ຄະນະກຳມະການລະດັບຊາດ ຈັດກອງປະຊຸມປະເມີນຜົນການຈັດຕັ້ງປະຕິບັດ ລັດຖະທຳມະນູນແຫ່ງ ສປປ ລາວ ສະບັບປີ 2015 ໃນວັນທີ 29 ກໍລະກົດ 2024 ທີ່ແຂວງອັດຕະປື ໂດຍເປັນປະທານຂອງ ທ່ານ ລາວປ່າວຊົ່ງ ນະວົງໄຊ ກຳມະການສູນກາງພັກ, ຮອງຫົວໜ້າໂຄສະນາອົບຮົມສູນກາງພັກ, ຄະນະກໍາມະການລະດັບຊາດປັບປຸງລັດຖະທໍາມະນູນ, ມີການນຳຂອງແຂວງ, ຫົວໜ້າ-ຮອງຫົວໜ້າພະແນກການຂັ້ນແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ມະນີໂສ ຊາມົນຕີ ຮອງປະທານກຳມະການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ, ສະມາ ຊິກສະພາແຫ່ງຊາດ ເຂດເລືອກຕັ້ງ 17 ໄດ້ລາຍງານການຈັດຕັ້ງປະຕິບັດການປະເມີນຜົນລັດຖະທໍາມະນູນ ສະບັບປີ 2015 ມາຮອດປັດຈຸບັນ ເຊິ່ງນັບວ່າເປັນເວລາ 9 ປີແລ້ວ, ລັດຖະທໍາມະນູນ ສະບັບປີ 2015 ໄດ້ເປັນກົດໝາຍແມ່ພື້ນຖານສໍາຄັນ ຂອງປະເທດຊາດ, ເປັນບ່ອນອີງແກ່ການສຶກສາ ແລະປັບປຸງບັນດາກົດໝາຍ ເພື່ອເປັນເຄື່ອງມືໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມດ້ວຍກົດໝາຍ ເຊິ່ງຈຸດປະສົງຂອງກອງປະຊຸມຄັ້ງນີ້ ແມ່ນເພື່ອສະຫຼຸບຕີລາຄາການຈັດຕັ້ງປະຕິບັດລັດຖະທໍາມະນູນ ໃນໄລຍະເກືອບ 10 ປີທີ່ຜ່ານມາ ໃຫ້ແຕ່ລະອົງການຈັດຕັ້ງ ພັກ-ລັດ ເຫັນໄດ້ຂໍ້ສະດວກ, ຂໍ້ຫຍຸ້ງຍາກ, ຜົນສຳເລັດ, ບັນຫາຄົງຄ້າງ ພ້ອມທັງສາເຫດ, ບົດບັນ ຍັດທີ່ສອດຄ່ອງ ຫລື ບໍ່ສອດຄ່ອງ, ບົດຮຽນ ແລະ ບັນຫາຕັ້ງຂຶ້ນ ເພື່ອເປັນຂໍ້ມູນໃຫ້ແກ່ຄະນະກຳມະການຄົ້ນຄວ້າ, ປັບປຸງເນື້ອໃນຂອງລັດຖະທຳມະນູນ ສະບັບປີ 2015 ໃຫ້ຖືກຕ້ອງ, ຄົບຖ້ວນ, ສອດຄ່ອງ, ຮັດກຸມ ແລະ ສາມາດຈັດຕັ້ງປະຕິບັດປາກົດຜົນເປັນຈິງໄດ້.
ໃນກອງປະຊຸມ, ບັນດາຜູ້ຕາງໜ້າອົງການປົກຄອງແຂວງ, ຂະແໜງການກ່ຽວຂ້ອງແຕ່ລະອົງການຈັດຕັ້ງຂອງແຂວງ ໄດ້ປະກອບຄໍາເຫັນ ແລະ ໄດ້ສຸມໃສ່ຄົ້ນຄວ້າຕໍ່ແຕ່ລະເນື້ອໃນຂອງລັດຖະທຳມະນູນ ຢ່າງມີຈຸດສຸມ ເຊິ່ງເຊື່ອໝັ້ນວ່າຈະເປັນຂໍ້ມູນສຳຄັນໃຫ້ແກ່ຄະນະຮັບຜິດຊອບ ນຳໄປຄົ້ນຄວ້າ, ວິເຄາະວິໄຈ ປັບປຸງຄືນ ເພື່ອເຮັດໃຫ້ລັດຖະທຳມະນູນດັ່ງກ່າວ ມີເນື້ອໃນຄົບຖ້ວນ, ສາມາດຈັດຕັ້ງປະຕິບັດດ້ວຍຄຸນນະພາບ, ມີຄວາມສັກສິດສູງຂຶ້ນ, ສັງຄົມມີຄວາມສະຫງົບ, ປະຊາທິປະໄຕ, ຍຸຕິທຳ, ສີວິໄລ ແລະ ນໍາໃຊ້ໄດ້ຢ່າງສອດຄ່ອງ ກັບສະພາບການພັດທະນາໃນໄລຍະໃໝ່.
