ກອງປະຊຸມໃຫຍ່ສະມາຊິກພັກ ໜ່ວຍພັກອົງການໄອຍະການປະຊາຊົນເຂດ I ແຂວງໄຊຍະບູລີ ຄັ້ງທີ III ໄດ້ຈັດຂຶ້ນໃນວັນທີ 25 ກັນຍາ ຜ່ານມານີ້ ທີ່ຫ້ອງປະຊຸມອົງການດັ່ງກ່າວ. ໂດຍການເປັນປະທານຂອງສະຫາຍ ສົມຊາຍ ທຳມະວົງ ເລຂາໜ່ວຍພັກອົງການໄອຍະການປະຊາຊົນເຂດ I ແຂວງໄຊຍະບູລີ, ມີສະຫາຍ ຈັນເພັງ ແສນຄໍາ ຮອງເລຂາຄະນະບໍລິຫານງານພັກ ປະທານຄະນະກວດກາພັກ ປະທານອົງການກວດກາລັດເມືອງໄຊຍະບູລີ ຫົວໜ້າຄະນະຕ້ານການສໍ້ລາດບັງຫຼວງຂັ້ນເມືອງ, ມີໜ່ວຍປະຕິບັດງານຂອງເມືອງ, ພ້ອມດ້ວຍສະມາຊິກພັກພາຍໃນໜ່ວຍເຂົ້າຮ່ວມ.
ໃນກອງປະຊຸມ, ສະຫາຍ ສົມຊາຍ ທຳມະວົງ ໄດ້ຂຶ້ນຜ່ານບົດລາຍງານການເມືອງທັງ 2 ພາກ, ບາງຕອນສະຫາຍກ່າວວ່າ: ໜ່ວຍພັກອົງການໄອຍະການປະຊາຊົນເຂດ I ເປັນການຈັດຕັ້ງຮາກຖານພັກໜຶ່ງທີ່ຂຶ້ນກັບຄະນະປະຈໍາພັກເມືອງ, ພາຍໃຕ້ການນຳພາ-ຊີ້ນໍາໂດຍກົງຂອງອົງຄະນະພັກເມືອງໄຊຍະບູລີ, ເຄື່ອນໄຫວເຮັດໜ້າທີ່ສຶກສາອົບຮົມການເມືອງ-ແນວຄິດໃຫ້ສະມາຊິກພັກ ແລະ ພະນັກງານ-ລັດຖະກອນ ຈັດຕັ້ງປະຕິບັດແນວທາງແຜນນະໂຍບາຍ, ມະຕິ, ຄໍາສັ່ງ, ຂໍ້ກໍານົດ, ກົດລະບຽບຂອງພັກ ແລະ ກົດໝາຍຂອງລັດໃຫ້ປະກົດຜົນເປັນຈິງ; ເອົາໃຈໃສ່ນຳພາ-ຊີ້ນຳໃຫ້ບັນດາໜ່ວຍງານປະຕິບັດໜ້າທີ່ວຽກງານວິຊາສະເພາະຂອງຕົນສະອອກຄື: ໄດ້ເອົາໃຈໃສ່ນໍາພາຕິດຕາມກວດກາ ການນຳໃຊ້ວິທີການສືບສວນ-ສອບສວນ ແລະ ໄດ້ອອກມາດຕະການທາງດ້ານກົດໝາຍທັງໝົດ 1.154 ສະບັບ ຄື: ຄໍາສັ່ງກັກຂັງພາງ 997 ສະບັບ, ຄໍາສັ່ງກວດຄົ້ນເຄຫະສະຖານ 44 ສະບັບ, ຄໍາສັ່ງຈັບຕົວ 59 ສະບັບ, ຄໍາສັ່ງປ່ອຍຕົວພາງ 12 ສະບັບ ແລະ ຄໍາສັ່ງແນະນໍາ 42 ສະບັບ; ໄດ້ຮັບສຳນວນຄະດີອາຍາທັງໝົດ 196 ເລື່ອງ. ໃນນັ້ນ ຖະແຫຼງສັ່ງຟ້ອງຂຶ້ນສານ 131 ເລື່ອງ, ສົ່ງຄືນໃຫ້ດຳເນີນການສືບສວນ-ສອບສວນ 52 ເລື່ອງ, ຊັດມ້ຽນຄະດີ 13 ເລື່ອງ, ລວມທັງໝົດທີ່ໄດ້ຄົ້ນຄ້ວາ ແລະ ມີຄຳເຫັນແລ້ວ 196 ເລື່ອງ ເທົ່າກັບ100%; ໄດ້ນຳພາຕິດຕາມກວດກາຄະດີ ມີຄະດີແພ່ງ-ຄອບຄົວ ເຂົ້າໃໝ່ 177 ເລື່ອງ, ແກ້ໄຂສໍາເລັດ 177 ເລື່ອງເທົ່າກັບ 100%; ໄດ້ລົງສົບທົບເຈົ້າໜ້າທີ່ຄຸມຂັງ-ດັດສ້າງ ກວດກາເກັບກໍາສະຖິຕິ ແລະ ການປະຕິບັດກົດໝາຍຂອງເຈົ້າໜ້າທີ່ ຢູ່ສະຖານທີ່ກັກຕົວ, ກັກຂັງ, ຄ້າຍດັດສ້າງ ແລະ ສູນດັດສ້າງເດືອນລະ 4 ຄັ້ງ ໄລຍະ 5 ປີຜ່ານມາ ສາມາດເກັບກໍາໄດ້ດັ່ງນີ້: ຜູ້ຖືກຫາທັງໝົດ 1.047 ຄົນ, ຍິງ 134 ຄົນ, ນັກໂທດມີ 171 ຄົນ ຍິງ 33 ຄົນ ແລະ ຜູ້ຖືກດັດສ້າງທາງບໍລິຫານມີ 3.900 ຄົນ, ຍິງ 287 ຄົນ; ຈາກນັ້ນ ໃນກອງປະຊຸມກໍໄດ້ຮັບຟັງການຜ່ານແຜນພັດທະນາວຽກງານຂອງອົງການໄອຍະການ 5 ປີຕໍ່ໜ້າປີ 2025-2029, ພ້ອມນີ້ໃນກອງປະຊຸມຄະນະໜ່ວຍພັກຊຸດເກົ່າກໍ່ໄດ້ຜ່ານບົດສຳຫຼວດການນຳພາລວມ ພ້ອມທັງກ່າວລາໜ້າທີ່. ຈາກນັ້ນ ຜູ້ແທນກອງປະຊຸມກໍ່ໄດ້ໃຊ້ສິດປະຊາທິປະໄຕຂອງຕົນຍົກບັດປະຊາມະຕິເລືອກເອົາຄະນະໜ່ວຍພັກຊຸດໃໝ່ 3 ສະຫາຍ, ກອງປະຊຸມຄັ້ງປະຖົມມະລືກໄດ້ເຫັນດີເປັນເອກະພາບເລືອກເອົາສະຫາຍ ສົມຊາຍ ທຳມະວົງ ເປັນເລຂາໜ່ວຍພັກ, ສະຫາຍ ໄຊພອນ ລິນທະວົງ ເປັນຮອງເລຂາ ( ຜູ້ກວດກາພັກ), ສະຫາຍ ວິນຢາງ ເນັ້ງຢາງ ເປັນຄະນະໜ່ວຍພັກ.
(ຂ່າວ-ພາບ: ສົມພົງ ສີສະຫັວດ)
ໃນກອງປະຊຸມ, ສະຫາຍ ສົມຊາຍ ທຳມະວົງ ໄດ້ຂຶ້ນຜ່ານບົດລາຍງານການເມືອງທັງ 2 ພາກ, ບາງຕອນສະຫາຍກ່າວວ່າ: ໜ່ວຍພັກອົງການໄອຍະການປະຊາຊົນເຂດ I ເປັນການຈັດຕັ້ງຮາກຖານພັກໜຶ່ງທີ່ຂຶ້ນກັບຄະນະປະຈໍາພັກເມືອງ, ພາຍໃຕ້ການນຳພາ-ຊີ້ນໍາໂດຍກົງຂອງອົງຄະນະພັກເມືອງໄຊຍະບູລີ, ເຄື່ອນໄຫວເຮັດໜ້າທີ່ສຶກສາອົບຮົມການເມືອງ-ແນວຄິດໃຫ້ສະມາຊິກພັກ ແລະ ພະນັກງານ-ລັດຖະກອນ ຈັດຕັ້ງປະຕິບັດແນວທາງແຜນນະໂຍບາຍ, ມະຕິ, ຄໍາສັ່ງ, ຂໍ້ກໍານົດ, ກົດລະບຽບຂອງພັກ ແລະ ກົດໝາຍຂອງລັດໃຫ້ປະກົດຜົນເປັນຈິງ; ເອົາໃຈໃສ່ນຳພາ-ຊີ້ນຳໃຫ້ບັນດາໜ່ວຍງານປະຕິບັດໜ້າທີ່ວຽກງານວິຊາສະເພາະຂອງຕົນສະອອກຄື: ໄດ້ເອົາໃຈໃສ່ນໍາພາຕິດຕາມກວດກາ ການນຳໃຊ້ວິທີການສືບສວນ-ສອບສວນ ແລະ ໄດ້ອອກມາດຕະການທາງດ້ານກົດໝາຍທັງໝົດ 1.154 ສະບັບ ຄື: ຄໍາສັ່ງກັກຂັງພາງ 997 ສະບັບ, ຄໍາສັ່ງກວດຄົ້ນເຄຫະສະຖານ 44 ສະບັບ, ຄໍາສັ່ງຈັບຕົວ 59 ສະບັບ, ຄໍາສັ່ງປ່ອຍຕົວພາງ 12 ສະບັບ ແລະ ຄໍາສັ່ງແນະນໍາ 42 ສະບັບ; ໄດ້ຮັບສຳນວນຄະດີອາຍາທັງໝົດ 196 ເລື່ອງ. ໃນນັ້ນ ຖະແຫຼງສັ່ງຟ້ອງຂຶ້ນສານ 131 ເລື່ອງ, ສົ່ງຄືນໃຫ້ດຳເນີນການສືບສວນ-ສອບສວນ 52 ເລື່ອງ, ຊັດມ້ຽນຄະດີ 13 ເລື່ອງ, ລວມທັງໝົດທີ່ໄດ້ຄົ້ນຄ້ວາ ແລະ ມີຄຳເຫັນແລ້ວ 196 ເລື່ອງ ເທົ່າກັບ100%; ໄດ້ນຳພາຕິດຕາມກວດກາຄະດີ ມີຄະດີແພ່ງ-ຄອບຄົວ ເຂົ້າໃໝ່ 177 ເລື່ອງ, ແກ້ໄຂສໍາເລັດ 177 ເລື່ອງເທົ່າກັບ 100%; ໄດ້ລົງສົບທົບເຈົ້າໜ້າທີ່ຄຸມຂັງ-ດັດສ້າງ ກວດກາເກັບກໍາສະຖິຕິ ແລະ ການປະຕິບັດກົດໝາຍຂອງເຈົ້າໜ້າທີ່ ຢູ່ສະຖານທີ່ກັກຕົວ, ກັກຂັງ, ຄ້າຍດັດສ້າງ ແລະ ສູນດັດສ້າງເດືອນລະ 4 ຄັ້ງ ໄລຍະ 5 ປີຜ່ານມາ ສາມາດເກັບກໍາໄດ້ດັ່ງນີ້: ຜູ້ຖືກຫາທັງໝົດ 1.047 ຄົນ, ຍິງ 134 ຄົນ, ນັກໂທດມີ 171 ຄົນ ຍິງ 33 ຄົນ ແລະ ຜູ້ຖືກດັດສ້າງທາງບໍລິຫານມີ 3.900 ຄົນ, ຍິງ 287 ຄົນ; ຈາກນັ້ນ ໃນກອງປະຊຸມກໍໄດ້ຮັບຟັງການຜ່ານແຜນພັດທະນາວຽກງານຂອງອົງການໄອຍະການ 5 ປີຕໍ່ໜ້າປີ 2025-2029, ພ້ອມນີ້ໃນກອງປະຊຸມຄະນະໜ່ວຍພັກຊຸດເກົ່າກໍ່ໄດ້ຜ່ານບົດສຳຫຼວດການນຳພາລວມ ພ້ອມທັງກ່າວລາໜ້າທີ່. ຈາກນັ້ນ ຜູ້ແທນກອງປະຊຸມກໍ່ໄດ້ໃຊ້ສິດປະຊາທິປະໄຕຂອງຕົນຍົກບັດປະຊາມະຕິເລືອກເອົາຄະນະໜ່ວຍພັກຊຸດໃໝ່ 3 ສະຫາຍ, ກອງປະຊຸມຄັ້ງປະຖົມມະລືກໄດ້ເຫັນດີເປັນເອກະພາບເລືອກເອົາສະຫາຍ ສົມຊາຍ ທຳມະວົງ ເປັນເລຂາໜ່ວຍພັກ, ສະຫາຍ ໄຊພອນ ລິນທະວົງ ເປັນຮອງເລຂາ ( ຜູ້ກວດກາພັກ), ສະຫາຍ ວິນຢາງ ເນັ້ງຢາງ ເປັນຄະນະໜ່ວຍພັກ.
(ຂ່າວ-ພາບ: ສົມພົງ ສີສະຫັວດ)
