ໂດຍ: ພູວັນ
ວັນທີ 7 ຕຸລາ ແມ່ນວັນຄູແຫ່ງຊາດ ຊຶ່ງປີນີ້ໄດ້ໝູນວຽນມາບັນຈົບຄົບຮອບ 30 ປີ (7 ຕຸລາ 1994-7 ຕຸລາ 2024) ການຈັດວັນຄູແຫ່ງຊາດເພື່ອໃຫ້ພົນລະເມືອງລາວທຸກຊົນເຜົ່າທຸກຊັ້ນຄົນໄດ້ສະແດງຄວາມກະຕັນຍູຮູ້ບຸນຄຸນຕໍ່ຄູ-ອາຈານທີ່ໄດ້ສິດສອນຕົນເອງມາແຕ່ເຍົາໄວ ເປັນການເຊີດຊູກຽດສັກສີຖານະບົດບາດຄຸນງາມຄວາມດີຕໍ່ຄູຕໍ່ປະເທດຊາດໃນໄລຍະຜ່ານມາ ກໍຄືປັດຈຸບັນທົດສະວັດທີ່ຜ່ານມາ ພັກ-ລັດຖະບານເວລາໃດກໍໃຫ້ຄວາມສຳຄັນ ແລະ ເອົາໃຈໃສ່ຕໍ່ການພັດທະນາຄູ ແລະ ຖືເອົາຄູເປັນຂອດສຳຄັນກວ່າໝູ່ໃນການຕັດສິນຄຸຸນນະພາບຂອງການສຶກສາ ແລະ ການພັດທະນາຊັບພະຍາກອນມະນຸດ ທັງໃຫ້ນາມມະຍົດແກ່ຄູວ່າ: ຄູເປັນຄົນຂອງພັກ ຄູແມ່ນວິສະວະກອນແຫ່ງດວງວິນຍານ ຄູເປັນຜູ້ໃຫ້ຄວາມຮູ້ໂດຍຖືສຳຄັນຄຳເວົ້າທີ່ວ່າ ປະເທດຈະນ້ອຍຫຼືໃຫຍ່ຕ້ອງພັດທະນາຄົນໃຫ້ມີຄວາມກ້າວໜ້າຕ້ອງພັດທະນາຄູໃຫ້ມີຄວາມສາມາດ ຖ້າມີບຸກຄະລາກອນທີ່ມີຄວາມຮູ້-ຄວາມສາມາດ ຕ້ອງມີຄູ-ອາຈານທີ່ເກັ່ງ ຄູມີຄວາມສຳຄັນທີ່ສຸດຕໍ່ການພັດທະນາຄົນ ຍ້ອນໄດ້ຮັບຄວາມເອົາໃຈໃສ່ຕໍ່ພັກ-ລັດ ແລະ ຄວາມເອົາໃຈໃສ່ຂອງພະນັກງານຄູ-ອາຈານ, ຜູ້ບໍລິຫານການສຶກສາກິລາແຕ່ລະຂັ້ນຂອງທຸກພາກສ່ວນຕໍ່ສັງຄົມຕ້ອງພັດທະນາຖັນແຖວຄູ-ອາຈານ ເຮັດໃຫ້ວຽກງານການສຶກສາ ແລະ ກິລາຂອງລາວເພື່ອໃຫ້ມີການພັດທະນາດີຂຶ້ນຢ່າງເປັນຮູບປະທຳ ນັບທັງດ້ານປະລິມານ ແລະ ຄຸນນະພາບ ເວົ້າສະເພາະຖັນແຖວຄູ-ອາຈານສາມາດຕອບສະໜອງໄດ້ໂດຍພື້ນຖານຕາມຄວາມຮຽກຮ້ອງຕ້ອງການຂອງການຮຽນ-ການສອນ.
