ອົງຄະນະພັກວິທະຍາຄານພະລາທິການກອງທັບ ສຳເລັດກອງປະຊຸມໃຫຍ່ ຄັ້ງທີ VII ຂອງຕົນດ້ວຍໝາກຜົນອັນຈົບງາມໃນວັນທີ 17 ກັນຍາ ນີ້, ໂດຍການເປັນປະທານຂອງສະຫາຍ ພົນຕີ ຄຳເພັດ ສີຊານົນ ກຳມະການຄະນະປະຈຳພັກ ກະຊວງປ້ອງກັນປະເທດຫົວໜ້າກົມໃຫຍ່ພະລາທິການກອງທັບ, ມີບັນດາຄະນະພັກ, ຄະນະໜ່ວຍພັກ, ພ້ອມດ້ວຍແຂກຖືກເຊີນ ຕະຫຼອດຮອດພະນັກງານສະມາຊິກພັກທົ່ວວິທະຍາຄານພະລາທິການກອງທັບເຂົ້າຮ່ວມ.
ສະຫາຍ ພັນເອກ ສອນທັນ ສຸວົງໄຊ ເລຂາຄະນະພັກ ຫົວໜ້າການເມືອງ ວິທະຍາຄານພະລາທິການກອງທັບ ໄດ້ຜ່ານບົດລາຍງານການເມືອງທັງສອງພາກ ຊຶ່ງໄດ້ຍົກໃຫ້ເຫັນດ້ານດີທີ່ພົ້ນເດັ່ນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ໃນການເຄື່ອນໄຫວຈັດຕັ້ງປະຕິບັດໜ້າທີ່ວຽກງານຮອບດ້ານໃນໄລຍະຜ່ານມາ ໜ່ວຍພັກວິທະຍາຄານພະລາທິການກອງທັບ ໄດ້ເອົາໃຈໃສ່ສຶກສາອົບຮົມການເມືອງນໍາພາແນວຄິດຕໍ່ຖັນແຖວພະນັກງານ-ສະມາຊິກພັກ ໃຫ້ຮັບຮູ້ເຂົ້າໃຈ, ເຊື່ອມຊຶມກຳແໜ້ນບັນດາຫຼັກການຂອງພັກ, ໂດຍສະເພາະ ຫຼັກການກໍ່ສ້າງພັກ, ປະຕິບັດຕາມ 3 ທິດນໍາ 5 ຫຼັກການຂອງພັກຢ່າງຕັ້ງໜ້າ, ຈັດຕັ້ງເຂົ້າຮ່ວມຄົ້ນຄວ້າ, ເຊື່ອມຊຶມມະຕິ ແລະ ກົດລະບຽບຂອງພັກ, ຖືເອົາການດໍາເນີນຊີວິດ ການເມືອງ ພາຍໃນພັກເປັນການກວດກາ ຕີລາຄາຄືນ ຄວາມຮັບຜິດຊອບການເມືອງ ຂອງພະນັກງານ-ສະມາຊິກພັກ ເພື່ອເສີມຂະຫຍາຍດ້ານຕັ້ງໜ້າ, ແກ້ໄຂດ້ານຄົງຄ້າງ ແລະ ປະກົດການຫຍໍ້ທໍ້ຕ່າງໆ, ພ້ອມທັງ ໄດ້ເອົາໃຈໃສ່ຊີ້ນໍາວຽກງານການຮຽນ - ການສອນ ເປັນໜ້າທີ່ໃຈກາງສໍາຄັນຂອງກົມກອງ ໃນການກໍ່ສ້າງນາຍທະຫານເຫຼົ່າຮົບພະລາທິການ ເພື່ອປະກອບໃຫ້ກຳລັງປະກອບອາວຸດທົ່ວປະເທດ ໃຫ້ມີຄຸນນະພາບສູງ ເປັນຕົ້ນແມ່ນໄດ້ສຸມໃສ່ປະຕິບັດຕາມໂຄງການຫຼັກສູດການທີ່ກະຊວງປ້ອງກັນປະເທດ ແລະ ກະຊວງສຶກສາ - ກິລາ ໄດ້ອະນຸມັດ, ຊີ້ນໍາຄົ້ນຄວ້າປັບປຸງເນື້ອໃນການຮຽນ - ການສອນຂອງຄູ-ອາຈານ ໃຫ້ມີຄຸນນະພາບສູງຂຶ້ນກວ່າເກົ່າ, ຍົກລະດັບຄວາມຮູ້ - ຄວາມສາມາດຂອງຖັນແຖວຄູ-ອາຈານ ໂດຍການສົ່ງໄປຝຶກອົບຮົມບຳລຸງ - ກໍ່ສ້າງຢູ່ພາຍໃນ ແລະ ຕ່າງປະເທດ, ໄປພ້ອມກັນນັ້ນກໍໄດ້ຈັດຕັ້ງສະຫຼຸບຖອດຖອນບົດຮຽນການຮຽນ - ການສອນໃນແຕ່ລະເດືອນເປັນປົກກະຕິ, ເຮັດໃຫ້ຄຸນນະພາບຂອງຄູ-ອາຈານສູງຂຶ້ນຊຶ່ງປັດຈຸບັນທົ່ວອົງຄະນະພັກມີ 6 ຄະນະພັກຮາກຖານ, ມີ 2 ໜ່ວຍພັກຂຶ້ນກັບຮາກຖານ ແລະ ມີ 33 ໜ່ວຍພັກຂຶ້ນກັບຄະນະພັກຮາກຖານ, ຜ່ານການຊິ້ນຳ-ນຳພາສາມາດຄັດເລືອກໄດ້ ສະມາຊິກພັກແຂງ 574 ສະຫາຍ ແລະ ໄດ້ຮັບການຢັ້ງຢືນເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ 21 ໜ່ວຍ, ປະເພດກາງ 7 ໜ່ວຍ.
ກອງປະຊຸມຍັງໄດ້ປະກອບຄໍາຄິດເຫັນໃສ່ບົດລາຍງານທັງສອງພາກ ພ້ອມທັງໃຊ້ສິດປະຊາທິປະໄຕຂອງຕົນ ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ ໂດຍເອກະພາບເລືອກເອົາ ສະຫາຍ ພັກເອກ ສອນທັນ ສຸວົງໄຊ ເປັນເລຂາ, ສະຫາຍ ພັນເອກ ສົມເພັດ ວົງພະຈັນ ເປັນຮອງເລຂາ, ສະຫາຍ ພັນເອກ ແສງທອງ ອຸ່ນນາງ ເປັນປະທານກວດກາ, ສະຫາຍ ພັນໂທ ແກ້ວຕາ ຂັດຕິຍະວົງສາ ແລະ ສະຫາຍ ພັນຕີ ສຸກັນຍາ ສີແພງຄູນ ເປັນຮອງປະທານກວດກາ.
ໂອກາດນີ້, ສະຫາຍ ພົນຕີ ຄຳເພັດ ສີຊານົນ ໄດ້ມີຄຳເຫັນໂອ້ລົມ ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ສາມາດຍາດໄດ້ໃນໄລຍະຜ່ານມາ, ພ້ອມທັງໄດ້ເນັ້ນໜັກຫຼາຍບັນຫາສຳຄັນ ເປັນຕົ້ນໃຫ້ຄະນະພັກຊຸດໃໝ່ຈົ່ງພ້ອມກັນເອົາໃຈໃສ່ຍົກສູງພາລະບົດບາດ, ໜ້າທີ່ການເມືອງ,ຄວາມຮັບຜິດຊອບຂອງຕົນ, ແກ້ໄຂບັນຫາຂໍ້ຄົງຄ້າງ,ສືບຕໍ່ຊິ້ນຳ-ນຳພະພະນັກງານສະມາຊິກພັກ-ນັກຮົບໃຫ້ມີຄວາມພັດທະນາໃຫ້ໄດ້ປະລິມານ ແລະ ຄຸນນະພາບຍິ່ງຂຶ້ນ. ນອກນີ້, ສະຫາຍ ຍັງໄດ້ຮຽກຮ້ອງໃຫ້ພ້ອມກັນປັບປຸງແບບແຜນວິທີເຮັດວຽກ ປະຕິບັດຫຼັກການລວມສູນປະຊາທິປະໄຕ ແບ່ງຄວາມຮັັບຜິດຊອບໃຫ້ບຸກຄົນ, ມີສະຕິຕື່ນຕົວປະຕິບັດກົດໝາຍຂອງລັດ, ລະບຽບວິໄນຂອງກອງທັບ, ຢ່າງເຂັ້ມງວດ ເປັນເຈົ້າການຈັດຕັ້ງຜັນຂະຫຍາຍທິດທາງແຜນການຄາດໝາຍສູ້ຊົນວຽກງານການນຳພາຂອງພັັັກ,ກໍຄືວຽກງານວິຊາສະເພາະຂອງວິທະຍາຄານພະລາທິການກອງທັບໃຫ້ປະກົດຜົນເປັນຈິງ.
