ໂດຍ: ບຸນຕອມ
ສະຫະພັນກຳມະບານເມືອງນ້ຳບາກ ແຂວງຫຼວງພະບາງໄດ້ເຄື່ອນໄຫວໂຄສະນາ ທາງດ້ານສຸຂະພາບ ແລະ ການດຳລົງຊີວິດຂອງກຳມະກອນຢູ່ຫົວໜ່ວຍແຮງງານຕ່າງໆ ເພື່ອປົກປ້ອງສິດຜົນປະໂຫຍດອັນຊອບທຳ ຂອງຊາວຜູ້ອອກແຮງງານ.
ທ່ານ ນາງ ໄດ ວ່າງ ປະທານສະຫະພັນກຳມະບານເມືອງນ້ຳບາກ ແຂວງຫຼວງພະບາງ ໄດ້ໃຫ້ຮູ້ວ່າ: ວຽກງານປົກປ້ອງແຮງງານແມ່ນວຽກງານໜຶ່ງທີ່ສຳຄັນ ທີ່ເຮັດໃຫ້ຂະບວນການຂອງກຳມະກອນ ແລະ ຊາວຜູ້ອອກແຮງງານມີຄວາມຍຸຕິທຳຢູ່ໃນສັງຄົມ,ໃນໄລຍະ 5 ປີຜ່ານມາ ສະຫະພັນກຳມະບານເມືອງນ້ຳບາກ ໄດ້ລົງໃກ້ຊິດຕິດຕາມຊຸກຍູ້ການອອກແຮງງານ ແລະ ການດຳລົງຊີວິດຂອງກຳມະກອນຢູ່ຫົວໜ່ວຍແຮງງານຕ່າງໆ ເອົາໃຈໃສ່ຕິດຕາມເງື່ອນໄຂການອອກແຮງງານຢູ່ບັບນດາຫົວໜ່ວຍແຮງງານກ່ຽວກັບຄວາມປອດໄພ ແລະ ສຸຂະອະນາໄມ, ການນຳໃຊ້ສານຜິດ(ສານໄຍຫີນຂາວແລະເຄມີອື່ນໆ)ທີ່ນຳເຂົ້າສູ່ການຜະລິດເປັນຕົ້ນແມ່ນຢູ່ສວນກ້ວຍຈີນ, ໂຮງຈັກ,ໂຮງງານຕ່າງໆ, ໄດ້ເຄື່ອນໄຫວໂຄສະນາ ທາງດ້ານສຸຂະພາບ ແລະ ແຮງງານ ລວມທັງໝົດໄດ້24 ຄັ້ງ,ມີຫົວໜ່ວຍແຮງງານທັງໝົດ10 ຫົວໜ່ວຍ, ຂະໜາດໃຫຍ່ 1 ແຫ່ງ, ຂະໜາດກາງ8, ຂະໜາດນ້ອຍ1 ແຫ່ງ, ທົ່ວເມືອງມີກຳມະກອນທັງໝົດ859 ຄົນຍິງ425 ຄົນ, ມີແຮງງານຕ່າງປະເທດ69 ຄົນຍິງ8 ຄົນ.ໄດ້ເອົາໃຈໃສ່ປົກປ້ອງສິດຜົນປະໂຫຍດອັນຊອບທຳ ຊ່ວຍເຫຼືອແກ້ໄຂບັນຫາຂໍ້ຂັດແຍ່ງທາງດ້ານແຮງງານ, ໄດ້ຮັບຄຳຮ້ອງຂໍຄ່າແຮງງານ ຈາກກຳມະກອນ-ຊາວຜູ້ອອກແຮງງານທັງໝົດ5 ເລື່ອງ, ໄດ້ປຶກສາຫາລຶໄກ່ເກ່ຍຂໍ້ຂັດແຍ່ງທາງດ້ານແຮງງານສຳເລັດ3 ເລື່ອງ,ສາມາດທ່ວງເງິນຄືນໃຫ້ກຳມະກອນໄດ້ 517.500.000 ກີບ. ສົ່ງໃຫ້ສານປະຊາຊົນເຂດ2 ພິຈາລະນາຕາມກົດໝາຍ 1 ເລື່ອງ, ໃຫ້ຄໍາປຶກສາທາງດ້ານກົດໝາຍໃຫ້ຄູ່ກໍລະນີໄປແກ້ໄຂກັນເອງ 1 ເລື່ອງ. ຂຶ້ນທະບຽນໃຫ້ກຳມະກອນໄດ້ 3 ແຫ່ງຄື: ສວນກ້ວຍຈີນ,ໂຮງານນໍ້າດື່ມ,ໂຮງງານເປົາ ມີ168 ຄົນ ຍິງ 74 ຄົນ, ທຽບໃສ່ແຜນ 5 ປີປະຕິບັດໄດ້99%.