ທ່ານ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ (ສສກ) ກ່າວວ່າ: ຄູແມ່ນຄົນຂອງພັກ, ຄູແມ່ນແມ່ພິມຂອງຊາດ ແລະ ມີບົດບາດສຳຄັນທີ່ສຸດຕໍ່ການພັດທະນາຊັບພະຍາກອນມະນຸດຂອງຊາດ ລັດຖະບານໃຫ້ຄວາມສຳຄັນ ແລະ ເອົາໃຈໃສ່ຕໍ່ວຽກງານການສຶກສາຄູ ແລະ ຖືເອົາຄູຍົກສູງຄຸນນະພາບການສຶກສາ ກໍຄືການພັດທະນາຊັບພະຍາກອນມະນຸດເພາະຄູມີບົດບາດສຳຄັນໃນການສ້າງອະນາຄົດຂອງຊາດ, ຄູແມ່ນຄົນຂອງພັກ ຄູແມ່ນວິສະວະກອນແຫ່ງດວງວິນຍານ ຄູແມ່ນແມ່ພິມຂອງຊາດ ຄູແມ່ນພໍ່ແມ່ຜູ້ທີ່ສອງຂອງເດັກ ຄູແມ່ນຜູ້ທີ່ໃຫ້ຄວາມຮູ້ ແລະ ປະສົບການທີ່ສາມາດຖ່າຍທອດຄວາມຮູ້ໃຫ້ແກ່ຜູ້ອື່ນ ຄູຄືຜູ້ນໍາພາທາງໃນການປ່ຽນແປງໃໝ່.
ໃນ 3 ທົດສະວັດຜ່ານມາເຖິງວ່າຄູ-ອາຈານໄດ້ຮັບຄວາມເບິ່ງແຍງເອົາໃຈໃສ່ເປັນພິເສດຈາກລັດຖະບານ ໂດຍສະເພາະດ້ານໂຕເລກລັດຖະກອນທີ່ຂະແໜງການສຶກສາໄດ້ຮັບໃນແຕ່ລະປີແມ່ນຫຼາຍກວ່າຂະແໜງການອື່ນ ນອກຈາກນີ້ຍັງມີນະໂຍບາຍອື່ນໆ ໃນນັ້ນລວມເຖິງນະໂຍບາຍຕໍ່ຄູອາສາສະໝັກ ອີງໃສ່ຄວາມຮຽກຮ້ອງຕ້ອງການແລ້ວຈຳນວນຄູຍັງບໍ່ທັນຕອບສະໜອງໄດ້ກັບຄວາມຮຽກຮ້ອງຕ້ອງການທາງດ້ານປະລິມານ ແລະ ຄຸນນະພາບ ຈຶ່ງເຮັດໃຫ້ຫຼາຍທ້ອງຖິ່ນໄດ້ຮັບເອົາຄູອາສາສະໝັກມາສອນຊ່ວຍ ແຕ່ກົງກັນຂ້າມໂກຕ້າລັດຖະກອນຄູມີຈຳກັດບວກກັບສະພາບເສດຖະກິດຂອງປະເທດທີ່ເກີດຂຶ້ນປັດຈຸບັນຈຶ່ງເຮັດໃຫ້ເກີດປະກົດການຫຍໍ້ທໍ້ໃນຖັນແຖວຄູອາສາສະໝັກໄດ້ຫຼາຍສົມຄວນ ແລະ ກາຍເປັນບັນຫາທ້າທາຍບໍ່ໜ້ອຍໃນຂະແໜງການສຶກສາທີ່ຕ້ອງໄດ້ສືບຕໍ່ປັບປຸງໃຫ້ດີຂຶ້້ນ.
ທ່ານ ທອງລຸນ ສີສຸລິດ ປະທານປະເທດມີຄຳເຫັນວ່າ: ປະທານ ໄກສອນ ພົມວິຫານໄດ້ປະກາດແລ້ວວ່າຄູແມ່ນຄົນຂອງພັກ ການສຶກສາສ້າງຄົນ ຄົນສ້າງຊາດ. ສະນັ້ນ, ໃນຕໍ່ໜ້ານີ້ຖ້າຢາກປັບປຸງການສຶກສາຂອງລາວໃຫ້ດີຂຶ້ນກວ່າເກົ່າຄູຕ້ອງເອົາໃຈໃສ່ໃນການສິດສອນໃຫ້ດີຂຶ້ນກວ່າເກົ່າ ແລະ ເຮັດໃຫ້ນັກຮຽນ ຮັກການຮຽນຫຼາຍຂຶ້ນກວ່າເກົ່າ.