ໂອກາດນີ້, ທ່ານ ລາວປ່າວຊົ່ງ ນະວົງໄຊ ກໍໄດ້ຮຽກຮ້ອງ ໃຫ້ຜູ້ເຂົ້າຮ່ວມເອົາຜົນຂອງກອງປະຊຸມຄັ້ງນີ້ ລາຍງານຫຼື ແຈ້ງໃຫ້ຄະນະນໍາ ແລະ ພະນັກງານວິຊາການຂອງຕົນໄດ້ຮັບຊາບ, ພ້ອມທັງສືບຕໍ່ນໍາພາສະມາຊິກພັກ, ພະນັກງານ, ລັດຖະກອນໃນອົງການ ຂອງຕົນຄົ້ນຄວ້າສະເໜີຄໍາເຫັນຕໍ່ການປັບປຸງລັດຖະທຳມະນູນ ຕາມຄໍາຖາມເຈາະຈີ້ມ ແລ້ວລາຍງານໃຫ້ສະພາປະຊາຊົນແຂວງ ເພື່ອຈະໄດ້ສັງລວມສົ່ງມາຍັງກອງເລຂາ ກໍຄື ຄະນະຮັບຜິດຊອບປັບປຸງລັດຖະທຳມະນູນລະດັບຊາດ ໄດ້ເປັນຂໍ້ມູນເພື່ອນໍາມາຄົ້ນຄວ້າ, ປະກອບຄໍາເຫັນຕໍ່ຮ່າງລັດຖະທຳມະນູນ ສະບັບປັບປຸງ ເພື່ອສືບຕໍ່ກະກຽມໃຫ້ແກ່ການນຳອອກທາບທາມຄວາມເຫັນ ປັບປຸງຄືນໃນຕົ້ນປີ 2025 ແລະ ສຳເລັດຕາມແຜນທຸກປະການ.
ຂ່າວ: ໄພບູນ
ທ່ານ ມະນີໂສ ຊາມົນຕີ ຮອງປະທານກຳມະການເສດຖະກິດ, ເຕັກໂນໂລຊີ ແລະ ສິ່ງແວດລ້ອມ, ສະມາ ຊິກສະພາແຫ່ງຊາດ ເຂດເລືອກຕັ້ງ 17 ໄດ້ລາຍງານການຈັດຕັ້ງປະຕິບັດການປະເມີນຜົນລັດຖະທໍາມະນູນ ສະບັບປີ 2015 ມາຮອດປັດຈຸບັນ ເຊິ່ງນັບວ່າເປັນເວລາ 9 ປີແລ້ວ, ລັດຖະທໍາມະນູນ ສະບັບປີ 2015 ໄດ້ເປັນກົດໝາຍແມ່ພື້ນຖານສໍາຄັນ ຂອງປະເທດຊາດ, ເປັນບ່ອນອີງແກ່ການສຶກສາ ແລະປັບປຸງບັນດາກົດໝາຍ ເພື່ອເປັນເຄື່ອງມືໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມດ້ວຍກົດໝາຍ ເຊິ່ງຈຸດປະສົງຂອງກອງປະຊຸມຄັ້ງນີ້ ແມ່ນເພື່ອສະຫຼຸບຕີລາຄາການຈັດຕັ້ງປະຕິບັດລັດຖະທໍາມະນູນ ໃນໄລຍະເກືອບ 10 ປີທີ່ຜ່ານມາ ໃຫ້ແຕ່ລະອົງການຈັດຕັ້ງ ພັກ-ລັດ ເຫັນໄດ້ຂໍ້ສະດວກ, ຂໍ້ຫຍຸ້ງຍາກ, ຜົນສຳເລັດ, ບັນຫາຄົງຄ້າງ ພ້ອມທັງສາເຫດ, ບົດບັນ ຍັດທີ່ສອດຄ່ອງ ຫລື ບໍ່ສອດຄ່ອງ, ບົດຮຽນ ແລະ ບັນຫາຕັ້ງຂຶ້ນ ເພື່ອເປັນຂໍ້ມູນໃຫ້ແກ່ຄະນະກຳມະການຄົ້ນຄວ້າ, ປັບປຸງເນື້ອໃນຂອງລັດຖະທຳມະນູນ ສະບັບປີ 2015 ໃຫ້ຖືກຕ້ອງ, ຄົບຖ້ວນ, ສອດຄ່ອງ, ຮັດກຸມ ແລະ ສາມາດຈັດຕັ້ງປະຕິບັດປາກົດຜົນເປັນຈິງໄດ້.
