ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 5 ພະຈິກ ຜ່ານມາທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ໄດ້ນຳພາຄະນະຜູ້ແທນຂັ້ນສູງ ຫວຽດນາມ ເດີນທາງຈາກນະຄອນຫຼວງ ຮ່າໂນ້ຍ, ເຂົ້າຮ່ວມກອງປະຊຸມສຸດຍອດການຮ່ວມມືເຂດແມ່ນ້ຳຂອງ ເປີດກວ້າງ (GMS) ຄັ້ງທີ 8 ຕາມຄຳເຊື້ອເຊີນຂອງທ່ານ ຫຼີສຽງ ນາຍົກລັດຖະມົນຕີ ຈີນ, ພ້ອມທັງເຂົ້າຮ່ວມກອງປະຊຸມສຸດຍອດຍຸດທະສາດການຮ່ວມມືເສດຖະກິດ Ayeyawady - Chao Phraya – Mekong (ACMECS) ຄັ້ງທີ 10, ກອງປະຊຸມສຸດຍອດການຮ່ວມມື ກຳປູເຈຍ - ລາວ - ມຽນມາ - ຫວຽດນາມ (CLMV) ຄັ້ງທີ 11 ແລະ ເຮັດວຽກຢູ່ຈີນ ໃນລະຫວ່າງວັນທີ 5 – 8 ພະຈິກ ນີ້.

ການເດີນທາງໄປປະຕິບັດງານຂອງທ່ານ ຟ້າມມິງຈິງ ໄດ້ຮັບການຄາດຫວັງວ່າຈະຍົກສູງຄວາມໄວ້ເນື້ອເຊື່ອໃຈດ້ານການເມືອງລະຫວ່າງ ຫວຽດນາມ ກັບ ອະນຸພາກພື້ນແມ່ນ້ຳຂອງ; ຢັ້ງຢືນ ຫວຽດນາມ ຍາມໃດກໍຖືເປັນສຳຄັນບັນດາກົນໄກອະນຸພາກພື້ນ ແມ່ນ້ຳຂອງ, ໃນນັ້ນຖື GMS ແລະ ACMECS ແມ່ນກົນໄກທີ່ມີຄວາມໝາຍຍຸດທະສາດ, ຕິດພັນກັບບັນດາຄູ່ຮ່ວມມືສຳຄັນແຖວໜ້າຂອງ ຫວຽດນາມ, ຖື CLMV ແມ່ນກົນໄກເພື່ອແນໃສ່ເພີ່ມທະວີການໜູນຊ່ວຍ ແລະ ຄວາມເອົາໃຈໃສ່ຂອງປະຊາຄົມສາກົນ ຕໍ່ການພັດທະນາຂອງອະນຸພາກພື້ນ ແມ່ນ້ຳຂອງ.