ວັນທີ 7 ຕຸລາ ແມ່ນວັນຄູແຫ່ງຊາດ ຊຶ່ງປີນີ້ໄດ້ໝູນວຽນມາບັນຈົບຄົບຮອບ 30 ປີ (7 ຕຸລາ 1994-7 ຕຸລາ 2024) ການຈັດວັນຄູແຫ່ງຊາດເພື່ອໃຫ້ພົນລະເມືອງລາວທຸກຊົນເຜົ່າທຸກຊັ້ນຄົນໄດ້ສະແດງຄວາມກະຕັນຍູຮູ້ບຸນຄຸນຕໍ່ຄູ-ອາຈານທີ່ໄດ້ສິດສອນຕົນເອງມາແຕ່ເຍົາໄວ ເປັນການເຊີດຊູກຽດສັກສີຖານະບົດບາດຄຸນງາມຄວາມດີຕໍ່ຄູຕໍ່ປະເທດຊາດໃນໄລຍະຜ່ານມາ ກໍຄືປັດຈຸບັນທົດສະວັດທີ່ຜ່ານມາ ພັກ-ລັດຖະບານເວລາໃດກໍໃຫ້ຄວາມສຳຄັນ ແລະ ເອົາໃຈໃສ່ຕໍ່ການພັດທະນາຄູ ແລະ ຖືເອົາຄູເປັນຂອດສຳຄັນກວ່າໝູ່ໃນການຕັດສິນຄຸຸນນະພາບຂອງການສຶກສາ ແລະ ການພັດທະນາຊັບພະຍາກອນມະນຸດ ທັງໃຫ້ນາມມະຍົດແກ່ຄູວ່າ: ຄູເປັນຄົນຂອງພັກ ຄູແມ່ນວິສະວະກອນແຫ່ງດວງວິນຍານ ຄູເປັນຜູ້ໃຫ້ຄວາມຮູ້ໂດຍຖືສຳຄັນຄຳເວົ້າທີ່ວ່າ ປະເທດຈະນ້ອຍຫຼືໃຫຍ່ຕ້ອງພັດທະນາຄົນໃຫ້ມີຄວາມກ້າວໜ້າຕ້ອງພັດທະນາຄູໃຫ້ມີຄວາມສາມາດ ຖ້າມີບຸກຄະລາກອນທີ່ມີຄວາມຮູ້-ຄວາມສາມາດ ຕ້ອງມີຄູ-ອາຈານທີ່ເກັ່ງ ຄູມີຄວາມສຳຄັນທີ່ສຸດຕໍ່ການພັດທະນາຄົນ ຍ້ອນໄດ້ຮັບຄວາມເອົາໃຈໃສ່ຕໍ່ພັກ-ລັດ ແລະ ຄວາມເອົາໃຈໃສ່ຂອງພະນັກງານຄູ-ອາຈານ, ຜູ້ບໍລິຫານການສຶກສາກິລາແຕ່ລະຂັ້ນຂອງທຸກພາກສ່ວນຕໍ່ສັງຄົມຕ້ອງພັດທະນາຖັນແຖວຄູ-ອາຈານ ເຮັດໃຫ້ວຽກງານການສຶກສາ ແລະ ກິລາຂອງລາວເພື່ອໃຫ້ມີການພັດທະນາດີຂຶ້ນຢ່າງເປັນຮູບປະທຳ ນັບທັງດ້ານປະລິມານ ແລະ ຄຸນນະພາບ ເວົ້າສະເພາະຖັນແຖວຄູ-ອາຈານສາມາດຕອບສະໜອງໄດ້ໂດຍພື້ນຖານຕາມຄວາມຮຽກຮ້ອງຕ້ອງການຂອງການຮຽນ-ການສອນ.
