ໂດຍ: ວັນເພັງ

ສະຫະພັນນັກຮົບເກົ່າແຫ່ງຊາດລາວ (ສນຫລ) ຈະສືບຕໍ່ອົບຮົມການເມືອງ-ແນວຄິດພະນັກງານ-ລັດຖະກອນທົ່ວ ສນຫລໃຫ້​ມີ​ການ​ຫັນ​ປ່ຽນ​ຢ່າງ​ຕັ້ງ​ໜ້າ, ຕະຫຼອດ​ຮອດ​ຖັນ​ແຖວ​ພະ​ນັກ​ງານ​ນັກ​ຮົບ​ເກົ່າໃຫ້ໜັກແໜ້ນເຂັ້ມແຂງເຄື່ອນ​ໄຫວ​ໂຄ​ສະ​ນາຫຼາຍ​ຮູບ​ແບບ, ຫຼາຍ​ວິ​ທີ​ເຊັ່ນ: ປາຖະກະຖາເລົ່າມູນເຊື້ອວັນສ້າງຕັ້ງວັນສໍາຄັນຕ່າງໆຂອງຊາດ, ຂອງພັກ, ເຜີຍ​ແຜ່​ເອ​ກະ​ສານ, ມະ​ຕິ, ຄໍາສັ່ງຜ່ານ​ສື່ມວນ​ຊົນ​ຂອງ​ນັກ​ຮົບ​ເກົ່າ​ທີ່​ມີ​ຢູ່​ໃຫ້​ກ້​ວາງ​ຂວາງ, ທົ່ວ​ເຖິງແລະມີ​ເນື້ອ​ໃນ​ອຸ​ດົມ​ສົມ​ບູນ​; ສືບ​ຕໍ່​ລົງ​ເຄື່ອນ​ໄຫວ​ປັບ​ປຸງ​ກໍ່​ສ້າງ​ຮາກ​ຖານ​ການ​ເມືອງ​ຂອງ​ນັກ​ຮົບ​ເກົ່າ​ໃຫ້​ມີ​ຄວາມ​ໜັກ​ແໜ້ນແທດ​ເຖິງ​ຖັນ​ແຖວ​ນັກ​ຮົບ​ເກົ່າ​ຢູ່​ເຂດ​ຫ່າງ​ໄກ​ສອກຫຼີກ​ປຸກ​ລະ​ດົມ​ໃຫ້​ໄດ້​ຂະ​ບວນ​ການ​ແຂ່ງ​ຂັນ 3 ດີ 6 ຮັກ​ສາ​ຂອງ​ນັກ​ຮົບ​ເກົ່າ​ຢ່າງ​ເປັນ​ຂະ​ບວນ​ຟົດ​ຟື້ນ​ເຮັດ​ໃຫ້​ນັກ​ຮົບ​ເກົ່າ​ເຊື່ອ​ໝັ້ນ​ຕໍ່​ການ​ນຳ​ພາ​ຂອງ​ພັກ​; ສ້າງແຜນຝຶກອົບຮົມໃຫ້ພະ​ນັກ​ງານ​ຜູ້​ທີ່​ເຮັດ​ວຽກ​ງານ​ໂຄ​ສະ​ນາ-ອົບ​ຮົມ​ຢູ່​ສະ​ຫະ​ພັນ​ນັກ​ຮົບ​ເກົ່າ​ຂັ້ນ​ທ້ອງຖິ່ນ​ໃຫ້​ຮັບ​ຮູ້ແລະເຂົ້າ​ໃຈ​ບົດ​ບາດ, ໜ້າ​ທີ່​ຂອງ​ຕົນ​ຢ່າງ​ໜັກ​ແໜ້ນ​ຕັ້​ງ​ໜ້າ​ຈັດ​ຕັ້ງ​ຕາ​ໜ່າງ​ຂ່າວ​ຢູ່​ຂັ້ນ​ທ້ອງ​ຖິ່ນ​ໃຫ້​ສາ​ມາດ​ຕອບ​ສະ​ໜອງ​ໄດ້​ຂໍ້​ມູນ​ຂ່າວ​ສານ​ທັນ​ຕາມ​ກຳ​ນົດ​ເວ​ລາ.