(ຂ່າວ:ສຸກສາຄອນ ພົງໄຊຜົນ)
ສະຫາຍ ພັນເອກ ສອນທັນ ສຸວົງໄຊ ເລຂາຄະນະພັກ ຫົວໜ້າການເມືອງ ວິທະຍາຄານພະລາທິການກອງທັບ ໄດ້ຜ່ານບົດລາຍງານການເມືອງທັງສອງພາກ ຊຶ່ງໄດ້ຍົກໃຫ້ເຫັນດ້ານດີທີ່ພົ້ນເດັ່ນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ໃນການເຄື່ອນໄຫວຈັດຕັ້ງປະຕິບັດໜ້າທີ່ວຽກງານຮອບດ້ານໃນໄລຍະຜ່ານມາ ໜ່ວຍພັກວິທະຍາຄານພະລາທິການກອງທັບ ໄດ້ເອົາໃຈໃສ່ສຶກສາອົບຮົມການເມືອງນໍາພາແນວຄິດຕໍ່ຖັນແຖວພະນັກງານ-ສະມາຊິກພັກ ໃຫ້ຮັບຮູ້ເຂົ້າໃຈ, ເຊື່ອມຊຶມກຳແໜ້ນບັນດາຫຼັກການຂອງພັກ, ໂດຍສະເພາະ ຫຼັກການກໍ່ສ້າງພັກ, ປະຕິບັດຕາມ 3 ທິດນໍາ 5 ຫຼັກການຂອງພັກຢ່າງຕັ້ງໜ້າ, ຈັດຕັ້ງເຂົ້າຮ່ວມຄົ້ນຄວ້າ, ເຊື່ອມຊຶມມະຕິ ແລະ ກົດລະບຽບຂອງພັກ, ຖືເອົາການດໍາເນີນຊີວິດ ການເມືອງ ພາຍໃນພັກເປັນການກວດກາ ຕີລາຄາຄືນ ຄວາມຮັບຜິດຊອບການເມືອງ ຂອງພະນັກງານ-ສະມາຊິກພັກ ເພື່ອເສີມຂະຫຍາຍດ້ານຕັ້ງໜ້າ, ແກ້ໄຂດ້ານຄົງຄ້າງ ແລະ ປະກົດການຫຍໍ້ທໍ້ຕ່າງໆ, ພ້ອມທັງ ໄດ້ເອົາໃຈໃສ່ຊີ້ນໍາວຽກງານການຮຽນ - ການສອນ ເປັນໜ້າທີ່ໃຈກາງສໍາຄັນຂອງກົມກອງ ໃນການກໍ່ສ້າງນາຍທະຫານເຫຼົ່າຮົບພະລາທິການ ເພື່ອປະກອບໃຫ້ກຳລັງປະກອບອາວຸດທົ່ວປະເທດ ໃຫ້ມີຄຸນນະພາບສູງ ເປັນຕົ້ນແມ່ນໄດ້ສຸມໃສ່ປະຕິບັດຕາມໂຄງການຫຼັກສູດການທີ່ກະຊວງປ້ອງກັນປະເທດ ແລະ ກະຊວງສຶກສາ - ກິລາ ໄດ້ອະນຸມັດ, ຊີ້ນໍາຄົ້ນຄວ້າປັບປຸງເນື້ອໃນການຮຽນ - ການສອນຂອງຄູ-ອາຈານ ໃຫ້ມີຄຸນນະພາບສູງຂຶ້ນກວ່າເກົ່າ, ຍົກລະດັບຄວາມຮູ້ - ຄວາມສາມາດຂອງຖັນແຖວຄູ-ອາຈານ ໂດຍການສົ່ງໄປຝຶກອົບຮົມບຳລຸງ - ກໍ່ສ້າງຢູ່ພາຍໃນ ແລະ ຕ່າງປະເທດ, ໄປພ້ອມກັນນັ້ນກໍໄດ້ຈັດຕັ້ງສະຫຼຸບຖອດຖອນບົດຮຽນການຮຽນ - ການສອນໃນແຕ່ລະເດືອນເປັນປົກກະຕິ, ເຮັດໃຫ້ຄຸນນະພາບຂອງຄູ-ອາຈານສູງຂຶ້ນຊຶ່ງປັດຈຸບັນທົ່ວອົງຄະນະພັກມີ 6 ຄະນະພັກຮາກຖານ, ມີ 2 ໜ່ວຍພັກຂຶ້ນກັບຮາກຖານ ແລະ ມີ 33 ໜ່ວຍພັກຂຶ້ນກັບຄະນະພັກຮາກຖານ, ຜ່ານການຊິ້ນຳ-ນຳພາສາມາດຄັດເລືອກໄດ້ ສະມາຊິກພັກແຂງ 574 ສະຫາຍ ແລະ ໄດ້ຮັບການຢັ້ງຢືນເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ 21 ໜ່ວຍ, ປະເພດກາງ 7 ໜ່ວຍ.