ທ່ານ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ (ສສກ) ກ່າວວ່າ: ຄູແມ່ນຄົນຂອງພັກ, ຄູແມ່ນແມ່ພິມຂອງຊາດ ແລະ ມີບົດບາດສຳຄັນທີ່ສຸດຕໍ່ການພັດທະນາຊັບພະຍາກອນມະນຸດຂອງຊາດ ລັດຖະບານໃຫ້ຄວາມສຳຄັນ ແລະ ເອົາໃຈໃສ່ຕໍ່ວຽກງານການສຶກສາຄູ ແລະ ຖືເອົາຄູຍົກສູງຄຸນນະພາບການສຶກສາ ກໍຄືການພັດທະນາຊັບພະຍາກອນມະນຸດເພາະຄູມີບົດບາດສຳຄັນໃນການສ້າງອະນາຄົດຂອງຊາດ, ຄູແມ່ນຄົນຂອງພັກ ຄູແມ່ນວິສະວະກອນແຫ່ງດວງວິນຍານ ຄູແມ່ນແມ່ພິມຂອງຊາດ ຄູແມ່ນພໍ່ແມ່ຜູ້ທີ່ສອງຂອງເດັກ ຄູແມ່ນຜູ້ທີ່ໃຫ້ຄວາມຮູ້ ແລະ ປະສົບການທີ່ສາມາດຖ່າຍທອດຄວາມຮູ້ໃຫ້ແກ່ຜູ້ອື່ນ ຄູຄືຜູ້ນໍາພາທາງໃນການປ່ຽນແປງໃໝ່.
ໃນ 3 ທົດສະວັດຜ່ານມາເຖິງວ່າຄູ-ອາຈານໄດ້ຮັບຄວາມເບິ່ງແຍງເອົາໃຈໃສ່ເປັນພິເສດຈາກລັດຖະບານ ໂດຍສະເພາະດ້ານໂຕເລກລັດຖະກອນທີ່ຂະແໜງການສຶກສາໄດ້ຮັບໃນແຕ່ລະປີແມ່ນຫຼາຍກວ່າຂະແໜງການອື່ນ ນອກຈາກນີ້ຍັງມີນະໂຍບາຍອື່ນໆ ໃນນັ້ນລວມເຖິງນະໂຍບາຍຕໍ່ຄູອາສາສະໝັກ ອີງໃສ່ຄວາມຮຽກຮ້ອງຕ້ອງການແລ້ວຈຳນວນຄູຍັງບໍ່ທັນຕອບສະໜອງໄດ້ກັບຄວາມຮຽກຮ້ອງຕ້ອງການທາງດ້ານປະລິມານ ແລະ ຄຸນນະພາບ ຈຶ່ງເຮັດໃຫ້ຫຼາຍທ້ອງຖິ່ນໄດ້ຮັບເອົາຄູອາສາສະໝັກມາສອນຊ່ວຍ ແຕ່ກົງກັນຂ້າມໂກຕ້າລັດຖະກອນຄູມີຈຳກັດບວກກັບສະພາບເສດຖະກິດຂອງປະເທດທີ່ເກີດຂຶ້ນປັດຈຸບັນຈຶ່ງເຮັດໃຫ້ເກີດປະກົດການຫຍໍ້ທໍ້ໃນຖັນແຖວຄູອາສາສະໝັກໄດ້ຫຼາຍສົມຄວນ ແລະ ກາຍເປັນບັນຫາທ້າທາຍບໍ່ໜ້ອຍໃນຂະແໜງການສຶກສາທີ່ຕ້ອງໄດ້ສືບຕໍ່ປັບປຸງໃຫ້ດີຂຶ້້ນ.
ທ່ານ ທອງລຸນ ສີສຸລິດ ປະທານປະເທດມີຄຳເຫັນວ່າ: ປະທານ ໄກສອນ ພົມວິຫານໄດ້ປະກາດແລ້ວວ່າຄູແມ່ນຄົນຂອງພັກ ການສຶກສາສ້າງຄົນ ຄົນສ້າງຊາດ. ສະນັ້ນ, ໃນຕໍ່ໜ້ານີ້ຖ້າຢາກປັບປຸງການສຶກສາຂອງລາວໃຫ້ດີຂຶ້ນກວ່າເກົ່າຄູຕ້ອງເອົາໃຈໃສ່ໃນການສິດສອນໃຫ້ດີຂຶ້ນກວ່າເກົ່າ ແລະ ເຮັດໃຫ້ນັກຮຽນ ຮັກການຮຽນຫຼາຍຂຶ້ນກວ່າເກົ່າ.
