ໃນວັນທີ 4 ພະຈິກນີ້ ຢູ່ທີ່ຫ້ອງປະຊຸມໃຫຍ່ຂອງເມືອງພຽງ ແຂວງໄຊຍະບູລີ ໂດຍການເປັນກຽດເຂົ້າຮ່ວມຂອງທ່ານ ບຸດສະກອນ ອິນທະລັງສີ ເຈົ້າເມືອງໆພຽງ, ມີບັນດາການນຳຂອງເມືອງຫົວໜ້າຮອງຫົວໜ້າຫ້ອງການ ພ້ອມດ້ວຍພະນັກງານຫ້ອງວ່າການເມືອງເຂົ້າຮ່ວມ.

ໃນພິທີ, ທ່ານ ບຸນຕ້ອງ ປັນຍາຄຳ ຮອງເຈົ້າເມືອງໆພຽງ ຜູ້ເກົ່າໄດ້ຜ່ານບົດບັນທຶກການມອບ-ຮັບວຽກລະຫວ່າງຮອງເຈົ້າເມືອງຜູ້ເກົ່າ ແລະ ຮອງເຈົ້າເມືອງຜູ້ໃໝ່ ໂດຍໄດ້ຍົກໃຫ້ເຫັນຜົນສຳເລັດກໍຄືຜົນງານທີ່ທ່ານຮອງເຈົ້າເມືອງຜູ້ເກົ່າໄດ້ຈັດຕັ້ງປະຕິບັດໃນໄລຍະ 5 ປີຜ່ານມາ.

ໂອ້ກາດນີ້, ກໍໄດ້ເຊັນບົດບັນທຶກມອບ-ຮັບໜ້າທີ່ລະຫວ່າງທ່ານ ບຸນຕ້ອງ ປັນຍາຄຳ ຮອງເຈົ້າເມືອງພຽງຜູ້ເກົ່າ ແລະ ທ່ານ ບຸນທະວີ ຊົງເຮີ ຮອງເຈົ້າເມືອງພຽງຜູ້ໃໝ່.

(ແຫຼ່ງຂ່າວ: ເມືອງພຽງ)