ກອງປະຊຸມຍັງໄດ້ປະກອບຄໍາຄິດເຫັນໃສ່ບົດລາຍງານທັງສອງພາກ ພ້ອມທັງໃຊ້ສິດປະຊາທິປະໄຕຂອງຕົນ ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ ໂດຍເອກະພາບເລືອກເອົາ ສະຫາຍ ພັກເອກ ສອນທັນ ສຸວົງໄຊ ເປັນເລຂາ, ສະຫາຍ ພັນເອກ ສົມເພັດ ວົງພະຈັນ ເປັນຮອງເລຂາ, ສະຫາຍ ພັນເອກ ແສງທອງ ອຸ່ນນາງ ເປັນປະທານກວດກາ, ສະຫາຍ ພັນໂທ ແກ້ວຕາ ຂັດຕິຍະວົງສາ ແລະ ສະຫາຍ ພັນຕີ ສຸກັນຍາ ສີແພງຄູນ ເປັນຮອງປະທານກວດກາ.
ໂອກາດນີ້, ສະຫາຍ ພົນຕີ ຄຳເພັດ ສີຊານົນ ໄດ້ມີຄຳເຫັນໂອ້ລົມ ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ສາມາດຍາດໄດ້ໃນໄລຍະຜ່ານມາ, ພ້ອມທັງໄດ້ເນັ້ນໜັກຫຼາຍບັນຫາສຳຄັນ ເປັນຕົ້ນໃຫ້ຄະນະພັກຊຸດໃໝ່ຈົ່ງພ້ອມກັນເອົາໃຈໃສ່ຍົກສູງພາລະບົດບາດ, ໜ້າທີ່ການເມືອງ,ຄວາມຮັບຜິດຊອບຂອງຕົນ, ແກ້ໄຂບັນຫາຂໍ້ຄົງຄ້າງ,ສືບຕໍ່ຊິ້ນຳ-ນຳພະພະນັກງານສະມາຊິກພັກ-ນັກຮົບໃຫ້ມີຄວາມພັດທະນາໃຫ້ໄດ້ປະລິມານ ແລະ ຄຸນນະພາບຍິ່ງຂຶ້ນ. ນອກນີ້, ສະຫາຍ ຍັງໄດ້ຮຽກຮ້ອງໃຫ້ພ້ອມກັນປັບປຸງແບບແຜນວິທີເຮັດວຽກ ປະຕິບັດຫຼັກການລວມສູນປະຊາທິປະໄຕ ແບ່ງຄວາມຮັັບຜິດຊອບໃຫ້ບຸກຄົນ, ມີສະຕິຕື່ນຕົວປະຕິບັດກົດໝາຍຂອງລັດ, ລະບຽບວິໄນຂອງກອງທັບ, ຢ່າງເຂັ້ມງວດ ເປັນເຈົ້າການຈັດຕັ້ງຜັນຂະຫຍາຍທິດທາງແຜນການຄາດໝາຍສູ້ຊົນວຽກງານການນຳພາຂອງພັັັກ,ກໍຄືວຽກງານວິຊາສະເພາະຂອງວິທະຍາຄານພະລາທິການກອງທັບໃຫ້ປະກົດຜົນເປັນຈິງ.
(ຂ່າວ:ສຸກສາຄອນ ພົງໄຊຜົນ)