ໃນກອງປະຊຸມ, ບັນດາຜູ້ຕາງໜ້າອົງການປົກຄອງແຂວງ, ຂະແໜງການກ່ຽວຂ້ອງແຕ່ລະອົງການຈັດຕັ້ງຂອງແຂວງ ໄດ້ປະກອບຄໍາເຫັນ ແລະ ໄດ້ສຸມໃສ່ຄົ້ນຄວ້າຕໍ່ແຕ່ລະເນື້ອໃນຂອງລັດຖະທຳມະນູນ ຢ່າງມີຈຸດສຸມ ເຊິ່ງເຊື່ອໝັ້ນວ່າຈະເປັນຂໍ້ມູນສຳຄັນໃຫ້ແກ່ຄະນະຮັບຜິດຊອບ ນຳໄປຄົ້ນຄວ້າ, ວິເຄາະວິໄຈ ປັບປຸງຄືນ ເພື່ອເຮັດໃຫ້ລັດຖະທຳມະນູນດັ່ງກ່າວ ມີເນື້ອໃນຄົບຖ້ວນ, ສາມາດຈັດຕັ້ງປະຕິບັດດ້ວຍຄຸນນະພາບ, ມີຄວາມສັກສິດສູງຂຶ້ນ, ສັງຄົມມີຄວາມສະຫງົບ, ປະຊາທິປະໄຕ, ຍຸຕິທຳ, ສີວິໄລ ແລະ ນໍາໃຊ້ໄດ້ຢ່າງສອດຄ່ອງ ກັບສະພາບການພັດທະນາໃນໄລຍະໃໝ່.
ໂອກາດນີ້, ທ່ານ ລາວປ່າວຊົ່ງ ນະວົງໄຊ ກໍໄດ້ຮຽກຮ້ອງ ໃຫ້ຜູ້ເຂົ້າຮ່ວມເອົາຜົນຂອງກອງປະຊຸມຄັ້ງນີ້ ລາຍງານຫຼື ແຈ້ງໃຫ້ຄະນະນໍາ ແລະ ພະນັກງານວິຊາການຂອງຕົນໄດ້ຮັບຊາບ, ພ້ອມທັງສືບຕໍ່ນໍາພາສະມາຊິກພັກ, ພະນັກງານ, ລັດຖະກອນໃນອົງການ ຂອງຕົນຄົ້ນຄວ້າສະເໜີຄໍາເຫັນຕໍ່ການປັບປຸງລັດຖະທຳມະນູນ ຕາມຄໍາຖາມເຈາະຈີ້ມ ແລ້ວລາຍງານໃຫ້ສະພາປະຊາຊົນແຂວງ ເພື່ອຈະໄດ້ສັງລວມສົ່ງມາຍັງກອງເລຂາ ກໍຄື ຄະນະຮັບຜິດຊອບປັບປຸງລັດຖະທຳມະນູນລະດັບຊາດ ໄດ້ເປັນຂໍ້ມູນເພື່ອນໍາມາຄົ້ນຄວ້າ, ປະກອບຄໍາເຫັນຕໍ່ຮ່າງລັດຖະທຳມະນູນ ສະບັບປັບປຸງ ເພື່ອສືບຕໍ່ກະກຽມໃຫ້ແກ່ການນຳອອກທາບທາມຄວາມເຫັນ ປັບປຸງຄືນໃນຕົ້ນປີ 2025 ແລະ ສຳເລັດຕາມແຜນທຸກປະການ.
ຂ່າວ: ໄພບູນ