ສົມທົບກັບໂຄງການອ໋ອກຟາມ ປະເທດອົສຕຣາລີ ລົງມອບເຄື່ອງຊ່ວຍເຫຼືອໃຫ້ແກ່ກໍາມະກອນເຮັດວຽກຢູ່ສວຍກ້ວຍບ້ານໂຄ້ງ ທີ່ໄດ້ຮັບຜົນກະທົບຈາກການແຜ່ລະບາດພະຍາດໂຄວິດ 19 ຈໍານວນ 22 ຄອບຄົວ ລວມມູນຄ່າ 5.750.000 ກີບ.ເຂົ້າຮ່ວມຝຶກອົບຮົມວຽກງານ ປົກປ້ອງທາງສັງຄົມຢູ່ຂັ້ນແຂວງ 3 ຄັ້ງ, ວຽກງານຄວາມປອດໄພ ແລະ ສຸຂະພາບແຮງງານ ຂັ້ນແຂວງ 1 ຄັ້ງ, ວຽກງານຄວາມປອດໄພ ກ່ຽວກັບການນໍາໃຊ້ທາດໄຍຫີນຂາວ 1 ຄັ້ງ, ວຽກງານຕ້ານ ແລະ ສະກັດກັ້ນການຄ້າມະນຸດ ໃນຂົງເຂດຄວາມຮັບຜິດຊອບ 1 ຄັ້ງ. ຝຶກອົບຮົມຄວາມປອດໄພທາງດ້ານແຮງງານ ແລະ ສ້າງຕັ້ງກຸ່ມແຮງງານນອກລະບົບ 3 ກຸ່ມ.ຜ່ານການຈັດຕັ້ງເຄື່ອນໄຫວວຽກງານປົກປ້ອງສິດ ແລະ ຜົນປະໂຫຍດອັນຊອບທໍາໄດ້ເຮັດໃຫ້ສະມາຊິກກຳມະບານ, ກຳມະກອນ ແລະ ຊາວຜູ້ອອກແຮງງານ ມີລະບຽບໃນການອອກແຮງງານຖືກຕ້ອງຕາມລະບຽບກົດໝາຍ, ສ້າງສະຕິຄວາມເປັນເຈົ້າໃຫ້ເຂົາເຈົ້າ ເຄົາລົບລະບຽບ.
ສຳລັບຂໍ້ມູນຂ່າວສານ ແລະ ການເຄື່ອນຍ້າຍແຮງງານແມ່ນໄດ້ສົ່ງຂ່າວ, ອອກຂ່າວທາງໂທລະໂຂ່ງຂອງເມືອງ, ສະຫະພັນກຳມະບານແຂວງ 19 ຄັ້ງ. ເຂົ້າຮ່ວມການອອກແຮງງານ ອະນາໄມຕ້ອນຮັບ ວັນບຸນສຳຄັັນຕ່າງໆ ລວມ 11 ຄັ້ງ, ມີ 1.225 ເທື່ອຄົນ. ລົງໂຄສະນາໃຫ້ຄວາມຮູ້ພື້ນຖານ ກ່ຽວກັບການເຄື່ອນຍ້າຍແຮງງານແບບປອດໄພເຊັ່ນ:ການໄປເຮັດວຽກຢູ່ຕ່າງແຂວງ ຫຼື ຕ່າງປະເທດ ເພື່ອບໍ່ໃຫ້ຜູ້ອອກແຮງງານຕົກເປັນເຫຍື່ອການຄ້າມະນຸດ ຢູ່ກຸ່ມນໍ້າງາ, ກຸ່ມປາກມອງ, ກຸ່ມນໍ້າຖ້ວມ, ບ້ານໂຄ້ງ, ບ້ານຫ້ວຍເຢັນ ແລະ ໂຮງຮຽນສາມັນກິນນອນຊົນເຜົ່າ ມີຜູ້ເຂົ້າຮ່ວມທັງໝົດ 1.275 ຄົນ ຍິງ 534 ຄົນ.ລົງໂຄສະນາໃຫ້ຄວາມຮູ້ພື້ນຖານບ້ານທີ່ມີຄວາມສ່ຽງຈາກການນໍາໃຊ້ທາດໄຍຫີນຂາວ ໃນວົງລັດສະໝີ 2 ກິໂລແມັດ ຂອງໂຮງງານກະເບື້ອງກາສິງ ຢູ່ກຸ່ມນໍ້າຖ້ວມ 4 ບ້ານ: ບ້ານຊາງ, ໂພນສະຫ່າວາງ, ນໍ້າຖ້ວມໃຕ້, ນໍ້າຖ້ວມເໜືອ ມີຜູ້ເຂົ້າຮ່ວມ 856 ຄົນ ຍິງ 345 ຄົນ.ໄດ້ລະດົມທຶນ ຈາກສະມາຊິກກໍາມະບານໃນທົ່ວເມືອງ ເພື່ອຊ່ວຍເຫຼືອ ສປ ຈີນ ໃນຊ່ວງການແຜ່ລະບາດພະຍາດໂຄວິດ -19 ຢູ່ເມືອງອູ່ຮັນ ສປ ຈີນ ແລະ ຊ່ວຍເຫຼືອໄພນໍ້າຖ້ວມ ແຂວງໄຊຍະບູລີ ລວມມູນຄ່າ 8.700.000 ກີບ.