            ຄຽງຄູ່ກັນນັ້ນ, ວຽກງານໂຄສະນາ-ອົບຮົມຈະສືບຕໍ່ປະຕິບັດວຽກງານເປັນເສນາທິການ ແລະ ຈໍລະຈອນເອກະສານເກັບກໍາສໍາເນົາໃຫ້ຖືກຕ້ອງ, ວ່ອງໄວເພື່ອຮັບໃຊ້ວຽກງານຮອບດ້ານຂອງກົມໃຫ້ມີຄຸນນະພາບດີກວ່າເກົ່າ, ສະຫຼຸບສັງລວມຜົນງານການເຄື່ອນໄຫວຮອບດ້ານຂອງກົມໃຫ້ມີຄຸນນະພາບດີກວ່າເກົ່າ, ເປັນເຈົ້າການໃນການສ້າງແຜນສັງລວມໃຫ້ທັນເວລາ;ສືບຕໍ່ຕິດຕາມແຜນງົບປະມານປະຈໍາປີ 2023 ແຜນໂຄງການຂຽນປຶ້ມມູນເຊື້ອນັກຮົບເກົ່າ, ຈັດຕັ້ງປະຕິບັດແບບແຜນວິທີເຮັດວຽກຂອງພະແນກອົບຮົມໃຫ້ດີກວ່າເກົ່າ ແລະ ວ່ອງໄວທັນກັບເວລາ, ປະຕິບັດວຽກງານຕາມຄໍາສັ່ງຂອງຂັ້ນເທິງ,ຕິດຕາມກວດກາ, ເກັບກໍາສະພາບເຄື່ອງຮັບໃຊ້ວິຊາການສະເພາະລວມທັງປຶກສາຫາລືວຽກງານພະແນກ ແລະ ສ່ອງແສງລາຍງານໃຫ້ຄະນະກົມ; ສືບຕໍ່ສ້າງແຜນປາຖະກະຖາວັນສໍາຄັນຂອງພັກ, ຂອງຊາດປະ​ຈຳ​ປີ2024ໃຫ້​ຖືກ​ຕ້ອງ, ເໝາະ​ສົມແລະເຄື່ອນ​ໄຫວ​ທັນ​ເວ​ລາ. ສໍາລັບວຽກງານຈັດຕັ້ງ-ພະນັກງານຈະສືບຕໍ່ເອົາໃຈໃສ່ຄົ້ນຄວ້ານໍາສະເໜີຂໍການຮັບຮອງການກໍານົດຕໍາແໜ່ງງານຂອງ 2 ກົມຢູ່ສະຫະພັນນັກຮົບເກົ່າແຫ່ງຊາດລາວໃຫ້ສໍາເລັດ; ສືບຕໍ່ຊຸກຍູ້ແລະຕິດຕາມສະຫະພັນນັກຮົບເກົ່າຂັ້ນທ້ອງຖິ່ນໃນການຂຽນພາລະບົດບາດ, ການກໍານົດຕໍາແໜ່ງງານໃຫ້ສໍາເລັດ, ຖືກຕ້ອງຕາມທິດກະທັດຮັດແລະສົມເຫດສົມຜົນ;ສືບຕໍ່ຊຸກຍູ້, ຕິດຕາມການດໍາເນີນກອງປະຊຸມໃຫຍ່ຄັ້ງທີV ຂອງໜ່ວຍສະຫະພັນນັກຮົບເກົ່າແລະກອງປະຊຸມໃຫຍ່ສະຫະພັນນັກຮົບເກົ່າຂັ້ນເມືອງຄັ້ງທີVໃນຂອບເຂດທົ່ວປະເທດໃຫ້ສໍາເລັດຕາມຄໍາສັ່ງແນະນໍາເລກທີ 120/ສນຫລ;ກະກຽມເປີດກອງປະຊຸມວິຊາການຮ່ວມກັບກະຊວງພາຍໃນ, ກະຊວງການເງິນແລະຄະນະຈັດຕັ້ງສູນກາງພັກກ່ຽວກັບການຈັດຕັ້ງແລະການຄຸ້ມຄອງບຸກຄະລາກອນຂັ້ນໜ່ວຍຂອງສະຫະພັນນັກຮົບເກົ່າ;ກະກຽມຈັດຝຶກອົບຮົມວຽກງານຈັດຕັ້ງ, ການເກັບກໍາສະຖິຕິນັກຮົບເກົ່າໃຫ້ພະນັກງານ-ລັດຖະກອນສະຫະພັນນັກຮົບເກົ່າຂັ້ນແຂວງໃນທົ່ວປະເທດ;ຂຶ້ນແຜນລົງຕິດຕາມ, ຊຸກຍູ້ວຽກງານຈັດຕັ້ງຢູ່ສະຫະພັນນັກຮົບເກົ່າຂັ້ນທ້ອງຖິ່ນເປັນຕົ້ນການປັບປຸງການຈັດຕັ້ງ, ການເກັບກໍາໂຕເລກສະຖິຕິສະມາຊິກນັກຮົບເກົ່າ;ກວດກາບັນຊີຈໍານວນພົນ, ຊັ້ນ-ຂັ້ນເງິນເດືອນຂອງພະນັກງານ-ລັດຖະກອນຢູ່ສນຫລງວດI-IVປີ 2024 ແລະນໍາສະເໜີກວດຜ່ານຈາກກະຊວງພາຍໃນໃຫ້ທັນຕາມກໍານົດເວລາ; ຄົ້ນຄວ້າປັບປຸງຮ່າງເກັບກໍາສະຖິຕິນັກຮົບເກົ່າ,ສະຖິຕິພະນັກງານ-ລັດຖະກອນສະຫະພັນນັກຮົບເກົ່າແຕ່ລະຂັ້ນໃຫ້ສາມາດສະໜອງໄດ້ຕາມຄວາມຮຽກ ຮ້ອງຕ້ອງການໃນສະພາບປັດຈຸບັນ.