິທີການແກ້ໄຂ ກ່ຽວກັບສະພາບການກະກຽມຄວາມພ້ອມ ແກ່ການເປີດສົກຮຽນໃໝ່ 2024-2025 ໃນສະພາບທີ່ຂາດແຄນຄູສອນ, ນັກຮຽນປະລະການຮຽນ ຈາກພະແນກສຶກສາທິການ ແລະ ກິລາແຂວງ; ນອກຈາກນີ້, ຈະໄດ້ຮັບຟັງ ກ່ຽວກັບວຽກງານຄຸ້ມຄອງ ແລະ ນໍາໃຊ້ກອງທຶນປະກັນສຸຂະພາບແຫ່ງຊາດ ໄລຍະ 6 ເດືອນ ຕົ້ນປີ 2024 ພ້ອມທັງຂໍ້ສະດວກ, ຂໍ້ຫຍຸງຍາກ ແລະ ວິທິການແກ້ໄຂໃນ 6 ເດືອນທ້າຍປີ ຈາກພະແນກສາທາລະນະສຸກແຂວງ; ການຄຸ້ມຄອງບັນດາຮ້ານບັນເທີງ, ຮ້ານກິນດື່ມ, ຮ້ານຄາຣາໂອເກະ ຕິດພັນກັບການແກ້ໄຂປະກົດການຫຍໍ້ທໍ້ ໄລຍະ 6 ເດືອນຕົ້ນປີແລະ ທິດທາງແກ້ໄຂໃນ 6 ເດືອນທ້າຍປີ 2024 ພ້ອມທັງເງື່ອນໄຂ, ຂໍ້ສະດວກ, ຜົນສໍາເລັດ ແລະ ຂໍ້ຫຍຸ້ງຍາກ ການເປີດປີທ່ອງທ່ຽວລາວ 2024 ຢູ່ແຂວງບໍ່ແກ້ວ ຈາກພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງ.
ການດໍາເນີນກອງປະຊຸມສະໄໝສາມັນເທື່ອທີ 7 ຂອງສະພາປະຊາຊົນແຂວງບໍ່ແກ້ວ ຊຸດທີ II ໃນຄັ້ງນີ້ ສາມາດຕິດຕາມ ຮັບຊົມ, ຮັບຟັງຜ່ານທາງເຟສບຸກ ຂອງສະຖານີວິທະຍຸ-ໂທລະພາບແຂວງບໍ່ແກ້ວ ແລະ ລະບົບໂທລະໂຄ່ງຂອງແຂວງ ໃນແຕ່ລະມື້. ສຳລັບສາຍດ່ວນ ຂອງສະພາປະຊາຊົນ ແຂວງບໍ່ແກ້ວ ເບີ: 084 156 (ບໍ່ໄດ້ເສຍຄ່າບໍລິການ).(ຂ່າວ: ຄໍາເພັງ ສີສະຫວ່າງ)
